شوربة كريما الكراث و البطاطا


         وصفة : منى                 2007/03/27                 14 تعليقات
شوربة كريما الكراث و البطاطا

·          تزال الأوراق الخشنة للكراث و ينظف جيدا ثم يقطع الجزء الأبيض مع الجزء الأخضر الطري بشكل خشن .

·          تقشر البطاطا و تقطع مكعبات و يفرم البصل خشناً .

·          تذوب الزبدة على النار و يقلب فيها الكراث و البصل لمدة 10 دقائق تقريباً على نار هادئة .

·          تضاف مكعبات البطاطا و تقلب لعشر دقائق أخرى ثم يضاف المرق و تتبل الشوربة بالملح و الفلفل و بعد أن تغلي تهدى النار و تترك الشوربة لمدة 15 – 20 دقيقة تقريباً .

·          يوضع المزيج في الخلاط و يهرس حتى يصبح ناعماً ثم يعاد للقدر .

·          تضاف مكعبات الجبنة للشوربة و تقلب على نار متوسطة حتى تذوب المكعبات تماماً , يضاف الحليب أو الكريما ثم تسخن الشوربة من دون أن تغلي و تسكب في طبق التقديم و يمكن أن تزين بأعواد البصل المفروم ناعماً ثم  تقدم فوراً .  




2 ملعقة كبيرة زبدة
حزمة كراث ( ما يعادل نصف كيلو )
2 حبة كبيرة بطاطا
بصلة كبيرة
5 كوب مرق
ملح و فلفل أبيض مطحون طازج
5 ملعقة كبيرة جبنة كريم متل فيلادلفيا و إذا لم تتوفر يمكن استخدام 5 مكعبات من كيري
نصف كوب حليب أو كريما

أعواد بصل أخضر للزينة




• تزال الأوراق الخشنة للكراث و ينظف جيدا ثم يقطع الجزء الأبيض مع الجزء الأخضر الطري بشكل خشن .

• تقشر البطاطا و تقطع مكعبات و يفرم البصل خشناً .

• تذوب الزبدة على النار و يقلب فيها الكراث و البصل لمدة 10 دقائق تقريباً على نار هادئة .

• تضاف مكعبات البطاطا و تقلب لعشر دقائق أخرى ثم يضاف المرق و تتبل الشوربة بالملح و الفلفل و بعد أن تغلي تهدى النار و تترك الشوربة لمدة 15 – 20 دقيقة تقريباً .

• يوضع المزيج في الخلاط و يهرس حتى يصبح ناعماً ثم يعاد للقدر .

• تضاف مكعبات الجبنة للشوربة و تقلب على نار متوسطة حتى تذوب المكعبات تماماً , يضاف الحليب أو الكريما ثم تسخن الشوربة من دون أن تغلي و تسكب في طبق التقديم و يمكن أن تزين بأعواد البصل المفروم ناعماً ثم تقدم فوراً .
  • وصفات تانية ممكن تعجبك


التعليقات

  1. linda 10 June 2007

    يميييييييييييييييييييي
    خلاص انا بدي عسكر عندك كل يوم شوف شو محضرتيلنا

    اطباقك جديدة ومميزة
    يعطيكي العافية

  2. منى 10 June 2007

    هلا و الله و مية سهلا :)
    انا الي الشرف انك تزوريني كل يوم و تزيني الوصفات بردودك الحلوة و تعليقك ..
    الله يعافي قلبك ليندا

    ممممممم

    جاي على بالي اعمل لك وصفة خصوصي الك ;)
    شو بتحبي ؟؟

  3. linda 10 June 2007

    هلا اختي منى
    يعني بما انك سألتي :roll
    ايه بتمنى تعلميني اكلة كتير بحبا
    و هي اسما محمرة
    ما بعرف ازا بتعرفيا
    هي متل المناقيش بس حرة و انا بحبا كتير و لاني مغتربة ما فيني اشتريها جاهزة
    فياريت لو بتعمليلي ياها بكون ممنونة

    على فكرة هلاء من شوي ساويت السمبوسة و طلعت مقرمشة وبتجنن

  4. منى 10 June 2007

    أكيد بعرفها :)
    ما هي اختصاص حلب ..

    بس يا ترى انت عم تقصدي فطاير الفليفلة و إلا المحمرة :?

    لأن المحمرة هي عبارة عن مقبلات الها نفس قوام الحمص بس محضرة من الفليفلة المجففة , أما فطاير الفليفلة فهي بتشبه المناقيش ؟؟

    ما بتعرفي قديه انبسطت لان جربتي السمبوسك و عجبوك , ان شاء الله مجاري الهنا و الصحة :)

  5. linda 11 June 2007

    صباح الخير اختي منى :)

    ايه انا اصدي فطاير الفليفلة اعتقد فيها فليفلة حمراوبصل وسمسم
    يمكن بندورة و يمكن لاء ما بعرف
    و صاحب المحل ألي انو اسما محمرة
    و بعدها ببالي

    انا كتير مبسوطة لانك بتعرفيها
    اصلا انا مبسوطة بكل الموقع ما بعرف ليش :grin
    يمكن لانو صاحبتو سورية
    ان شاء الله بكره كمان بيصير موقع كبير و مشهور

    يمكن نزعتلك الصفحة بكترة الردود
    لا تواخزيني
    :roll

  6. منى 11 June 2007

    صباح الفل و الياسمين و الورد :)
    خليلي عينك على الكلام الحلو
    إن شاء الله رح يصير طالما في ناس حلوين متلك 8)
    هلأ فطاير الفليفلة أهم الشي بدها دبس فليفلة , ما بعرف إذا متوفرة عندك ..
    بإذن الله الإسبوع الجاي إذا الله راد رح نزل لك طريقتة الفطاير
    و طريقة الدبس فليلفة موجودة في قسم أساسيات :)

    بالعكس أختي انتي بتواجدك و ردودك عم تشجعيني 8)

    منورة ليندا

  7. DOUHA 7 May 2009

    شكلا طيب
    سؤال من فضلك من وين بتجيبي خبر السبانخ مع الفيتا؟؟ من عند جوسي؟؟

    علبتك معي :sigh

  8. منى 8 May 2009

    هلا ضحى :)

    له يا بااطل شو جوسي و ما جوسي , انا بعمله على ايدي :zzz و يعدهاوين الغلبة , ان شاء الله رح نزل طريقته قبل ما يخلص السبانخ من السوق ;)

  9. dado 5 June 2009

    السلام عليكم
    وانا عم بتصفح الموقع بالصدفة اكتشفت اني ارتكبت خطأ شنيع بحق هالشوربة إني لسة ما تغزلت فيها ولا مرة 8)
    يا ستي من أطيب وألذ الشوربات وصارت من قائمة الأكلات يلي بعملها بشكل دائم.. وهي خياري المفضل لما بكون جوعانة وجاي عبالي شي يدفيني ويشبعني عالعشا بدون ما تقل. وحضرتها كم مرة بعزايم وكل يلي داقوها حبوها كمان.

  10. منى 7 June 2009

    هلا دالو حبيبة قلبي :)
    و اخيرا حدا جربها و انضم لحزب مشجعي هل الشوربة لان انا متلك , كتيررر بحبها و بتلاقيني بالشتوية دايما محضرة منها
    الف صحة و هنا على قلبك و قلب كل الي داقها و علوا تبحبشيلي هون و هون ليكون في شي تاني نسيانتيه :zzz

  11. أم الهدى 1 August 2009

    اممممممم يا سلام عليك من يومين جربتها شو طيبة
    عنجد دافية وناعمة ولذيذة شي متل الحلم تسلم دياتك

  12. منى 2 August 2009

    يا عين يا عين , الف صحة و هنا على قلبك حبيبتي ام الهدى , كتير انبسطت انها عجبتك و وصفك في محله :zzz

  13. ام سيمى 9 September 2009

    السلام عليكم
    جزاك الله كل خير اخت منى الشوربة كانت لذيذة جدا ونالك منا دعوة على الافطار في هذا الشهر الكريم ننتظر وصفاتك الجديدة دائما

  14. منى 9 September 2009

    ريتو الف صحة و هنا و عافية ام سيمى , على قلب كل واحدبعيلتك , فردا فردا .
    ان شاء الله الك متل الدعوات الي دعيتيها و احلى باذن الله :)

تقييم الوصفة
عاديةقد أحضرهاجيدةممتازةأكثر من رائعة (No Ratings Yet)