شوربة كريم الجزر


         وصفة : منى                 2012/06/01                 15 تعليقات
شوربة كريم الجزر

شوربة خفيفة و منعشة , و بالنسبة الي طعمتها بتجنن , لاني بحب الجزر كتير و بحب الكريم في الشوربة كتير , و كمان بحب الكزبرة الخضراء كتير و فوق منها بحب لما بتكون الطعمة جديدة و كل هل الاشيا موجودة بهل الوصفة لهيك هي عز الطلب

بالصحة و الهنا




معلقة كبيرة زبدة
2 معلقة كبيرة زيت زيتون
1 حبة كبيرة بصل , مفروم ناعم
ثلاث أرباع كيلو جزر , مقشر و مقطع
1 حبة متوسطة بطاطا , مقشرة و مقطعة
معلقة صغيرة كزبرة يابسة
1 حبة فلفل أخضر أو أحمر حر , مقسوم لنصفين و منزوع البذر ( اختياري )
4 – 6 كوب مرق دجاج
نصف باقة صغيرة كزبرة خضراء , مفرومة
1 كوب كريم سائل





• يقلب البصل في الزبدة و الزيت حتى يشقر , يضاف الجزر و البطاطا و الكزبرة اليابسة و حبة الفلفل في حال استعماله و يقلب لمدة 10 دقائق في مزيج الزبدة اللذيذ .

• يغمر الجزر بأربع أكواب من المرق و تتبل بالملح و الفلفل و بعد أن يغلي تهدى النار و يغطى القدر و يترك لمدة 20 دقيقة أو حتى ينضج .

• تخفق الشوربة في الخلاط العمودي حتى تنعم , تضاف الكزبرة الخضراء و ثلاث أرباع كمية الكريم و تخفق مرة ثانية . يضاف المزيد من المرق اذا كانت الشوربة سميكة بعض الشي ,

• تصب الشوربة في اطباق التقديم و توزع بقية كمية الكريم عليها و تحرك بالملعقة بشكل عشوائي لاضافة لمسة جميلة و تقدم فوراً .


التعليقات

  1. karamela 14 July 2012

    يسلمواهالايدين يامنى وشكرا لانك استفقدتينا بطبق ظريف قبل رمضان
    ياريت تكتري من هالاطباق الظريفة لحتى نجربها برمضان
    وانالاني بعرف انك مابترفضي طلب لحدا رح اطلب..
    بدنا طبق سمك فيليه جديد وطبق جاج بالفرن جديد وطبق معكرونة جديد لاني جربت اللي انتي حاطتيهن بالموقع وكله طيب

  2. ام محمد 15 July 2012

    يسلمو دياتك وكل عام وانت بألف خير :)

  3. Mona 18 July 2012

    هلا كرميلا :)
    الله يسلملك يا قمر , و ان شاء الله في على رمضان اشيا حلوة و جديدة رح تعجبك

    صحتين و عوافي و تكرم عيونك , رح نزل وصفات جديدة تحبيها , بس يمكن اتاخر بفيليه السمك ;)

  4. Mona 18 July 2012

    يا هلا ام محمد :)
    و انت بالف الف خير , الله يسلمك حبيبتي

  5. راضية 19 July 2012

    رح ساويها في رمضان ان شاء الله …أكيد رح تكون كتيييييييير طيبة…شكرا على كل هذه الوصفات مدام منى…ورمضان مبارك للجميع وكل عام وانتو بخيييييييييييير ان شااااء الله

    • Mona 17 February 2013

      هلا فيك حبيبتي , ان شاء الله تجربيها و تكون يمم و على زوءك

  6. ام عمر 17 February 2013

    اعطيني الموقع الرسمي لاكلاتك وانا كتير بشكرك على هالوصفات بتاخد العقل ابسطيني باكل زاكي

    • Mona 17 February 2013

      هلا ام عمر :)
      هادا هو الموقع الرسمي الي منورة حبيبتي

  7. Kinda 19 February 2013

    عزيزتي منى، موقعك من المواقع المحببة لقلبي ولما بيتوقف الموقع لسبب من عندي او من الصفحة ذاتها بحس حالي ضائعة، فتحت هلق الموقع وشكلو في تحديث جديد، وفي كتير قوائم كنت أشوفا من خلال قائمة مطبخنا، ما قدرت أتصفحها، بليز ساعديني

    • Mona 19 February 2013

      هلا كندة , منور الموقع باخت طيبة و كريمة متلك , فعلا في تحديث بس لسى التصميم ما اكتمل , خلال كم يوم رح يكون جاهز و يصير التصفح اسهل بكتير ان شاء الله

  8. Kinda 19 February 2013

    شكراً يا منى، لقمة طيبة صارت من الأساسيات التي لا غنى عنها، الله يخليلنا ياكي وما ننحرم ابداعاتك

  9. منال 20 February 2013

    سلام عليكم كيفك منى مبروك تحديث الموقع مع انو مالقيت مطبخنا الي بحبه كتير وبرجعله كل ما بدي شي وما حسنت شجل دخول شو السبب؟؟؟ ان شاء الله على طول منورة

    • Mona 20 February 2013

      و عليكم السلام منال , ان شاء الله كم يوم و بيكمل التصميم و كلو بيظهر و يبان…
      منور باخوات غاليات و عزيزات على قلبي كتير متلك

  10. نور 30 July 2013

    كتير‏ ‏حلو‏ ‏الطبق‏ ‏الله‏ ‏يقويكي‏ ‏‏ ‏‏ ‏
    ياتزى فينا نستعمل عواض الكريما حليب وطجين؟

    • منى 31 July 2013

      هلا حبيبتي , فيكي تستبدليها بحليب كامل الدسم , بيطلع طيب كتير , بس بالكريما اطيب :)

تقييم الوصفة
عاديةقد أحضرهاجيدةممتازةأكثر من رائعة (No Ratings Yet)