شيخ المحشي الباذنجان


         وصفة : منى                 2009/06/10                 8 تعليقات
شيخ المحشي الباذنجان

·          يغسل الباذنجان و يقطع الجزء الأخضر ثم تقطع منه شرحة و يحفر الباذنجان بالملعقة و تفرم الحشوة ناعماً ثم تحفظ جانباً .

·          يثقب الباذنجان المحفور بالشوكة من الأسفل ثم يرش بالملح و يقلب ف حتى تنزل ماء الباذنجان .

·          تحضر الحشوة : يقلب البصل بنصف السمنة أو الزيت حتى يذبل ثم تضاف اللحمة مع التقليب حتى تنضج و يجف مرقها .

·          تتبل الحشوة بالملح و البهار المشكل ثم يضاف جزء من لب الباذنجان المفروم و يقلب .

·          تقشر البندورة و تفرم ناعماً . تفرم الفليلفة لمكعبات صغيرة ثم تمزج مع بقية لب الباذنجان و الماء و تفرش في قاع صينية فرن ثم تتبل بالقليل من الملح و البهار المشكل .

·          يغسل الباذنجان من الملح و يحشى بالحشوة المجهزة ثم ترتب في الصينية و يغطى الباذنجان بالشرحة التي قطعت سابقاً ثم تغلف الصينية بورق الألمنيوم .

·          تخبز الصينية في الفرن لمدة ساعة أو أكثر حتى تنضج .

·          بعد أن ينضج الباذنجان يرفع القصدير و ترجع الصينية للفرن حتى يحمر الوجه و هنا قمت بدهن باقي السمنة أو الزيت على كل حبة لإضفاء اللمعان الجميل لحبات الباذنجان . ثم تقدم مع الخبز العربي أو مع الرز الأبيض حسب الرغبة .
 






كيلو باذنجان من الحجم المتوسط
كيلو بندورة ناضجة
حبة كبيرة فليفلة خضراء أو حمراء
كوب ماء

الحشوة :

ملعقة كبيرة سمنة أو زيت زيتون
ربع كيلو لحمة مفرومة ناعم
حبة بصل من الحجم المتوسط
ملح
نصف ملعقة صغيرة بهار مشكل





• يغسل الباذنجان و يقطع الجزء الأخضر ثم تقطع منه شرحة و يحفر الباذنجان بالملعقة و تفرم الحشوة ناعماً ثم تحفظ جانباً .

• يثقب الباذنجان المحفور بالشوكة من الأسفل ثم يرش بالملح و يقلب ف حتى تنزل ماء الباذنجان .

• تحضر الحشوة : يقلب البصل بنصف السمنة أو الزيت حتى يذبل ثم تضاف اللحمة مع التقليب حتى تنضج و يجف مرقها .

• تتبل الحشوة بالملح و البهار المشكل ثم يضاف جزء من لب الباذنجان المفروم و يقلب .

• تقشر البندورة و تفرم ناعماً . تفرم الفليلفة لمكعبات صغيرة ثم تمزج مع بقية لب الباذنجان و الماء و تفرش في قاع صينية فرن ثم تتبل بالقليل من الملح و البهار المشكل .

• يغسل الباذنجان من الملح و يحشى بالحشوة المجهزة ثم ترتب في الصينية و يغطى الباذنجان بالشرحة التي قطعت سابقاً ثم تغلف الصينية بورق الألمنيوم .

• تخبز الصينية في الفرن لمدة ساعة أو أكثر حتى تنضج .

• بعد أن ينضج الباذنجان يرفع القصدير و ترجع الصينية للفرن حتى يحمر الوجه و هنا قمت بدهن باقي السمنة أو الزيت على كل حبة لإضفاء اللمعان الجميل لحبات الباذنجان . ثم تقدم مع الخبز العربي أو مع الرز الأبيض حسب الرغبة .
  • وصفات تانية ممكن تعجبك


التعليقات

  1. ام نور 10 June 2009

    السلام عليكم
    شو هالاكلة فعلا كتير مناسبة لا الريجيم الله يجزيك كل خير يا رب يا احلى منى اكيد رح جربا خصوصي انا من عشاق الباتنجان وللاسف اغلب الاكلات الي فيا باتنجان بيكون مقلي فهاي شكلا خفيفة وطيبة

  2. أم الهدى 10 June 2009

    هههههههههههه عنجد لذوذة هالفكرة تسلم دياتك المبدعة
    وانا فعلا بأيدك بكلامك لأني كتير عانيت من موضوع الريجيم وعلى هي بتسمن وهي بتنفخ وهي ما بصير ومن هالحكي وكنت لما أحرم حالي انقهرعنجد من كل قلبي لأنو أحرم حالي وما شوف نتيجة كتير وبالمقارنة غير ي مو حارم حالو شي ومع هيك ما بيسمن فبعد الأسئلة ومتابعة برامج كتير عن التغذية والصحة عموما وصلت لقاعدة انو أتبع أكل صحي أعمل موازنة بين الأكل الدسم والخفيف واتباع قوله تعالى كلوا واشربوا ولا تسرفو

    والحديث نحن قوم لا نأكل حتى نجوع وإذا أكلنا لا نشبع ( بضم النون )

    والانتباه لنوع الأكل والابتعاد عن الأشياء المصنعة ويلي مو طبيعية يعني ننتبه لنوع الأكل نفسه يكون صحي ويفيد الجسم حتى لو كان دسم وهيك شفت نتيجة أكتر لأنو في على النفس لما بتحرمي حالك بتكوني في حالة مزاجية سيئة وبتحسي بالحرمان وهاد بعمل ردة فعل سلبية عندك بتخفف من حرق الدهون وبتعمل العكس
    لهيك متل ما حكيتي الأكل متعة ونعمة لازم نحترمها ونوازن في الأنواع والأصناف
    والله يديم الصحة والعافية ع الجميع

  3. منى 11 June 2009

    هلا ام نور :)
    ان شاء الله تجربيها و تكون على زووءك و تعجبك , يا ستي طيبة و بتستاهل

  4. منى 11 June 2009

    هلا ام هدى :)
    ولي شو بكره الريجيم , كابووس حقيقي مو ممكن حط حالي فيه بمزاجي
    كلامك مزبوط و كمان مهم كتير ان الواحدة فينا ما تتعشى و لا شي

    الله يديم الصحة و الهنا على الجميع و على الكل و لا ننحرم من طيبات ما خلق لنا

    على فكرة هي اول مرة بعرف ان النون في الحديث مضمومة 8)

  5. dado 12 June 2009

    مرحبا
    عجبتني كتير فكرة الوصفات الخفيفة.. وحتى لو ما كانت الوحدة فينا عاملة حمية.. بيبقى الأكل الخفيف صحي وضروري.
    عادة وقت بدي اعمل ريجيم بتبع نظام حساب الحريرات ولقيته كتير مفيد. وفي موقع بعتمد عليه لأنو بيحتوي على جدول شامل للمحتوى الغذائي لأغلب المواد النيئة وحتى المطبوخة.
    حسبت السعرات الحرارية بهالوصفة.. والنتيجة هي 925 كالوري للوصفة في حال استعمال زيت الزيتون وبترتفع النسبة للألف سعرة في حال استعمال السمنة.
    هلأ الرقم يبدو مخيف شوي.. بس هي لكل الوصفة.. وبعتقد إنو المقادير المحطوطة كافية لخمس أشخاص وبالتالي حصة الفرد أقل من 200 كالوري.. يعني هي الوصفة بتشكل 10% من حاجة الشخص اليومية.
    انشالله ما كون طولت.. وبعتقد إذا حطيتي الرقم تحت الوصفة رح يُقرأ أكتر من الرد.
    سلام

  6. آرام 14 June 2009

    لما قرأت الوصفة قلت لحالي ناقصها شوية كوسا وبتصير لحمة بالفرن! بس هالوصفة شكلها مختلف وبدها شوية شغل أكتر، بينما اللحمة بالفرن ما بدها غير فرم الخضار ونحطها بالفرن وبتطلع تحفة .. والصراحة خطر ببالي البارحة أعمل لحمة بالفرن لأنها أسهل ومتعود عليها .. بس قررت بآخر لحظة أجرب هالوصفة .. وفعلاً ما ندمت أبداً .. طلعت كمان تحفة وطيبة كتير .. ما بعرف كيف أوصف طعمتها بالضبط .. يعني لقمة بتشبه اللحمة بالفرن ولقمة بتشبه منسفة الباذنجان .. والأكلتين أنا من عشاقهم منذ الطفولة .. يسلموا ايديك أخت منى على كل لقمة طيبة أكلتها بفضلك.
    بس عندي سؤال لو سمحت عن خبز الطابون .. ما بعرفه .. من سنتين زرت الأردن وانعزمنا عند عائلة فلسطينية كريمة .. عملوا عشا كان أكتر من رائع .. من بين الأكلات كان فيه أكلة فلسطينية لذيذة جداً اسمها مسخن .. عبارة عن نوع من الخبز مع كمية كبيرة من زيت الزيتون والبصل .. يا ترى هو نفسه خبز الطابون؟ وعندك فكرة عن المسخن وكيف بينعمل :roll
    وبالمناسبة .. الجماعة بعد العشا عملوا صينية نابلسية وبالطريقة الأصلية على أصول أصولها .. وهم في الأصل من مدينة نابلس .. ورغم أني بحب النابلسية من زمان كتير وأكلتها بكتير محلات بحلب والشام، وحتى بأحد محلات الحلويات المشهورة في وسط عمان .. بس طعمة هديك النابلسية كانت غير شكل وما بتروح عن بالي أبداً! وهي تحديداً الي خلتني متشوق كتير أتعلم طريقتها :)

  7. منى 14 June 2009

    هلا دالو :)
    خليلي عينك على السعرات الحرارية , و هلا ما بقينا بعازة حدا و رح نحسبها لوحدنا :zzz
    شو طولت و ما طولت بالعكس فضلت و هلا رح اعمل تعديل للوصفة و اكتب السعرات فيها ;)

  8. منى 14 June 2009

    هلا اخ ارام :)
    كتير انبسطت انك قررت بالاخر تجربها و كمان انها عجبتك , ريتو الف صحة و هنا و عافية بكل لقمة .
    و برجع بقلك الشكر الك لثقتك في و لتجربت وصفاتي .

    المسخن على اصوله بده خبز الطابون و هو خبز بيشبه خبز التنور . هلا انا بعمل مسخن بس مو على اصوله , يعني سندويش و بخبز التنور لهيك ما كنت مفكرة نزل وصفته .
    بس من فترة شفت موضوع من اخت فلسطينية و فيه طريقة تحضير خبز الطابون في البيت و في الفرن , ان شاء الله رح حضره بس بالخطة الخمسية و بعدها اكيد بقى بنزل وصفة المسخن على اصولها

    شهيتني دوق من هل الكنافة . سبحان الله اذا كانت ست البيت شاطرة بيطلع اكلها اطيب من المحلات بكتير لان بتحضره بمزاج و بحب . ان شاء الله ربي بيسر و كمان بنزل الكنافة النابلسية او بتنزلها النا امونة , على اعتبارها خبيرة الكنافة في الموقع :)

تقييم الوصفة
عاديةقد أحضرهاجيدةممتازةأكثر من رائعة (No Ratings Yet)