صينية الرز على طريقة البلقان


         وصفة : منى                 2009/02/15                 23 تعليقات
صينية الرز على طريقة البلقان

·          يغسل الأرز ثم ينقع لمدة ساعة بالماء و الملح ثم يغسل و يجفف من الماء .

·          يغسل البصل الأخضر جيداً ثم يفرم مع الجزء الأخضر منه .

·          يقلب البصل بالزيت حتى يطرى , يضاف الرز و يقلب لمدة 3 -4 دقائق على نار هادئة .

·          يضاف الماء المغلي أو المرق المغلي مع القليل من الملح و البهار ثم تغطى الطنجرة و تترك حتى ينضج الرز و يمتص كل الماء .

·          يخفق الحليب و البيض و بيكربونات الصودا جيداً . تضاف الجبنة و الرز المطبوخ و يقلب بلطف باستعمال شوكة .

·          يصب مزيج الرز في صينية بايركس مدهونة و يرش بالجبنة الصفراء المبشورة مع الفليلفة الحمراء الناعمة .

·          تخبز الصينية في الرن المحمى على 180 درجة لمدة 15 – 20 دقيقة أو حتى يحمر الوجه ثم تقدم ساخنة أو فاترة .




3 – 4 حبة بصل أخضر
كوب رز
كوب و ربع كوب مرق أو ماء
كوب حليب
بيضة كبيرة
رشة بيكربونات الصوديم
جبنة مبشورة ( ممكن استعمال جبنة بيضة أو صفراء و الأطيب مزيج من النوعيين )
3 ملعقة كبيرة زيت زيتون
ملح و رشة بهار


للوجه :

المزيد من الجبنة الصفراء
فليلفة حمراء ناعمة





• يغسل الأرز ثم ينقع لمدة ساعة بالماء و الملح ثم يغسل و يجفف من الماء .

• يغسل البصل الأخضر جيداً ثم يفرم مع الجزء الأخضر منه .

• يقلب البصل بالزيت حتى يطرى , يضاف الرز و يقلب لمدة 3 -4 دقائق على نار هادئة .

• يضاف الماء المغلي أو المرق المغلي مع القليل من الملح و البهار ثم تغطى الطنجرة و تترك حتى ينضج الرز و يمتص كل الماء .

• يخفق الحليب و البيض و بيكربونات الصودا جيداً . تضاف الجبنة و الرز المطبوخ و يقلب بلطف باستعمال شوكة .

• يصب مزيج الرز في صينية بايركس مدهونة و يرش بالجبنة الصفراء المبشورة مع الفليلفة الحمراء الناعمة .

• تخبز الصينية في الرن المحمى على 180 درجة لمدة 15 – 20 دقيقة أو حتى يحمر الوجه ثم تقدم ساخنة أو فاترة .
  • وصفات تانية ممكن تعجبك


التعليقات

  1. muna.g.7 16 February 2009

    روعه احنا السعودين نتفنن بالرز واكل الرزمستحيل يمر يوم ما ناكل فيه رز ممكن مرتين في اليوم وهذه الوصفه اختي مني مميزه الحين عالمطبخ جري واو رز وحليب وجبن ومحمره ومقمره ما خليتي شئ

  2. منى 16 February 2009

    هلا منونة حبيبتي :)
    يلا عم استنى رايك و يا رب تكون على زووءك و تعجبك :zzz

  3. سارونات 16 February 2009

    السلام عليكم و رحمة الله و بركاته

    شو هالوصفة اللي بتجنن كتير بحب هيك وصفات بتكون خفيفة و ما فيها لحوم و سهلة و سريعة التحضير خصوصا للصيف
    راح حطها على قائمة التجربة السريعة و راح جربها قريبا ان شاء الله
    بالتوفيق
    سلام

    اختي منى انتبهت انك قلتي اننا نغسل الرز بعد ما ننقعه و نصفيه انا عادة بس بصفيه من ماء النقع و ما بغسله يا ترى بشو بتأثر هالخطوة هل بتأثر على كمية الملح او على نضج الرز
    بالتوفيق
    سلام

  4. منى 16 February 2009

    هلا سارونات :)
    ان شاء الله تجربيها و تعجبك و تكون متل ما بتحبي و اكيد رح تخبريني ;)

    اختي ما في فرق ابدا و الصراحة اذهلتيني من كتر ما عم تنتبهي على التفاصيل , يعني انا كتير كتير باخد بالي من الاشياء الصغيرة بس انتي سيقتيني باشواط :grin

  5. muna.g.7 16 February 2009

    اختي منى جربتها وما بقي بالصحن حبة رز واحده وايش اخبرك بعد كل اهل بيتنا طالبينها بكرة :c

  6. منى 17 February 2009

    الف هنا و عافية و رزق على كل حبة رز :) كتير انبسطت انها عجبتكم منونة , عوافي يا قمر

  7. سارونات 22 February 2009

    السلام عليكم و رحمة الله و بركاته
    طيب اختي منى بينفع تسخن يعني تتحضر للغدا و تسخن في الفرن للعشاء و لما نسخنها هل في طريقةمعينة يعني نغطيها بورق المنيوم و درجة الحرارة بتكون 180 او اقل عند اعادة التسخين

    بالتوفيق
    سلام

  8. منى 22 February 2009

    أختي سخنيها بالطريقة الي تناسبك و انت متعوديتها , بس انا هل الطبق بحسه مو طيب الا تازة , يعني بس ما اتسخن ما عم حبوا كتير ;)

  9. الدمشقية 24 February 2009

    باين عليها وصفة طيبة إن شاء الله بجربها يوم الجمعة على الغدا لأن بنكون كلنا مجتمعين بغذن الله :zzz

  10. الدمشقية 24 February 2009

    بس عذراً حبيبتي منونة شو هي فائدة بيكربونات الصوديوم بهالوصفة :?

  11. منى 24 February 2009

    هلا دمدومة :)
    ان شاء الله تجربيها و تعجبك و تكون متل ما بتحبي , و البيكربونات لحتى تعطي البيض خفة و هشاشة :zzz

  12. سارونات 25 February 2009

    السلام عليكم و رحمة الله و بركاته

    مو معقول هالوصفة شو طيبة و خفيييييييييفة كأنك عم تاكلي سحابة مو رز كتيييييير طيبة و خفيفة و ما بينشبع منها انا ساويت نص الكمية و بعد ما كنا نحكي عن الموساكا اتحولت السيرة لغراتان الرز انا كتير بحب هيك وصفات خفيفة و ساويتها بس بمي و طلعت طيبة كتييير فمابالك لو ساويتها بمرق كمان نسيت حط فلفل احمر مع اني كنت حاطته جنبي :grin و كمان الوصفة اخذت معي وقت اطول بالفرن اكيد لان الافران تختلف
    و شو كمان انا دقت الرز بعد ما انطبخ مع البصل و طلع كتير طيب يعني ممكن حتى هيك يتاكل لحاله

    جازاك الله خيرا اختي منى
    بالتوفيق
    سلام

  13. ام نور 1 March 2009

    شهوني الاخوات جرب هالوصفة عندي سؤال منى الرز كيف بيطلع بالاخير مهروس ولا محافظ على شكله :?

  14. منى 1 March 2009

    هلا سارونات :)

    الف الف عافية يا رب على كل لقمة و عجبتني كتير كلمة سحااابة :eek
    الشكر الك سارونات و عافية و هنا يا رب

  15. منى 1 March 2009

    هلا ام نور :)
    الرز رح يبقى شكله عادي بس اطرى شوي , و ان شاء الله تجربيه و يعجبك :)

  16. كنودة 4 March 2009

    شكلها بتجنن
    و احلى ما فيها انها سهلو و جديدة
    انا على اعتبار اني موظفة :upset فبشجع كل وصفة
    سهلة

  17. منى 4 March 2009

    هلا كنودة :)
    و الله معك حق , الواحدة فينا كتير احيانا بتكون ملحوقة من شغل البيت ,كيف كمان اذا كانت موظفة .

    ان شاء الله تجربيها و تعجبك و تعتمديها ;)

  18. ام نور 6 March 2009

    سلم دياتك يا منى على هالوصفة جربتا عالغدا كتير طيبة وسهلة بس المشكلة الوحيدة اني عملت الكمية كلا فطلعت عندي صينية كبيرة :sigh خطرلي كوب قليل تاري مع باقى المقادير بيكتر يالله خير مرة تانية رح اعمل نصف كوب مشكورة حبيبة قلبي :)

  19. منى 6 March 2009

    هنا و عوافي ام نور على قلبك و قلب الكتاكيت الحلوة :)
    يلا ان شاء الله المرة التانية تعمليها على قدر عيلتك ;)

  20. سارونات 25 June 2009

    السلام عليكم و رحمة الله و بركاته

    اختي منى هلأ ما عم يتوفر البصل الاخضر فهل فيني ساوي الوصفة بالبصل العادي او ما بينفع لان طعمته قوية :?

    بالتوفيق
    سلام

  21. منى 25 June 2009

    يمكن بالبصل الاخضر اطيب بس اذا مو متوفر اكيد فيك تستبدليها و خصوصا ان رح ينطبخ , بس ما تكتري كتير الكمية , ممكن بصلة صغيرة تكفي ;)

  22. semo 13 April 2010

    شو هالاكلة الطيبة يامنوشة ماتوقعتا هيك أبدا

    بتعرفي من شي شهرين حكت معي اختي وقالتلي شوفي صينية الرز شو رأيكك جربها ؟؟ لما شفت حليب وبيض ورز وجبنة قلتلا انا مستحيل جرب هيك وصفة

    ومن باب التنويع قررت أعملها وعملت أكلة تانية جنبا وقلت لجوزي قبل ما يدوق مو مجبور تاكلها اذا ماعجبتك حتى ما اسمع شي كلمة

    بس لما دقناها قلي كتير طيبة وتكرر بشدة

    الله يرضى عليكي ويحرم وجهك عن النار

  23. منى 14 April 2010

    خليلي عيونك على هل الدعوة الي بتبل القلب , ان شاء الله انتي كمان و كل واحد عزيز على البك :)

    الف الف هنا و صحة و عافية , كتير مبسوطة انك تشجعتي و جربتيها و وصفة طيببة كتير :zzz

تقييم الوصفة
عاديةقد أحضرهاجيدةممتازةأكثر من رائعة (2 votes, average: 5.00 out of 5)