براونيز بكريما الخمس دقايق السرية
صينية معكرونة بالبيشاميل ( معكرونة غراتان )
عبوة معكرونة بوزن 250 غرام ( أنا أفضل المعكرونة الشرايط )
جبنة صفراء مبشورة
زبدة لدهن الطبق
الحشوة :
ملعقة كبيرة زبدة أو ملعقتين زيت
نصف كيلو دجاج مشفى من الجلد و العظم
حبة صغيرة بصل
حبة صغيرة فليلفة حمراء
كوب فطر مقطع
ثلث كوب بازلاء مسلوقة
ثلث كوب ذرة
صلصة البيشاميل :
6 كوب حليب
6 ملعقة كبيرة طحين أبيض
رشة فلفل أبيض
ربع حبة جوزة الطيب
3 ملعقة كبيرة زبدة
3 ملعقة كبيرة جبنة كريما
تحضير الحشوة :
• يسلق الدجاج حتى ينضج ثم يقطع لمكعبات و يحتفظ بالقليل من مرق السلق جانباً .
• يفرم البصل ناعماً و تفرم الفليلفة الحمراء لمكعبات صغيرة .
• يقلب البصل بالزبدة حتى يطرى ثم تضاف باقي الخضار و يقلب الكل لمدة 5 دقائق .
• يضاف الدجاج للحشوة مع القليل من مرق سلق الدجاج و تترك الحشوة على نار هادئة حتى تنشف كل المرقة .
تحضير صلصة البيشاميل :
• تحضر صلصة البشاميل يخفق كوبان من الحليب مع الطحين حتى تختفي الكتل .
• تبشر ربع حبة جوزة الطيب أو أقل حسب الذوق , المهم استعمال بشر طازج .
• يوضع باقي الحليب على النار و عندما يغلي يضاف مزيج الطحين للحليب الغالي بشكل تدريجي مع التحريك المستمر و السريع حتى يغلي الصوص و يبدأ المزيج بالسمك ثم يترك على نار هادئة مدة خمس دقائق .
• تضاف الزبدة و الجبنة و يحرك حتى تختفي و بعدها أصبح البيشاميل جاهزاَ .
• يمكن أن يحضر صوص البيشاميل بالطريقة الفرنسية الأصلية و ذلك حسب الرغبة .
تطبيق الوصفة :
• تدهن صينية بايركس كبيرة بالزبدة , يرفع مقدار كوب من صلصة البيشاميل للوجه جانباً , يحمى الفرن على درجة حرارة 180 مئوية .
• تسلق المعكرونة حتى تنضج ثم تصفى من مرقها و من دون أن تغسل تمزج مع صلصة البيشاميل المحضرة .
• تصب نصف كمية المعكرونة في الصينية ثم تغطى بالحشوة ثم تغطى بباقي المعكرونة .
• يصب البيشاميل الذي رفع جانباً على وجه المعكرونة ثم ترش الجبنة المبشورة و يمكن وضع بضع مكعبات صغيرة من الزبدة فوق الجبنة لإضفاء لون جميل و نكهة غنية للوصفة .
• يخبز الغراتان في الفرن لمدة 45 دقيقة أو حتى يحمر قاعها ثم يشعل الشواية من فوق لبضع دقائق حتى يحمر الوجه .
• يترك الغراتان ليهدأ لمدة 10 -15 دقيقة ثم يقدم .
أفكار و تنويعات :
يمكن أن تحضر المعكرونة بحشوات أخرى حسب الرغبة كحشوة الدجاج و الفطر أو حشوة اللحمة و لتحضيرها تقلى حبة بصل بالقليل من الزبدة حتى تصفر ثم يضاف نصف كيلو لحمة مفرومة و تقلب حتى تنضج و يجف مرقها ثم تتبل بالملح و البهار و الفليلفة الحمراء الناعمة و تضاف ملعقتان أو ثلاثة من رب البندورة و نصف كوب ماء و تترك الصلصة على النار حتى تتسبك ثم تستعمل .
(3 votes, average: 4.33 out of 5)
السلام عليكم ورحمة الله وبركاته
رمضان كريم منى و لو انها متاخرة بس والله ما في وقت
الله يسلم ايديكي على هل الاكلة اكيد بدي اعملها جوزي من عشاق المعكرونة
على فكرة صرت عاملة كتير من وصفاتك والحمدلله كلو عم ينال الرضا والاستحسان
يعطيكي العافية
هلا ليندا
رمضان كريم عليك و على عيلتك كلها يا رب
الله بيعرف قديه مشتاقتلك و بالي عندك ليندا ..
الله يسلمك يا رب و ان شاء الله عوافي و هنا على قلبك و قلب جوزك و جبريل و شام
شو جربتي ؟
و انا مشتاقتلك كتيرالله يعلم
يا ستي جربت المحمرة و سندويش الفلادلفيا و السمبوسة يا امي شو حبيتا
و دجاج كباب و ساندويش التوشكا والكارنيارك و انا يلي كنت مفكرتها اكلة شامية طلعت تركية
بتعرفي بالمطاعم التركية بيعملو متل هي الاكلة و بعتقد نفس المقادير بس بتكون البيتنجانة مقطعة مكعبات مو متل ما هيي و بيكون عليها فليفلة خضرا حرة كتير يمييي شو طيبة
بتعرفي اليوم جربت نفس الطريقة بس بدال ما يكون الصوص بندورة حطيت بشاميل و كنت حاطة ايدي على قلبي ما تطلع طيبة بس طلعت بتجنن
و كتير شغلات جربتها مو حاضرة ببالي هلاء
الله يوفقك و يجزيكي الخير.
سبحان الله رح يخلص رمضان و بهل الغربة العيد مالو طعم والله ما بحس انو في شي تغير
يالله بعين الله
يا ويلي شو حكيت
سلام :grin
بالعكس ليندا
انا مشتاقة لحكياتك الحلوة , و لما غبت حسي في شي ناقص و الله
الله بيعين و ان شاء الله ترجعي لبلدك يا رب بخير و سلام
بتعرفي انك جربتي وصفاتي المفضلة و الا عملتها لضيوفي لما اجو فطروا و اتسحرو عندي
المحمرة بموت عليها و ما بقدر قاومها ,, و الا الفيلادلفيا ممم
و الا التشكن كباب مع الرز , غير شكل :eek
ريتو عوافي يا رب
فكرة حلوة هي انك تحطي البيشاميل بدل الصوص الاحمر
رح جربها اذا الله راد
تصبحي على خير يا عسل
شكرا علي الموقع الاكثر من رائع
الله يعطيك العافيه يا اخت مني شكلك طباخه ميه ميه انا احب اطبخ بس ما كنت اعرف وصفات كتير الان صار عندي مليون وصفه حلوه من موقعك انشاءالله اطبقهم
هلا فيك أختي نور الموقع و ان شاء الله تستفيدي و تجربي و تكون الطبخااات على كيفك
قايمة فورا جربها بس انا بعرف انو الغراتان ما بينحطلو غير جاج ؟فالوصفة جديدة علييى تماما
و انا كنت حضرها بس بالدجاج , و مرة خطرت الي هل الفكرة و طلعت بتجنن و تغييير, ان شاء الله تجربيها و تكون على زووءك
تسلم ايدكي احلى منمون والله ست بيت سورية أصيلة والله من حبي لكم بحلم يوم ازور بلدكم الحلوة وازورك ياقمر
كتييييييير طيبة الوصفة تسلم ايدكي على الروائع المتقنة والمضبوطة من كل قلبي الله يعطكي العافية ويرزقك مانتتمني ياقمرويحفظلك القطاقيط الحلوين ويبارك فيهميارب
هلا ام ياسمين
الله يسلمك و يحفظك و يخليكي , بتنور سوريا باطيب و احلى ناس يا عمي , بس لا تنسي تعمليلي زيارة :zzz
ان شاء الله ليك متبل هل الدعوات الحلوة و اكتر يا حق
و اذا جربتي الغراتان , يا ريت يعجبك
السلام عليكم و رحمة الله و بركاته
اناراح استعمل السباغيتي متل ما نصحتي لان كمان بعتقد راح تطلع احسن من المكرونةالتانية
بدي اسال السباغيتي منقطعهازغيرة او بالطول العادي يعني عود السباغيتي
منقسمو على 2 لان بدي جربا قريبا ان شاء الله بس اول مرة راح ساوي كمية زغيرة
بالتوفيق
سلام
ما بتفرق أختي , قطعيه بالطريقة الي بتناسبك , انا ممكن ااقطعه لقسمين أو ثلاثة بشكل عشوائي
السلام عليكم و رحمة الله و بركاته
جازاك الله خيرا اختي منى
انت قلتي انك بتفضلي المعكرونة شرايط بدي اعرف هل هالشي يتعلق بالذوق و الرغبة ام انها بالمكرونة التانية بتطلع معجنة او شي بس كان بدي اتأكد و سؤالي هل بتنفع بالمكرونة اكواع
بالتوفيق
سلام
بينفع اي نوع معكرونة , بس اصولها بالشرايط
السلام عليكم و رحمة الله و بركاته
اختي منى بدي ان شاء الله بهاليومين ساوي هالوصفة بحشوة اللحمة و بدي اسالك اذا فيني حضرها بالليل و وقف عند خطوة ادخالها في الفرن يعني ساويها كلها و بس ما دخلها الفرن و غلفها بورق المنيوم و حطها بالبراد لبكرا هل بينفع هالشي او لا لان ما بدي الوصفة تنتزع
ربي يوفقك و يسهل دربك
سلام
معلش أختي سامحيني للتاخر و منيح انك رجعتي ذكرتيني
اكيد بينفع تحضريها قبل بيوم و تحطيها في البراد و لما يجي وقت الغدا بطالعيها و على الفرن و ممكن كمان انك ما ترشي وجهها فورا بالجبنة و بعد ما تقرب تستوي ترشي وجهها بالجبنة و تخلييه يحمر شوي
السلام عليكم و رحمة الله و بركاته
اختي منى ساويتها اليوم و طلعت طتير طيبة :zzz انا خفت شوي لان حسيت حشوة اللحمة كتير بسيطة و خفت ما تطلع الطعمة طيبة بس ضفتلها رشة زعتر يابس بعد ما جهزت الحشوة لان بحسو بيعطي طعمة و ريحة طيبة
و ان شاء الله المرة الجاية راح جربها بحشوة الدجاج انا هالمرة ساويتها بحشوة اللحمة لان اسرع
جازاك الله خيرا اختي منى
بالتوفيق
سلام
اختي منى اذا فيكي جاوبيني على سؤال الموساكا
:zzz
هنا و عافية اختي و الحمد لله انها عجبتك , صحة يا حق
بلا لاحقتك على الموساكا
السلام عليكم و رحمة الله و بركاته
ما بعرف شو بدي قول اختي منى الله يوفقك و يسهل دربك و يجازيك و يجازي احبائك الجنة ان شاء الله
المكرونة بالبيشاميل اليوم انقذتني من موقف محرج صار المساء الحمد و الشكر لله
ما راح انسى معروفك طول عمري
سلام
الحمد لله اختي
السلام عليكم و رحمة الله و بركاته
اختي منى كتبت رد قبل ما يتعطل الموقع بس مبينتو ما وصل
انا كتبت اسالك اذا فينانحضر المكرونة بالبيشاميل و نحطها بالفريزر متل اللازانيا و عن صواني البايركس ما بيصرلهن شي اذا حطيناهم بالفريزر يعني ما راح يتكسر
بالتوفيق
سلام
هلا أختي
فيك تحضريها وتحفظيها بالفريزر , بس انا ببقى من أنصارالفريش و التازة
الصواني ما بيصير الهم شياذا كانوا من نوعية منيح , اما اذا نص نص لا تغامري
السلام عليكم و رحمة الله و بركاته
ساويتها قبل بيوم و حطيتها بالبراد و اليوم الثاني ذخلتها الفرن و طلعت كتير طيبة كمان هالمرة ساويتها بمعكرونة بيني و ضفت للحشوة شوية بقدونس
بس بوافقك الراي انها بالسباغيتي احسن حتى لو ان الطعمة بتظلها نفسها اذا بدلتي المعكرونة بس السباغيتي بتطلع شي كتير مختلف لانها رفيعة
بالتوفيق
سلام
مرحبا اختي منى .يعني الله يبيض وجهك متل مابيضتي وجهي .هي اول مره بساويها وكان عندي ضيوف وطلعت كتير طييييبه وكمان شكرا من قلبي على البسمشكات .الله يقويكي يا فنانه الاكل
هلا سارونات
الف عافية و هنا و صحة على قلبك اختي , كتير انبسطت انها عجبتك عوافي
هلا اختي ام عمر
الله يبل قلبك على هيك دعوة حلوة و غالية , ربي الك متلها و احلى
ريتو الف عافية على كل لقمة أكلتوها انت و كل عيلتك و ضيوفك :zzz
السلام عليكم
كيفك ياست منى ان شاء الله تمام
انا جربتها باللحمة والدجاج بس عيلتي حبوها باللحمة اكتر مابعرف ليش بس حسيت حشوة الدجاج ناقصها شي يعني طعمتا ماكانت قويةالله اعلم شو السبب رح ارجع اساويها واحاول اتلافا الاخطاء قدر الامكان
بس عكل حال يسلمو كتير انا عمبصور كل اكلاتي اللي عم بعملن من موقعك بس ما عمبعرف انزلن
مشان اورجيك ابداعاتي
هلا شفاء
ممكن تكتري البهارات اكتر أو تزيدي شي بتحبه العيلة عندك بالعادة
سبحان الله بتبقى شغلة زوء , انا بالبيت بيحبوها بالدجاج اكتر
اتمنى اشوف الصور و ممكن تبعتيهم عن طريق الايميل اذا ما في مشكلة
مرحبا أخت منى
اشتقت كتير للموقع .. صار لي شهر مشغول للآخر وما عندي وقت للطبخ والنفخ ولا حتى للنت .. بس والله كل ما أكلت لقمة طيبة بأي مكان بتذكرك وبدعيلك بالخير.
هالوصفة من أوائل الوصفات الي جربتها من الموقع .. وجربتها كمان مرة من يومين .. من زمان كنت آكلها بس بالمطاعم وما كنت أتخيل في يوم من الأيام أني ممكن أعملها بالبيت.
يسلموا إيديك أختي ولا يحرمنا منك يا رب
هلا ارام , ان شاء الله مشغول بالخير اخي
الف صحة و هنا يا حق على الغراتان هل المرة و المرة الماضية كمان و ربي الك متل هل الدعوات الكريمة من اخ كريم و اكتر باذن الله
مرحبا
جربتا وطلعت كتييييييير طيبة بس ماتفاجأت كنت متوقعة هالنتيجة
بس عملتها بمعكرونة مو شرايط
لأنو ماعرفت في ناس بيعملوها متل عجينة هيك شرايح بتشبه عجينة البرك بجبنة انو شرايط تخينة
بس أنا طلعت بنيو تاون شفت معكرونة شرايط مو تخينة رفيعة ياترى هي اللي بتقصديها
بس مافي منها أنواع كتيرة
بدي أسأل سؤال تاني مالو علاقة كريما اللي بتستعملوها بالطبخ هي من وين بدي جيبها يعني شو أقول عمو عطيني كريمة تبع الطبخ ؟؟؟؟؟
صرلي زمن عبحاول ابعت ردود بس ماعبنبعتو مابعرف اذا العذر من عندي أو من الموقع :sigh
هلا اختي
صحتين و الف عافية يا رب .
ما كتير فهمت عليك , المطلوب هو عجينة شرايط مو سميكة , متل عجينة الازانيا بس مقطعة لشرائح طويلة
بتقوليلو للعمو بدي كريما سائلة و هو رح يعطيكي علبة بيضا و النوع المتوفر هل كم يوم في المولات هو نوع فرنسي
ما بعرف شو المشكلة , اتوقع من عندك ما دامها انحلت لحالها , بكل الاحوال ممكن مرة تانية تراسليني و انا بحللك المشكلة فورا اذا ربنا راج
ليش انا بعرف شو هي عجينة اللازانيا
عكل ماشي لما بدي حطها بالزورق بحطها كيف ماكان وبصب فوقها الصلصة ولا بطبقها بشكل مستقيم انو فوق بعضا
مابعرف كمان اذا فهمتي علي ماكتير عبعرف أعبر
عكل يسلمو عزبتك معي
ليش انا بعرف شو هي عجينة اللازانيا
عكل ماشي لما بدي حطها بالزورق بحطها كيف ماكان وبصب فوقها الصلصة ولا بطبقها بشكل مستقيم انو فوق بعضا
مابعرف كمان اذا فهمتي علي ماكتير عبعرف أعبر
عكل يسلمو عزبتك معي
عجينة الازانيا عينة شكلها متل الورقة بس اسمك شوي :
اكيد ما منحطهن شلونما منكان , اول الش طبقة مرتبة من المعكرونة و بعدا الحشوة و بعدها معكرونة و اخر الشي طبقة البيشاميل
جاري تطبيق الوصفة ..
الوصفة ناجحة ..
اتوجه بالشكر للشيف العالمي منى
:grin
:grin
منورة حبيبة قلبي و انا مو شيف عالمي و لا شي , سري اني ست بيت من دون ايا ادوات خاصة غير حبي للطبخ و كتابة الوصفات بدقة :zzz
شكراااااااااااااكثيراااااااااااااااااااااااااا
اهلا و سهلا منورة
شخصيا ما عندي دفتر للطبخ و لا للوصفات ، لقمة طيبة هو دفتري و وصفة المعروك و كل الوصفات بتجنن و اليوم رح اعمل هي الوصفة كمان
الله يكرمك الاء يااارب
وانا كمان ما عندي دفتر