عجينة الزبدة


         وصفة : منى                 2011/10/10                 29 تعليقات
عجينة الزبدة

وين ما حطيتي الزبدة , بتصير النكهة مخملية و ناعمة و فيها غنى لذيذ و هل العجينة الرائعة حطينا فيها زبدة عواض رح تجربيها و تحبيها و تعتمديها , سهلة كتير و ناعمة و طرية و ممكن تستعمليها لكل معجناتك , المالح و الحلو , فطاير سينامون رول , صمون .. الي بيخطر ببالك

اليوم رح نزل العجينة و بعدها ببقى بحط شو عملت فيها لحتى تلطشي افكار

بالصحة و الهنا



كوب حليب
50 غ زبدة , مقدار ربع باكيت
ملعقة كبيرة و نصف سكر
ملعقة صغيرة و نصف خميرة
3 كوب طحين
ملعقة صغيرة ملح
نصف ملعقة صغيرة بيكنج بودر




• في قدر كبير يوضع الحليب و الزبدة على النار و يترك حتى يسخن الحليب من دون أن تذوب الزبدة , يبعد القدر عن النار و يترك لبضع دقائق حتى تذوب كل الزبدة و يصبح المزيج دافئاً .




• يضاف السكر و الخميرة و يغطى القدر و يترك لمدة ربع ساعة او حتى تظهر رغوة على وجه المزيج .




• يقلب الطحين و الملح و البيكنغ بودر ثم يضاف للمزيج و يقلب الكل .

• يوضع المزيج في محضرة الطعام و تعجن حتى تصبح العجينة ملساء و ناعمة و متجانسة , يمكن اضافة القليل من الحليب الدافئ أثناء العجن إذا شعرت ان العجينة جافة نوعاً ما و ذلك حسب نوعية الطحين .

• في حال عدم توفر محضرة الطعام يوضع المزيج على منضدة العمل المرشوشة بالقليل من الطحين و تعجن حتى تتماسك , يمكن اضافة القليل من الحليب الدافئ أثناء العجن إذا شعرت ان العجينة جافة نوعاً ما و ذلك حسب نوعية الطحين .

• تغطى العجينة و تترك حتى يتضاعف حجمها أو حسب حرارة الجو , حضرتها اليوم و أخذت حوالي ساعة و ربع . تستخدم حسب الرغبة .






التعليقات

  1. مزهرة 10 October 2011

    يسلموا باينتها كتير طيبه واكيد رح جربها[B]يسلموا ايديكي باينتها كتير طيبه واكيد رح اجربها[/B]

  2. رامو 10 October 2011

    مممم يسلم هالديات الحلوين ويباركلك فيهن يارب عنجد شكلها كتير طيبة وبتشهي واكيد راح جربها بهاليومين لاني كتير بحب طعمة الزبدة بالعجين :)

  3. غيث 10 October 2011

    يعطيك الف عافية ما رح اقدر اجربها لحتى الطش افكارك الذهبية لاني الان مخي مطلسم وما اجاني افكار لوحدي بانتظار نصائحك وتجريباتك شكرا منى لكل جديد تعمليه

  4. اياد 10 October 2011

    مدام منى سلم الله يدام على هذه الوصفة ، فبالرغم ان الزبدة تعطي نكهة رائعة المذاق ، ولكنها تبقى دسمة. وفقك الله

  5. منى 10 October 2011

    هلا مزهرة :)
    جربيها و ان شاء الله بتدعيلي , رح استنى رايك

  6. bobo84 10 October 2011

    السلام عليكم كيفك ست منى ماشاء الله عليك اي شو هالنشاط هاد يخزي العين وصفة ورا وصفة وكل وحدة أظرف من اللي قبلها الله يعطيكي ألف عافية ,أكيد هالعجينة كتيير طيبةلأنها من دياتك وبتصور انها بتنفع للبيتزا وللفطاير كمان فشو رأيك انت.؟
    .

  7. semo 11 October 2011

    كيفك منوش وكيف كل البنات اللي بالموقع اشتقت لكن كتييير
    انا دائما عم تابعك دائما بس متل ماقلت لك اني كنت حامل بعد 7 سنين زواج قدر لي رب العالمين اني صير ام لبيبي بياخد العقل سميته على اسم نيبنا محمد وبتعرفي بعد رحلة اطفال الانابيب والحمل والولادة والامومة والسهر والتعب لازم اخد ولو 10 دقايق لنفسي شوي وقلت لازم اول شي سلم على منى حبيبة قلبي

    كل شي جديد بالموقع بطير العقل وخصوصا اكلات البتنجان اللي هي عشق زوجي
    :grin
    ورح جربها عن قريب اما بالنسبة للعجينة باين انها كتير طيبة بس هلأماعندي وقت لت واعجن واخبز :grin
    لهيك رح اجلها شوي
    طمنيني عنك وعن ولادك واخواتك وماماتك ان شاء الله كلكن تكونوا بخير

  8. om nabeel 11 October 2011

    تسلم ايديكي منون رح جرب العجينة قريبا ان شاء الله
    الكلام اللي كاتبتيه فوق اثر فيني كتير وحسيت عيني بدمع
    اللهم كن معنا ولا تكن علينا واهدينا واهد بنا واغفر لنا

  9. منى 12 October 2011

    خليلي عيونك رامو , يبارك بعمرك و بدنك و صالح اعمالك ان شاء الله :)
    ان شاء الله تجربيها و تحبيها

  10. منى 12 October 2011

    هلا bobo :)
    اي عم لحق حالي قبل ما ادخل في السبات الشتوي :grin
    ان شاء الله تجربي الوصفات و يكونوا على زووءك و تحبيهم
    هل العجينة بتزبط لشو بيخطر ببالك , وين ما حطيتيها رح تطلع نمممممم ;)

  11. منى 12 October 2011

    هلا غيوثة :)
    يلا الافكار الطيبة جاية على الطريق و ان شاء الله بتلطشيهم و تدعيلي :zzz

  12. منى 12 October 2011

    هلا اخي اياد
    صدقني مو تقيلة لان يا دوب قطعة هل الاد صغيرة لكل العجينة , يعني حتى انا الي بحسبها اكلت منها و ضميري الحي مرتاح , ان شاء الله تجربها و تزبط معك و ان شاء الله بتبقى صديق الموقع على طول

  13. منى 12 October 2011

    هلا سمسومة :)
    مبارك ما اجاكي و يربى بعزكن و دلالكم و الحمد لله رب العالمين الي طعمكم ياه , الله يجعله من الصالحين و يكبر و تشوفيه شب ادم عيونك و يكون باعلى المراتب , امين

    اتوقعت انو هل الغيبة سببها البي بي الجديد , الحمد لله اطمنت عليك :) الحمد لله كلنا منيحين من فضل رب العالمين

    يا ستي رح يحبك ابو الشباب كتير بعد ما تجربيله هل الاكلات , رح تدعولي ان شاء الله :zzz

    ولكم باك يا حلو نورتي

  14. semo 13 October 2011

    النور نورك وكتير فرحني ترحيبك فيي كنت قول يارب ماتكون نسيتني لاني غبت كتير

  15. منى 13 October 2011

    :x
    له سمسوم , انت من اهل البيت

  16. yasminoo 13 October 2011

    مرحبا مدام منى ,يسلم ايديكي على الوصفات الكتير طيبة ,صرت مجربة كتير وصفات وكلون طلعو بشهو وطعمتون بتجنن واليوم جربت عجينة الزبدة وجد كتيرررر طيبة وخفيفة :) الله يعطيكي العافية يارب (كنت حابة نزل صورة بس مابعرف ليش ما مشي الحال ) :?

  17. haya 27 October 2011

    مرحبا اخت منى كيف الصحة انا مبارح عملت العجينة بس طلعت معي ناشفة ما بعرف ليش :sigh

    وعندي سؤال هلأ لازم نحط الخميرة فوق خليط الحليب والزبدة ونتركها لتخمر ربع ساعة ؟ يعني ما فينا نخلطهم كلهم سوا الطحين والحليب والزبدة والخميرة مثل اي عجينة ثانية ونتركها تختمر شي ساعة ؟؟ فشو رأيك يا ريت تفيديني وشكرا الك انا عم عذبك معي بأسئلتي الكثيرة :)

  18. منى 29 October 2011

    هلا هيا :)
    ممكن كان بدها زيادة حليب , لان الطحين بيختلف من مكان لتاني , يا ترى كانت العجينة ناعمة و مطاطة و الا ناشفة شوي ؟

    فيكي تعمليها متل ايا عجينة تانية , بس انا انصحك انو تتبعي الوصفة لان رح تطلع اطيب ;)

  19. منى 29 October 2011

    هلا ام نبيل :)
    الله يكون بعونا , و لا ينقص الامل و التفاؤل من منسوب حياتنا لان من دون بتصير مية الحياة معكرة :roll

    ان شاء الله تجربي الوصفة و تكون نمممم ;)

  20. منى 29 October 2011

    هلا ياسمين :)
    الله يسلمك و يخليك و يحفظك يا رب , صحتين و الف الف عافية على كل شي جربتيه و كان يممي :zzz

    ممكن تحملي الصورة على حسابك في الفيس بوك او في جروبنا هونيك او على ايا موقع تحميل و بعدها انسخي الرابط و جيبيه و تعي للهون و اضغطي على تالت ايقونه من الايقونات الظاهرة فوق مربع الرد و الصقي الرابط فيها و بتطلع الصورة بعدها

    ان شاء الله كون شرحت منيح , لان كتير بسيطة و انا حاسة انو عقدتها :roll

  21. nourm 2 November 2011

    يا ترى فيني حضر العحينة قبل بكم يوم ؟ او اخبزها و حطها بالفريزر؟
    شكرا ست منى

  22. منى 2 November 2011

    فيكي تحضريهم و تخبزيهم و تفرزيهم , بس انو يعني ما رح تطلع متل التازة ابدا :roll

  23. marmour 6 November 2011

    شو هالعجينة ياستي اديش جربت عجين مالاقيت اسهل منها ما تعذبت ابدا وطبعا عدتها اكتر من مرة وولادي حبوا كتير فطاير الوردة :roll بنصح الكل يجربوها

  24. jojo30 17 November 2011

    عن جد ما عاد استعمل غيرها خصوصوا لما بدي شكل ع الحلو والمالح بدون ما اعجن اكتر من مرة اخترعت كتيييير حشوات وكل واحدة طلعت يا سلام وكانو العجينة مخصوص الها
    تسلم ايدك يا رب

  25. عصفورة حلب 5 February 2012

    اول مرة بشوف عجينة بهالطريقة كتيييييييير تشجعت اني جربا ورح جربا انشالله قريبا يسلمو ايديكي يارب

    • Mona 2 March 2013

      جربيها و ان شاء الله بتعجبك

  26. رانو 3 September 2012

    رووووووعة

  27. محبوبة 12 November 2012

    يا سلام شو هالعجينة اللي بتطير العقل جربتها عملت منها سينمون والله طلع رووووعة هش وخفيف وطيب وناااعم والعجينة سهلة جدا بالتشكيل حتى ما احتجت رش طحين وقت الفرد بس انا ما حطيت 3 كوب طحين حسيت العجينة ما احتاجتهن كلن
    ضفت طحين بالتدريج لحتى تماسكت بقي ربع كوب تقريبا ما لزمني

    تسلم ايدك منى

  28. Mona 12 November 2012

    عوافي و مية الف صحة و هنا محبوبة , مممم شهيتيني السينمون , ان شاء الله تكونوا اكلتوهم بالف صحة :zzz

تقييم الوصفة
عاديةقد أحضرهاجيدةممتازةأكثر من رائعة (3 votes, average: 4.33 out of 5)