عزيمة رفقة ماما


         وصفة : منى                 2009/02/24                 34 تعليقات
عزيمة رفقة ماما

كبة دراويش ( كبة مقلية )

لازانيا

كبة سوار الست

ضفيرة الزيتون

و ملك كل سفرة اليبرق

سلطة الجبنة و الزعتر الأخضر ( يممممم كبيرة )

كبة صاجية

لقمة تشكن

سلطة الطون

السلطة المقلمة

بيتزا و لا أطيب

سلطة الزيتون



الحلويات و هي ظاهرة في أعلى الصورة بس مو كتير واضحة :


كاتو جلاس

قدرة قادر

كيك بالجيلو و الكاسترد

كيك بجوز الهند



السلطات كان الها حصة كبيرة لان كتير من المعازيم عاملات ريجيم , و تكتير السلطات كان على رغبة ماما

أنا عملت كاتو جلاس و لقمة تشكن و السلطة المقلمة و ظفيرة الزيتون .

الحمد لله كله كان كتير طيب و من أحسنه , و الي أكلت منه أكتر الشي سلطة الزعتر مع الكبة الدراويش و هي شغل أية و بتعملها و لا أروع و على حلب .

و الحلو الي عجب الكل و حكوا عنه كتير هو كيك جوز الهند و هو كمان وصفة من اختراع لولو الحلوة .

اتفضلوا كلكم يا جماعة و الاكل على قد المحبة .


نورتونا و شرفتونا و مية هلا بالكل



  • وصفات تانية ممكن تعجبك


التعليقات

  1. lovlyheart 24 February 2009

    مشالله عليكم شطورين وشي بيشهي سفرة ولا احلى الله يعطيكم ألف عافية

  2. غيث 24 February 2009

    صحة وهنا على قلوبكم كلكم والله يعطيكم العافيةشي بيشهي والله طب الجرة على تمها منشان هيك الحلوة طالعة لامها يالله ميمو بدي طريقة الكبة بالصاجية دخيل عيونك كتير بحبها بس ما عندي طريقتها وشكرا لك كنتو عملتو هالعزيمة لما كنت باجازتي بحلب الله يصلحكم يعني شوقتينا وما دوقتينا ههههههه عبمزح الله يعطيك العافية والله طعميتينا كتير من تحت دياتك ويالله بانتظار باقي الموجود على السفرة على احر النار :) ;)

  3. سمسمة 24 February 2009

    ياعيني سفرة يتاخد العقل أنا مقيمة بالسعودية وناوية أشتري بيت بالشام فغيرت رأي رح أشتري بيت بحلب وصير جارتك
    سلمي على والدتك وأختك وان شاء الله بيعيشوا ايديهن على هالشغل المرتب

  4. نوارة 25 February 2009

    ميمو شهيتيني على سفر حلب :cry
    جد جد غير
    بس متل دائما ورح تبقي دائما تشجعيني انو اصير احسن صرلي فترة ما عم بجرب شي جديد ومشتهية اعمل سفر بتفتح النفس متل هي
    رح اتم احاول واتشجع منك
    الله يسلم دياتك

  5. سارونات 25 February 2009

    السلام عليكم و رحمة الله و بركاته

    بسم الله ما شاء الله عنجد سفرة كتير مرتبة الله يخليلك امك و اختك يا رب
    بما اني ما قدرت اجي على العزيمة :grin بقى بدي وصفة كيك جوز الهند و سلطة التونة و الجبنة بزعتر )) ما خليت شي ))

    بالتوفيق
    سلام

  6. نور الأسلام 25 February 2009

    ياسلام يممممممم شي بشهي ريتو ان شاءالله الف صحه وعافيه للجميع والله يعطيكم العافيه والله يديم المحبه واللمه الحلوه يا رب تحياتي للجميع ;)

  7. zsoukar 25 February 2009

    ياسلام على هيك سفره .الله يسلم ايديكن .ياريت يعرف هالموقع من زمان وماكنت احترت بالطبخ وسالت مين ماكان.من فنره ساويت عزيمه وكان تلت ارباع الاكل من هالموقع .سلامي الك ولاهلك

  8. منى 25 February 2009

    هلا لفلي :)
    الله يعافيكي نورتي الموقع أختي , مية هلا فيك

  9. منى 25 February 2009

    هلا غيوثة حبيبتي :)
    و الله و الله من عيوني , احلى عزيمة لاحلى و اغلى اخت .

    تكرم عيونك على الكبة , ان شاء الله بنزلها مع صورها

    ان شاء الله كله بينزل و ان شاء الله يعجبكم :)

  10. نادين 25 February 2009

    امممممممممممم واضح انو كلو لذيذ ومرتب وانا سمعت عن هالعزيمه الفاخرة من جهاتي المختصه :zzz
    اللله يعطيكي الف عافيه واكيد رح جرب الشغلات الي مو عاملتها من قبل

  11. ميساء 25 February 2009

    ياسلام شو هالسفرة العامرة يعيشوا ايديكم يارب وهي بناتي واقفين جنبي ورح يوقعوالشاشةوهنن عم يقولو لي ماما بدنا من هي وهي وهي وكل يوم الله وكيلك بدهن وصفة من لقمة طيبة وياريت حبيبتي منى وصفة الصاجية وشكرا لك من مايا وعلياء للخالة الحلوة منى

  12. منى 25 February 2009

    هلا سمسومة :)
    و الله بكسب هل الوش الحلو على فنجان قهوة كل صبحية , شو بدي احلى من هيك
    سلامك بيوصل ان شاء الله و ربي يحفظ هل الديات الي ردت و كتبت ;)

  13. منى 25 February 2009

    هلا نوارة :)
    سبحان الله كل يوم الا ما تخطرلي على بالي انت و النون الصغنون الي بده عضوضة من هلأ :grin
    خليلي عينك نوارة حبيبتي , الله يرحم ايام الهمبرغر الساعة 2 بالليل , ااااااايه 8)

  14. منى 25 February 2009

    هلا سارونات :)
    هيك بتنطرينا و بعدها بتغطي ما بتبيني حتى من دون اعتذار :roll

    :grin تكرم عيونك ان شاء الله رح نزل الوصفات قريب باذن الله

  15. منى 25 February 2009

    هلا نور :)
    عوافي كمان على قلبك و بدنك
    الف شكر الك للدعوات الحلوة و بالفعل اللقمة ما بتطيب الا باللمة الحلوة :zzz

  16. منى 25 February 2009

    هلا ندوشة حبيبتي :)
    ان شاء الله المرة الجاية يتموني انتي مع مصادرك الاصة منوريين باحلى عزيمة :grin

    ان شاء الله تجربي ويعجبك و مية هلا فيك ندوشة

  17. منى 25 February 2009

    ميوسة يا قمر :)
    خليلي مايا و عليا , شو حلوة اسمائهم , كتيررر كتير و الله ربي يحفظهم من كل شر و يبعتلهم ايام حلوة و يكونوا من المسعدات في الدنيا و الاخرة ,ااامين

    بوسات كتيرة الهم و من بين عيونهم , ريتو عوافي على كل شي جربتيه او حابة تجربيه :)

    تكرم عيونك ميوسة رح نزل الكبة قريب باذن الله

  18. رنا 26 February 2009

    ووواووووو :eek :eek :eek
    شو هالصور قبل الغدا بصراحة تعذيييييييييب
    بس بدي كاتو جوز الهند حبابة حبابة ;)
    يسلمو ايديكن والله كله بده شغل وطالع شغل حلو ومتكتك يسلمو ايديكن وهنا وعوافي على يلي اكل
    بس بدي اسألك بعد كل هالاغراءات ضل حدا عامل ريجيم :zzz مابعتقد ;)

  19. عبير 26 February 2009

    بسم الله ما شاء الله
    والله شي بيرفع الراس قدام المعازيم وخصوصا لانه شغل بيتي 0 الله يعطيك العافية والله زوجي شاف السفرة وطارت عيونه عليها وقال من هيك كل رفقاتي الحلبية صحتن منيحة من هالسفر الطيبة
    تسلم ايدك يامنى وايدين الماما واختك
    وانشاء الله اتصوريلنا كل سفرك لحتى نستفيد من هالتنويع بالسفرة وطريقة تقديمك الرائعة لاني بصراحة لغيت كل مواقع الطبخ عندي وصرت اتابع موقعك فقط0

  20. Iman 26 February 2009

    الله يخليلك ماما و كل عيلتك. و يخليلنا حلب و ستات حلب المعدلين ما شاء الله. ربنا يعطيكم الصحه و العافيه على احلى سفره.
    دمت بود

  21. منى 26 February 2009

    رنونة يا حلوة غمضي عيونك مشان الله , أو بتركبس اول طيارة لعندي لحتى مدلك اخت هل السفرة :zzz

    تكرم عيونك رح نزل الوصفة باذن الله ..

    الصراحة ما بعرف بس ما اتوقع ان بقي حدا ماسك اعصااب :grin

  22. omtasneem 27 February 2009

    السلام عليكم ورحمة الله وبركاته. ماشاء الله لاقوة الابالله شو هل السفرة الحلوة نيال رفقات امك شي بيشهي تسلم ايديك وايدين ماماتك واختك ومنتظرة منك كاتو جوز الهند لاتتاخري فيه يعطيك العافية

  23. رنا 27 February 2009

    والله يامنى انا صايرة شغلتي شغلة مع الوحام …يوم جبس …ويوم جانرك …ويوم عقابية وماعم نلحق قرووصة بهالبطن
    ياريت اجي لعندك خلص انشالله السفرة الجاية لازم اجي ;)

  24. dado 1 March 2009

    مرحبا
    شو هالسفرة هي !! :eek
    صار معي صعقة حضارية :grin
    صرلي هلأ أسبوع عاملة ريجيم وقسيانة على حالي كتير.. وكل يوم بفوت عالموقع.. وبتسلل عصفحة السلطات وبتجاهل الصورة بالصفحة الرئيسية.. بس يا أختي ما حسنت.. منظر السفرة بيشلع القلب :cry فتت قريت كم شغلة ما كنت شايفتن من قبل وهلأ أنا عم صارع حالي .. خصوصاً بالحلويات .. بس خليني هلأاشبع بالفرجة وبعدين التجريب.

  25. منى 7 March 2009

    هلا عيوني ام تسنيم :)
    الله يخليك و يحفظك اختي , ان شاء الله ما رح باخره , نورتي اختي

  26. منى 7 March 2009

    هلا رنونة :)
    يلا لكن حضري حالك على 22 بالشهر عندي فطور لرفقاتي , بس ما اكدتي حجز الطيارة تبيقى حاكيني لادلك على البيت :zzz

  27. منى 7 March 2009

    هلا دالو :)
    انت شو , بتتقرمشي و الله , دمك عسل و دايما ردودك الها نكهة غير , فقعتيني ضحك :grin

    شغلتنا شغلة مع الريجيم :roll يلا ان شاء الله بس ما عدا بيتجربي و بتدوقي و ان شاء الله كل شي عجبك و نوويتي تجربيه يطلع معك يميي ;)

  28. الدمشقية 12 March 2009

    ربي يكتر المحبين ويضل بيتكم وسفرتكم عامرة يارب
    ما شاء الله كله باين عليه طيب ولذيذ
    إن شاء الله ربي بيديم المحبة بين الجميع

  29. منى 12 March 2009

    هلا دمدومة :)
    هادا بس من زووءك يا قمر , اامين يا رب كل بيوتنا وبيوت المسلمين

  30. shimOoO 24 July 2010

    بسم الله ماشاءاله لاقوة الا بالله
    اللهم صلي وسلم وبارك على نبينا محمد
    سفرة للامانة رهييييييييبة الله يعطيكي العافية يارب شكلها لزيزة كتييير تسلم اديكي

  31. منى 24 July 2010

    شكرا الك شيمو :) من زووءك يا عسل و انا كتير مبسوطة في و بهل الطلة الحلوة ;)

  32. zina 16 April 2011

    plz plz plzzzzzzzzzzzzzzzz حطيلنا عيارات كاتو الكسترد و الجيلو وكاتو جوز الهند اذا بتريدي

  33. منى 16 April 2011

    ياي زينة و الله حسيت حالي صغيرة هل الاد :roll
    اسفة اسفة اسفة للتاخير بالوصفات , باقرب وقت باذن الله

  34. zina 23 April 2011

    لا شو صغيرة انت دائما كبيرة كتير كتير كتير. وانا بانتظار هل الوصفات الفظيعة :grin

تقييم الوصفة
عاديةقد أحضرهاجيدةممتازةأكثر من رائعة (No Ratings Yet)