· . تنظف حبات الليمون جيدا تحت الماء باستخدام فرشاة .
· . تبشر حبات الليمون (الجزء الأصفر فقط ) ويخلط مع السكر ويترك 10 دقائق ثم يدعك بلطف لاستخلاص كل النكهة الموجودة فيه .
· . تغسل أوراق النعناع وتصفى من الماء.
· . تقشر حبات الليمون وتقطع قطع متوسطة مع استخراج البذور إن وجدت.
· . توضع أوراق النعناع وقطع الليمون والماء البارد في الخلاط الكهربائي مدة 2 دقيقة .
· . يمزج الخليط مع خليط البشر والسكر ويحرك جيدا ويترك فترة بسيطة لتتمازج النكهات .
· . يصفى العصير بمصفاة ناعمة مع الضغط على الخليط المصفى لتنزل كل النكهة الموجودة فيه .
. يزاد عليه ماء مثلج حسب الرغبة ويقدم بارد.
إضافات :
. يمكن زيادة أو تقليل كمية ( السكر – النعناع – الليمون ) حسب الرغبة .
. يمكن عصر الليمون بالعصارة اليدوية ثم اضافته للنعناع دون الحاجة لتقشيره ووضعه معه .
3 حبات ليمون
كوب أوراق نعناع طازجة
3 ملاعق كبيرة سكر
2 كوب ماء بارد
• . تنظف حبات الليمون جيدا تحت الماء باستخدام فرشاة .
• . تبشر حبات الليمون (الجزء الأصفر فقط ) ويخلط مع السكر ويترك 10 دقائق ثم يدعك بلطف لاستخلاص كل النكهة الموجودة فيه .
• . تغسل أوراق النعناع وتصفى من الماء.
• . تقشر حبات الليمون وتقطع قطع متوسطة مع استخراج البذور إن وجدت.
• . توضع أوراق النعناع وقطع الليمون والماء البارد في الخلاط الكهربائي مدة 2 دقيقة .
• . يمزج الخليط مع خليط البشر والسكر ويحرك جيدا ويترك فترة بسيطة لتتمازج النكهات .
• . يصفى العصير بمصفاة ناعمة مع الضغط على الخليط المصفى لتنزل كل النكهة الموجودة فيه .
. يزاد عليه ماء مثلج حسب الرغبة ويقدم بارد.
إضافات :
. يمكن زيادة أو تقليل كمية ( السكر – النعناع – الليمون ) حسب الرغبة .
. يمكن عصر الليمون بالعصارة اليدوية ثم اضافته للنعناع دون الحاجة لتقشيره ووضعه معه .
لارا عصير بيجنن , كنت دقته من فترة بشي محل و من كتر ما حبوه الاولاد ما طلعلي الا شفة او شفتين
ان شاء الله رح جربه , الف الف شكر الك للوصفة
على فكرة المقدمة حلوة كتير :zzz
شكرا لك أختي عالوصفة الرائعة .أنا تعلمتها من بنت حماي من سنة تقريبا و بعمله دايما بس طريقتي أنو بحط الليمون مع شوية قشر و السكر و النعناع كلهم بالخلاط و بعدين أصفيهم بمصفاة ناعمة ,بس تعليقي أنو لازم هالعصير يقدم فورا لأنو القشر بيعمل شوية طعم مرار,تسلم ايديك أختي.رح جربها بطريقتك.شكرا
يسلموا ايديك انا بالفعل دقته مرة بمحل وكتيير وقتها حبيته ومن وقتها صرت اعمل هل العصير بس انا بعصر الليمون وبضيف عصيره هادا الاختلاف الوحيد
السلام عليكم يسلموا اديك لارا كتير بشهي انا اسمعت عن هالعصير بس ولا مره دقتوانشاء الله بجربو عن قريب يسلمو مره تانيه :zzz
يسلمو ايديكي لارا.. بتعرفي الجو في بلاد الشام برد هلا بس هون بدبي صيف وهادالعصير شكله منعش فما بالك طعمه :zzz انشالله بكره بدي اعمل واخبرك بالنتيجه
عن جد يا لارا هادا مشروبي المفضل بالصيف وحتى بأيام الشتا لما بكون بشي مطعم بحب اطلبه واسمه بقائمة المشروبات بولو شكرا على وصفتك
يسلمو ايديك على الوصفه .الحلو اللي بالموضوع انه محتويات الوصفه متوفره في كل بيت .انا اول قرات الوصفه روحت اجربها وكتير طلعت طيبه.وبتمنى من الكل يجربها 8)
هنا و الف الف صحة ام عون :zzz ان شاء الله تكوني حسبتي حساب الكل
مسا الخيرات عالجميع بعتقد انه هدا هو العصير الي طلبته واسمه السوربييه رح جربه و ان شا الله رح جربها و يسلموا كتيير
شكل العصير بيجنن
بس هنا عندنا بالأحساء برد ..
إن شاء الله في الصيف راح أجربه ..
ومنى أنازعلانه منك كثييير .. :sigh
ليش الله لا يجيب زعل اختي , خير ان شاء الله :roll
يسلمو إيديك أخت لارا على الوصفة .. جربت العصير وطلع لذيذ جدا .. وطالما مكوناته ليمون ونعناع فهو شراب لكل فصول السنة.
و انا كمان جربته و طلع بيجنن , سلم ايديكي لارا :zzz
الأخت منى وشيرين وgsm و نور الإسلام و أم جنى عبيدات و فرح وأم عون وأم ليلى و سنووايت والأخ الكريم آرام ألف ألف شكر للتعليق وألف صحة وهنا على قلب كل من شرب وذاق
وملاحظتك أخت شيرين في محلها وشكرا للإضافة.
والأخت ام ليلى أنا مابعرف إن اسمه سوربييه معلومة جديدة شكرا لكي .
وعجبني تعليق الأخ آرام شراب فصول السنة المفروض إني سميته بهالإسم كان أحسن وأميز فشكرا لك .
تحياتي وتقديري للجميع .
ست منى ما رديتيلي خبر !!!
ان شاء الله خير
شو ما كان قبول او رفض ما بزعل
مستنيتك :zzz
السلام عليكم ورحمة الله
أنا كنت اعمل العصير ببساطة عصير ليمون وبالخلاط مع النعناع والسكر … لكن جربت وصفتك لاروش .. ياميييي طيبة كتير .. بس بصراحة، تصفية العصير أخد مني بالضبط 40 دقيقة ! وبعدين شربه استغرق 5 دئايئ. شي بيحرّّ
هالعصير بيشبه مشروب Mojito الكوبي، لكن هونيك بدال المي بيحطوا صودا أو سفن آب. وبيضيفوا مشروب روحي هو الروم. طبعا يلي ما بيشرب كحول ما بيضيفه. بس كمان كتير بيطلع بيعئد.
شكراً يسلمو إيديكَ
الف الف صحة و هنا
بس ليش اخد معك 40 دقيقة :eek , ليش ما فهمت , بياخد يا دوب كم دقيقة
عجبتني كتير كتير فكرة الصودا , رح جربها, شكرا كتير للاضافة
أهلين بـ Jassy , وألف صحة وعافية .. وشكرا كثير على الإضافة الرائعة وأكيد رح أجربها ,
وبالنسبة لتصفية العصير مرة أخد معي وأنا أصفي عصير البرتقال نصف ساعة
وفي النهايةوبعد كل التعب , ماتصفى العصير كله ياحسرة , والسبب …..
إن المصفاة إلي استخدمتها مش ناعمة وبس , من كثر ماهي ناعمة يبغالك مجهر عشان تشوفين فتحاتها, وحتى الطحين ماتقدري تنخليه فيها , مش عارفة إلي اخترعها وين كان مخه , وماالفائدة منها ,
ألا إذا كان قصده نصفي فيها المويه :grin لأن الموية هي السائل الوحيد إلي كان يمر من خلالها :grin
وفي نهاية الأمر كان عقابها إني رميتها , وأتوقع لازم يكون مصير مصفايتك مثل مواطنتها .
تحياتي .
سلامات
لك والله ما بعرف ليش اخد كل هالشي وقت .. طلع معي كتير مممم كيف بيقولوها ؟ .. هيك أن مو سائل كتير :upset: ….. يمكن من بقايا الليمون والبشر تبعون. مع أن استخدمت مصفاية ما كتير كتير ناعمة .. وسط يعني.
المهم طلتع بالاخير طيب .. وهالايام كمان صرت اعمل أصانص العصير :grin ليمون + نعنع وجمدو بربعات .. ولما حدن بدو، بيطالعلو كم مربع بكاسة الخلاط وبيضيف سكر ومي .. وصلى الله وبارك !
شو القصة يا جماعة , شو نص ساعة و 40 دقيقة , ايه و الله الرمي قليل على هيك مصافي , مصافي اخر زمن
رايحة حط مصفايتي على راسي لكن:grin
هللئ أنا ما دقتو ولا مرة..بس شكلي بعد هالإغراءات خلص..لازم أجربو..مرة شفت رفيقتي طلبتو بمطعم فخم..صراحة ما كان شكلو كتير مغري..بقا لنجرب ومنحكيلكون..
أهلينJassy
فكرة التجميد حلوة خصوصا مع رتم الحياة السريع جدا , ألف شكر لإضافتك
:zzz
مرحبا أخت رغد
جربيه وخبرينا وإن شاء الله بتغيري رأيك ويطلع مثل ماتحبي
تحياتي. :zzz