غراتان القرنبيط الفرنسي


         وصفة : منى                 2009/01/01                 23 تعليقات
غراتان القرنبيط الفرنسي
حبة شوفلور بوزن 2 كيلو

مقادير صوص بيشاميل :

ملعقة زبدة او مارغرين
2 ملعقة كبيرة طحين
نصف لتر حليب ( حوالي كوبين )
ملح و رشة فلفل اسود
رشة جوزة الطيب
5-6 بيضات
200غ جبن مبشور





• يسلق القرنبيط في الماء و الملح حتى يطرى ثم يوضع جانباً , يمكن سلقه قبل بيوم و وضعه في البراد مع تغطيته أو من دون تغطية .

• نحضير البيشاميل ( تعلمت هذه الطريقة من الأخت منى ) , في وعاء نذوب الزبدة على نار هادئة أو متوسطة ثم نبعدها عن النار و نضيف الطحين مع التحريك المستمر حتى يمتزجا ثم نعيدهما للنار و نضيف الحليب بالتدريج و بالتناوب مع الفلفل الأسود و الملح و جوزة الطيب مع التحريك المستمر بعد كل إضافة حتى لا يتكتل الصوص و لا يلتصق بقاع الوعاء و حين يصبح المزيج متجانسا نتركه يغلي و يسمك قليلا ثم نبعده عن النار .

• في صينية فرن نضع 2-3 ملاعق من صوص البيشاميل , لا ندهن القالب بشيء لان البيشاميل كافية لمنع الغراتان من الالتصاق .

• نخفق البيض بشوكة ثم نضيفه لصوص البيشاميل ثم نضيف نصف كمية الجبن . نشغل الفرن على 180 درجة .

• خطوة مهمة لطعم اطيب و هي تمليح القرنبيط حيث نرشه بالقليل من الملح و نقلبه بلطف و إلا فسيكون الغراتان قليل الملح و هذا يؤثر على الطعم في النهاية و إن استغنيتي عن هذه الخطوة راح يظل طيب خصوصا لمن يرغب بتقليل الملح في الطعام و لكني من محبي الملح .

• نرص زهرات القرنبيط في الصينية ثم نصب عليها الصوص و نرشها بالجبن المتبقي و ندخلها الفرن ل 50 دقيقة أو حتى يحمر الغراتان بالاحمرار من الجوانب ثم نشعل الشواية و نتركه ليحمر من فوق حسب الدرجة التي ترغبين بها ثم نخرجه من الفرن و نتركه يهدأ قليلا ثم نقدمه بسم الله .


أفكار و تنويعات :

• إذا أردت تجربته كأول مرة يمكنكم تحضير كمية اقل أنا عن نفسي احضره بالمقادير التالية : حبة قرنبيط ما بين الصغيرة و المتوسطة , نصف ملعقة كبيرة زبدة و ملعقة كبيرة طحين اقل من كوب حليب للبيشاميل و 2 بيض و الجبن ساويت المقدار بالنظر يعني حسب الرغبة

• بمكن الاستغناء عن البيض إذا أردت و الاكتفاء بالبيشاميل و رش الجبن فوقها .

• إن أردت إضفاء بعض القرمشة يمكنكم رش الصينية بالقليل من البقسماط قبل إدخالها الفرن .

• إذا امتلأت الصينية و بقي عندك القليل من القرنبيط المسلوق يمكنك تحضير سلطة القرنبيط بلبن .
  • وصفات تانية ممكن تعجبك


التعليقات

  1. منى 1 January 2009

    سلم دياتك سارونات :)
    وصفة شكلها بيشهي و مرتبة كتير كتير

    الله يعطيكي الف الف عافية , رح جربها لما جيب قرنبيط مرة تانية اذا الله عطاني عمر ;)

  2. souha 1 January 2009

    السلام عليكم :)
    تسلم دياتك سارونات ع هالآكلة الظريفة أنا شفتها بكتاب باللغة الإنكليزية و قلت شي مرة بدي جربها بس بدي إتعدى ع الوصفة شوي لو زعلو الفرنسيين و حطلها شوية لحمة ;)
    الله يعطيك العافية

  3. سلاف 5 January 2009

    يسلم ايدكي سارونات عنجد شيئ رائع
    ومتل ماقالت سها فكره الواحد يحط معاها لحمه بعتقد بتطلع اطيب
    شكرا كتير عالوصفه :)

  4. غيث 5 January 2009

    تسلم ايدك اختي والله طبختك فيها تغيير شكل عن كل اكلات القرنبيط الاخرى ونحن العرب بنحب اللحم لذلك متل ما قالوا الاخوات العزيزات ممكن وضع لحمة معاها يعني بتكون مغذية للاولاد اكتروشكرا لك سارونات

  5. larooo 5 January 2009

    ممممممممم
    شكلها كتير طيبة .. وجوزي بحب القرنبيط كتير
    وبحتار شو بدي اعملو ..ان شاء الله رح جرب هي الوصفة قريبا
    يسلمو إيديكي :)

  6. نوارة 6 January 2009

    الله يسلم دياتك انا مرة دقتها قرنيط وبروكولي وجنبها رز مع خضار(ذرة جزر بازلاء)
    يعني جد اكلة كتير طيبة

  7. سارونات 6 January 2009

    السلام عليكم و رحمة الله و بركاته
    جازاك الله خيرا اختي منى
    كتير فرحت ان بدك تجربي الوصفة و ناطرة اعرف النتيجة على نار و اكيد بدي صورة )) شو هالطمع :grin ))

  8. سارونات 6 January 2009

    و عليكم السلام و رحمة الله و بركاته اختي سهى
    و لا يهمك اتعدي على الوصفة و اتفنني فيها متل ما بدك و ان شاء الله تطلع طيبة و تعجب افراد عيلتك

  9. ام نور 6 January 2009

    سلم دياتك اخت سارونات سبحان الله من اسبوع كنت بزيارة لا اخت فرنسية وكانت عاملة هالغراتان بس عملت القرنبيط عالبخار ميشان يحافظ عالفيتامين والبشاميل عادي وكتير عجبني :p انشالله رح جربا لما جيب قرنبيط

  10. سارونات 6 January 2009

    و ايديكي اختي سلاف و ناطرة اضافة اللحم تنشوف كيف بتطلع و اكيد بتطلع كتير طيبة و انالقيت وصفة بتشبهها بالنت فيها لحمة

  11. سارونات 6 January 2009

    العفو اختي غيث و ان شاء الله تجربيها قريبا و تطلع متل ما بدك و اطيب :zzz

  12. سارونات 6 January 2009

    اهلا و سهلا فيكي اختي لارووو و ان شاء الله تجربي الوصفة قريبا و تنال رضاك و رضا زوجك و الله يخليكم لبعض

  13. سارونات 6 January 2009

    اهلين اختي نوارة منيحة فكرة القرنبيط و البروكلي مع ان انا ما بيتوفر عندي البروكلي :cry ان شاء الله كمان تجربي هالطريقة و تعجبك و تذوقيها للي دقتي عندهم القرنبيط و البروكلي و يقولولكطلعت طيبة و ما يظل شي منها )) ساويتلك قصة :grin ))

  14. سارونات 6 January 2009

    الله يخليلي ياكم اخواتي و ما يحرمني منكم ردودوكم فرحتني كتير و اللي اح يفرحني اكتر هو تطبيقاتكم الناجحة ان شاء الله
    ربنا يوفقكم و يسهل دروبكم و ينجح طبخاتكم و كيكاتكم
    سلام

  15. تورتاية بالكريز 7 January 2009

    امممم جراتان قرنبيط والله فكرة بتشهي وشكلها روعة تسلم ايدك سارونات على الوصفة الرائعةياقمر :)

  16. سارونات 7 January 2009

    السلام عليكم و رحمة الله و بركاته
    اهلين تورتاية يخليلي ياكي و ان شاء الله تجربيها و تعجبك
    ربي يوفقك و يسهل دربك
    سلام

  17. souha 18 January 2009

    السلام عليكم
    أليوم ماما جربيت الأكلة و كتير طلعة طيبة يسلم دياتك
    بس ما ضفنالها لحمة لأنو ما بقيان لحمة ناعمة ما في غير شقف و هالنوع ما يزبط مع هالأكلة بس حطينا مكعبات مرق ماجي مع البيشاميل و عطوها نكهة طيبة :)
    الله يعطيكي العافية و بنتظار وصفات جديدة :zzz

  18. سارونات 21 January 2009

    السلام عليكم و رحمة الله و بركاته
    كتييييييير فرحت لما عرفت انكم جربتو الوصفة خصوصا امك بوسيها و قوليلها سارونات بتسلم عليك كمان كتير حلوة فكرة اضافة مكعب ماجي للبيشاميل بلكي بالمرة الجاية بجربها بس راح حط مكعب مرق دجاج مسلوق
    هنا و صحة على قلوبكم
    بالتوفيق
    سلام

  19. سارونات 10 February 2009

    السلام عليكم و رحمة الله و بركاته
    اختي ام نور مشان الله ما تواخزيني ما بعرف كيف ما شفت ردك كتبنا ردودنا بنفس الوقت و في بيناتنا بس دقيقة لهيك ما شفتو :cry
    شفتيلي على هالصدفة شو حلوة فرحت كتير انك دقتيه عن صاحبتك و عجبك و اكيد افضل اذا بينعمل القرنبيط على البخار مشان يحافظ على قيمته الغذائية و حتى انا عملتو مرة على البخار و ان شاء الله بظلني ساويه
    ناطرتك تجربيه و تعطيني رايك
    بالتوفيق اختي
    سلام

  20. منى 6 May 2009

    حضرتها و كانت طيبة و هي صورة لتطبيقي :) ان شاء الله يكون مظبوط و تمام

  21. سارونات 6 May 2009

    السلام عليكم و رحمة الله و بركاته

    بسم الله ما شاء الله صورة التطبيق كتير حلوة و كتير فرحت انك جربتيها و عجبتك
    و ان شاء الله باقي الاخوات كمان يجربوها و تعجبهم

    بالتوفيق
    سلام

  22. gsm 21 October 2009

    سلام عليكم سارونات انا اليوم جربت الأكلة بس بصراحة بما انو لا انا ولا زوجي من محبين القرنبيط حبيت اجربها بالكوسا إسمو عندي كوسا وعن جد كتيير طلعت طيبة بس انا ما حطيت للغراتان غير بيضة وحدة يعني عملت الباشاميل العادي وضفته على الكوسا المسلوق بس عن جد طلعت طيبة كتيير وتغيير شكل يسلموا إيديك

  23. سارونات 19 August 2010

    عليكم السلام و رحمة الله و بركاته

    اهلين اختي .كتير فرحت انك جربتي الوصفة بالكوسا فكرة كتير حلوة .و ان شاء الله راح ساويها بكوسا

    بالتوفيق للجميع

    سلام

تقييم الوصفة
عاديةقد أحضرهاجيدةممتازةأكثر من رائعة (No Ratings Yet)