فطائر السبانخ


         وصفة : منى                 2008/03/24                 23 تعليقات
فطائر السبانخ

تحضير العجينة : 

·          يسخن كوب من الماء حتى تصل درجة حرارته لأعلى درجة يتحملها طرف الإصبع .

·          تضاف باقي المقادير للماء و يعجن الكل حتى تتشكل لدينا عجينة طرية جداً و لكن لا تلتصق بأطراف الأصابع , يمكن أن يضاف باقي الحليب إذا دعت الحاجة .

·          توضع العجينة في كيس نايلون كبير و يربط طرف الكيس ثم توضع في وعاء كبير و يغطى بشكل محكم ثم تترك في مكان دافئ حتى تنتفخ العجينة و يتضاعف حجمها .

 تحضير الحشوة :  

·          تفرم السبانخ ناعماً ثم تغسل جيداَ و تترك حتى تصفى .

·          يرش الملح على أوراق السبانخ المفرومة و توضع على مصفاة و يضغط عليها جيداً باليد و تفرك و تعصر بين راحتي اليد حتى يتم التخلص من كل عصارة السبانخ .

·          تفرم البصلة ناعماً ثم ترش بالسماق و البهار و الفليلفة الحمراء و تدعك حتى تخرج العصارة من البصل ثم يصفى باليد و يوضع فوق السبانخ .

·          يضاف عصير الليمون و دبس الرمان و الزيت و الرمان المفروط و الجوز و تحرك الحشوة و يتم تعديل البهارات حسب الرغبة , و يضاف المزيد من السماق إذا دعت الحاجة .

·          تترك الحشوة جانباً لمدة نصف ساعة أو حتى تجهز العجينة ثم توضع  على مصفاة ناعمة للتخلص من السوائل الزائدة كي يسهل حشي الفطائر بها .

تطبيق الفطائر :  

·          تقطع العجينة لكرات و تفرد بالشوبك بشكل دائرة أو ترق العجينة كلها ثم تقطع لدوائر باستخدام صحن كبير .

·          توضع ملعقة كبيرة من الحشوة في منتصف الدائرة بشكل هرم .

·          للحصول على الشكل الجميل المميز لفطائر السبانخ تقسم الدائرة ذهنياً لنصفيين و يطبق طرفا أول نصف بشكل محكم ثم يطبق طرفا النصف الثاني للحصول على شكل مثلث .

·          يحمى الفرن على درجة حرارة 180 درجة مئوية , ترتب فطائر السبانخ على صينية غير لاصقة أو صينية عادية مدهونة بالزيت , يدهن وجه الفطائر بالبيض .

·          تخبز الفطائر في الفرن لمدة 10 – 15 دقيقة أو حتى تنضج و يشعل الفرن لبضع دقائق حتى يحمّر الوجه و تقدم ساخنة أو فاترة .

تنويعات و إضافات :

تحضر فطائر السلق بنفس الطريقة تماماً باستبدال السبانخ بالسلق .

 

 




العجينة :

ثلاث كوب طحين أبيض نوعية ممتازة
ربع كوب زيت عادي
كوب أو كوب و ربع ماء دافئ ( حسب نوعية الطحين )
3 - 4 ملعقة كبيرة حليب بودرة
ملعقة صغيرة ملح
ملعقة صغيرة سكر
نصف ملعقة صغيرة خميرة فورية


الحشوة :

كيلو سبانخ
نصف ملعقة صغيرة ملح
نصف كوب جوز مفروم خشناً
رشة بهار و فليلفة حمراء ناعمة
رشة كمون
ملعقة صغيرة سماق مطحون
2 ملعقة كبيرة عصير ليمون
2 ملعقة كبيرة دبس رمان
حبة كبيرة بصل
4 – 5 ملعقة كبيرة زيت زيتون
2 ملعقة كبيرة حبات رمان مفروط ( اختياري )





تحضير العجينة :

• يسخن كوب من الماء حتى تصل درجة حرارته لأعلى درجة يتحملها طرف الإصبع .

• تضاف باقي المقادير للماء و يعجن الكل حتى تتشكل لدينا عجينة طرية جداً و لكن لا تلتصق بأطراف الأصابع , يمكن أن يضاف باقي الحليب إذا دعت الحاجة .

• توضع العجينة في كيس نايلون كبير و يربط طرف الكيس ثم توضع في وعاء كبير و يغطى بشكل محكم ثم تترك في مكان دافئ حتى تنتفخ العجينة و يتضاعف حجمها .

تحضير الحشوة :

• تفرم السبانخ ناعماً ثم تغسل جيداَ و تترك حتى تصفى .

• يرش الملح على أوراق السبانخ المفرومة و توضع على مصفاة و يضغط عليها جيداً باليد و تفرك و تعصر بين راحتي اليد حتى يتم التخلص من كل عصارة السبانخ .

• تفرم البصلة ناعماً ثم ترش بالسماق و البهار و الفليلفة الحمراء و تدعك حتى تخرج العصارة من البصل ثم يصفى باليد و يوضع فوق السبانخ .

• يضاف عصير الليمون و دبس الرمان و الزيت و الرمان المفروط و الجوز و تحرك الحشوة و يتم تعديل البهارات حسب الرغبة , و يضاف المزيد من السماق إذا دعت الحاجة .

• تترك الحشوة جانباً لمدة نصف ساعة أو حتى تجهز العجينة ثم توضع على مصفاة ناعمة للتخلص من السوائل الزائدة كي يسهل حشي الفطائر بها .


تطبيق الفطائر :

• تقطع العجينة لكرات و تفرد بالشوبك بشكل دائرة أو ترق العجينة كلها ثم تقطع لدوائر باستخدام صحن كبير .

• توضع ملعقة كبيرة من الحشوة في منتصف الدائرة بشكل هرم .

• للحصول على الشكل الجميل المميز لفطائر السبانخ تقسم الدائرة ذهنياً لنصفيين و يطبق طرفا أول نصف بشكل محكم ثم يطبق طرفا النصف الثاني للحصول على شكل مثلث .

• يحمى الفرن على درجة حرارة 180 درجة مئوية , ترتب فطائر السبانخ على صينية غير لاصقة أو صينية عادية مدهونة بالزيت , يدهن وجه الفطائر بالبيض .

• تخبز الفطائر في الفرن لمدة 10 – 15 دقيقة أو حتى تنضج و يشعل الفرن لبضع دقائق حتى يحمّر الوجه و تقدم ساخنة أو فاترة .


تنويعات و إضافات :

تحضر فطائر السلق بنفس الطريقة تماماً باستبدال السبانخ بالسلق .



  • وصفات تانية ممكن تعجبك


التعليقات

  1. omtasneem 24 March 2008

    السلام عليكم ورحمة الله وبركاته. شو هالفطاير ياست منى بصراحة ريئي فرط وانا صايمة تسلم دياتك بس عندي سؤال بصير ابدل السبانخ بالجبنة مشكورة

  2. منى 24 March 2008

    هلا ام تسنيم , ان شاء الله الله يتقبل يا رب و يجعلك بهل الصيام نور و بركات :)

    أختي أكيد بيصير تحضري الفطاير بالحشوة الي بتحبيها , العجينة نفسها بس بتغيري الحشوة على كيفك , و ممكن كمان تستعملي[URL=http://www.l2ma.com/content/view/213/2/]عجينة أمي[/URL]لحتى تحضري الفطاير بالحشوة الي بتحبيها, متل الزعتر أو الفليلفة أو الجبنة , الجبنة منرش عليها حبة بركة و الزعتر سمسم و الفليلفة من الفليلفة الحمرا الناعمة

  3. Rino 26 March 2008

    شي بيطير العقل
    رغم لأني مبارح تعشيت فطاير بسبانخ مع ذلك دنأت على الفطاير اللي عاملتيهون يم ريتون يعيشوا هالإيدين
    بس حبيت أأولك على عجينتي اللي بستخدمها
    بالسابق كنت أستخدم مقاديرك تمام و كنات روعة بعدين تعلمت مقادير تانية حولت عليها لأنها كتير عجبتني بتشبه مقادير ماميتك الله يخليلك ياها و يمد بعافيتها و عمرها[URL=http://www.l2ma.com/content/view/369/1/]و هي طريقتي[/URL]

    بما أنو موقعك الرائع شعاروا تبادل المعلومات و الفائدة و الخبرات تجرأت و حطيت هالمقاير مو لأي سبب تاني بتمنى أني أكون ما سببت إزعاج
    و إذا حبيتي تجربي عطيني رأيك لأنو رأيك بيهمني فوق ما تتصوري

  4. منى 26 March 2008

    شو ازعاج و ما ازعاج رينوو :roll

    انا كنت مستنية وصفة منك من زماان و هلا لو سمحتيلي نزلتها بموضوع كامل ;) و على التطبيق القريب ان شاء الله

  5. abeer 31 March 2008

    السلام عليكم منى والله يعطيك العافية على هالأكلات الطيبة كتير وانا عم اعمل كتير من وصفاتك وبتطلع روعة بس انا بدي اسالك بالنسبة للسبانخ هون مابنسلقها

  6. منى 31 March 2008

    هلا فيك عبير , مية هلا أختي :)
    صحتين و هنا على الوصفات , يا ترى شو جربتي :roll

    السبانخ هون ما منسلقها بس منرشها بالملح و منضغط عليها لحتى تنزل منها كل المي ;)

  7. abeer 31 March 2008

    منى حبيبتي انا جربت البطاطا المطفاية روعة وزوجي حبها كتيييير وكمان جربت الكبة اللبنية والله بتجنن وكانت اول مرة اعملها وكانت والله طيبة كتير وما بحكيلك عاللزانيا من يوم ما عملتها على طريقتك وزوجي بيطلبها والاولاد كمان وكمان عجينة البيتزا احلا عجينة 0 وبدون مجاملة انا كتير من وصفاتي غيرتها واخذت وصفاتك وانا بشهدلك انك فعلا ذواقة

  8. منى 1 April 2008

    صحتين و هنا عبورة , كتيرر انبسطت من ردك و من هل الكلام الي كتيررر حلو , الله يجبر بخاطرك و ان شاء الله عوافي و هنا على قلبك و قلبك كل مين داق من طبخاتك ;)

  9. ام عون 13 January 2010

    مرحبا منى . انا بعمل الفطاير بالسبانخ بس مابكون زابطين لكن بدي اعمل طريقتك بس بدي اسالك الصينيه اللي فيها المعجنات بتنحط بالوسط ولا من اسفل الفرن .وكيف النار منخفضه ولا مرتفعه.بستنى منك الرد لاني جاي على بالي اعمل الفطاير بالسبانخ :zzz

  10. ام عون 20 January 2010

    شو يااخت منى وين ردك اللي عن طريقة الفطاير بالنسبه للنار وبصراحه اعملت الفطاير بس طلعوا معي مش زي ما بدي ياريت انك اجاوبيني :cry

  11. منى 21 January 2010

    لا تاخذيني اختي ام عون للتاخير
    الفطاير بخبزها على الرف الوسط الحرارة ما بين 170 للـ 200 مئوية و استعمل دوما صاج المنيوم , افضل كتير من الصواني الغير لاصقة .

    يا ترى شو الي ما زبط معاك ؟

  12. ام عون 21 January 2010

    ياست اللي ما زبط معي هو خبزتها من اسفل الفرن وكان الرف ملاصق لنار والحراره 180 مئويه.واتحمرت من تحت لكن من فوف ماتحمرت فصرت اقلبه علشان تتحمر لكنه وانا عم بقلبها تكسرت.لكن طعمتها طيبه .بدي اسئلك هي بدها فرن عربي يعني رفين :?

  13. منى 21 January 2010

    وووواخ , و لا يهمك خيرها بغيرها , ان شاء الله المرة التاية تسبتي الفرن على النص و يمشي الحال

    ما فهمت عليك شو هو الفرن العربي , المهم انا فرني فرن عادي و ما فيه ايا ان ;)

  14. ام عون 22 January 2010

    شكرا الك على التوضيح :roll الفرن العربي(هي افران موديل قديم وحتى الان النساء بستعملنه في خبز الخبز)بيكون رفين :zzz

  15. منى 22 January 2010

    اااه , هلا فهمت عليك ;)

  16. Jassy 7 January 2011

    السلام عليكم

    جربت هالحشوة من كم يوم بس بعجينة الباف باستري، طلع زوجي العينتين ما بيحب هالعجينة :roll :(
    لذلك كنت بدي اسألك ، ما بتزبط بعجينة العشر دئايئ أو عجينة البيتزا يلي انتي منزلتيها ؟
    وصفة هالعجينة، فيني بدال المي والحليب الجاف استخدم حليب مبستر ؟ لأن نحنا ما منجيب حليب جاف أبدا ابدا، بئى مشان ما اضطر جيبو بس كرمال هالوصفة.

    كمان سؤال، الحشوة ما بدها دورة قلية عالنار؟ أو البصل عالأقل ؟

    يسلمو جدا كثيرا :) منشوفك بخير معلمتنا !

    والسلام عليكم

  17. منى 8 January 2011

    و الله برهن ما بتصير , انا يوم الخميس حضرت هل الفطاير من دون الحليب المجفف و باستعمال الحليب و استعملت زيت زيتون عوض الزيت العادي و طلعت بتجنن ;)

    الحشوة كلها المفروض تكون نية , بس اذا ما بتحبي البصل ممكن تقللي كميته او تستغني عنه او تقليه تقلاية صغيرة بس اصوله نو :zzz

  18. Jassy 19 January 2011

    السلام عليكم ورحمة الله

    كيفك معلمتي ؟ 8) انتي معلمتنا كلنا !!! شئتِ أم أبيتِ ذلك.
    المشكلة أن انا بستخدم السبانخ المجمد :roll بشتريه جاهز هون.
    أولتا امبارح عملت هالفطاير 8) يااااه من برا طلع شكلون بيهبل، كأن مو حقيقيات من أد مو مزبطين وهيك، ومن جوا طبعا طيبين :roll وحبون جوزي ….. بس … أنا قبل هيك ما كنت عاملة فطاير غير السمبوسك :grin لهيك رققت العجينة قد ما قدرت .. يعني بتتصوري كيف طلعت رقيقة. بس ماشي الحال 8) نيكست تايم ان شاء الله أحسن.

    يسلمو كتير كتير ، ومنشوفك بخير مع الوصفات القادمة.

    وسلام لحلب خيتو، شتقتلا ….. :(

    والسلام عليكم ورحمة الله

  19. larooo 3 March 2011

    السلام عليكم ..منى والصبايا الحلوين جميعا
    امبارح عملت هي الوصفة ..وعملت بس نص كيلو سبانخ
    ومع هيك زاد سبانخ ..قلت غريبة مافي بالعادة العيارات ماتكون مزبوطة عالتكة ..بس الطعمة طيبة ;)
    وهلأ بدي ارجع اعمل عجينة مشان باقي السبانخات :grin
    الله يعطيكي العافية منوش وعم استنى كتابك ان شاء الله :) :zzz

  20. Noora 13 March 2011

    شو هل النفس الطيب يا منى شو هل عجينة التحفة أمبارح عملت فطاير السبانخ والحقيقة ما توقعتهن يطلعوا طيبين كل هل قد وعلى كتر ماحبيناهن اليوم كمان عملت خمس أضعاف الكمية وبدي أسألك ممكن أحفظهن بالفريزر لأني كترت كتير وكمان عن فائدة حليب البودرة للعجينة لأني عملت العجينة بلاه وألك كل المحبة

  21. Noora 24 March 2011

    اليوم عملت نفس العجينة بس حشيتها بسلطة الزعتر الأخضر بدون بندورة وليمون ياي يامنى شو طلعوا طيبين ياريتك تجربيهن وكمان عملت فطاير الزيتون وكل يلي داقوهن قالولي أنهن أطيب فطاير بالدنيا والمقادير هي:زيتون منزوع النوا
    فليفلة خضرا مفرومة
    فليفلة حمرا مفرومة
    زعتر أخضر مفروم
    ملعقتين دبس رمان
    ملح
    صدقيني رح تكون أطيب فطاير بتدوقيهن

  22. larooo 27 April 2012

    اليوم صار معي فلم هندي هههههههه
    قررت حضر هي الوصفة وانا عم اقرا بدل 3 كاسات 3 ارباع كاسة .. وقريتها سبحان الله اكتر من مرة وماشوفها غير 3 ارباع كاسة .. قلت معقول هي بتنفش كتير .. وحطيت كمية الزيت كلها بس لما جيت بدي حطي المي يدوب حطيت ربع كاسة وحسيتها كتيرة .. قلت شو مشان كل هالسوائل على شوية طحين ..وصرت زيد رشة طحين .. رشة ورا رشة .. لبين ماحسيتها عجينة ..قلت غريبة مالها بالعادة منى ..مقاديرها تمام.. وهلأ بالليل قلت لشوف التعليقات بلكي البنات مصلحين المقادير واذذذذذذذذذذ ..انا عاملة الوصفة من شي سنة ومقعلة كمان .هههههههه .. طبعا هلأ قريت المقادير صح ..سبحان الله لما الواحد ببطل يشوف
    طبعا طلعت كمية العجينة قليلة .. بقى بكرة بعيدها على اصولها لباقي الحشوات :grin

  23. منى 5 May 2012

    :roll
    اي بتصير , الحمد لله طلعت براءة انا :grin و عوضك على الله بالشي الي طلع معك

    ان شاء الله هل المرة يزبطوا معك , و الله يفتح بصرنا و بصسرتنا لاروش :)

تقييم الوصفة
عاديةقد أحضرهاجيدةممتازةأكثر من رائعة (No Ratings Yet)