كاتو البرتقال المحشي بكريما البرتقال اللذيذة


         وصفة : منى                 2007/08/22                 38 تعليقات
كاتو البرتقال المحشي بكريما البرتقال اللذيذة

·          يخفق البيض حتى يصير هش و يفتح لونه يضاف السكر و بشر البرتقال و يخفق الكل على سرعة عالية  حتى يذوب السكر بالكامل و يتكون لدينا الشريط عندما نرفع الخفاقة .

·          ينخل الطحين مع البيكنغ بودر , ثم يضاف الحليب و عصير البرتقال و الزيت لمزيج البيض و السكر  بالتناوب مع الطحين المنخول و يقلب بلطف حتى الحصول على مزيج متجانس .

·          يصب الكاتو في قالب مدهون و يخبز في الفرن لمدة 45 – 60 دقيقة أو حتى ينضج ثم يترك القالب حتى يبرد .

·          لتحضير الكريما : يمزج السكر و الطحين و بشر البرتقالة و العصير و البيضة جيداً في قدر صغير ثم يوضع على النار و يحرك باستمرار حتى يغلي المزيج و يسمك .

·          تبعد كريما البرتقال عن النار و تضاف الزبدة و تقلب بمضرب سلك حتى تذوب الزبدة , و مع الاستمرار  بالتقليب السريع ستصبح كريما البرتقال ناعمة و جاهزة .

·          بعد أن يبرد القالب يقطع لنصفين و يحشى بنصف كمية كريما البرتقال ثم يغطى بالنصف الثاني من الكاتو و يغطى الوجه بباقي الكريما .

·          تخفق الكريما البيضا مع الحليب البارد حتى تشتد و تنتفخ ثم يدهن بها وجه الكاتو و يمكن أن يزين بشرائح البرتقال ثم يقدم بارداً .

·          يمكن أن يقدم الكاتو سادة من دون كريما البرتقال .   

كاتو رح يدفي مطبخك بريحته الحلوة و لما رح تدوفي رح تحسي ان البرتقال اطيب فاكهة خلقها ربنا سبحانه و تعالى , من طعمته الطيبة و الكيك الي عم يدوب و الكريما الناعمة السلسة ,,, مممم بيجنن


بالصحة و الهنا





3 بيض بحرارة الغرفة
2 كوب سكر
بشر برتقالتان
نصف كوب حليب دافئ
كوب عصير برتقال
ثلاث أرباع كوب زيت
3 كوب و نصف طحين حلويات
3 ملعقة صغيرة و نصف بيكنغ بودر

كريما البرتقال :

ثلاث أرباع كوب سكر
ملعقة كبيرة طحين
بشر برتقالة
نصف كوب عصير البرتقال
بيضة
ربع باكيت زبدة

الكريما الشانتيه :

علبة كريما بيضاء
ثلاث أرباع كوب حليب بارد جداً





• يخفق البيض حتى يصير هش و يفتح لونه يضاف السكر و بشر البرتقال و يخفق الكل على سرعة عالية حتى يذوب السكر بالكامل و يتكون لدينا الشريط عندما نرفع الخفاقة .

• ينخل الطحين مع البيكنغ بودر , ثم يضاف الحليب و عصير البرتقال و الزيت لمزيج البيض و السكر بالتناوب مع الطحين المنخول و يقلب بلطف حتى الحصول على مزيج متجانس .

• يصب الكاتو في قالب مدهون و يخبز في الفرن لمدة 45 – 60 دقيقة أو حتى ينضج ثم يترك القالب حتى يبرد .

• لتحضير الكريما : يمزج السكر و الطحين و بشر البرتقالة و العصير و البيضة جيداً في قدر صغير ثم يوضع على النار و يحرك باستمرار حتى يغلي المزيج و يسمك .

• تبعد كريما البرتقال عن النار و تضاف الزبدة و تقلب بمضرب سلك حتى تذوب الزبدة , و مع الاستمرار بالتقليب السريع ستصبح كريما البرتقال ناعمة و جاهزة .

• بعد أن يبرد القالب يقطع لنصفين و يحشى بنصف كمية كريما البرتقال ثم يغطى بالنصف الثاني من الكاتو و يغطى الوجه بباقي الكريما .

• تخفق الكريما البيضا مع الحليب البارد حتى تشتد و تنتفخ ثم يدهن بها وجه الكاتو و يمكن أن يزين بشرائح البرتقال ثم يقدم بارداً .

• يمكن أن يقدم الكاتو سادة من دون كريما البرتقال .
  • وصفات تانية ممكن تعجبك


التعليقات

  1. linda 25 August 2007

    السلام عليكم منى
    شو هل الوصفة الحلوة هي
    ان شالله ننقل على بيت تاني و يكون في الفرن احسن لحتى صير طبق

    الحمدلله كل شي جربتوا من وصفاتك طلع ناجح من اول مرة

    يالله رمضان قرب الله يعننا على صيامه وقيامه و بدنا همتك على وصفات سهلة وطيبة من تحت ايديك الحلوة

  2. منى 26 August 2007

    أمين يا رب العالمين ..

    حاسة الدنيا كلها منورة بقروب رمضان :)

    امبارحة رجعت من السفر , كنت بالشام و لو تعرفي شو اتذكرتك ;)

    ان شاء الله صحتين و هنا و عوافي على قلبك يا رب

    هلا رح نزل الكبة النية و هي وصفة خاصة برمضان و ما في يوم بيمرء من غير ما تكون على السفرة مع الفتوش و شوربة العدس 8)

    الله يخليك ليندا , أخت عزيزة و غالية على قلبي

  3. linda 26 August 2007

    هلا منى
    الحمدلله على السلامة و ان شالله تكوني انبسطتي بالشام وعجقتها:grin

    بتعرفي انا كمان كل ما حس رمضان قرب بحس البي من جوا بيفرح

    رايحة شوف الكبة :eek

    و الله انا كمان بحس انك متل اختي و قريبة من قلبي كتير
    احبك في الله :)

  4. منى 27 August 2007

    الحمد لله انبسطنا كتير :)

    بتذكري مرة لما طلبتي مني وصفة فطاير المحمرة و أنا قلت لك ان اسمهم فطاير الفليلفة :roll
    طلعوا فطاير الفليلفة بحلب هم نفسهم فطاير المحمرة بالشام :eek

    و أنا كمان أحبك في اله ليندا :)

  5. Rino 21 January 2008

    كمان يامنى مبارح جربت هالكيكة وطلعت طيبة كتير بس يمكن كان بدا شي ملعقة طحين زيادة على الأرجح عيرت الكاسة شوي ناقصة لأنو طلع فيها شوية رطوبة بس مو بسبب قلة الخبز و مع ذلك صار الهجوم عليها غيرشكل ولادي كتير بيحبو الجاتويات حتى أنون بيعتمدو عليها بالكامل لوجبة الفطور مع كاسة حليب أو كوكتيل و صار أسمك معروف عندون الله يعطيكي العافية و تعيشي و تجيبي كمان وصفات

  6. منى 21 January 2008

    صحتين و هنا يا رب على قلبك و قلبن يا رب و الله يخليلك يااهن و يباركلك فيهن :)

    هدول متل ابني كمان روح قلبو الكاتويات ;)

    هي قصة الرطوبة غريبة :roll المهم انهم حبوها :)

  7. سارونات 8 January 2009

    السلام عليكم و رحمة الله و بركاته
    من الصيف و انا حاطة عيني على الوصفة و ناطرة يجي موسم البرتقال و فكرة كريما البرتقال كتير حلوة
    بدي ارعف اذا قطر الصينية هو 22 سم كالعادة او اكبر
    ما خبرتك صار لازم تباركيلي مو اشتريت صينية قطرها 22 سم :zzz و فرحانة فيها بس لهلأ ما جربتها و لقيت بس اللي بتنفتح من تحت بس قلت يلا احسن من ولا شي و هذا يقودنا الى سؤال اخر ألا و هو هالصينية اللي بتنفتح من اسفل عندي وحدة بس حجمها كبير المهم جربت فيها من قبل كاتو لوز و جوز و موز من غير لا جوز و لا لوز :grin المهم ما كان في مشكلة بس لما جربت كيكة السنيكرز سالت من تحت و ساوت بلاوي في الفرن فهل لما استعمل هالصينية بقدر حط تحتها مباشرة صينية اكبر مشان ما يصير شي للفرن و اذا فيني فهل هالشي بيأثر على المدة اللي بتاخذهاالكيكة تحتى تنضج
    بالتوفيق
    سلام

  8. منى 8 January 2009

    هلا سارونات :)
    هي الوصفة بدها صينية اكبر حوالي 26 سم

    انا ما بحب الصواني الي بتنفتح من تحت للكيد لان رح يصير متل ما صار معك , قصدي رح تسيح في الفرن و تزع الدنيا الا اذا كانت الصينية من نوعية ممتازة ;)

    ممكن تحطي صينية تحت , و ما اعتقد رح ياثر على فترة الخبز بس اكيد اتاكدي من الكيك قبل ما اطالعيه ;)

  9. سارونات 14 January 2009

    السلام عليكم و رحمة الله و بركاته
    جازاك الله خيرا
    اختي منى قصدك تحتها مباشرة ما هيك يعني منحط الصينية في صينية تانية و منحطها بالفرن
    اختي منى اذا حطيت شرائح برتقال فوقها شو بحطلها تحتى تحافظ على لونها و ما تنشف
    بالتوفيق
    سلام

  10. منى 14 January 2009

    أختي تحتها بس لو بينفع تعمليها بصينية عادية احسن , هيك ما بعرف شو ممكن يصير معك :roll

    البرتقال ممكن ترشيه بالسكر لحتى يصير عليه متل كراميل :)

  11. سارونات 13 February 2009

    السلام عليكم و رحمة الله و بركاته
    اختي منى قصدك سكر عادي او سكر بودرة
    كمان بدي اسألك عن كمية الكريما البودرة اللي بالعلبة لان اشتريت علبة فيها 40 غ و مكتوب على العلبة اننا نضيفلها 80 غ من الحليب او الماء
    لهيك بدي اعرف علبتك قديش فيها

    اختي منى كمان عندي سؤال عن اذا ما لقينا كريم شانتيه شوكولا ما فينا نضيف كاكاو او شي للكريما البودرة البيضاء و نستعملها و اذا فينا ما هي الطريقة
    بالتوفيق
    سلام

  12. سارونات 17 February 2009

    السلام عليكم و رحمة الله و بركاته
    :zzz عم حس فكرة الكاكاو ما بتنفع بس يمكن ليش لا شو قولك
    بالتوفيق
    سلام

  13. منى 17 February 2009

    سكر عادي سارونات , بس كمان انا مو مجربة , يعني ما بعرف اذا رح تزبط أو رح تنزل من عصيرها و تنزعلك الكيك , شو رايك بااول ما تحطي شي و جربي الوصفة و تشوفي اذا ظبطت معك و بعدها بتبقي بتضيفي اشياء على زووءك ;)

    اختي العلبة الي عندي ما بعرف كميتها , بس المفروض انها تغلف كل الكيك و اذا حابة تضفي شوكولا بعد ما تخفقي الكرييما و تنفش بتضيفي 2 أو 3 ملعقة كبيرة كاكاو منخول لحتى تحصلي على الطعم الي بتحبيه :zzz

  14. سارونات 26 February 2009

    السلام عليكم و رحمة الله و بركاته
    الكيك هلا في الفرن و ايدي على قلبي ان شاء الله يطلع خفيفي متل ما مبين بالصورة بس بتوجعك ايدك و انت عم تقلبي بنفس الاتجاه و بخفة اكيد لان ثلاثة كوب و نص طحين انا معودة لما ساوي كيك شوكولا دوق اللي بيظل بالاناء اللي خلطت فيه الكيك حتى لما كنت صغيرة كانت امي الله يحفظها لي تخليلي ياه مشان اكله و رجعلها الطبق نظيف و ما فيه نقطة كيك عقد مانو طيب :grin و ما بدوق ابدا الكاتو الابيض الا بعد ما ينضج بس هالمرة دقتو و شو طيبة طعمتو و ريحتو كمان ان شاء الله يضبط بعد ما طالعه من الفرن

    شو بدي قول بعد ما طالعه من الفرن و خليه يبرد شوي غطيه بنايلون او اتركه متل ما هو لان عم فكر حطله الكريما بكرا
    كمان سؤال بعد ما حطلو الكريما و كل شي و حطه بالبراد غطيه بنايلون او لا و قديش بيضاين خصوصا اذا ما حطيتلو كريم شانتيه و اكتفيت بس بكريما البرتقال لان لساتني ما قرررت تحتى شوف النتيجة
    بالتوفيق
    سلام

  15. منى 26 February 2009

    متل اولادي بينصفوا بالدور لمن اعمل كاتو و بيرجعوا الصحن نظيف و عم يضوي :grin

    ما بده تعملي شي خليه لبكرة و احشيه بالكريما عادي

    أختي انا بحفظ الكيك بعلب الكيك الي الها غطا لحتى يبقى تازة و طري و بيضاين ليومين او تلاتة اذا بقي منه شي :zzz

  16. سارونات 27 February 2009

    السلام عليكم و رحمة الله و بركاته
    الله يخليلك العصافير لصغار و يحفظك الهم انت و ابوهم وتجتمعوا كلكم بالجنة ان شاء الله

    شفتهم بفتافيت لهالعلب راح دور عليهم و بس لاقيهم بشترهم

    خلصت الكيك ساويت كريما البرتقال و الكريم شانتييه و ساويتلو وردات بالكريم شانتيي من فوق و زينتو بشرائح البرتقال و طلع شكلو حلو لو كان عندي كاميرا كنت صورتو يلا ان شاء الله بالمرات الجاية و طلع متل اللي بينباع هاد بالنسبة للشكل اما الطعمة فلسه ما دقناه انا دقته لما كان ساده و كمان دقت كرميا البرتقال شو طيبة بس لساتنا ناطرين الحدث الكبير لما ندوقو كامل حطيتو بالبراد و ناطره حتى تبرد الكريما مشان نقدر نقسمو ان شاء الله يطلع متل ماني متوقعته
    بالتوفيق
    سلام

  17. سارونات 27 February 2009

    اختي منى بالنسبة لكريما الشوكولا بعد ما اخفق الكريما و ضيف الكاكاو بعدين بحركها بملعقة او مضرب سلك او اخفقها بالخفاق الكهربائي :?
    بالتوفيق
    سلام

  18. منى 28 February 2009

    يلا عم استنى النتيجة , ان شاء الله بيطلع على زووءك :)

    كريما الشوكولا بعد ما تضيفي الكاكاو بتخفقي ترجعي بالخفاقة الكهربائية يمكن لنص دقيقةو بس لحتى تنخلط منيح و تتلون الكريما

  19. سارونات 28 February 2009

    السلام عليكم و رحمة الله و بركاته
    اختي منى يا احلى اخت بالدنيا ما بعرف كيف بدي اتشكرك شو هالكيكة اللي بترفع الراس طلعت بتجنن شكلا و طعما و كل شي عنجد هيك محلات الحلويات يعني ما عم بعرف كيف بدي اوصفهانفشت كتيير و طرية و لذيذة و خفيفة و هشة و كل شي و خصوصا لما بردت منيح طلعت اطيب و اطيب

    ربنا يجازيك كل خير اختي منى و الله يوفقك يا رب دنيا و اخرة انت و كل اللي بتحبيهم و الله يحبب فيكي خلقه اكتر و اكتر و يديم عليك و على كل اللي بتحبيهم الصحة و ينور قلوبكم و يجازيكم الجنة

    اخت يمنى لا تنسي تقدري الردود اللي فوق هالرد مشان السؤال

    سلام :zzz

  20. DOUHA 18 March 2009

    انا مبارح جربتو وطلع هاااااااااااااااائل مرسي منى بس ياريت تكتبي الزيت ضمن الطريقة ومرسي :p

  21. منى 18 March 2009

    هلا ضحى :)

    الف هنا و الف عافية على كل لقمة , بس شو ضحى الزيت موجود بالمقادير :roll

    مرة تانية الف صحة و هنا , كتيرر انبسطت انه عجبك

  22. DOUHA 31 July 2009

    اليوم رجعت عملتوا وطلع واووو
    جد يا هيك مقادير يا اما بلاااا :p

  23. منى 31 July 2009

    هلا ضحى :)

    و الله معك حق بشغلتين , الاولى ان هل الكاتو وااو و التانية ان مقاديره مزبوطة ..

    يعني الي بالي بالك عقدني و بعدها قلت خلصونا و حذفته :roll سماح ايه ضحى :zzz

  24. شيرين 25 November 2009

    مرحبا منى كيفك؟هالكاتو عمل كومة مشاكل :grin .عملته البارحة وريحته الرائعة طغت على البيت و لما طالعته هجم جوزي عالمطبخ وأصر أنو أقطعله حتى ياكل منه و لما قلتله أنو تاركته لبكرا و لسا بدي أحشيه بكريما البرتقال وأزينه بالكريما زعل من كل عقله :grin .بس اليوم لما داقه بعد ما صار جاهزانبسط و حبه كتييييييييير.تسلم ايديك فعلا بيجنن.كالعادة وصفاتك مقاديرها مزبوطة جدا و بتجنن. الله يخليلنا اياك و كل عام و أنت بألف خير

  25. farah 10 January 2010

    :)

  26. منى 11 January 2010

    هلا شيرين :)
    لا الله يبعد المشاكل , ما الا قدرتها و الله . ان شاء الله الف هنا و صحة . يا مزوءة ردك الحلو من زووءك حبيبتي ;)

    ان شاء الله انت بخير و ينعاد عليك و على كل عيلتك بالخير و البركة

  27. Mays 1 February 2010

    فعلا كلمة رائع قليلة على هالكاتو
    انا جربته مرتين قبل إمبارح و كتير حبوه الأولاد و كمان امبارح طلبوه إعملهن ياه بس للأسف كان الموقع ما عم يفتح و أنا ما كنت كاتبة المقادير ، المهم قلت خليني جرب هالذاكرة لشوف شو حيطلع.
    و متل ما توقعت الذاكرة طلعت تعبانة كتير و طلع شي بيشبه كاتو البرتقال بس أكيد مو هو :upset
    و الأولاد قالو لي : ماما إنتي متأكدة إنو هاد نفسه إللي عملتيه من قبل :?
    و طبعا حتى ما خجل حالي معهن قلتلن طبعا ماما هو نفسه ، بس البرتقال هالمرة مو كتير طيب ، مشان هيك انتزع الكاتو :roll

    و طبعا اتعلمت درس مفيد كتير ، هو إني إكتب المقادير على الدفتر و افتحه و تبع متل الشاطرين و ما اعتمد ع الذاكرة :grin

  28. منى 2 February 2010

    وووااخ ميوس , يلا خيرها بغيرها .

    سبحان الله انا امبارحة عملت هل الكيك و هلا قايمة احشيه , بقى اذا على بالك كاتو برتقان من برتقان طيب رح ابعتلك على الايميل :grin

    هنا و الف صحة على المرات اي نجحت و بوسات للاولاد

  29. Mays 2 February 2010

    تسلمي حبيبتي منى و صحة على قلبك و قلب أولادك

    الكاتو أكلوه مشي الحال ، بس أكيد ما بقول لا إذا وصلني منك شي قطعة أون لاين.

    الله يهنيكي بحياتك و يبارك لك بأولادك و يحميلك ياهن

  30. منى 3 February 2010

    امين يا رب و انت كمان :)

  31. جمان 22 April 2010

    السلام عليكم أختي منى.

    منذ فترة طويلة وأنا أتابع الموقع. جهد رائع سلمت يداك.
    سؤالي عن هذه الوصفة: قررت تجربتها اليوم، لكني بصراحة فوجئت بالمقادير. 3 أكواب ونصف طحين شفتها كثيرة، وكمان السكر. فهل تقصدين بالكوب هو الذي مقاسه 250 مل؟ وبصراحة أنا من فترة طويلة لا أجرب أي وصفة مكتوبة باللغة العربية لهذا السبب. المواقع الأجنبية كلها تكتب المقادير بالمل والجرام، أو الملعقة المقاس العالمي (ملعقة صغيرة، ملعقة شاي، ملعقة طعام.. إلخ). لذا أرجو منك توضيح هذه المعلومة، لأني خفت أجرب وأتورط بالكمية، خصوصا انه عيني فيه :) بس ما عندي أكّيلة في البيت :)

  32. منى 23 April 2010

    هل الكيك كميته كبيرة , فيك تقسمي المقدار على نصفين و تستعملي 2 بيض من حجم صغير . ما دام ما عندك اكيلة

    الكوب الي استعمله هو كوب الشرب العادي , انت فيك تستعلمي الكوب المعياري لهل الوصفة ..

    وصفة ما بتتفوت جربيها و ما بتدمي ان شاء الله ;)

  33. hajar 16 May 2010

    الوصفة كتيررر طيبة وناجحة ودافية بالشتا

  34. منى 17 May 2010

    مممممم

    هنا و الف صحة يا رب , حو تعبير دافية :zzz

  35. فرفوشة 5 June 2010

    واااااااااااااااو شو طيبة
    يسلمو إيديك يارب يا منمونة
    جربتها لما رحت ع بيت أهلي بما إنه العيلة كبيرة وبتشجع لعمل الكاتويات
    عجبتون كتييير
    بس انا ما قدرت أفتح الكيكة وأحشيها لأنه عملتها بقالب كبير فحطيت الكريمة على الوجه وزينتها بشرايح برتقال
    طلعت بتاخد العقل
    :eek

  36. منى 6 June 2010

    صحتين و الف هنا و عافية على البك و الب افراد العيلة كلهم , غير شكل اللمات الجلوة ;)

    انبسطت انه زبط معك و عجبك

  37. omislam 11 May 2011

    مبارح عملت هالكاتو وفعلا كتير طيب وكل مابرد بيصير اطيب واطيب
    ماشاء الله عليك ست منى كل وصفة اطيب من التانية
    واهم شي انو وصفات متقنة ومزبوطة وغالبا بتنجح من المرة الاولى الله يجزيك كل خير

  38. joudh 1 April 2012

    السلام عليكم و رحمة الله و بركاته اخت منى العزيزة و بحب ابدأ كلامي بشكرك على هالموقع الاكثر من رائع و اللي اذا ما فتحتو كل يوم بحس حالي ناقصني شي …. الله يجزيكي كل الخير يارب و انشاء الله يبعتلك مراد قلبك…
    انا سويت الكاتو و فعلا رائحته كتييييير طيبة بس ما بعرف ليش لما كان بالفرن وصار 45 دقبقة كان نافش بشكل رائع و بدون سابق انذار خفس بشكل عجيب مع اني ما فتحت الفرن ابدا و ما بعرف ليش هيك صار .. الطعمة طييبة كتيير بس كأني فرط شوي لاني لما عم بقسم قطعة بتفرط اجزاء منها ………. عجب عندك فكرة ليش هيك صار؟؟؟ لانك خبيرة بلكي انا سويت شي غلط و مشكووووورة

تقييم الوصفة
عاديةقد أحضرهاجيدةممتازةأكثر من رائعة (No Ratings Yet)