كاتو التمر بدون بيض


         وصفة : منى                 2007/04/25                 31 تعليقات
كاتو التمر بدون بيض

  ·          يوضع الحليب على النار حتى يغلي ثم يضاف التمر و يغطى القدر و تهدي النار و يترك يغلي لمدة دقيقتين  ثم يبعد عن النار و يترك بعدها التمر في الحليب لمدة 4 ساعات مع تغطيه القدر .

·          بواسطة شوكة يهرس التمر حتى ينعم و يمكن ترك بضع القطع الكبيرة فيه حسب الذوق , يحمى الفرن على حرارة 180 درجة , يدهن قالب كيك بالزبدة ثم يغلف بورق زبدة و يدهن الورق.

·          توضع باقي المقادير في خلاط الكوكتيل و تمزج حتى تتجانس جيداً ثم يضاف المزيج للتمر و يقلب الكل جيداً حتى تتجانس المواد .

·          يصب المزيج في القالب المدهون و يخبز في الفرن  لمدة ساعة أو حتى يخرج نصل السكين نظيفاً .

·          يترك الكاتو  ليرتاح في القالب لمدة ربع ساعة ثم يقلب و بعد أن يبرد  يزين بصلصة التوفي كريم و ترش القرفة و يقدم .  

25 تمرة منزوعة النوى و مقسومة بالنصف
كوب و نصف حليب
كوب و نصف طحين حلويات
كوب سكر
نصف كوب زيت
ملعقة و نصف صغيرة بيكنغ بودر
نصف ملعقة صغيرة بيكربونات الصودا
2 ملعقة كبيرة حليب بودرة

للتزيين :

صلصة التوفي كريم
قرفة مطحونة
• يوضع الحليب على النار حتى يغلي ثم يضاف التمر و يغطى القدر و تهدي النار و يترك يغلي لمدة دقيقتين ثم يبعد عن النار و يترك بعدها التمر في الحليب لمدة 4 ساعات مع تغطيه القدر .

• بواسطة شوكة يهرس التمر حتى ينعم و يمكن ترك بضع القطع الكبيرة فيه حسب الذوق , يحمى الفرن على حرارة 180 درجة , يدهن قالب كيك بالزبدة ثم يغلف بورق زبدة و يدهن الورق.

• توضع باقي المقادير في خلاط الكوكتيل و تمزج حتى تتجانس جيداً ثم يضاف المزيج للتمر و يقلب الكل جيداً حتى تتجانس المواد .

• يصب المزيج في القالب المدهون و يخبز في الفرن لمدة ساعة أو حتى يخرج نصل السكين نظيفاً .

• يترك الكاتو ليرتاح في القالب لمدة ربع ساعة ثم يقلب و بعد أن يبرد يزين بصلصة التوفي كريم و ترش القرفة و يقدم .
  • وصفات تانية ممكن تعجبك


التعليقات

  1. بتول 5 November 2007

    سلامات هل يختلف طحين الكاتو عن طحين الحلويات؟؟؟؟؟؟؟؟؟؟؟؟؟

  2. منى 6 November 2007

    لا بتول ما بيختلف ..

    طحين الكاتو هو نفسه طحين الحلويات ;)

  3. WAFAA 1 April 2008

    هل ممكن نستغنى عن بيكربونات الصودا ونضيف بيكنغ بودر بدالها ؟؟؟؟ :?

  4. منى 1 April 2008

    فيك تستغني عن البيكربونات , و ما في داعي تستبدليها بالبيكنغ بودر :)

  5. سارونات 15 July 2008

    السلام عليكم و رحمة الله و

    بركاته

    ان شاء الله راح اعملها لمن

    بشتري تمر و ان شاء الله تطلع

    النتيجة حلوة

    بدي اعرف شكل الصينية اللي

    عملتيها فيها و حجمها ازا

    ممكن

    وربنا يجازيك كل خير على

    وصفاتك الطيبة و المميزة

  6. سارونات 11 September 2008

    السلام عليكم و رحمة الله و بركاته
    اختي منى انا كاتويين التمر ان شاء الله تنيناتهن راح جربهن يمكن برمضان او بعده بس بدي اسال عن كيفية حفظ التمر مو مشان ناكلو بعدين كحبات و انما مشان اعمل فيه كاتو التمر يعني ساعات بيضل شوية تمر و ازا طول بينتزع يعني فيني بس شيل النوى و اقسم الحبة نصين او لارباع و حطها بكيس و بعدين بالفريزر هل هالشي بينفع او لا و ازا بينفع فقديش بيضاين بالفريزر
    بالتوفيق
    سلام

  7. منى 11 September 2008

    اكيد فيك اختي و بالفريزر بيبقى لاكتر من شهر او شهريين من دون ما يصير اله شي , و بعدها منستعمله متل ما منحب ;)

  8. سارونات 11 September 2008

    السلام عليكم و رحمة الله و بركاته
    حلو كتير كتير فرحت
    و سؤالي المزعج المعتاد عن حجم الصينية ازا فيكي تقليلي
    بالتوفيق
    سلام

  9. سارونات 7 October 2008

    السلام عليكم و رحمة الله و بركاته
    :cry :cry هالكاتو من زمان بدي ساويه و كنت ناطرة ساوي توفي بس ما ضبط :sigh مع اني راح ظل وراه وراه تيضبط بدي اسأل ازا راح يطلع الكاتو طيب ازا كان ساده و هل فينا نستبدل التوفي بشي صوص تاني و كمان السؤال المزعج عن الصينية
    بالتوفيق
    سلام
    سلام

  10. منى 8 October 2008

    هلا اختي , حجم الصنية هو نفس قالب التوست ما بقى اذكر قديه قلت الك قياساته بس هو نفسه ;) و التوفي مو ضروري ابداً , أصلا انا ما بحط التوفي الا للضيوف :zzz

  11. سارونات 8 October 2008

    السلام عليكم و رحمة الله و بركاته
    جازاك الله خيرا اختي منى كتير فرحت لانو قالب توست الحمد لله قلتيلي و الا كنت راح ساويه بقالب تاني لكان ان شاء الله راح ساويه قريبا و خبرك بالنتيجة
    بالتوفيق
    سلام

  12. منى 9 October 2008

    ان شاء الله :) بانتظار النتيجة اختي :)

  13. سارونات 9 October 2008

    السلام عليكم و رحمة الله و بركاته
    اختي منى ما في مشكلة ازا ما حطيت ورق زبدة ما هيك
    بالتوفيق
    سلام

  14. منى 10 October 2008

    لا اختي ضرروري لان هل الكيك ممكن يلزق بالقالب و لازم يتغلف بورق زبدة :zzz

  15. سارونات 10 October 2008

    السلام عليكم و رحمة الله و بركاته
    ساويتو امس لما كتبت السؤال كانت مرت ” ساعات على وضع التمر بالحليب
    انا ساويتو من غير ورق زبدة و طلع كتير طيب و اخد51 دقيقة بالفرن و ان شاء الله المرة الجاية بساويه بورق زبدة
    طلع كتير طيب وهش و ريحتو بتجنن و نفش و كمان حسيت انو كوب سكر كمية كبيرة لان التمر اصلا حلو فحطيت نصف كوب و النتيجة روعة
    بدي اسال هل لازم اربع ساعات ما ممكن نقلل الوقت و نقطع التمر شقف صغيرة تحتى يصير سهل هرسه
    جازاك الله خيرا اختي منى على الوصفة
    بالتوفيق
    سلام

  16. dado 11 February 2009

    أما شو كاتو يا منى؟
    شي بياخد العقل.. عنجد من أطيب الكيكات يلي دقتها بحياتي.. عملتها من يومين وكان عندي ضيوف ومعهن ولاد زغار.. ما شاء الله ما هدّى القالب خمس دقايق.. وانا طلعلي نتوفة زغيرة بس :cry ريتو صحة وهنا على قلبهن :)
    أنا عملت متل سارونات وحطيت نص كاسة سكر بس وطلعت حلاوته ممتازة مع حلاوة التمر الاساسية.
    حسيته اكتر كاتو زبط معي لهلأ ونفش كتير ومنظرو وريحتو بياخدو العقل وكمان صحي أكتر لأنو ما في سكر كتير والتمر مفيد جداً.
    يالله حاجتي حكي.. حاسة جاي على بالي اكتب معلّقة بهل الكاتو :grin
    يسلمو إيديك يا قمر

  17. منى 11 February 2009

    هلا سارونات :)
    هنا و عافية يا حق , منيح عدلت الوصفة و طلعت على زووءك وانا متلك احيانا بزيد أو بنفص السكر اذا كانت كميته مو مناسبة لعيلتي و زوءها ;)
    شو خسرانة سارونات على اربع ساعات ! ما دامها هيك الوصفة نجحت معك لا تعدلي عليها :)

  18. منى 11 February 2009

    هنااااا و الف الف عافية على هل الكيك دالو , بتعرفي بعد ما قرأت ردك حسيت حالي لازم اركض على المطبخ انقع التمراات :grin

    لازم تدوقيني شي قطعة منه , الف هنا على قلبك و قلب ضيوفك و كمان هل الكيك مناسب نوعا ما لمرضى للكوليسترول و السكري بس أكيد من دون التوفي :zzz

  19. DOUHA 14 March 2009

    يميميميميممييي شو طيب هل الكاتوو كتير خفيف وتغيير شكل كترونا من هل الوصفات
    مرسي منى :p

  20. منى 15 March 2009

    هنا و الف عافية ضحى :)
    كتير انبسطت انه عجبك و تكرم هل العيون

  21. إسراء 13 February 2011

    السلام عليكم ورحمة الله وبركاته
    اليوم جربت هالكاتو و الشغلة الحلوة اللي فيه انو لما طلعته من الفرن ما هبت عليي ريحة زنخة متل بقية الكيكات بس انا عملت تعديلات بسيطة مع انو اول مرة بجربو … حطيت نصف كوب سكر لانو لقيت التمر مع كوب سكر لح يطلع حلو كتير وخفقت التمر بالخلاط لانو ما منحب يطلعلنا شقف ونحنا عم ناكل قام صار لونو بيج وماحلو بنوب قمت من خوفي مايطلع طيب حطيت رشة قرفة ورشة زنجبيل زغنونة ودخلتو للفرن وطلعت ريحتو طيبة كتير وراقبته وهوي عم بنفش نفشته متل كيكة الموز بالميكرويف وحتى بتوقع انو بنفع انو نخبزه ع الميكرويف بقا المرة الجاية هيك لح اعمل

    لك صحي نسيت ما اكتب تعليقي ع الكاتو الاسفنجي مبارح عملتلن ياه لاهلي واهلي مكيفين عليي كل يوم عم جرب وصفة شكل والله من الملل طاقة روحي وعم اتفشش بهالحلويات بس عم خبيلو لزوجي من كل شغلة بعملا كم قطعة وبحطن بالفريزر بقا مابعرف اذا بنتزعوا؟؟؟؟؟؟

    شكرا كتير ست منى والله يعطيكي العافية
    عم حط الصور بصقحتي ع الفيس بوك بس الله وكيلك عم اذكر المصدر مشان الأمانة :)
    سلام
    …….. إسراء

  22. محبةالمصطفى ملك 8 March 2011

    منى أنا ناوية أعمل هالكاتو بس بدي أسألك كم سؤال..(كالعادة)..
    أول شي هلأ الكاتو رح يطلع لونه بيج و لا شو؟
    تانيا اذا خلطت التمر بالخلاط في مشكلة؟
    تالتا أنا عندي تمر بس قريب شوي من الرطب يعني قصدي مو حلو كتير بيصير؟؟

  23. محبةالمصطفى ملك 9 March 2011

    منى ليش ما في صورة للكيك؟

    تعودنا على الصور المشهية

  24. larooo 13 July 2012

    ياربييييي ..بدي صورة انا :sigh
    بس يلا بكل الاحوال رح قوم انقع التمرات :grin
    وان شاءالله بصير كلو تمام

  25. larooo 14 July 2012

    كأنو صاير التفاعل هون قليل ..كلو حول عالفيس بوك :)
    امبارح جربت اعلمه ..طبعا هلأ هو خلص باقي بس قطعة صغيرة ..وكانت طعمته طيبة
    انت كاتبة انو باقي المقادير توضع في خلاط العصير .. وباقي المقادي ماكان فيها غير نص كاسة زيت كسائل ..ولما حطيتها بالخلاط ..مدري شو صرلو المسكين ..حسيتو عم ينازع صرت حرك بالمعلقة بعدين اضطريت ضيف التمرات مع الحليبات ..لأنو كل الطحين لزق ومدري شو صار .. وطلع قوامه اسمك شوي من الكاتو العادي ..وكمان قوامه ماكتير نفش متل العادي ..بما انو مافي صورة ..ماعرفت كيف لازم تكون النفشة
    :grin .. يعني هيك مزبوط ياترى
    ولونه طلع بنتي تماما متل لون التمرة ههههههه بس على فكرةاول ماطلع من الفرن اكلت اناقطعتين وبنوتي عمرها 3 سنين ونص كمان قطعتين :grin
    يسملمو ايديكي .. وعم فكر جرب كمان الطريقتين التانيات اللي بالموقع تبع كاتو التمر ..كونو هلأ في تمر وقرب رمضان ..كل عام وإنتو بخير

  26. larooo 14 July 2012

    كأنو صاير التفاعل هون قليل ..كلو حول عالفيس بوك :)
    امبارح جربت اعلمه ..طبعا هلأ هو خلص باقي بس قطعة صغيرة ..وكانت طعمته طيبة
    انت كاتبة انو باقي المقادير توضع في خلاط العصير .. وباقي المقادي ماكان فيها غير نص كاسة زيت كسائل ..ولما حطيتها بالخلاط ..مدري شو صرلو المسكين ..حسيتو عم ينازع صرت حرك بالمعلقة بعدين اضطريت ضيف التمرات مع الحليبات ..لأنو كل الطحين لزق ومدري شو صار .. وطلع قوامه اسمك شوي من الكاتو العادي ..وكمان قوامه ماكتير نفش متل العادي ..بما انو مافي صورة ..ماعرفت كيف لازم تكون النفشة
    :grin .. يعني هيك مزبوط ياترى
    ولونه طلع بنتي تماما متل لون التمرة ههههههه بس على فكرةاول ماطلع من الفرن اكلت اناقطعتين وبنوتي عمرها 3 سنين ونص كمان قطعتين :grin
    يسملمو ايديكي .. وعم فكر جرب كمان الطريقتين التانيات اللي بالموقع تبع كاتو التمر ..كونو هلأ في تمر وقرب رمضان ..كل عام وإنتو بخير

  27. Mona 18 July 2012

    هلا لاروش)
    اي و الله الصبايا كلهن عل الفيس بوك و تاركين اللقمة لوحده :roll
    بقية المقادير فيها كمان السكر و هادا بيعطي طراوة و بيخلي الخلاط يتحرك عادي , بتعرفي فرطت من الضحك على كلمة ينازع :grin

    لاروش هو رح ينفش متل ايا كاتو عادي , و لونه رح يصير متل ما قلتي تمام , هل الوصفة ما الها صورة و انا رح حضره و صور خطواته ان شاء الله لحتى تتوضح كل القصص ;)

    صحتين و هنا على قلبك , ان شاء الله المرات التانية بيطلع متل ما بتحبيه تمام و كل سنة و انت و قطتك الحلوة و عيلتك كلها بالف الف خير

  28. Mona 18 July 2012

    ملك ان شاء الله كل الوصفات الي ما الها صور عم ارجع صورها و نزلها , بس شوي القصة بتاخد وقت :zzz

    بالنسبة للاسئلة , الكاتو رح يطلع لونه بني فاتح و ما في مشكلة اذا حطيتي التمر بالخلاط و كمان بتقدري تستعملي ايا نوع تمر موجود عندك :)

  29. Mona 18 July 2012

    هلا اسراء :)
    صحتين و الف الف هنا حبيبة قلبي على قلبك و قلب اهلك و ان شاء الله بياكلهن جوزك بصحة و هنا :zzz

    شفت الصور , شغلك بيشهي , شوي تانية بدي قلك خبيلي قطعة انا كمان :grin

    حبيت فكرة البهارات , احيانا بضيف شوي من القرفة , بس بقية البهارات الي زكرتيها حلوة كتير , رح جربها ان شاء الله

  30. dado 9 July 2014

    منى الغالية
    بعد خمس سنين.. لساتني بعمل هالوصفة (وهي طبعآ وحدة من وصفات كتيرة اتعلمتها منك وصارت أساسية بمطبخي).
    ولساته هالكيك من أسهل وأطيب الكيكات ومضمون النجاح 100%
    ولقيته أحسن شغلة الواحد ياكلها عالسحور.. وبتاكليه بدون تأنيب ضمير.
    شكرآ جدآ جزيلآ :)

    • منى 9 July 2014

      بعد زمااااان و الله اشتقلك لقمة طيبة :)
      اي فعلا حباب بكم دقيقة بيصير جاهز و خفيف ، بدي ارجع حضره و صوره بلكي بقية الصبايا بيتشجعوا كماان
      شكرا الك يا سكرة

تقييم الوصفة
عاديةقد أحضرهاجيدةممتازةأكثر من رائعة (No Ratings Yet)