كاتو الكوسا بالبهارات


         وصفة : منى                 2007/08/28                 29 تعليقات
كاتو الكوسا بالبهارات

·          يحمى الفرن على درجة 180 درجة مئوية و يدهن قالب كيك بالزبدة , ينخل الطحين و الملح و بيكربونات الصودا و القرفة و جوزة الطيب و القرنفل و البيكنغ بودر في وعاء كبير .

·          يوضع الزيت و السكر و البيض و الفانيليا و بشر الليمون و عصيره  في الخلاط و يمزج الكل حتى الحصول على سائل أصفر بلون الليمون ثم يضاف المزيج للطحين المنخول و يقلب بلطف حتى يتجانس المزيج .

·          يبشر الكوسا ثم يضاف مع  الجوز و التمر أو الزبيب أو رقائق الشوكولا و يقلب الكل حتى يمتزج الكوسا و الجوز بالمزيج جيداً .
·          يقلب مزيج الكاتو المحضر في القالب المدهون ثم يخبز في الفرن المحمى لمدة 45 – 60 دقيقة  أو حتى ينضج الكاتو .

·          بعد أن يبرد الكاتو تماماً يوضع على طبق التقديم و يزين بالسكر البودرة و يمكن أن يزين بكريما الجبنة الطرية مع قطع صغيرة من المارصبان الملون باللون الأخضر بعد تشكيلها كحبات كوسا صغيرة  .

وصفات تانية ممكن تعجبك :

كيكة التفاح بالصوص الذهبي

الكيكة الخضراء بالمكون السري العجيب

كيك جوز و لوز و موز

 

 




2 بيض بدرجة حرارة الغرفة
فانيليا
بشر ليمونة ناعم
نصف كوب زيت
كوب سكر
2 ملعقة كبيرة عصير ليمون
كوب و نصف كوسا مبشورة ( حوالي حبيتين كبيرتين )
كوب و نصف طحين حلويات
ملعقة صغيرة و نصف بيكنغ بودر
رشة بيكربونات الصودا
ملعقة صغيرة قرفة
نصف ملعقة صغيرة قرنفل
رشة من جوزة الطيب المبشورة طازج
رشة ملح
نصف كوب من الجوز المفروم ( اختياري )
نصف من الزبيب أو تمر أو شوكولا مبشورة أو مزيج من كل منهم ( اختياري )





• يحمى الفرن على درجة 180 درجة مئوية و يدهن قالب كيك بالزبدة , ينخل الطحين و الملح و بيكربونات الصودا و القرفة و جوزة الطيب و القرنفل و البيكنغ بودر في وعاء كبير .

• يوضع الزيت و السكر و البيض و الفانيليا و بشر الليمون و عصيره في الخلاط و يمزج الكل حتى الحصول على سائل أصفر بلون الليمون ثم يضاف المزيج للطحين المنخول و يقلب بلطف حتى يتجانس المزيج .

• يبشر الكوسا ثم يضاف مع الجوز و التمر أو الزبيب أو رقائق الشوكولا و يقلب الكل حتى يمتزج الكوسا و الجوز بالمزيج جيداً .
• يقلب مزيج الكاتو المحضر في القالب المدهون ثم يخبز في الفرن المحمى لمدة 45 – 60 دقيقة أو حتى ينضج الكاتو .

• بعد أن يبرد الكاتو تماماً يوضع على طبق التقديم و يزين بالسكر البودرة و يمكن أن يزين بكريما الجبنة الطرية مع قطع صغيرة من المارصبان الملون باللون الأخضر بعد تشكيلها كحبات كوسا صغيرة .


وصفات تانية ممكن تعجبك :

كيكة التفاح بالصوص الذهبي

الكيكة الخضراء بالمكون السري العجيب

كيك جوز و لوز و موز



  • وصفات تانية ممكن تعجبك


التعليقات

  1. Rino 17 January 2008

    منى مبارح كنت عاملة فاصولية بقلبها محشي و قلت و الله لجرب و شوف شو قصة كيكة الكوساو استعمل لب الكوسا اللي عندي أثناء التحضير عصني ألبي لأنو لقيت أنو خليط الكيك كتير كتير سميك و قلت أكيد ما رح تظبط معي رغم أنو بطريقتي بكيكة التفاح كمان بيكون خليط الكيك كتير سميك بس مو لهالدرجة حسيتها كأنها ( عجينة قابلة للفرد)المهم كملت و خبزتها وطلعت منظومة أبني أمير كيف عليها تسلم إيديكي عالوصفات الحلوة بتبيض الوش

  2. منى 17 January 2008

    صحة و هنا و عوافي رينو :) على قلبك و قلب أمير و قلوب أخوته الحلوويين ;)

    كتير انبسطت انك جربتيها و عجبتك ;)

  3. DDOUHA 31 January 2008

    مررسي منى وانا رح جربو يوم السبت ورح ارجع اكتب وبجوز اصور الكاتوو وابعت قطعة لام نور هههههههههههه

    يسلموا منى :roll

  4. منى 3 February 2008

    هلا ضحى :) إن شاء الله تحبيه و يكون على زوووءك يا رب

    الله يسلمك يا عسل , نورتي ;)

  5. سارونات 16 August 2008

    السلام عليكم و رحمة الله و بركاته
    غريبة فكرة كاتو بالكوسا و البهارات بس شكل الكاتو بالصورة حلو و عم فكر في الطعمة مو قادرة اتخيلها يعني كوسا و سكر و زبيب بس اكيد ان شاء الله لازم جربو بس فيكي توصفيلي طعمتو كيف بتكون و يعني عادي يتاكل مع الحليب او القهوة او الشاي :?
    الكوسامنقشرها او منخليها بقشرها و بشو بنبرشها يعني كتير رفيع او ما بتفرق
    و عن جد كل مرةعم تفاجئيني بوصفاتك المميزة
    بالتوفيق
    سلام

  6. منى 21 August 2008

    طعمته عادية اختي , اتخيلي كيك الجزر مثلا , كيف ما بتحسي بطعم الجزر ;)

    نبشر الكوسا بشر عادي و هل الكيك مميز و سهل ان شاء الله تجربيه و يعجبك

  7. سارونات 22 August 2008

    السلام عليكم و رحمة الله و بركاته
    تسلميلي على الصور اختي منى
    و لولا انو ما عندي قالب مرتفع الحواف كنت جربتا بكرا بس يمكن جربا بالقالب اللي عندي و منشوف
    كمان قولك بينفع قسم الخليط على قالبين توست مو كتير كبار
    بالتوفيق
    سلام

  8. منى 22 August 2008

    هلا اختي :)

    أي وصفة في الموقع فيك تقسميها على نصفين عاادي , اساسا أنا لما بجرب اي وصفة جديدة على الاغلب بنفذها بنصف الكمية لحتى اذا فشلت مااا ازعل :zzz

  9. سارونات 22 August 2008

    السلام عليكم و رحمة الله وبركاته
    اي انا كمان هيك بفكر و بقول يا ريت لو اقدر جرب نصا تحتى ازا ما ضبطت انقهر نص قهره :grin بس بخاف ما تضبط بس انت شجعتيني و هيك بصير ساوي مع اني بساوي هيك بالاكل بس بالكاتو بخاف
    و نسيت قول شي لون الكاتو طالع بيجنن سلم ايديك لو بيطلع معي هيك ما راح اطلب اكتر لكان راح جربو بنص الكميةان شاء الله و صحة و هنا على قلبوكم
    بالتوفيق
    سلام

  10. منى 22 August 2008

    الله يسلمك أختي :) ان شاء الله بيطلع هيك و احلى .. عم استنى التجربة منك

  11. سارونات 22 August 2008

    السلام عليكم و رحمة الله وبركاته
    تسلميلي اختي منى
    بالنسبة للمكونات التانية راح اقسما بس شو بالنسبة للبض قولك خليه بيضتين او حط بس بيضة لان بخاف بيضة ما تكفي
    و ان شاء الله بجربو و بخبرك بالنتيجة
    بالتوفيق
    سلام

  12. منى 23 August 2008

    لما بتقسمي المكونات بتقسمي الكل و اكيد البيض من بينهم , بس لازم خبرك ان المقدار رح يصير كتير صغير , فالمفروض تستعملي صينية من الحجم الميني ;)

  13. سارونات 23 August 2008

    السلام عليكم و رحمة الله و بركاته
    جازاك الله خيرا اختي منى الحمد لله قلتيلي و الا كنت راح حط بيضتين
    اي صحيح انا راح استعمل صينية توست زغيره اعتقد بتكون مناسبة
    بس جربا بخيرك بالنتيجة و ان شاء الله تضبط
    بالتوفيق
    سلام

  14. سارونات 30 August 2008

    السلام عليكم و رحمة الله و بركاته
    اختي منى بدي اسالك فيني حط كوسا مبشورة بالفريزر و استعملا امت ما بدي
    بالتوفيق
    سلام

  15. منى 30 August 2008

    لا ما أظن بيصير , كمان أنا مو مجربة اختي :roll

  16. سارونات 31 August 2008

    السلام عليكم و رحمة الله وبركاته
    اختي منى ضروري بدي اعرف قياس الصينية اللي ساويتيه فيها لان بدي ساويها اليوم و في عندي قالبين توست واحد صغير و طويل و التاني عريض فما بدي انزعا للوصفة مشان القالب لان راح ساوي نصف الكمية بس ازا طلعت الصينية بتكفي يمكن ساويها كلها
    انا في الانتظار و عفوا على الازعاج
    بالتوفيق
    سلام

  17. سارونات 2 September 2008

    السلام عليكم و رحمة الله و بركاته
    ساويت نص الكمية متل ما قلتلك و طلعت كتير زغيره مع ان القالب زغير و كمان طلعت العجينة سميكة شوي و استعملت الملعقة تمسدتها بالصينية و اخدت نص ساعة بالفرن
    المسا ان شاء الله بشوف كيف طلعت الطعمة و مرة تانية راح جرب الكمية كاملة في القالب نفسه و بعتقد راح تطلع مزبوطة و يا ريت لما تقدري تقوليلي على قياس صينيتك
    بالتوفيق
    سلام

  18. نهى 8 September 2008

    السلام عليكم ورحمة الله وبركاته
    ازيك يامنى كيفك؟ وحشتيني والله
    امس سويت هالكاتو وطلع روعة فعلا مع انى غيرت بعض الحاجات
    انا بصراحة خفت من طعم الكوسا مايعجب الاولاد فبدلا من بشرها ضربتها فى الخلاط مع ربع كوب لبن وضفتها للكيك فى النهاية بعد الطحين وكله وكنت خايفة تخسر لكن الحمد لله ربنا ستر
    المرة الجاية اجربها مبشورة لانى خفت من طعمها المرة دى..
    تسلم ايديكي

  19. منى 8 September 2008

    هلا سارونات :)
    يا ترى كيف طلع , ان شاء الله يكون عجبك , اختي القالب نفسه قالب التوست و الكيك رح يطلع سميك , هادا هو المظبوط :)

    هلا أختي

  20. منى 8 September 2008

    هلا نهى :)
    بعد زماان يا قمر , ان شاء الله المانع خير و انا اشتقت الك كتير و الله ..

    الحمد لله زبط معاك و لا تخافي الكوسا ما رح تطلع طعمته , جربيها المرة التانية و ان شاء الله بيعجبك , الله يسلمك حبيبتي مية هلا و لا بقى تغيبي عنا هل الطولة

  21. نهى 8 September 2008

    ان شاء الله بس كنت فى مصر اجازة وهناك مافى وقت للنت
    ورجعت خلاص للتجارب والاختراعات على رأى زوجى :upset

  22. منى 8 September 2008

    الحمد لله على السلامة منور الموقع بعودتك يا قمر ;)

  23. souha 11 December 2008

    هلا منى :)
    اليوم كمان ساويت كاتو الكوسا عنا كومة كوسا و ما عم نعرف وين نروح فيها
    أنا لسا ما دقتو لأنو لسا سخن بركي لبكرا بيكون برد منيح و تمازجت النكهات
    بس بدي أسألك بالمقادير ما ذكرت بيكربونات الصوديوم بس بالطريقة كاتبة إنو ينخل الطحين مع البيكنج باودر و بيكربونات الصوديوم على كل حال أنا حطيت معلقة و نصف بيكينخ باودر و نصف معلقة بيكربونات الصودا كمان حطيت جوز و زبيب ناطرة يجي بكرا لحتى دوق يعني احتمال أشوف الكاتو بنومي :grin
    كمان يا ترى الكريما منستعملها بس لهلكاتو و لا بينفع مع أنواع تانية :?
    تسلم دياتك منى
    سلام

  24. souha 11 December 2008

    منى صرلي شي ساعة عم اشتغل كتبت عندي ع الورد جدول أسباب فشل الكاتو بس لما عم انسخو و أعملو لصق ما عم يطلع شكل جدول و عم يطلع مخربط كمان جربت ب إتصل بنا و نفس الشي ما بعرف كيف بدي ابعتلك يا بتحبي ترسلي عنوان ايميلك لعندي ع الياهو العنوان أكيد عندك بمعلوماتي
    سلام

  25. منى 12 December 2008

    هلا سهى :)
    الف عافية مقدما رح يعجبك ان شاء الله , فرطت ضحك على منامك اللذيذ :grin منيح نبهتيني على هل الغلطة , بيكربونات الصودا بس رشة بيكفي

    قصدك كريما الجبنة :roll ممكن تستعمليها لاي كيك بيعجبك , بس انا بحسه اطيب الشي مع كيك الكوسا و البرتقال ;)

    الف شكر الك للجدول , ممكن لو سمحتي تبعتيلي اي رسالة على اتصل بنا لحتى اعرف ايميلك ومنها رح ابعتلك ايميل ;)

  26. souha 12 December 2008

    سلامااات
    منونة أنا بعتلك رسالة على إتصل بنا إنشاء الله تكون وصلتك
    عفكرة أنا دقت الكاتو قبل ما نام كتيييييير طيب أنا بينطبق علي المتل ( ما أنام و تحت راسي حلاوة )
    أنا بشوف بكل وصفات الكاتو إنو بتدهني القالب زبدة بس بدون ما ترشي طحين يعني ما بيلزق معك :? و كمان ما بيلتدع :upset أنا ما بسترجي دخل كاتو ع الفرن بدون ما رش القالب طحين فوق الزبدة
    سلام

  27. منى 13 December 2008

    مية هلا ام السوس
    هي اول مرة بسمع هل المثل :grin ان شاء الله الف الف هنا و عافية على الكاتو

    متل ما قلتي انا دايما بس بدهن قالب الكيك بالزبدة من دون ما ارشه و احيانا ممكن غلف القالب بورق زبدة و الحمد لله دايما بيزبط بس بشرط ان يبردالكاتو بالقالب تمام قبل ما أقلبه
    من اسبوعين تقريبا كان في جمعة عند حماتي و عملتلها قلب كاتو بس قلبته قبل ما يبرد :cry القالب اتفتت و انتزع و انا احترق دمي

  28. souha 13 December 2008

    سلامتك من حرقة الدم
    معنى هيك أضل عم رشو طحين يعني ما أخاطر لأني أنا بستنه الكاتو 10 دقائق لحتى تروح اللهبة بعدين بقلبو على الشبك و بعيفو يبرد
    سلام

  29. منى 13 December 2008

    لا اعملي متل الريقةالي متعودتيها و بتريحك , انا هيك أحسن الي لان اذا قلبت القالب سخن رح يهجموا عليه و ما رح ااقدر صوره :grin شريرة انا

تقييم الوصفة
عاديةقد أحضرهاجيدةممتازةأكثر من رائعة (No Ratings Yet)