كبة حميس


         وصفة : منى                 2009/12/06                 30 تعليقات
كبة حميس

·         تحضر أقراص الكبة ثم تسلق  , المقادير والطريقة بالتفصيل موجودة على الرابط التالي .

·         تقلى اللحمة بالسمنة على نار متوسطة , تقلب حتى يتغير لونها و تمتص كل مرقها .

·         تهدى النار و يضاف البصل و يقلب لبضع دقائق . يضاف معجون الطماطم و يقلب لبضع دقائق أخرى .

·         تغمر اللحمة بالماء و يضاف دبس الرمان و دبس الفليفلة و بعد أن يغلي تهدى النار و يغطى القدر و تترك حتى تنضج اللحمة .

·         يضاف الملح و تذاق الصلصة و يضاف المزيد من دبس الرمان حسب الرغبة .

·         تضاف أقراص الكبة المسلوقة لمرق و تترك لتغلي لمدة دقيقتين أو ثلاثة دقائق .,تقدم بعدها الكبة فوراً .

 

حوالي 40 قرص كبة
1 – 2 ملعقة كبيرة سمنة
كيلو لحمة مقطعة لقطع كبيرة
3 حبة كبيرة بصل مقطع جوانح
3 – 4 ملعقة كبيرة معجون البندورة
4 ملعقة كبيرة دبس رمان
ملعقة صغيرة دبس فليلفة ( اختياري )




• تحضر أقراص الكبة ثم تسلق , المقادير والطريقة بالتفصيل موجودة على الرابط التالي .

• تقلى اللحمة بالسمنة على نار متوسطة , تقلب حتى يتغير لونها و تمتص كل مرقها .

• تهدى النار و يضاف البصل و يقلب لبضع دقائق . يضاف معجون الطماطم و يقلب لبضع دقائق أخرى .

• تغمر اللحمة بالماء و يضاف دبس الرمان و دبس الفليفلة و بعد أن يغلي تهدى النار و يغطى القدر و تترك حتى تنضج اللحمة .

• يضاف الملح و تذاق الصلصة و يضاف المزيد من دبس الرمان حسب الرغبة .

• تضاف أقراص الكبة المسلوقة لمرق و تترك لتغلي لمدة دقيقتين أو ثلاثة دقائق .,تقدم بعدها الكبة فوراً .



  • وصفات تانية ممكن تعجبك


التعليقات

  1. ام محمد 6 December 2009

    ياالله شو اشتقتلك يامنى وبصراحة الموقع مالونكهة من دونك مثل اذا واحد دخل على بيت وما شاف اصحابه فيه والله كتير صعبة حمد لله على سلامتك ونورتي موقعك وكمان اشتقت لاخواتي ام نور وغيث وايمان(صاحية وصفة فرك الكنافة)يلي بحسهم من اصحاب هدا البيت الله يديمكم ويجمعنا دائما على ما يحبه ويرضاه :)

  2. ام نور 6 December 2009

    بتعرفي منوش اليوم لا انتبهت انو في كبة بالوصفة مع انو مبارح عالفيس بوك ما شفت الا شقف اللحمة :grin فخطرلي تكون شي وصفة باللحمة ودبس الرمان عاكل حال سلم دياتك واشتقنا لا وصفاتك المميزين وهالوصفة جديدة علي وانشالله رح جربا اكيد :p

  3. ام نور 6 December 2009

    تسلمي يا ام محمد كلك زوء والله يخليلك محمد يا رب :) انا كمان اشتقتلك واشتقت لا هاللمة الحلوة ولا كل الاخوات الكريمات وبالمناسبة فكرة الفيس بوك كتير حلوة وهيك منتعرف على بعض اكتر ومنتشارك بافكارنا فاهلا وسهلا لا كل البتحب تنضم النا وشكرا لا ضحى ام الافكار الحلوة الله يوفقك حبيبتي ويرزقك ويعطيكي على اد نيتك

  4. بشرى 6 December 2009

    يا سلام رجعة قوية متل عادتك يسلم ايديكي يارب على الكبة الحميس ما جربتا انا قبل هالمرة بس مرة ولا دقتا من قبل بلكي بتشجع وبعملها ما دام حطيتي الطريقة يسلمو ايديكي

    اشتقنالك والله ومتل ما قالت الاخت ام محمد الموقع بدونك مالو نكهة :)

  5. سلاف 6 December 2009

    كل عام وانتي والاخوات بالموقع بألف خير منى
    اشتقتلك واشتقت لأكلاتك وللموقع
    وألف مبروك زواج اخوكي الله يسعدهن وعقبال ماتفرحي بشهادات اولادك العليا
    صرلي زمان مافتت سفر وتعب وصارو 3 اولاد بس هلأ الحمد لله رجعنا للاستقرار ورجعت للكمبيوتر يللي حسيت حالي يتيمه بدونه الفتره اللي راحت
    يسلم ايديكي عالكبه هي اول مره بسمع فيها بس شكلها بتشهي وحلوه كتير فكرة الفيس بوك
    منى لاتغيبي كتير متل ماقالو الموقع بدونك مالو نكهه ولا لون ولاطعم 8)

  6. منى 6 December 2009

    هلا ام محمد :)
    تشتاق الك العافية يا حق و هل الرد الحلو من زووءك يا احلى ام محمد ;)

    ان شاء الله تجربي الوصفة و تكون يممي و لا تنسي تخبريني :zzz

  7. منى 6 December 2009

    هلا بشورة :)
    الله يسلمك يا قمرو يا رب , و معك حق مو كل هل الاد معروفة عنا بحلب , بس مستاهلة ان شاء الله ,
    ان شاء الله تجربيها و تكون على زوءك و لا تنسي تاكلي عني كم لقمة

    كلك زووء بشورة , انتو كمان من اهل البيت :zzz

  8. ام جنى عبيدات 6 December 2009

    دماااااااااااار هالوصفه… حرام عليكي كل ما ابلش برجيم بفتح موقعك بلاقي وصفه تدمر كل شي.. بكره ان شاء الله رح اعملها مو مشكله كيلو او تنين زياده مو قصه :grin
    يسلم ايديكي عزيزتي :)

  9. منى 6 December 2009

    هلا سلوفة :)
    ان شاء الله الف مبروك البي بي الجديد يتربى بعزكن و دلالكن ان شاء الله و ان شاء الله يكون ولد صالح و تشوفوا منه و من اخوته خير كتير .
    الحمد لله على السلامة و ان شاء الله تجربي هل الكبة و تعجبك و هادا بس من زووءك حبيبتي :zzz

  10. منى 6 December 2009

    هلا ام جنى :)
    الله يسامحك شو ريجيم و ما ريجيم , اعوذ بالله , هون نحنا منتهنى بحياتنا و ما منقص شي على حالنا بس باصوله :zzz

    يا رب تجربيها و تحبيها و مية هلا فيك اختي

  11. منى 6 December 2009

    صبايا ما حدا فيكن بيطبخ هل الكبة في بيته لحتى يخبرنا عن طريقته :roll

  12. منى 6 December 2009

    هلا ام نور :)
    معقولة ما شفتي الكبة :eek

    يا ستي الي اخد عقلك يتهنى , الله يهنيكم ببعض انتي و هل العيلة الحلوة :)

    ان شاء الله تجربيها و تكون متل ما بتحبي و اكتر

  13. Iman 6 December 2009

    الحمدلله على السلامه منى الحلوه ووصفاتا الاحلى. كل عام انتي و كل احبابك بخير حبيبتي. اشتقتللك على قولتكم كومايات كومايات ههه ما بقى تغيبي كتير علينا. الف مبروك زواج اخوكي الغالي. الله يسعدهم و انشاالله كل ايامكم افراح. بعيد كمان على الاخوات كلهم. ام محمد تشتقلك العافيه يا مزوقه حبيبه انتي والله كل عام و انتي بخير و ام نور و غيث و سهى و رنا و سلاف الف مبروك المولود يتربى بعزكم. و كل الاخوات بدون تسميه فردا فردا اي والله اشتقنالكم. موسم اعياد هون انشغلنا شوي و من غير شر الموقع بدون منى كان متل مهجور بس هيو رجع احلى من الاول. وصفه لذيذه يا منى اول مره بسمع فيها. للتجريب قريبا. فكره الفيس بوك عجبتني كتير علشان نتعرف مع مين عم نحكي. كل الحب للجميع. :)

  14. شيرين 7 December 2009

    السلام عليكم وكل عام و أنتم بألف خير.مبروك علينايا منى رجعتك إلنا و للموقع .و الله (متل ما قالت الأخت أم محمد الموقع بلاك ما له نكهة)بس ما تفكريني قاعدة ؟كنت عم أطبق وصفاتك الرائعة وعن جد كل مرة بتبيض الوجه و ترفع الراس.جربت كاتو البرتقال بحشوة البرتقال(رائعة بكل معنى الكلمة)والبارحة رجعت عملته و بنفس الروعة و النكهة.و الله أدعيلك كتير . لا تحرمينا أبدا من وصفاتك و طلتك و كلامك الحلو.كتير عجبتني فكرة الفيس بوك و انشاء الله للأحسن دايما. :zzz

  15. أم الهدى 7 December 2009

    الحمد لله ع السلامة منوش ومبارك ما عملتو بعرس أخوك وعقبال فرحتك بولادك
    بتعرفي هي اول مرة بسمع بهل نوع من الكبة بس شكلها طيب تسلم دياتك
    عندي سؤال مالو علاقة بالوصفة وهو شو الفرق بين معجون الخردل العادي والديجون وأي واحد فيهم أطيب ( علما اني ما كتير بحبو ) واذا بدي أخلي عندي نوع واحد ينفع لأغلب الوصفات شو بجيب
    وفي كمان سؤال تاني موجود بوصفة تشاينيز نودلز من بعد أمرك كمان بدي جواب
    وألف ألف شكر الك والله يجزيك كل خير

  16. ميساء 7 December 2009

    عزيزتي منى كل عام وأنت بألف خير أنت وجميع الأخوات في الموقع أنا عايدت عليكي في وصفة كعك العيد الرائعة ما بعرف اذا قرأتيها وانشاالله ألف مبروك زواج أخوك ويا رب بالسعادة والرفاه والبنين أنا صار لي زمان ما شاركت بالتعليق بسبب بعض الظروف ولكن كل يوم لازم أفتح الموقع واتصفح الأكلات اللي فيه وجرب منها لأنو بدون مجاملات وبعد البحث والتجريب بيضل لقمة طيبة وصاحبتو الحلوة ميمو number one وصرت مدمنة عليه وهلق بالنسبة للكبة الحميس ممكن يتقدم معها رز مفلفل ولا لحالها و شكرا كتير

  17. منى 8 December 2009

    هلا امونة :)
    الله يسلمك و يحفظك و يخليكي و كل سنة و انت و كل عيلتك بالف خير و ربي يبارك بعمرك و عقبال ما تفرحي بزينة و عزيز بشهاداتهن و زواجهن و ولادهم و كل شي بتتمنيه الهن

    ان شاء الله تجربي الوصفة و تكون متل ما بتحبي او اطيب و لا تنسي تخبريني

  18. منى 8 December 2009

    هلا شيرين :)
    الله يبارك بعمرك و ببدنك يا زووء يا قمر :)

    مممم , الف صحة و هنا على البك على الكيك هل المرة و كل مرة , هيك الشطورات و الا بلا :zzz

    ان شاء الله الك متل الدعوات الي عم تدعيها و اكتر , هناااا شيرينو 8)

  19. سمسمة 8 December 2009

    يسلموا ايديك منى آكلة غير شكل بس صايرة عم طولي
    علينا الغيبة
    لاتحرمينا منك ومن وصفاتك المميزة
    حبيبة قلبي منى في كتير منا بيشوف قناة فتافيت
    شو رأيك نفتح موضوع يكتبوا فيه البنات
    شواستفادوا من القناة واذا جربوا شي منها

  20. منى 9 December 2009

    فكرة سمسومة :)

    قايمة حطها على الصفحة الرئيسية

  21. ام نور 9 December 2009

    منوش اليوم جربت هالكبة شو طيبة غير شكل طلعت وحسيتها كتير سهلة ليش لان انا دايما عندي كبة جاهزة بالتلاجة فكتير عجبتني حسيتاا بتبيض الوج قدام الضيوف وصورت صحن رح ابعتلك صورة

  22. ام رومل 10 December 2009

    يسلمو ايديكي يا منى على هالاكله تعرفي نحنا بالرقه منعملها تقريبا نفس الشي بنسميها كبه حميس او كبه يهود بس عجينه الكبه بتختلف شوي بدها تلت الكميه برغل والتلتين التانيين برغل جريش هيك اسمه منشتريه من السوق بيدبق كتير بشكل ما يحتاج هبره مع البرغل يطحن مع بعض 3 مرات وتشكل الكبه متل اشكال الحجب او مثلث بعدين نسلقها بمي فيها دبس رمانودبس فليلفله مشان تعطي شفه حمار وتقدم ناشفه بدون مرقه لذيذه جدا جدا ومو الكل بتضبط معهن يمكن بس الكبار الخبيرين فيها مشان هيك كل ماانزل اجازه اقولن يعملولي ياها

  23. غيث 10 December 2009

    بالاول بحب سلم على كل الاخوات الغاليات بالموقع وارحب واعيد على ا لحبيبة ام محمد وايمان اللعزيزات اللواتي تذكروني بسلام واقول لهم فيكم الخير عزيزاتي وانتو بالقلب دوما وكل الموقع الغالي طبعا وهذا من ذوقكم والان نجي عالوصفة اشو هذا ميمو بتجنن اكيد على التجريب والله انا اول مرة بسمع فيها الله يسلم ايديك ويجزيك الخير انت وجميع الاخوات المخلصات لاسرة الموقع

  24. منى 22 December 2009

    هلا ام الهدى :)
    ان شاء الله تجربيها و تعجبك , سهلة و تغير شكل :zzz

    اختي خردل ديجون نكهته أخف من الخردل العادي و هيك بتحسيها معتدلة و لطيفة على اللسان لما الواحد بيدوقه , و التنين طيبين حسب المطلوب .

    هلا رايحة للتشاينيز نودلز , اسفة للتاخير :roll

  25. منى 22 December 2009

    هلا ميوسة :)
    و انت بالف الف خير يا حق , شكرا كتير لكل الكلام الحلو و الرد المزوء , هادا بس من لطفك ميوس :zzz الله يديم المحبة و المعروف دوما .

    هلا هل الكبة بالعادة بتتقدم من دون رز , بس كمان فكرة , ما دام صار فيها لحمة صارت كتير مناسبة لان يتقدم معها رز ;)

  26. منى 22 December 2009

    هلا ام نور :)
    الف هنا و صحة و عافية و انا متلك بشوفها من الانواع السهلة و الطيبة , رح استنى الصورة حبيبتي :zzz

  27. منى 22 December 2009

    هلا ام رومل :)
    هادا هو الرد الي عم استناه , و هي كمان طريقة جديدة للكبة الحميس و شكلها بيجنن , ممم .

    ناوية ان شاء الله وصلي على الجريش من الرقة لان عندي كتير وصفات بدها الجريش و باذن الله رح جرب طريقتك , الله يسلمك يا رب للمشاركة بالطريقة ;)

  28. منى 22 December 2009

    هلا غيوثة :)
    يا رب تجربيها و تعجبك , طيبة و سهلة , رح استنى رايك غيوث

    ابوسك عيونك على المحبة ربي يديمها دوما ;)

  29. مزهرة 23 December 2009

    :grin اشكرك منى على الرد السريع بس ياريت كنت سائلتك السؤال اللي بدي اياه وهو : ممكن نحط الفطاير بالفريزر بعد مانخبزهم ولا قبل الخبز يعني مشان اذا اجاني ضيف على غفله
    :x للطوارئ يعني

    ارجوكي تردي بسرعه لاني فعلا مزنوقه كتير :? :zzz

  30. منى 24 December 2009

    قبل الخبز أختي ;)

تقييم الوصفة
عاديةقد أحضرهاجيدةممتازةأكثر من رائعة (No Ratings Yet)