كبة سوار الست


         وصفة : منى                 2007/09/05                 20 تعليقات
كبة سوار الست



مقادير الكبة :

3 كوب برغل أسمر ناعم
نصف كيلو لحم هبرة عجل مدقوقة للكبة
حبة بصلة متوسطة مقشرة و مقطعة أرباع
ملعقة صغيرة ملح
رشة قرفة مطحونة
نصف ملعقة صغيرة بهارات مشكلة

مقادير الحشوة :

ملعقة كبيرة سمنة
كيلو لحمة مفرومة خشن
نصف كوب صنوبر
ملعقة صغيرة بهار
رشة قرفة و ملح

للزينة :

فستق حلبي محمص و مطحون ناعم






تحضير الحشوة :

• تذوب السمنة على نار متوسطة ثم يحمص الصنوبر بالسمنة حتى يشقر مع مراعاة رفع الصنوبر قبل الوصول لدرجة اللون المطلوب لأنه سيغمق قليلاً بعد رفعه عن النار , يوضع على ورق ماص .

• تقلي اللحمة بنفس السمنة و تفكك بملعقة خشبية ثم تتبل بالملح والبهارات و تترك على النار مع التقليب حتى تنضج و يجف مرقها تماماً ثم ترفع اللحمة عن النار و يضاف الصنوبر , أصبحت الحشوة جاهزة .

تحضير العجينة :

• يغسل البرغل غسلة واحدة فقط , ثم ينقع بالقليل من الماء البارد مع البصلة لمدة ربع ساعة تقريباً .

• يطحن البرغل المنقوع مع البصلة و البهارات على ماكينة فرم اللحمة ثلاثة مرات .

• يوضع البرغل المطحون و الهبرة في وعاء مسطح كبير ( و يفضل وعاء فخاري إن وجد ) و يوضع صحن ماء صغير على طاولة العمل لتبليل اليدان به أثناء العجن .

• تدعك الكبة و الهبرة لمدة 10 دقائق على الأقل و يفضل أكثر و هذه الخطوة يسهى عنها كثير من من يعد الكبة و هي خطوة مهمة جداً , و يضاف القليل من الماء إذا دعت الحاجة حتى الحصول على عجينة رطبة و طرية و متماسكة, أصبحت عجينة الكبة جاهزة .



تحضير الكبة :

• تدهن صينية كبيرة بالسمنة و يوضع طبق من الماء البارد على طاولة العمل .

• تقطع العجينة إلى كرات ثم تجوف كل كرة باستخدام الإصبع و ترق و يعمل فيها حفرة ثم تحشى بالحشوة .

• تقفل الكرة بحيث تحرك بإليد اليمنى و تقفل باليد اليسرى بين السبابة و الإبهام حتى يقفل قرص الكبة تماماً ثم تدور بين راحتي اليد لتأخذ شكل الكرة و تبلل الأيادي بالماء البارد كلما دعت الحاجة ثم تصف الكرات الجاهزة على الصينية المجهزة .

• بعد تجهيز كل الكرات يضغط على كل كرة بطرف الإصبع لعمل تجويف صغير فيها ثم تخبز الكبة في الفرن المحمى و تسقى بالسمنة عدة مرات اثناء خبزها حتى تشقر و تنضج .

• بعد أن تبرد الكبة قليلاً توضع في طبق التقديم و يوضع الفستق المبشور في التجويف الذي عمل بطرف اليد و تقدم سااخنة مع السلطات أو اللبن أو المخلل .
  • وصفات تانية ممكن تعجبك


التعليقات

  1. ام نور 5 September 2007

    شو هالكبي اخت منى ما شاء الله عنك شي بيشهي يعني مشتهية جربا.بلا مجاملة انتوا اهل حلب كتير مزوقين بالكبة شي مبرومة وشي سوار…. :grin كل مرة بتفاجىء بموديل جديد وكلون بدون شغل

  2. منى 5 September 2007

    معك حق , نحنا في عنا كتير كتير أنواع للكبة , ما بيقولوا عن حلب ام المعالي و الرتب و بيت المحاشي و الكبب :grin

    ان شاء الله إذا جربتيها رح تعجبك :)

  3. بدور 6 September 2007

    شكلا مغري كتير :p
    والله جوعتيني :cry
    نحنا منعملها كمان بس بتختلف شوي الطريئة و نوع البرغل يلي منستعملو كاشف يعني بيطلع اللون أفتح :roll
    ما شاء الله عليكي شئد مزوئة و سفرتك مرتبة يعني المو جوعان من شكل أكلاتك بجوع متلي أنا ;)

  4. منى 7 September 2007

    أنا البرغل الكاشف ما بستعمله إلا للكبة المقلية ..

    سبحان الله حتى في المدينة الواحدة بتختلف الطرق ;) , بس كله طيب أكيد

    انت الي مزوءة و كلامك أحلى من العسل

    نورتي بدور

  5. kuwaiti_girl 7 February 2008

    ما شاء الله

    تسلم ايدك

    شكل هالكبه جدا رايق و جديد لاني اول مره اشوفها مع اني اعتبر خبره اكلات بين صحباتي ههههه

    بجرب اسويها باول تجمع مع صديقاتي واتفاخر فيها بينهم
    يسلمو يا غاليه

  6. منى 9 February 2008

    هلا كوكو :) و الله هل الكبة غيرر شكل و رح تخلي طاولتك مميزة , و يلا يا عمي اتفشخري بس لا تنسي تعزميني :grin

  7. DOUHA 7 May 2009

    طيبة بس مافيني اعملا مالي شاطرة بالكبب :sigh

    بس حبيت اشكرك على عل الترتيب :zzz

  8. منى 8 May 2009

    هلا ضحى :)
    يا ستي لا تعمليها , ما دامها ماماتك ست الستاتبتحضرها , انت تبقى نيالك متل الحلويين بس تفرمي سلطة و تروبي لبن و تاااكلي :grin

    لا تنسي تعزميني , بحبها كتير هل الاكلة و ببقى بجيبمعي مخلل

  9. nadin09 22 April 2010

    how great mona… this is so nice.. i loved it

  10. منى 23 April 2010

    جربتيها ;)

  11. farah 24 April 2010

    شلون هربانة مني هالوصفة؟؟ :zzz
    مع اني تقريبا صرت شايفة كل وصفات الموقع بس اليوم اكتشفت هالوصفة يا ستي جديدة بالنسبة الي مية% عجبتني طريقة الشوي بس رعبتني قصة السقي بالسمنة :eek
    يا ترى اذا ما سقيناها بتعطش :grin
    تسلميلي انتي ووصفاتك ما الذك

  12. منى 25 April 2010

    بتعطش و بتروح كل نضارة وجهها :grin

    بقى اذا نويت تجربيها يا اسقيها يا خليها هربانة احسن ;)

  13. nadin09 3 May 2010

    mona pleas I have gest in friday, what do you suggest ? I want to do it like (sahen englizi).. thank you

  14. منى 4 May 2010

    بيتزا سواريه , تبولة , نوع كبة متل سوار الست او كبة مبرومة , صمونة صغيرة محشبة حشوة مكسيكانو او فيلادلفيا , يلنجي , برك بجبنة , خبز صغير كتير فيك تحشيه مرتديلا او سجق .. هادا الي خطر الي ;)

  15. jenna 21 October 2011

    [B]مرحبا منوش أول شي أنا كتير بحبك تاني شي اناسورية وبعرف كتير كبب بس ولا مرة مجربة البرغل الاسمر برايك لهل لكبة بيطلع اطيب من البرغل الفاتح سؤال تاني ما عندي هون بامريكا هبرة بحسن استخدم اللحمة الناعمة العادية شكرا سلفا[/B]

  16. منى 22 October 2011

    هلا حبيبتي :) منورة الموقع مية هلا فيك

    انا بحب البرغل الغامق لكل الكبب , اذا انت متعودة على الفاتح فيكي تستعمليه هون

    ما فيكي تستعملي اللحمة الناعمة , بس جيبي لحمة شقف يكون ما فيها دهن و كلها هبر , و حطيها بمحضرة الطعام مع شوية تلج و اخلطي , بتصير عندك اطيب هبرة ;)

  17. نسرينa 25 October 2012

    بصراحة أخت منى أنا مافهمت الطريقة ياريت تحطي صور توضيحية أكتر وكمان الطابات منرققهن والفتحة يلي بدنا نفتحها بعدين يعني الحشوة لازم تبين

  18. Mona 25 October 2012

    تكرم عينك نسرين المرة الجاية بصور الخطوات التفصيلية , بس هي سهلة كتير , الكبة لتكون رقيقة و الحشوة مو لازم تبين , متل الكبة المقلية بس بغير شكل ;)

  19. روان 29 May 2014

    يسلمووووووو انا بموت بالكبه السوريه

    • منى 30 May 2014

      مممم معك حق , أطيب أكلة

تقييم الوصفة
عاديةقد أحضرهاجيدةممتازةأكثر من رائعة (No Ratings Yet)