كبة على السيخ


         وصفة : منى                 2007/09/12                 21 تعليقات
كبة على السيخ

هي الوصفة من أكتر وصفات الكبة الي بحضرها , سهلة و نجاحها مضمون و لبكتها خفيفة و طيبة كتير , و مع المحمرة و الحمص و المخلل أكلة ملوكية بتطلع .

هلا أصولها تنشوى على الفحم , و هيك بتطلع أطيب الشي , بس أحيانا بيكون جاي على بالي كبة بس ما جاي على بالي التاص بالمطبخ , بعود بحضرها بالفرن و بربع ساعة بتكون جاهزة , يم يمممم

بالصحة و الهنا

شو لازمنا ؟

كيلو لحمة غنم مفرومة
2 كوب برغل ناعم جداَ ( برغل التبولة أو البرغل السميسمي )
بصلة متوسطة
ملعقة صغيرة نعناع
1 – 2 ملعقة صغيرة فليلفة حمراء ناعمة
نصف ملعقة صغيرة بهار مشكل
ملح
قطعة صغيرة من الدهنة
2 – 3 ملعقة كبيرة صنوبر
ملعقة كبيرة سمنة بلدية أو عادية ( اختياري )
طريقة التحضير
• يغسل البرغل و ينقع مع البصل و القليل من الملح بالقليل من الماء البارد مدة 10 إلى 15 دقيقة ثم يصفى من الماء الزائد .

• يفرم البرغل بماكينة فرم اللحمة مرتان مع البصلة ثم يوضع مع اللحمة المفرومة و الدهنة و البهارات في وعاء مسطح كبير ( و يفضل وعاء فخاري إن وجد ) و يوضع صحن ماء صغير على طاولة العمل لتبليل اليدان به أثناء العجن .

• تدعك الكبة لمدة 10 دقائق و يضاف القليل من الماء إذا دعت الحاجة حتى الحصول على عجينة رطبة و طرية و متماسكة , يضاف الصنوبر و تدعك مجدداً حتى يمتزج الصنوبر مع الكبة , أصبحت الكبة جاهزة .

• تقسم الكبة إلى كرات كبيرة نوعا ما ثم تشك في أسياخ الشوي و تشوى على الفحم و تقلب حتى تنضج الكبة من جميع الأطراف .


• تذوب السمنة على نار متوسطة ثم تقلب فيها ك%D

التعليقات

  1. nidaa84 2 October 2007

    والله الله يسلم ايديك انشالله انا بكرا بدى اعملها بس بدى اشويها بالفرن بدى اسالك بحسن احط الشحمة مع الكبة وادهكهم مع بعض والشحمة اطيب ولا الدهنه شو بتنصحينى لانه بده يجى لعندى جماعة حلبيه وبدى ابيض وجه والف شكر

  2. منى 2 October 2007

    هلا نداء :)

    اكيد اختي فيك تحطي معهم شحمة حتى لو رح تشويهم بالفرن ..

    أنا ما بحط معها لحتى تطلع اخف 8)

    الشحمة رح تطلع أطيب من الدهنة

    و ان شاء الله رح يبيض وجهك و خصوصا اذا عملتي معها المحمرة :)

  3. Rino 3 October 2007

    الله يسلم هالديات
    بتشهي القلب و الله أنا مغرمة بها الأكلة بس بيني و بينك ألذ شي أنها تنشوى عالفحم النكهة بتطلع فظيعة و أنا لما بنسفها بسلي دهنة و بنسفها فيها بعرف أنها دسمة و بترفع الضغط و الكليسترول و بتسمن و كل البلاوي هاي بس مو بايدي بحب الأكل الدسم و عالطريقة القديمة :roll

  4. Eman 17 December 2007

    عندي سؤال ومستحية منه :roll ،بس بعرف قلبك كبير ورح تتحمليني
    :) .
    شو الفرق بين الشحمة والدهنة؟

    يعني ممكن ضيف للكبة المشوية دهنة،ولا هي غير هديك؟

    آسفة حبيبتي عم كتر غلبة،بس صدقا بعتبرك أختي الكبيرة 8) ،(للعلم ما عندي غير أخت وحدة صغيرة بعيدة عني :cry ).

    في أمان الله.

  5. منى 18 December 2007

    هلا فيك يا عسل:) ..

    بليز ايمان لا بقى تحكي هيك , اي سؤال انت بتامري امر…

    حبيبتي الشحمة هي عبارة عن المادة الي بتغلف قلب و رئة الخاروف , اكيد رح يعرفها اللحام لو طلبتيها منو ..
    و احيانا بيسموها الشبكة

    أما الدهنة فهو باقي الدهن الموجود في جسم الغنم و الشحمة ما فيك تستبدليها بالدهنة , غير شي و غير طعم..

    خلص من هلأ انت اختي الانترنتية الصغيرة شو رايك 8)

    اي خدمة من عيوني و الله يرجعك لاهل بخير و سلام يا رب

  6. Eman 19 December 2007

    أختي العزيزة مني :)

    يسلمو كتير على قلبك الكبير.

    الله يخليلي اباك حبيبتي

  7. منى 20 December 2007

    و انت يا عسل و لا أنحرم من هل الطلة الحلوة :)

  8. منى 21 December 2007

    و الله باينتك حلبية يا رينو

    هي الدهنة المسلية شغل حلب ;)

    و كلامك مضبوط , أطيب الشي انها تنشوى على الفحم , بس أنا ما بقدر نسفها بالدهنة ..
    و الا بعدها ما بقدر اكلها و انا مغرمة فيها :roll

  9. na3oom 2 September 2009

    شهيتيني عليها
    أسئلة من بعد إذنك
    هل اللحمة هبرة ومفرومة عادي وبكون فيها دهنة
    وهل ممكن نطحن اللحمة مع البرغل على الماكينة وإذا بصير شو الفرق من العجن بلإيد أو الماكينة
    وشكرا كتير لهل الموقع اللي صار دليلي
    (جنيت امبارح لطالع الوصفات بعد ما وقف بس الأخير لقيت طريقة اليوم الحمد لله اشتغل الموقع تمام
    سلام
    نعوم

  10. na3oom 14 December 2009

    كيفك منوش
    والله اشتقنالك من زمان ما حطيتي شي وصفة والكبة الحميس أول مرة بسمع فيها
    المهم من رمضان حطيت كم سؤال على الكبة هون ويمكن ما شفتيهم إن شاء الله تفضي وتجاوبيني عليهم الله يعطيك العافية
    كيف بردات حلب هالكم يوم

  11. منى 15 December 2009

    مشان الله لا تزعلي مني , ايه ضعت :roll

    صار كم يوم مروا بووووظ رسمي , يعني مطر الحمد لله رب العالمين ما عم يهدى و الدنيا نقف على قولة اخي :grin

    اللحمة مو هبرة , هي لحمة الكباب العادية الي نستعملها للطبخ , انا مو مجربة أفرم اللحمة لان هي اصلا مفرومة , بقى هي ما رح ااقدر فيدك فيها

    الف صحة و هنا على كل الوصفات الي جربتيها و كلك زووء عى هل الرد الحلو :)

  12. محبةالمصطفى ملك 11 May 2010

    منى حبابة لا تزعلي لأني عبكتر أسئلة مو :roll
    هلأ هي نفس الكبة القصيبية و لا لأ؟
    و اذا شويتها بالفرن بتطلع طيبة؟؟؟؟؟

  13. منى 12 May 2010

    نفسها :)

    اذا شويتيها في الفرن بتطلع طيبة بس مو متل تبعة شوي الفحم ;)

  14. محبةالمصطفى ملك 12 May 2010

    يسلموووووووووووووووووووووووو

  15. منى 12 May 2010

    :)

  16. محبةالمصطفى ملك 23 May 2010

    منوووووش أنا ما عندي سيااخ الشوي بشو أثقب الكبة؟؟؟

    • منى 4 June 2013

      ملك ممكن تستخدمي سيخ الخشب

  17. safi 2 August 2013

    مرحبا انا مبتدئ بالكبة و عفوا اذا سؤالي غريب، بس ما فهمت الدهنة لازم تنطحن مع البرغم ولا منكون اشتريناها مطحونة مع اللحمة الغنم؟ شكرا

    • منى 4 August 2013

      ممكن تطحنيها مع البرغل , او تجيبيها مطحونة و خالصة ..

      مية هلا

  18. ام لمار 4 December 2013

    يسلم ايديكي يارب بس يعني لو برغل سميسمي بدها دوران عالماكينة بقصد البرغل مع البصل

    • منى 5 December 2013

      الله يسلمك يا رب منورتينا , بس ما كتير فهمت سؤالك

تقييم الوصفة
عاديةقد أحضرهاجيدةممتازةأكثر من رائعة (4 votes, average: 2.25 out of 5)