كب كيك الزبادي و البرتقال بالصوص الأبيض


         وصفة : منى                 2008/02/11                 17 تعليقات
كب كيك الزبادي و البرتقال بالصوص الأبيض

·          يحمى الفرن على درجة حرارة 170 درجة مئوية , ينخل الطحين مع البيكنغ بودر و الملح في وعاء كبير , تدهن صينية كب كيك بالزبدة  , يمزج اللبن و الحليب و يوضعان جانباً .

·          تخفق الزبدة و السكر و الفانيليا و بشر البرتقال حتى يصبح المزيج كالكريما .

·          يضاف البيض بالتدريج  بيضة بيضة مع الخفق بعد كل إضافة و قشط الجوانب حتى يصبح المزيج متجانساً .

·          يضاف مزيج اللبن مع عصير البرتقال و الطحين المنخول على مزيج الزبدة و البيض بالتناوب على تلات دفعات و يخفق المزيج بلطف و باتجاه واحدة و باستعمال ملعقة خشبية حتى يصبح المزيج متجانس .

·          يصب مزيج الكاتو في قالب الكب كيك و يخبز حتى ينضج لمدة 25 – 30 دقيقة تقريباً .

·          يقلب الكاتو على مشبك و يترك حتى يبرد تماماً ثم يلف بورق بلاستيك بشكل محكم و يوضع في البراد لمدة 3 – 4 ساعات قبل التقديم .

·          يوضع القالب في طبق التقديم و يدهن بالصوص الأبيض ثم يزين بمربى قشور البرتقال و يقدم . 

تحضير الكريما :

 ·          ينخل السكر ثم يوضع مع باقي المقادير في وعاء صغير و يخفق بمضرب سلك لمدة دقيقة تقريباً .

·          يوضع القدر على نار هادئة و يحرك باستمرار حتى يذوب السكر و يصبح الصوص أبيض و ناعم ثم يمد فوراً و هو لا يزال ساخناً على الكب كيك .

فكرة سريعة :

يمكن تحضير الكاتو من دون الصوص و لكن تزاد كمية السكر لكوب و نصف .  

 




4 بيض بدرجة حرارة الغرفة
فانيليا
كوب لبن بقر ( أو غنم بشرط أن يكون غير حامض )
كوب سكر بودرة
اصبع و نصف زبدة طرية ( ثلاث أرباع كوب )
2 كوب طحين كاتو
2 ملعقة صغيرة بيكنغ بودر
رشة صغيرة ملح
بشر برتقالة
ربع كوب حليب
ملعقة كبيرة عصير برتقال

للصوص :

2 – 3 ملعقة كبيرة زبدة
بضع نقاط من ماء زهر البرتقال من نوعية فاخرة
كوب سكر بودرة منخول
6 ملعقة كبيرة حليب أو حسب الحاجة

للتقديم :

مربى بشر البرتقال مصفى من القطر جيداً ( اختياري )





• يحمى الفرن على درجة حرارة 170 درجة مئوية , ينخل الطحين مع البيكنغ بودر و الملح في وعاء كبير , تدهن صينية كب كيك بالزبدة , يمزج اللبن و الحليب و يوضعان جانباً .

• تخفق الزبدة و السكر و الفانيليا و بشر البرتقال حتى يصبح المزيج كالكريما .

• يضاف البيض بالتدريج بيضة بيضة مع الخفق بعد كل إضافة و قشط الجوانب حتى يصبح المزيج متجانساً .

• يضاف مزيج اللبن مع عصير البرتقال و الطحين المنخول على مزيج الزبدة و البيض بالتناوب على تلات دفعات و يخفق المزيج بلطف و باتجاه واحدة و باستعمال ملعقة خشبية حتى يصبح المزيج متجانس .

• يصب مزيج الكاتو في قالب الكب كيك و يخبز حتى ينضج لمدة 25 - 30 دقيقة تقريباً .

• يقلب الكاتو على مشبك و يترك حتى يبرد تماماً ثم يلف بورق بلاستيك بشكل محكم و يوضع في البراد لمدة 3 – 4 ساعات قبل التقديم .

• يوضع القالب في طبق التقديم و يدهن بالصوص الأبيض ثم يزين بمربى قشور البرتقال و يقدم .

تحضير الكريما :

• ينخل السكر ثم يوضع مع باقي المقادير في وعاء صغير و يخفق بمضرب سلك لمدة دقيقة تقريباً .

• يوضع القدر على نار هادئة و يحرك باستمرار حتى يذوب السكر و يصبح الصوص أبيض و ناعم ثم يمد فوراً و هو لا يزال ساخناً على الكب كيك .


فكرة سريعة :

يمكن تحضير الكاتو من دون الصوص و لكن تزاد كمية السكر لكوب و نصف .
  • وصفات تانية ممكن تعجبك


التعليقات

  1. ام نور 11 February 2008

    يسلم هالديات منى شكلو كتير طيب :p وسهل وفكرة الصوص الابيض كتير مميزة, ولكن ممكن ينعمل بقالب كيك العادي ؟
    انا اليوم رح جرب كاتو السبانغ وبوقرة بخبرك النتيجة

  2. منى 11 February 2008

    ان شاء الله ام نور و ابقي خبريني إذا حبيتيه ;)

    هل الكاتو بتقدري تعمليه بقالب عادي و بعدها تغطيه بالصوص

  3. تورتاية بالكريز 15 February 2008

    :) روعة الوصفة اصلا كل قسم الكاتو بياخد العقل حقيقي ومغري للتجربة كله
    انا زيك اخت منى بحب اجرب الكيكات مع اني ماباكلها كتير بس للاولاد والاهل معانا ولما بتنجح وافتح الفرن واشوفها حلوة ومنورة بفرح اوي
    واحيانا التجارب بتكلف كتير بصراحة :cry ربي يعين .
    وحلوة اوي فكرة الصوص الابيض اي صوص خفيف مع الكيك بيعطي فرق كبير بس انا عندي ماء زهر عادي مش متوفر ماء زهر البرتقال :roll
    بس حبيت اسللك اخت منى ممكن استبدل الزبدة بزيت في الوصفة ولا لا وتسلمي حبيبة قلبي على الوصفة الروعة ربي يعطكي كل الصحة والعافية باذن الله

  4. منى 16 February 2008

    الله يعينا على التجارب شو بتكلف , إذا بدي احسبها بيبطل يجرب شي جديد لأن من بين ثلاثة أو أربع أصناف جديدة بجربها بيضبط معي واحد و بيكون مستاهل ان نزله بالموقع :roll

    أختي أم ياسمين فيك تستعملي ماء الزهر العادي , بس يا ريت يكون من نوعية منيحة , لان الاصناف الاصطناعية مو حلوة أبداً , و كمان فيك تستعملي الزيت عوض الزبدة , بتخفقي البيض منيح كتير و بعدها بضيفي السكر بشر البرتقال و كمان بتخفقي و بس ما صار المزيج أبيض و سمك , بضيفي الزيت مع اللبن و العصير بالتدرج مع الطحين المنخول ;)

    ام ياسمين ردودك دايما بتفرح قلبي , منور الموقع بأخت غالية كتير كتير :)

  5. قهوه مُره 12 September 2008

    تسلم إيدك منى..بس أنا عملته وطلع ملبص ليش ياترى…مع العلم إني حطيت لبن الفلاحه إذا بتعرفيه..والزبده سايحه بالمره..والحليب من البراد..أوليلي شو المشكله…مع الشكر

  6. قهوه مُره 12 September 2008

    وماء الزهر نوع ديراني …ولا بيمشي الحال بروح المازهر.المركز

  7. منى 13 September 2008

    هلا فيك أختي :)
    يا ترى شو قصدك بملبص ؟ يعني ما نفش ؟ إذا هيك فأظن السبب هو الزبدة لان استخدمتيها و هي سايلة و الزبدة لازم تكون بحرارة الغرفة و مع السكر و البيض رح تصير متل الكريما ;)

    ماء الزهر الي استعمله ماء زهر طبيعي , الديراني ما عرفت شو بتقصدي فيه , أنا أستعمل ماء زهر شغل طرابلس لبنان , ممتاز :zzz

    مية هلا اختي و ان شاء الله المرة التانية بيظبط معك

  8. قهوه مُره 17 February 2009

    يسلمو إيديكي يامنى …بيجنن…هلأخلصت منه ودئته طوالي..بياخد العقل شو طري..الحمدلله وأخيرا ظبط…بتضحكي عليي دئته وهو صخن لأني عملته وما ظبط خايفه يخرب مره تانيه ..إلت لولادي إذا ماظبط هالمره ماعاد إعمله ..لأنهم عاجبهم شكل الصوره وبدهم متلها…أكرر شكري منى. وهلأ ممكن تعلميني البرك يلي بناكلها بمطاعم الشام…جزاك الله خيرا

  9. منى 17 February 2009

    شو فرحت لان زبط معك , الف هنا و عافية يا رب و هي بوسات كتيرة لاولادك القطط لان شجعوكي تجربيه مرة تانية :zzz

    و الله مو نسيانتلك البرك و لو تعرفي من ايمتى الوصفة جاهزة عندي بس بدها تنزيل , رح نزلها مع المنيو التركي باذن الله لان هي اصلها تركي :zzz

  10. سارونات 2 April 2009

    السلام عليكم و رحمة الله و بركاته

    جربته مبارحه و لو تشوفي شو صارت ريحة المطبخ حلوة بعتقد اللبن هو اللي عطى هالريحة ريحتهم كتير حلوة و طلعو طيبين و نضجو منيح حتى من جوا لما بتفتحيها بتلاقي فوهات صغيرة متل اللي بتجي بالخبز لما يكون هش بس المشكلة الوحيدة هي انه طلع سميك شوي و بعتقد السبب هو الزبدة لهيك كنت بدي اسالك اذا فينا نستبدلها بزيت و لقيت اختي تورتايه طرحت السؤال و جاوبتيني عليه وا ن شاء الله بالمرة الجاية راح جربها بزيت لان طعمها و ريحتها كتير حلوين بس بدها شوية خفةو بدي قلك ان كاب كيك الجزر و البرتقال حقق نجاح كبير و صار مطلوب :eek

    بالتوفيق

    سلام

  11. منى 2 April 2009

    هلا سارونات :)
    الف هنا و عافيةو صحة على كاتو الجزر ,

    اما لهل الكيك ما فهمت شو قصدك بسميك :roll قصدك انه سميك لمن قلبتيه او شو ؟ لان اذا هيك قصدك فما اله علاقة الزيت او الزبدة

  12. سارونات 3 April 2009

    السلام عليكم و رحمة الله و بركاته

    قصدي بسميك انه لما بتاكليه ما بيمر بسرعة على الحلق فهمت علي :?
    ما بعرف هل السبب هو الزبدة او يمكن الزبادي شو قولك :? انا فكرت ان هالشي سببه ان خليط الكاب كيك لما فرغتو في في القوالب كان سميك فقلت يمكن بدو سائل اكتر لهيك فكرت في الزيت
    بالتوفيق

    سلام

  13. marim 4 February 2010

    شلونك اختي منى اناجربته اليوم بس مانفش وجهه مسطح بس طعمته طيبة بس كمان ناشف شوي شو السبب وبدي منك وصفة الكلير وازا بتعرفي عن الاصانص نكهات دليني شلون استخدمها

  14. منى 5 February 2010

    هلا مريم :)
    رح جربه هل اليومين و حط صور تفصيلية و ان شاء الله بتستفيدي , هل الوصفة كتير مميزة و اكيد من اهم وصفات الموقع ;)

    ما فهمت شو قصدك بالاصانص . و تكرم عيونك على الاكلير

  15. marim 5 February 2010

    شكرا كتير انك رديتي وان عم انتظرك وقصدي بالاصانص عن شغلة متل روح الفواكه اواي نكهة بيجيبوها من عند معلمين الحلو

  16. منى 5 February 2010

    فيكي تحطي الاصانص بكمية بسيطة كتير على الكريم باتيسر او الكيك اذا ابة ياخد نكهة ;)

  17. hajar 16 May 2010

    سلام كيفك انا كتير مجربة وصفات من موقعك بس ما بكتب تعليق لانو بكون مستعجلة لحتى جرب الوصفة :grin وهلأ حابة كل وصفة جربتا علق عليها وقدملك شكر كبير على اطباقك المميزة 8) شكرا منى من قلبي بس انا زعلانة منك لانو ماعم تردي على ايميلاتي كنت كتير حابة نكون اصحاب طول الوقت بحكي لماما عنك وعن وصفاتك السبيشال واحلى شي انو وصفاتك مجربة من قبل ومضمونة

تقييم الوصفة
عاديةقد أحضرهاجيدةممتازةأكثر من رائعة (1 votes, average: 1.00 out of 5)