كرات التويكس بجوز الهند


         وصفة : منى                 2007/09/23                 14 تعليقات
كرات التويكس بجوز الهند

·          تحضر صلصة التوفي كريم ثم توضع جانباً حتى تحضير البسكويت .

·          يوضع الحليب و الشوكولا على حمام مائي و يقلب الكل حتى تذوب الشوكولا .

·          يكسر البسكويت و يقلب مع جوز الهند و صلصة التوفي كريم و الشوكولا الذائبة و يعجن الكل بلطف حتى الحصول على مزيج قابل للتشكيل من دون أن يهرس البسكويت بشكل كامل .

·          تقطع العجينة إلى 20 كرة تقريباً أو حسب الرغبة بحجم القطع ثم تدحرج على جوز الهند حتى تتغلف بشكل كامل .

·          توضع القطع بورق بليسيه أو تشكل بأعواد و توضع في البراد حتى وقت التقديم .

أفكار و تنويعات :

يمكن أن تحضر كرات التويكس بنفس الطريقة بدون استعمال الشوكولا للحصول على نكهة مختلفة و لذيذة جداً , يمزج البسكويت و جوز الهند و صوص التوفي مع ما يكفي من الحليب للحصول على عجينة قابلة للتشكيل ثم يتابع إعداد الوصفة كالسابق .

 

 




2 علبة بسكويت سادة ( بوزن 100 غ للعلبة )
نصف كوب برش جوز الهند
ثلث كوب حليب
100 غ شوكولا سادة مبشورة
صلصة التوفي كريم
جوز هند مبشور للوجه





• تحضر صلصة التوفي كريم ثم توضع جانباً حتى تحضير البسكويت .

• يوضع الحليب و الشوكولا على حمام مائي و يقلب الكل حتى تذوب الشوكولا .

• يكسر البسكويت و يقلب مع جوز الهند و صلصة التوفي كريم و الشوكولا الذائبة و يعجن الكل بلطف حتى الحصول على مزيج قابل للتشكيل من دون أن يهرس البسكويت بشكل كامل .

• تقطع العجينة إلى 20 كرة تقريباً أو حسب الرغبة بحجم القطع ثم تدحرج على جوز الهند حتى تتغلف بشكل كامل .

• توضع القطع بورق بليسيه أو تشكل بأعواد و توضع في البراد حتى وقت التقديم .

أفكار و تنويعات :

يمكن أن تحضر كرات التويكس بنفس الطريقة بدون استعمال الشوكولا للحصول على نكهة مختلفة و لذيذة جداً , يمزج البسكويت و جوز الهند و صوص التوفي مع ما يكفي من الحليب للحصول على عجينة قابلة للتشكيل ثم يتابع إعداد الوصفة كالسابق .



  • وصفات تانية ممكن تعجبك


التعليقات

  1. Rino 23 September 2007

    الله يعطيكي ألف عافية يا منى فكرة سهلة و أكيد لذيذة و الولاد أكيد رح يحبوها بس المشكلة أني أنا بحب هالأكلات أكتر من الولاد نفسهم مافي مقاومة أدام الحلويات الله يستر

  2. منى 23 September 2007

    :grin
    الله يسترنا من الحلويات و شو بتعمل بالوزن ,,

    بس عن جد سهلة و كتير طيبة , و إذا جربتيها خبريني رينو :)

    نورتي أختي

  3. بدور 26 September 2007

    هي شكلا عنجد ولا أروع من هيك :eek

    لك الله يسلملي ايديكي الحلوين يا رب و تضلي تعمليلنا و تعلمينا هالأكلات الطيبة :grin

    سؤال اذا ممكن :zzz

    شو يعني حمام مائي :roll

    شكرا كتير يا أحلى من العسل

  4. منى 26 September 2007

    هلا بدورة :)

    هل الحلى سهل و لازم تجربيه ;)

    شوفي بتحطي طنجرة فيها مي و بتحطي فوقها طنجرة تانية أصغر من أول طنجرة و بتحطهم على نار وسط

    بس ما غلت المي بتوطي النار و بتحطي الشوكولا و الحليب في الطنجرة الي فوق لحتى تدوب الشوكولا بفعل البخار الي طالع من الطنجرة الي تحت :roll

    ان شاء الله فهمتي علي :)

  5. بدور 26 October 2007

    نسيت خبرك النتائج 8)

    جربت هالأكلة بس بدون الحمام المائي يعني فورا حطيت الحليب والشوكولا يالطنجرة على نار هادية بس كسرت الشوكولا كتير كتير مشان تدوب بسرعة وما تعلئ بالطنجرة.

    جربتا بنفس اليوم يلي سألتك عليها مشان هيك عملتا بهالطريئة و الحمدلله ظبتت و طلعت كتير كتير طيبة و رجعت عملتا مرة تانية وكمان ظبتت :grin

    شكرا كتير كتير ميمو البحبا أنا كتير :zzz

  6. منى 27 October 2007

    و انا كمان بدور بحبك كتير , و ان شاء الله مية صحة و هنا يارب :)
    جربيها كمان من دون شوكولا و بتطلع طيبة كتير:)

  7. ام نور 19 December 2007

    اخت منى انا بدي اسالك عن وصفة شبيهة نوعا ما ما بعرف اذا مجربتيهااو سامعة فيا كانت جارتنا تعملا وتبعتلنا وهي عبارة عن بسكويت وجوز ولوز وزبيب شو ما عندا مكسرات تحط ومعجونين ببعضون ما بعرف شو تحط كمان وتقطعون قطع شي كتير طيب :p .وفي كمان نوع بس غير اكلتو عند اخت مغربية وهو عبارة عن طبقة من الشوكولا وبالنص لوز مكسر مع عسل وفوقو طبقة من الشوكولا ومقطع قطع صغيرة ولازم يضل بالبراد ميشان ما يدوب وخجلت اسال كيف عاملتو لان ما كتير بعرف المرة بس حابي اتعلم هاك اشيا لا الضيافة :? صايرة عم اتطلب كتير مهاك :)

  8. منى 21 December 2007

    يممم ام نور :eek

    الطعمة الا شوي حسيتها من وصفك لهل الاكلات الي دقتيها

    بس لو كنت محلك ما خجلت من السؤال :roll

    أختي عندي وصفة منحط فيها المكسرات أول الشي في صينيةو بعدها منغطيها بالتوفي كريم و أخر الشي الشوكولا ..

    يمكن هي أقرب وصفة عندي للحلو الي دقتيه , و هي كمان كتيررر طيبة , أما أول وصفة ما عرفتها أختي

    ان شاء الله اذا الله راد بنزل الطريقة بعد العيد

    ام نور , الله يسامحك انتي بتطلبي من عيوني و الله يا عسل ;)

  9. ام نور 31 December 2007

    الله يبارك فيكي انت العسل يا ست منى سبحان الله انا وعم اتصفح بالموقع وجدت الكاتو الموزاييك ووجدته شبيه بالوصفة الي ما عرفتيا مني وكتير انبسطت لان من زمان حابي اتعلم هالوصفة وجارتنا بلبنان وزمان ما شفتا وهيك وصلت لا طلبي رح اعمل الكاتو الموزاييك بوقرة انشالله ;) ويا ريت كمان تبقي تنزلي الوصفة الى قلتي عنا شكلا طيبة انا كتير بحب المكسرات بحس بتعطي قيمة لا وفخامة بالاكل مع انو بتنصح :x

  10. منى 6 January 2008

    رح نزلها ان شاء الله و لا تنسي تخبريني شو بيصير بكاتو الموزاييك ;)

  11. سارونات 16 September 2008

    السلام عليكم و رحمة الله و بركاته
    حلوى مميزة و جزبت انتباهي من اول مرة شفتها بس لان كان فيها توفي و كنت لساتني ما جربتو فقلتلها وداعا و نسيتها ة هلأ سبحان الله لقيتها و فيها توفي فقلت يا فرحتي هيك بستعمل التوفي اللي عندي لان صار وقت استخدمو و الطريقة سهلة و واضحة بس بدي اسال ازا فيني ساويها بالتوفي اللي عملتو و اللي حكيتلك عنه يعني يبس و نشف و بالتالي راح دوبو بحمام مائي بس خايفه يرجع ييبس و ينزع الوصفة و بتصير يابسة و تطير اسنان اللي راح ياكلوها :grin و بعدين يطيرولي اسناني بقى قوليلي رأيك لان ما بدي خاطر و اخسر كل شي و ازا كان بينفع راح ساويها هالايام ان شاء الله و هيك بساوي الوصفة و اتخلص من التوفي و ساوي توفي جديد مشان كاتو التفاح و كاتو التمر كمان اديش بيضاين بالبراد و هل فينا نحفظو بالفريزر
    بالتوفيق
    سلام

  12. منى 17 September 2008

    إذا كان نشف رجعييه للنار مع شوية حليب و خلييه لحتى يطرى و يرجع ناعم بعدها استخدمييه عادي , فيك تحفظيه تلات أيام و الفريزر كالعادة مو مجربه , بس نظرياً أتوقع بيصير ;)

  13. أم ساطور 11 November 2008

    السلام عليكم اخت منى كيف صحتك ان شاءالله تمام , انا عندي سؤال اذا سمحتي شقد لازم نضيف من الصلصة يعني شو مقدار الازم لهل الوصفة مع جذيل الشكر والاحترام الك

  14. منى 17 November 2008

    كل الصلصة لكل البسكويت أختي :)

تقييم الوصفة
عاديةقد أحضرهاجيدةممتازةأكثر من رائعة (No Ratings Yet)