كرات جوز الهند


         وصفة : منى                 2007/08/17                 44 تعليقات
كرات جوز الهند

·          يوضع بياض البيض في ألة خفاقة الكاتو مع رشة الملح ثم يخفق البياض حتى ينتفخ و  يبيض و يصبح هشاً .

·          يضاف السكر بالتدريج ( و هذه خطوة مهمة ) مع الخفق بعد كل إضافة حتى تتشكل رؤوس في مزيج بياض البيض .

·          يضاف الطحين و جوز الهند و الفانيليا و يقلب الكل بلطف حتى يتجانس المزيج .

·          يحمى الفرن على درجة حرارة 160 درجة مئوية و تغطى صينيتان فرن كبيرتان بورق الزبدة .

·          يسكب مزيج البسكويت بالملعقة الصغيرة في الصينيتان مع ترك مسافة مناسبة بين كل قطعة و الثانية , تكفي العجينة لتحضير 24 بسكويتة .

·          تخبز الكرات في الفرن لمدة 15 دقيقة تقريباً حتى تشقر , تترك بعدها لترتاح في الصينية لمدة 10 دقائق ثم ترفع على مشبك سلك و تترك حتى تبرد تماماً .

 

 




بياض 4 بيضات كبيرات بحرارة الغرفة
كوب سكر عادي
ربع ملعقة صغيرة ملح
نصف كوب طحين
فانيليا
2 كوب و نصف جوز الهند المبشور





• يوضع بياض البيض في ألة خفاقة الكاتو مع رشة الملح ثم يخفق البياض حتى ينتفخ و يبيض و يصبح هشاً .

• يضاف السكر بالتدريج ( و هذه خطوة مهمة ) مع الخفق بعد كل إضافة حتى تتشكل رؤوس في مزيج بياض البيض .

• يضاف الطحين و جوز الهند و الفانيليا و يقلب الكل بلطف حتى يتجانس المزيج .

• يحمى الفرن على درجة حرارة 160 درجة مئوية و تغطى صينيتان فرن كبيرتان بورق الزبدة .

• يسكب مزيج البسكويت بالملعقة الصغيرة في الصينيتان مع ترك مسافة مناسبة بين كل قطعة و الثانية , تكفي العجينة لتحضير 24 بسكويتة .

• تخبز الكرات في الفرن لمدة 15 دقيقة تقريباً حتى تشقر , تترك بعدها لترتاح في الصينية لمدة 10 دقائق ثم ترفع على مشبك سلك و تترك حتى تبرد تماماً .



  • وصفات تانية ممكن تعجبك


التعليقات

  1. linda 20 August 2007

    السلام عليكم ورحمة الله وبركاته

    والله العظيم كنت بدي اسألك عن هل الاكلة
    هلاء عملتها وبدون مبالغة طلعت كأنها جاهزة كطعم
    بس كشكل ما طلعت كرات طلعت شكلها اقراص :grin
    ساخت بس حطيتا بالفرن
    شكرا الك كل الشكر

  2. منى 21 August 2007

    هلأ ما دام البسكويت ساح معناها ما كنت خافقة بياض البيض منيح :roll

    شوفي في طريقة أسهل لهل البسكويت ..

    نفس المقادير بس استبدلي السكر و بياض البيض بثلثي كوب من الحليب المكثف المحلى
    اخلطي بالأول جوز الهند و الطحين و الملح و الفانيليا و بعدها أضيفي الحليب المكثف المحلى و قلبي لحتى يتجانس المزيج و اسكبيه في الصينية بالملعقة الصغيرة و بعدها خبزيه ;)

    هلا ليندا و انبسطت كتير ان جربتي واحدة من وصفاتي 8)

  3. بدور 21 August 2007

    يا ربي أنا بأي طريقة أعملها :upset
    شو هو الحليب المكثف المحلى؟ نفسو قشطة نستلة؟ :?
    و اذا ممكن بئدر استبدل ورق الزبدة بشرائح رقيقة زبدة أنا بقطعها؟ لإني ما بعرف ورق الزبدة :grin
    لا تحسبيني كتير غبية بس جديدة عالمهنة :zzz
    يسلمو ايديكي شكلها كتير مشهي أنا كمان رح جربا.

  4. منى 22 August 2007

    ممممم

    الطريقة التانية أسهل بس الطريقة الأولى بحسها أطيب .. :)

    هلأ الحليب المكثف المحلى هو من نستله بس مو قشطة , اسمه حليب مكثف محلى بيجي بعدة قياسات

    و إذا بدك اعمليه بالبيت بيطلع تحفة [URL=http://www.l2ma.com/content/view/60/2/]و هي طريقة تحضير الحليب المكثف المحلى في البيت[/URL]

    منجي على ورق الزبدة :zzz

    هو ورق رقيق و موجود بأي محل متخصص بكياس النايلون و الورق بالجميلية ادام المخفر في محل منيح أو بالتلل أو بالنيو تاون ..

    و إذا مو موجود استعملي ورق الألمنيوم إلي منغطي فيه الصواني يلي بتنخبز بالفرن ;)

    و شو كمان ؟؟

    زعلت منك على كلمة غبية :roll, ليش أي واحدة جديدة لازم تسأل كتير إذا كان بدها تتعلم

    أستنى أسألتك و نتائج تجربتك و ريتو بالصحة و العوافي مقدماً ;)

  5. انو 15 October 2007

    انا كمان عملتها بس ان الاخرى ساحت عندي بس حطيتها بالصينيه .يعني مع الحليب المحلى ما بدها تسيح وبدها تطلع كمان شوي طريه

  6. انو 15 October 2007

    ليش لما اكتب تعليق ما بيطلع دائما :cry

  7. منى 15 October 2007

    مية أهلا و سهلا انو :

    أختي التعليق ما بيطلع مباشرة لان لازم حدى من المشرفين ينشره :)

    و دخيل الله لا تزعلي , ما لي قدرة على زعلك يا عسل :)

    هلا انو ما دامها ساحت معك معناها مو خافقة البياض منيح , لازم البياض يصير متل الثلج و جامد و لما تقلبي الصحن ما ينزل منه و لا نقطة سائل , و هدا دليل على نجاح عملية الخفق ;)
    مع الحليب المكثف ما في داعي تاكلي هم خفق البيض , بس أنا بحس ان طريقة البياض أطيب

  8. انو 17 October 2007

    تسلمينا ان شا الله يا منى والله ما بعرف شو كان بدي اعمل من غير وصفاتك الطيبه وهو في حدا بدو يزعل منك ;) :)

  9. منى 18 October 2007

    الله يجبر بخاطرك و تسلمي على الكلام الحلو :)

    إذا جربتي شي وصفة من الموقع يا ريت تخبريني , و بالعوافي و الهنا مقدما ;)

  10. انو 20 October 2007

    انا جربت كثير وصفات في منها بيطلع مصبوط وفي نها ما بتطلع.جربت الكبه المقليه وجربت الجاج المشوي الشرقي جربت كوسا بلبن وشي كم شوربه وكانوا كثير طيبين .وانا كثير فرحانه بهالموقع يا منى تسلم ايديكي

  11. منى 21 October 2007

    الله يسلمك انو :)
    و هنا يا رب و مية صحة , و إذا الوصفة ما ضبطت فيك تقوليلي و ممكن حاول ساعدك لحتى تطلع تمام ;)

  12. ام كريم 13 January 2009

    مرحبا اختي منى والكل يلي مشترك بلموقع عنجد مابعرف شو بدي قول جوزي قال مشتهي على جوز هند تبع الفرن اي بس حدا يقلي من وين بدي جيبو فتحت الموفع وطلعت معي كرات جوز الهند وياعيني انا عملت الطريقة الاولى لان الطريقة التانية انا مجربتا مو كتير طيبة مو نفس الطعمة المهم صبرت عخفق البياض وزبطت ومنظرا بشهي بقى كيف الطعم ويسلم ايديكي منى

  13. منى 14 January 2009

    هلا أم كريم :)
    مية هلا و الف صحة و عافية و هنا انك جربتيهم و عجبوك و كمان ظبطوا معك , الله يسلمك أختي و هادا بس من زووءك ;)

  14. eamireh 23 February 2009

    تحياتي منى
    أسفه لأنو تعليقي متأخر
    أنا عندي عزومة وطبعا ما في غير لقمة طيبة لنحضر المنيو
    بس عندي استفسار صغير ليش صنيتين مو وحدة وكيف تنحطهم بقلب بعض ولا شو

    يا حلو يا منقذني

    إيمي

  15. منى 23 February 2009

    هلا ايمي :)

    على شو الاسف و الله ما فهمت , :roll

    ان شاء الله بتكون عزومتك و لاا اطيب و لا الذ و الصينيتين لان هل المقدار كبير و ما بيقدي صينية واحدة ;) بيلزمنا صينيتين و كل ولحدة نمليها بكرات جوز الهند:)

  16. eamireh 24 February 2009

    رب أخ لك لم تلده أمك

    والله إني أحبك في الله

    وشكراً كتير على سرعة الرد

    إيمي

  17. منى 24 February 2009

    هلا أختي :)
    احبك الله الذي احببتني فيه , و ان شاء الله ربي يديم المعروف دايما ,

    و لا يهمك انا هون تحت الامر و الخدمة و اي سؤال تاني تكرمي :)

  18. رنا 3 May 2009

    شكرا كتير منى هالوصفة كتير بحبها وماكنت شايفتها بالموقع
    بصراحة جربتها وطلعت طيبة …بس كانت طرية لما طلعت من الفرن بس بعد كم ساعة يبسوا ؟؟ياترى في شي غلط لاني خفقت البيض كتير كتير منيح ومابقي ولا نقطة سائل بس يمكن لانه ماغطيتهن بنايلون او شي :upset

  19. منى 3 May 2009

    لان ما غطيتيه يبسوا مو من الخفق , بالعكس الخفق المنيح هو سر نجاح الوصفة , نبعتيني لهل النقطة لازم ازكر هل الشي بالوصفة :zzz

  20. رنا 5 May 2009

    صح منى لانه كانوا كتير زابطين وانا رجعت بذاكرتي لماكنا نشتريهن من المحل يكونوا مغلفين تغليف بالنايلون يلا الواحد بيتعلم :p

  21. اماني 8 November 2009

    تسلمي يارب يامنى امبارح جوزي قال مشتهي على كاتو جوز الهند قلت مالي غبر منى لاقي عنها الوصفة وفعلا وجربتا امبارح بالليل طلعت كتير طيبة وطرية بس شوي بتعلك او كان سميكة ولاهي هيك لازم ما بعرف ما عرفت ليش معقول لان خليتن بالفرن 3دقايق زيادة لان شعلت عليهن من فوق بعد 15 دقيقة لان ماصار لونهن دهبي بس النار من تحت بس بجد الله يعطيكي العافية كتير طيبين

  22. منى 9 November 2009

    ان شاء الله تجربيه رنونة مرة تانية و تكون على زووءك ;)

  23. منى 9 November 2009

    هلا اماني :)
    ممم , المفروض انها مقرمشة من برة و من جوى طرية , ما بعرف كيف طلعت معك ..

    بكل الاحوال الف هنا و صحة و عاافية و ان شاء الله المرة التانية تطلع متل ما بدك تمام
    ;)

  24. gsm 26 December 2009

    السلام عليكم منى من شوي طلعت البسكوتات من الفرن كتيير طلعت طعمتهن طيبة بس متل ما صار مع الأخوات فرشت كتيير وصارت البسكوتة منبسطة مع إنو خفقت البياض منييح لحتى تشكلت قمم وقلبت الصحن وكان جامد بس ما بعرف انا ضفت السكر بعد ما خفقت البيض وخفقت السكر مع البياض بالخفاقة بشكل تدريجي ما بعرف شو السبب ؟ يا ريت تفيدينا ولك جزيل الشكر :zzz :p

  25. منى 26 December 2009

    و الله اختي ما عندي فكرة , ان شاء الله رح نزل الوصفة بالخطوات المصورة لحتى يصير كل شي اوضح ;)

  26. gsm 26 December 2009

    يسلمو إيديك يا حق والله إنو عم نغلبك معنا كتيير
    من شان الله ما تواخذينا بس ما إلنا غيرك

  27. منى 27 December 2009

    ابوس عينك و لا يهمك , الله يخليلي ياكن يا احلى اخوات :zzz

  28. hajar 17 May 2010

    يممممممممم لازم اكيد جربا شكلا بتجنننننن يسلمووووووو :)

  29. نجمة 8 January 2011

    السلام عليكم شكرا كتييير عالوصفة والله بعد ما جربتها ما حسيت حالي إلا بحلب على أد ما نجحت وطلعت متل الجاهزة :grin لأنو هون بالسعودية ما في منا طيبة متل وحدة حلب بتعرفي كل بلد إلو أكلاتو الله لا يحرمنا منك ولا من أكلاتك الطيبة :zzz

  30. منى 9 January 2011

    الله يسلمك هاجر , مية هلا اختي :)

    هلا نجمة :)
    الف الف صحة و هنا و عافية على البك ’ شة انبسطت انها زبطت معك و عجبتك و الله يهون الغربة عليك و ترجعي سللمة و غانمة :zzz

  31. إسراء 13 February 2011

    السلام عليكم ورحمة لله وبركاته
    كتيررررررررررر طيبين غير شكل واطيب من الجاهزات
    وتقيدت بالوصفة بحذافيرها
    اول صينية كنت عم حاول طلعن متل بعضن ما مشي حالن جبت قوالب ورق زبدة وصرت حط معلقتين بكل قالب ومسدن بالمعلقة وهيك صاروا كلن متل بعضن ع الخبز
    ست منى المرة الجاية ان شا الله اذا حبيت سمك القطعة شوي بدي نقص الطحين وحط بدالو جوز هند مشان اضمن يكون قلب القطعة مستوي شو رأيك ؟

  32. مزهرة 19 March 2011

    سلم هالايدين ياحق اليوم جربت الوصفه وطلعت ولا احسن من هيك ذكرتني بكاتو جوز الهند تبع الجديده بحلب :)

  33. لمورة الامورة 4 July 2011

    منى جربت جوزالهند كتييييييييييييييييييير لذيذة بس المشكلة انو جفت لليوم الي بعدها بس موكتتتير وشو بدي اسالك نحن نقمرها ولا مافي داعي لانو انا كتييير قمرتها

  34. منى 5 July 2011

    لا ما بدها تقمير , بدها بس نخليها تتحمر شي بسيط :) يا ترى كنتي مغطيتيها منيح ؟
    صحتين و الف الف عافية على البك و الب كل مين داقها

  35. منى 5 July 2011

    هلا اسراء)
    صحة و الف الف عافية يا حق بكل لقمة
    اذا ما نشف قلبهن منيح فيك تخففي النار , بس اتركي العيار على حاله لحتى تبقى زابطة ;)

  36. منى 5 July 2011

    هلا مزهرة :)
    ما بتعرفي اديه انبسطت انها عجبتك , صحة و عافية بكل لقمة و ان شاء الله تعيشي و تعملي ;)

  37. لمورة الامورة 19 July 2011

    اي لكن منوشة غطيتها منيح بابا داقها الي بتجنن وانا ما سدقت حالي
    تسلميلي انشالله معك منصير طباخات
    وعلى قلبك ياروحي
    تحياتي للكل ولمنوشتي
    لولووو

  38. Aem jawad 19 December 2011

    السلام عليكم للجميع اليوم جربت هالكعكه وطلعت طعمتها طيبه كتير طلعت تقرش من بره وشويه بتعلك بس بدي اسال سؤال هل المزيج لما نصبه بالمعلقه بكون جامد او بكون لزج ارجو الاجابه لانه سلفتي داقتها وسالتني ع الطريقه وشكرا الك كتير

  39. syrian girl 14 January 2012

    شكرااا كتير مدام منى بصراحة انا جربتا وطلعت احسن وصفة
    بس في مشكلة اني حسيتا شوي قاسية
    شو الحل؟؟؟ :sigh

  40. منى 17 January 2012

    اذا طلعت قاسية فالمرة التانية خليها وقت ااقل بالفرن :)
    و ان شاء الله بتزبط متل ما بتحبي و اكتر

  41. syrian girl 21 January 2012

    شكرااا كتير رح ارجع جرب يمكن انا طولت عليها شوي بالفرن

  42. منى 23 January 2012

    هلا حبيبتي :)
    شرفتي الموقع

  43. شكلس 18 May 2012

    مرحبا مدام منى
    اي شو هالاكلات الطيبةهي.. انا اليوم جربتا لهالوصفة وطلعت بتجنن عملت نص مقدار بس تجربة وطلعت والله متل اللي منشتريا من السوق طيبة كتييييير واكيد اكيد رح عيدا مرات ومرات ورح خبر كلرفقاتي عنا كمان :grin
    الله يسلم هالايدين ويجزيكي الخير يارب والله كل ما بعمل شي من وصفاتك مابندم

  44. منى 18 May 2012

    صحة و عافية و الف الف هنا يا رب , ريتو مطرح ما سرى مرى يا حق
    الحمد لله انها كانت على زووءك و عجبتك
    الله يديم المحبة و الود , ممنونة ثقتك في ;)

تقييم الوصفة
عاديةقد أحضرهاجيدةممتازةأكثر من رائعة (1 votes, average: 5.00 out of 5)