كرات مربى الجزر


         وصفة : منى                 2009/05/01                 19 تعليقات
كرات مربى الجزر

·          نضع الجزر مع السكر والماء بوعاءعلى النار ونتركهم حوالي عشرون دقيقة لكي يغلي .

·          الان نضيف عصرة الليمونة والبشرة اللي اخترناها(اما بشرة ليمون اوبرتقال) بتعطي نكهة كتير لذيذة مع القرفة بالكمية اللي بتحبيها دون الاكثار منها لانها فقط يجب وضعها بشكل خفيف حتى تعطي نكهة صغيرة دون ان تغلب طعمتها على طعمة الجزر و نترك الخليط على النار عشرة دقائق فقط ثم نطفي الغاز .

·          و الان نرفع الوعاء على طرف حتى يبر د قليلا لكي نقدر نعمل كرات من الخليط صغيرة و مرتبة ونرش اعلى سطحها بجوز هند مبشور وقدميها للضيوف وادعي لي ولاختي وبالهناء والعافية .  
ملاحظات:

ممكن تقليل السكر حسب محبة الشخص للحلو بس هذه الاكلة مربى وبالتالي الحلاوة لازم تكون على اصولها مو دلعة ممكن تجربي نصف الكمية بالعمل اذا عائلتك صغيرةحسب رغبتك




كيلو جزر مقشر و مبشور
كيلو سكر
عصير ليمونة واحدة
نصف فنجان صغير من الماء
بشرة ليمونة او بشرة برتقالة للنكهة حسب رغبتك
رشة قرفة حسب الرغبة لاعطاء نكهة للطعمة
جوز هند مبشور للزينة النهائية





• نضع الجزر مع السكر والماء بوعاءعلى النار ونتركهم حوالي عشرون دقيقة لكي يغلي .

• الان نضيف عصرة الليمونة والبشرة اللي اخترناها(اما بشرة ليمون اوبرتقال) بتعطي نكهة كتير لذيذة مع القرفة بالكمية اللي بتحبيها دون الاكثار منها لانها فقط يجب وضعها بشكل خفيف حتى تعطي نكهة صغيرة دون ان تغلب طعمتها على طعمة الجزر و نترك الخليط على النار عشرة دقائق فقط ثم نطفي الغاز .

• و الان نرفع الوعاء على طرف حتى يبر د قليلا لكي نقدر نعمل كرات من الخليط صغيرة و مرتبة ونرش اعلى سطحها بجوز هند مبشور وقدميها للضيوف وادعي لي ولاختي وبالهناء والعافية .
ملاحظات:

ممكن تقليل السكر حسب محبة الشخص للحلو بس هذه الاكلة مربى وبالتالي الحلاوة لازم تكون على اصولها مو دلعة ممكن تجربي نصف الكمية بالعمل اذا عائلتك صغيرةحسب رغبتك
  • وصفات تانية ممكن تعجبك


التعليقات

  1. سارونات 1 May 2009

    السلام عليكم و رحمة الله و بركاته

    بسم الله ما شاء الله شو هالوصفة اللي مبينتها طيبة و شكلها كتير حلو و الصورة عم تبين انك عن جد فنانة

    جازاك الله خيرا انت و اختك و الله يجازيكم الجنة

    بدي اسال عن بشر الجزر هل منبشرو خشن او ناعم و كمان لما بدنا نشكلها كرات هل لازم يكون المربى دافئ او ما في مشكلة اذا كان بارد

    بالتوفيق
    سلام

  2. رنا 1 May 2009

    سلم دياتك غيث انتي واختك والله يديمكم على بعض
    الوصفة حلوة وسهلة ومرتبة عالتجريب القريب ان شاء الله ;)

  3. بشرى 1 May 2009

    يا عيني .. منظرا بيشهي .. رح جربا قريباً .. يسلم إيديكي .. :zzz

  4. منى 1 May 2009

    بالأول الحمد لله على السلامة و ربي يتقبل منك :) ان شاء الله ما تكوني نسيتي تدعليلي ..

    هل المربى غيوثة عمل ضجة بعيلتي و بين أهلي و خواتي و حتى وصلت اخباره لعمتي و حاكتني قالتلي صحي عملتي مربى الجزر :eek , عطيني طريقته يا منى الله يرضى عليك

    كتير طيب و تغير شكل و شكله حلو و ملفت , الف شكر الك للوصفة و سلامي لاختك هناء و الله يسلم ايديكي و ايديها و يخليلكم اولادك و يبارك فيهم

    ان شاء الله التطبيق مظبوط :zzz

  5. نوارة 1 May 2009

    فعلا منظرها بشهي الله يسلم دياتك اكيد رح اجربها
    انا كنت ما احب المربيات وهلق صرت احبهن بس ما في هون(الامارات) حدا يعلمني وكمان في كتير شغلات ممكن ما الاقيها
    هادا اكيد موجود :)

  6. منى 2 May 2009

    له يا نوارة , و انا وين رحت :roll اساليني عن اي نوع حابة تعرفي اما رح يكون بالموقع او بجيب الك طريقته من تحت طراطيق الارض :zzz

  7. غيث 2 May 2009

    السلام عليكم ورحمة الله وبركاته اسفة على تاخيري بالرد ولكن الكومبيوتر كان ضارب عندي وحالته حالة المهم منى العزيزة خجلتيني بكلامك الحلو والراقي متلك والله يسلمك والله دعيت لكل الاخوات الله يحقق امانيهم وكانت رحلة حلوة الله يعيدها علي ويعزمكم لتشوفو رهبة الكعبة المشرفة وعظمتهاوبالنسبة للتطبيق ما شاء الله عليك الصورة بتشهي وكانك مجربتيها كذا مرة من قبل وشرف لوصفتي انك تضعي لمساتك فيها لاني نقطة ببحر فنك وصحة وهنا على قلبك وقلب كل اللي اكل منها وشكرا لدعواتك وكلامك الحلو فانت ام الذوق

  8. غيث 2 May 2009

    اختي سارونات عليكم السلام ورحمة الله وبركاته اشكرك لذوقك ومرورك على وصفتي والشكر الاكبر على هالدعوات الحلوة من حلوة اختي الصورة من تطبيق منى لوصفتي الله يجزيها الخير لاني انا ما عم يظبط معي ارسال الصور عندي مشكلة بذلك ما عم اعرفها بس نفس الشكل تماما بتطلع معي ماشاء الله عليها منى الله يحميها على شطارتها ويخليها لاولادهاطولت عليك بس الجزر ببشره خشن يعني على الطرف الاخشن من المبشرة وبالنسبة لتشكيل الكرات ما بتفرق انا بس تصبح فاترة ببدأبتشكيل الكرات مو مشكلة ما بيأثر ان كانت فاترة ولا باردة بس انا ببدا وهي دافئة منشان اخلص بسرعة بقى ومنشان لما تبرد تكون اخذت شكل الكرة النهائي فتبرد محافظة على شكلهاوشكرا لحضورك

  9. غيث 2 May 2009

    هلا بالاخت الغالية رنا والله يسلمك اختي على دعوتك المذوقة متلك وان شاء الله بتجربيها وبتطلع لذيذة متل ما بدك وتعجبك وشكرا لمرورك وتعليقك

  10. غيث 2 May 2009

    الله يسلمك اختي بشرى ان شاء الله بتجربيها وبتعجبك وشكرا لك على التشجيع والتعليق الحلو

  11. غيث 2 May 2009

    هلا نوارة نورتي وصفتي بوجودك اختي هالاكلة طيبة وتغيير شكل عدا عن فوائد الجزرللعيون وللبشرة يعني ضربنا عصفورين بحجر تحلينا واستفدنا ان شاء الله ويا رب تجربيها وتعجبك وشكرا لك وانصحك بتطبيق المربيات من مطبخ منى لانها كلها رائعة وتمام التمام ورح تصيري تحبي المربيات من تحت ديات منى الحلوة نصيحةومكونات اكلتي بسيطة وموجودة بكل مكان ورح تعجبك وشكرا لك مرة تانية

  12. نوارة 2 May 2009

    ابوس قلبك ليش ما بعرف
    بتعرفي انو عملت دعاية للموقع عدنا بالمدرسة
    وحدة من رفقاتي اردنية صار جربت 3 طبخات
    بس بتعرفي انوالمشكلة من وين بدي اجيب القرعة مشان مربى القرعى ووووو يعني هون بشوف قرعة بس بحسها انو مو هي للمربى
    جد يعني بعد ماتجوزت صرت اكل كل شي واشتهي اطبخ كل شي

  13. منى 2 May 2009

    هلا غيوثة :)
    ان شاء الله الهي بالهنا و ربي يتقبل منك و تكون عمرة مقبولة و عقبال الحج امين يا رب و كمان عقبالي يا حق عاجلا غير اجل يا رب , و الله العظيم ناطف قلبي , و هي كل ما بتذكر بتدمع عيوني ,. لسا مو معزومة :cry

    خليلي عينك غيوثة على الوصفة السهلة و كلامك انت كل الززوء يا ام الزوء و اللطف كله :zzz

  14. منى 2 May 2009

    نوارة حبيبتي بهي معك حق , يلا كنت خبيتلك من المربى الي عملته , بس وين الله يرحمه طار بظرف ساعات مو ايام :grin

    الجمعة الماضية شفت ميس بعرس و أول كلمة قالتها الي بعد السلام , ايه شو هل الموقع الي الك :grin قال انتي خبرتيها عنه , شبكة دعاية و اعلان ممتازة انت , رح نحطك بقسم العلاقات الخارجية , اذا عندك وقت :zzz

  15. نوارة 3 May 2009

    سؤال: وقت بطفي النار بيكون المربى ما فيه ماء ابدا ولا شو؟؟؟؟؟؟
    اذا كان ما لازم يكون باقي ماء شو اعمل لأنو طفيت النار وفي شوية ماء ؟

  16. غيث 3 May 2009

    حبيبتي نوارة هو لازم يكون في ماء اللي هو القطر وانت بتصفيه منه اما انك تميلي الوعاء وتتركي الجزر على الطرف الاعلى وتتصفى الماء للاسفل لوقت ما يبرد بتصفى الماء او صفيه على مصفاة ثم كوريه يعني ما تخافي هذا القطر طبيعي لانه مربى فاذا كتير صفيه على مصفاة وان قليل ميلي الطنجرة فبيصفى متل ما قلتلك وعلى فكرة القطر هذا كتير طيب فيك تستعمليه لدهن كيك او مع صمون وعليها زبدة او جبنة دهن وشوفي ما اطيبه وصحة على قلبك يا رب

  17. نوارة 4 May 2009

    الله يسلم ديلتك على هالوصفة كتير كتير طيب
    واكتشفت بعدين انو متل ما قلتي هادا مربى ضروري يكون في شوية قطر
    بس معلش هي اول مرة بجرب مربيات
    بس جد سهل كتير وطيب كتير والليمون عاطي نكهة كتير طيبة

  18. سارونات 22 April 2010

    السلام عليكم و رحمة الله و بركاته

    جازاك الله خيرا اختي انا جربته مرتين و طلع طيب بس انا قللت كمية السكر للربع لان بالعيلة ما منحب الاشياء تكون كتير حلوة كتير حتى المربيات منحبها تكون فيها شوية حموضة
    و كمان انا غلفت كل حبة بجوز الهند يعني مو بس رشيتها و حطيتها بورق بليسيه

    بالتالتوفيق و الله يحفظلك اختك و اولادها

    سلام

  19. منى 22 April 2010

    الف صحة و هنا يا رب :zzz

تقييم الوصفة
عاديةقد أحضرهاجيدةممتازةأكثر من رائعة (No Ratings Yet)