كفتة بالصلصة


         وصفة : منى                 2008/11/17                 30 تعليقات
كفتة بالصلصة



كيلو لحمة غنم مفروم
نصف أو ملعقة صغيرة بهار مشكل
رشة قرفة
2 حبة كبيرة بصب مقطع جوانح
3 – 4 ملعقة كبيرة صلصة بندورة
ملعقة كبيرة سمنة
فنجان صغير دبس رمان , أو حسب الرغبة
ملح





• تدعك اللحمة مع البهار و القرفة و الملح ثم تشكل بهيئة كرات أو أصابع .

• تدوب السمنة على نار متوسطة ثم تقلب فيها كرات اللحمة حتى تنضج و يجف مرقها , ثم ترفع جانباً .

• بنفس السمنة تقلب جوانح البصل حتى تطرى و يصبح لونها شفافاً , تضاف صلصة البندورة و تقلب لبضع دقائق بالسمنة , هذه الخطوة سر لذيذ يجعل من طعمة الدبس قريب على البندورة الطازجة .

• يضاف الماء و دبس الرمان و القليل من الملح و يترك ليغلي 10 دقائق ثم تضاف الكفتة و تترك حتى تتعقد الصلصة .

• تقدم الكفتة مع الرز بالشعيرية أو مع المغربية .


  • وصفات تانية ممكن تعجبك


التعليقات

  1. أم علي 17 November 2008

    مممممممممممم لذيذة ست منى اكيد رحربا تسلم ايدك يا ام الافكار 8)

  2. منى 17 November 2008

    هلا ام علي :)
    ان شاء الله تجربيها و تكون متل ما بتحبي

  3. سلاف 17 November 2008

    شكرا منى اكله طيبه انا بعملها تقريبا نفس طريقتك بس مابضيف دبس رمان واحيانا بعملها بالبندوره بالخلاط وبعدها بصفيهامن البذور وبتركها تتسبك مع البصل اممممممم عن جد طيبه بس المره المقبله رح جربها باضافة دبس الرمان الله يعطيكي العافيه منى 00 :)

  4. haya 17 November 2008

    يمي يمي شكرا الك منى هذه الوصفة انا بعملها كثير زاكية بس ما بحط لها دبس رمان لكن راح جربها بدبس الرمان

  5. رنا 17 November 2008

    ههههههه عن جد ضحكتيني من زمان عبالي اسألك كم وزنك من كتر الاكلات الطيبة اللي عم تنزليها لانه كلله بيسمممممن واكيد زوجك واولادك سمان بس كنت اخجل من هالسؤال اليوم قدمتي لحالك اعتراف صريح انه مالك علاقة بالسمن :grin
    ياستي بالنسبة للوصفة انا كتير بحبها ومتل ماقلتي اكتر شي مع المغربية يسلم ايديكي يارب

  6. سارونات 17 November 2008

    السلام عليكم و رحمة الله و بركاته
    :cry :cry اختي منى هاي جموع الفرح الله يخليلي ياكي و ما يحرمني منك ابدا و يوفقك و يجازيك الجنة ان شا ءالله ما بتتصورو قديش فرحت
    اكيد ان شاء الله راح طبقها
    بالتوفيق
    سلام

  7. منى 17 November 2008

    هلا سلاف :)
    كمان طيبةكتير من دون دبس رمان ,كله مع العافية طيب .
    ان شاء الله تجربيها و تكون على زووءك

  8. منى 17 November 2008

    هلا هيا :)
    عن جد يمممي , ان شاء الله تجربيها بدبس الرمان و تكون متل ما بتحبي

  9. منى 17 November 2008

    هلا رنونة :)
    ان شاء الله مبسوطة على طول ..
    بيقول المثل never trust a slim chief بس هل المثل ما بينطبق علي :grin
    و البنات عندي كمان كمال عظام , الله وكيلك بلحقهم باللقمة لحتى ياكلوا , بس الباقي عادي هنا و الف صحة على قلبهن

  10. منى 17 November 2008

    هلا سارونات :)
    الله يحفظك على هل الدعوات الحلوة , الك متلهم و أغلى ان شاء الله , اذا جربتيها اكيد رح تعجبك , بالف هنا مقدما

  11. ام نور 17 November 2008

    هالاكلة لما كون محتارة شو اطبخ بساويا سريعة وطيبة وخصوصي مع كزبرة خضرا غبر طعمة ولا الذ اكيد لا لي بيحب الكزبرة خضرا
    وبهل حالة منستغني عن دبس الرمان لان كمان الدبس لا حالو الو نكهة لا يعلا عليا :) سلم هالديات يا احلى منى

  12. ميساء 17 November 2008

    شكرا كتير ست منى هي الأكلة طيبة كتير وبالشام بيقولو لها داوود باشا

  13. DOUHA 17 November 2008

    كتير الوصفة طيبة يسلموا منى

    بعدين ياجماعة انا بعرف منى نحيفة كتير اصلن نحنا الحلبيات كلنا سمباتيك(ستايل, موديل) كتير نحنا ظراف هههههههههه

    :roll

    يسلموا منى ماطرين العزيمة يييييي اصدي جديدك

  14. منامينو 17 November 2008

    يسلمو منى، جد وصفة حلوة وسهلة وجاي بوقتها تمام مع موسم الأضاحي. وحلوة فكرة الدبس هاي. بجربها ان شاء الله

  15. المغتربة 18 November 2008

    السلام عليكم
    اخت منى اليوم بجربها وبخبركم ان شاء الله تكون تمام

  16. كنودة 19 November 2008

    مرحبا
    قريت الوصفة اليوم و أنا بالوظيفة
    و لحسن حظي قبل ما أجي عالشغل طالعت لحمة
    لأعملها كباب بالصينية(أكلة الموظفات المفضلة)
    بس هلق قررت أتشاطر قدام جوزي و أعمل هالوصفة الشهية
    لنشوف النتيجة :upset 8) :roll

  17. المغتربة 19 November 2008

    السلام عليكم

    انا جربتهاوطلعت كتيررر طيبة والله من غير مجاملة وسويت جنبها برغل بدل الرز :zzz
    واكيد ماحد بيعرف البرغل غيرر السوريين هههههه 8) تسلم الايادي

  18. منى 19 November 2008

    سلاف :)

  19. منى 19 November 2008

    هلا ام نور :)
    ممم كزبرة خضراء معناها نغم غير شكل
    رح جربها على طريقتك و انا اكيدة انها طيبة لان الكزبرة الخضراء كممان تعطي طعمة بتجنن للاكل ;)

  20. منى 19 November 2008

    هلا ميوسة :)
    معك حق كتير قريبة على داود باشا بس في فرق صغير
    شو ما كانت ان شاء الله تجربيها و تعجبك :zzz

  21. منى 19 November 2008

    هلا ضحى يا ستايل يا نحنا اه يا اااه :grin

    و لا يهمك , انا قدها و قدود حضري حاالك ;)

  22. منى 19 November 2008

    هلا منونة :)
    ان شاء الله تجربيها و تعجبك و تستفيدي منها

    كل سنة و انت سالمة اختي :)

  23. منى 19 November 2008

    هلا مغتربة :)
    الف هنا والف عافية على قلبك و قلب كل العيلة
    ممم مع البرغل , فكرة بتجنن
    سلم دياتك عليها اختي

  24. منى 19 November 2008

    هلا كنودة :)
    مية اهلا و سهلا فيك في الموقع أخت كريمة و غالية , بتورينا دايما اختي
    يلا جربيها و خبريني شو صار معك و اذا عجبت سي السيد و الا نو :zzz

  25. سارونات 10 December 2008

    السلام عليكم و ر حمة الله وبركاته
    اختي منى بدي اسالك هالكفتة ما بتتاكل لحالها يعني المرق مع اللحمة بيطلع ثقيل مو هيك يعني لازمها شي تاني متل الارز مشان نصب الصلصة فيها او شو
    بالتوفيق
    سلام

  26. منى 11 December 2008

    هلا اختي :)
    اكيد بتقدم اما مع الرز بالشعيريبة او المغربية , و انا حاطة الروابط فوق بالوصفة باخر سطر اذا انتبهتي 8)

  27. ام فايز 13 January 2010

    اهلي بقولولها داود باشامابعرف ازا صح بس هيك بقولولها وانا كتير بطبخها

  28. ام احمد الغالي 15 March 2011

    اخت منى عجبتني كتير هالاكلة يسلم دياتك بس سؤال ازا ممكن
    زوجي ما بياكل البصل المطبوخ ازا حطيت بصلة متل ما هي وشلتا بعد ما يستوي الاكل بياثر ع الطعمه ولا لاء .. اش رايك؟؟

  29. منى 15 March 2011

    هلا اذا حطيتي البصل رح يعطي النكهة لكل الصوص , بقى ما بعرف اذا رح يحب هل الطعمة و الا نو :?

  30. رهف 6 April 2011

    السلام عليكم أختي منى:قبل امبارح كان زوجي عبقول لي اني في طبخة هي فيها بس لحمة وبتكون حامضة شوي طلعي عليها بالموقع يلي بتقولي عليه, وطبعا لاقيت الجواب عندك وأكيد جربتها امبارح كتير طيبة وسهلة تسلم ايديكي ورايحة أتعلم شي جديد من طبخاتك الطيبة

تقييم الوصفة
عاديةقد أحضرهاجيدةممتازةأكثر من رائعة (No Ratings Yet)