كفته باليقطين


         وصفة : سها قمند                 2008/11/27                 15 تعليقات
كفته باليقطين


يقطين
بصل
لحمة كبابة
عصير رمان أو القليل من دبس الرمان
القليل من معجون الطماطم
رشة ملح





• يفرم البصل جناح و يقلى مع القليل من زيت مازولا حتى يذبل.

• يضاف عصير الرمان مع القليل من الماء أو دبس الرمان مع القليل من الماء أيضاً و القليل من معجون الطماطم و يترك حتى يغلي .

• في هذه الأثناء يقشر اليقطين و يقطع إلى مكعبات ثم يضاف إلى المزيج .

• تتبل اللحمة بالبهار و تعمل بشكل كرات و توضع فوق المزيج و هو يغلي ( لا تضعي اللحمة فوق المزيج بدون أن يغلي حتى لا تتفتت كرات اللحمة ) .

• يترك على النار حتى تستوي اللحمة و اليقطين و يتسبك المرق و يقدم مع الأرز بالشعيرية .

  • وصفات تانية ممكن تعجبك


التعليقات

  1. منى 29 November 2008

    ووواااو سهى :)
    هي الوصفة انا متاكدة انها بتجنن .
    الطريقة بتشبه السفرجلية باللحمة الكباب و انا بمووت على هل الاكلة ;)

    الله يسلمك سهى و الف شكر الك على الوصفة :zzz

  2. souha 29 November 2008

    هلا منى :) تسلمي كلك زوء
    إنشاء لما تجربيها تعجبك أكثر اليوم جربت فطيرة باليقطين كنت حابة إبعت الطريقة بس فشلت :( :cry يلا الواحد ما بتعلم غير من أخطائو بس أنا بزعل على تعبي و وقفتي بالمطبخ هدا عدا تلة الجلي يلي بتتكوم على المجلى :x

  3. منى 30 November 2008

    اااااايه لا تفتقيلي جروحاتي سهى :sigh

    هلا الطبخ العادي ممكن تحسي ان الوصفة بتناسبك او لا أما الكيك و المعجنات , بعد الشغل و العذاب و المصاريف , ما بتنج الوصفة احيانا و بيروح التعب على الفاضي

    يلا خيرها بغيرها و الف الف شكر الك على الوصفات الي بعتيها ;)

  4. ام نور 1 December 2008

    فعلا هالطبق بيجنن عا قولة منى كتير عجبني خرط مشطي ما هيك بتقولو بسوريا
    وكوجبة غدا مع رز غير شكل والحلو انو ما في قلي ودسم كتير بيناسبني كلك زوء سوسو وسلم دياتك وبانتظار افكار جديدة

  5. منى 1 December 2008

    ام نور :grin دمك عسك

  6. ام نور 2 December 2008

    اليوم عملت هالطبق عالغدا يم :p طيب كتير طلع بس زدت علي 3 سنان توم مهروسين مع البصلة وبهارات مع المرقة والاهم عملت المرقة بعصير بندورة فريش مع ملعقة رب بندورة ودبس رمان بس المشكلة انو اليقطين الذي طبخته النوع العسلي فميشان ما يدوب قطعته قطع كبيرة وحطيتو باخر 10 دقاءق من انتهاء الطبخة ومشي الحال ما داب وارسلت صورة لا حبيبة قلبي منى ميشان تعطيني رايا شكرا لا سهى على هالفكرة

  7. souha 2 December 2008

    إن شاء الله ألف صحة و هنا أخت أم النور
    ما بعرفو هادا اليقطين العسلي يمكن ما عنا منو
    :roll
    فكرة حلوة إنك اضيفي ثوم و بهارات شهيتيني أشوف الصورة 8)

  8. سارونات 5 December 2008

    السلام عليكم و رحمة الله و بركاته
    جازاك الله خيرا اختي خصوصا على النصيحة فيما يتعلق بوضع كرات اللحم و المرقة عم تغلي لان اذا حطيناها قبل راح تتفتت ما كنت بعرفها لهالمعلومة
    بالتوفيق
    سلام

  9. souha 6 December 2008

    أهلين فيك أخت سارونات :)
    أنشاء الله بتجربيها و بتعجبك و ألف صحة و هنا مسبقاً
    مشكورة ع التعليقات الحلوة ;)

  10. haya 16 December 2008

    السلام عليكم

    مرحبا اخت سهى مبروووك الف مبروك فوزك بالمركز الاول بالمسابقة وان شاءالله دائما من الفائزين يارب :)
    ونحن بانتظار المزيد من الوصفات الحلوة الك وشكرا للأخت منى على هذه المسابقة الحلوة اللي عملت جو كثير حلو بتمنى انو يكون في مسابقات كثير مثل هيك

  11. souha 17 December 2008

    السلام عليكم :)
    هلا هيا شكرا إلك و أنا كمان بتشكر كل شخص صوت لهاالطبق و لبقية الأطباق والشكر لمنى إلي ابتكرت الفكرة , أكيد كلنا فزنا سوا بأكلة فيها عنصر كان الرسول صلى الله عليه و سلم يحبو
    كمان بوجه أفضل شكر لوالدتي الحبيبة إلي علمتني أطبخ هالطبق
    سلام

  12. أم الهدى 17 December 2008

    مبروك أخت سهى على المرتبة الأولى وبصراحة بتستاهلي اليوم جربت الطبق وكتير طلع طيب وخاصة المرقة ذكرتني بمية السفرجلية عنجد كتير الطبق زاكي مع إنو عملتو بلحمة شقف تسلم دياتك وديات منى يلي عرفتنا عليكم وعلى إبداعاتكم

  13. منى 18 December 2008

    و انا كمان جربته امبارحة و طلع بياخد العقل و مرقته بتجنن و فكرة استعمال اليقطين من دون قلي عجبتني كتير :zzz

    سلم دياتك و ديات ماماتك و رح نزل صورة لتطبيقي هل كم يوم اذا الله راد ;)

  14. souha 18 December 2008

    هلا أم الهدى :) شكرأً حبيبتي تسلميلي
    إنشاء الله صحة و هنا ع قلبك إنت و العيلة
    أنا إلي الشرف إنو تعرفت ع أصدقاء طيبين متلكم ;)

  15. souha 18 December 2008

    هلا منى كيفك :)
    صحة و هنا و عوافي
    شكل يقطينتك بعد ما تقطعت بياخد العقل بس شلون التقطيع أكيد بدو عزمات قوية الله يعطيك العافية
    بعد ما صار كلشي ينباع بالسوق جاهز الناس نسيت كيف بيتقطع و بيتكلس أنا بقول لازم ست البيت تعرف كلشى تسلم دياتك :zzz
    بانتظار الصورة

تقييم الوصفة
عاديةقد أحضرهاجيدةممتازةأكثر من رائعة (No Ratings Yet)