كيكة البسبوسة


         وصفة : منى                 2009/08/20                 21 تعليقات
كيكة البسبوسة

·         يحمى الفرن على درجة 180 مئوية

·         نحضر القطر او الشراب على طريقة منى

·         يخفق البيض مع الفانيليا باستخدام الخلاط يضاف السكر ويخفق قليلا

·         يضاف الزيت والقشطة والبيكينغ باودر

·         نضيف السميد وجوز الهند بالتدريج حفاظا على سلامة الخلاط لان المزيج سيكون سميك بعض الشئ

·         نصب الخليط في الصينية المدهونة بقليل من الزيت

·         نقوم بتمسيد صينية البسبوسة باليد لتكون في مستوى واحد كي لايطلع طرف اعلى من طرف

·         نصف اللوز على وجه البسبوسة

·         تدخل الصينية للفرن على الرف الاوسط لمدة نصف ساعة وممكن ان نشغل الشواية من الاعلى عندما تنضج

·         تخرج الصينية من الفرن ونقوم بتقطيعها ثم نصب عليها القطر الفاتر وهي ساخنة وممكن تتحكمي بحلاوتها حسب مابتحبي حطي ودوقي بالصحة والهنا .  

 





4 بيضات
نصف كأس سكر
ثلاث ارباع الكأس زيت مازولا
كأس ونصف سميد(يفضل استخدام النوع الخشن )
نصف كأس جوز الهند
200 غ قشطة
ملعقة صغيرة فانيليا
ملعقة كبيرة بيكينغ باودر
لوز مقشور للوجه
قطر





• يحمى الفرن على درجة 180 مئوية

• نحضر القطر او الشراب على طريقة منى

• يخفق البيض مع الفانيليا باستخدام الخلاط يضاف السكر ويخفق قليلا

• يضاف الزيت والقشطة والبيكينغ باودر

• نضيف السميد وجوز الهند بالتدريج حفاظا على سلامة الخلاط لان المزيج سيكون سميك بعض الشئ

• نصب الخليط في الصينية المدهونة بقليل من الزيت

• نقوم بتمسيد صينية البسبوسة باليد لتكون في مستوى واحد كي لايطلع طرف اعلى من طرف

• نصف اللوز على وجه البسبوسة

• تدخل الصينية للفرن على الرف الاوسط لمدة نصف ساعة وممكن ان نشغل الشواية من الاعلى عندما تنضج

• تخرج الصينية من الفرن ونقوم بتقطيعها ثم نصب عليها القطر الفاتر وهي ساخنة وممكن تتحكمي بحلاوتها حسب مابتحبي حطي ودوقي بالصحة والهنا .








  • وصفات تانية ممكن تعجبك


التعليقات

  1. منى 22 August 2009

    سلمن رنونة :)
    كتير شكلها طيب و سهلة , رح خبي الصورة عن اولادي احلىما يعملولي هلا مظاهرة قبل الافطار :grin

    رنون كيف السميد خشن , طيب رح يستوي و ما يقرط و الا بده نخلي الصينية ترتاح :zzz

  2. وسيلة 27 August 2009

    شكرا كثير اخت رنا انا كنت دور على مقاديرها وكأنك في قلبي يسلمو واليوم راح جربها انشاء الله وراح خبرك على النتيجة بس ممكن استغنى عن القشطة.

  3. رنا 28 August 2009

    عزيزتي منونة بالعكس السميد رح يستوي ويطلع كتير طيب ..انا جربتها بالسميد الناعم كمان بتطلع طيبة بس بالخشن مابعرف كيف حسيتها بتزبط اكتر وبتشرب قطر …بالناعم بتطلع متل الكاتو بس بتصير
    وبالنسبة للرياحة مابدها ترتاح فورا عالفرن الحامي والسميد نفس سميد المامونية

    ;)

    الاخت وسيلة …عزيزتي بالنسبة للقشطة هي مهمتها للطراوة بعتقد هلأ هو المطلوب 200 غ انا كتير احيانا بستعملها ب 100 غ بس وبتزبط
    اذا بدك فيكي تسبدليها بنص كوب حليب

  4. منى 28 August 2009

    ايه خلص وصلت الفكرة :)

    سلم هل الديات رنونة

  5. soma 9 September 2009

    يسلم دياتك يا رب أنا بعمل متل هالبسبوسة و أحيانا بحشيها قشطة بتطلع خيال شي يوم بعملها و بنزلكم الوصفة انشالله
    بس جاية عبالي أعرف طريقة الهريسة النبكية(طيبة) ما حدا بيقدر يعمل متلها اذا حدا بيعرف الطريقة بركي بيعلمنا عليها

  6. haya 9 September 2009

    هلا اخت رنا تسلم ايدك على وصفة البسبوسة شكلها قبل التجربة رائع فما بالك لما نجربها اكيد راح تطلع رائعة وطعمها كمان راح يكون لذيذ شكرا الك
    اخت منى بدي اطلب منك طريقة عمل الشنكليش الاصلية انا كثير بحبوا ونفسي اعمله ياريت تقدري تساعديني

  7. منى 9 September 2009

    و الله يا هيا ما عندي فكرة تمام عنه , واحدة من الاخوات بعتتلي طريقة الشنكليش التركي , طلع طيب بس مو الي ببالي :roll

  8. رنا 12 September 2009

    الله يسلمك اخت سوما بصراحة كتير طيبة البسبوسة …وخصوصي هي كتييير سهلة ..بس الهريسة الي قلتي عنها ماعندي فكرة عليها …انا بالمرة مالي مزاج لا بالطبخ ولا بالحلو بس وقت تجوزت صرت حب اشتغل واتفنن ;)

  9. ام عون 15 September 2009

    انا من الاردن طباخه ممتازه وخصوصا المنسف الاردني والمحاشي اما الجلويات مش كتير اما اليوم اعملت البسبوسه كتير طلعت زاكيه جوزي وابني عون حبوها :)

  10. منى 15 September 2009

    هنا و الف الف عافية ام عون , نورتي الموقع اختي و اتمنى تشاركي بكم وصفة اردنية على كيف كيفك :zzz

  11. ام عون 16 September 2009

    اخت منى بصراحه كتير الموقع لفت انتباهي وحابه اشارك فيه .والي زاد عندي التواصل معكم هو اهتمامك بالمشاركات. :eek

  12. منى 16 September 2009

    ما الاخوات كلهن هون هنن ضيوفي و الضيف ضيف الله أختي :zzz

  13. رنا 16 September 2009

    صحة وهنا اختي ام عون وانا مبسوطة انك اول وحدة جربتها ;) بس سهلة كتير مو هيك بدك تقولي حلى سهل للكسلانات امثالي :grin

  14. منى 17 September 2009

    رنونة في حدا سبقها لام عون و خبرتني انها بقيت رايحة جاية على البراد لحتى خلصت البسبوسة :grin

  15. ام عون 17 September 2009

    اخت رنا انا انسيت اتشكرك على الوصفه ;) وما يعتقد انكسلانه حاسه انك ست بيت موهوبه 8)

  16. dado 22 September 2009

    رنون.. هي منى كشفتني قبل ما قلك شكرا عالوصفة.. هي أنا يلي ضليت رايحة جاية عالبراد حتى خلصت الصينية :grin
    كانت أول وصفة بجربها من المنيو الرمضاني.. وعنجد شي فاخر.. هشة وبتدوب بالتم وشو بدي احكيلك.. طالما فضيحتي معاها وصلت لهون 8)
    انا دايقتها مرة كان فيها لبن بدل القشطة.. بس انا حسيت إنو القشطة أطيب وعطتها طراوة كتير.
    شكرا رنا

  17. رنا 24 September 2009

    شكرا كتير ياام عون والله لا موهوبة ولا شي يعني مبتدئة :grin
    اهلييييييييييييييين دادو صحتين وهنا على قلبك وانشالله الف صحة وهنا على قلبك ومابتصدقي قديش فرحت انها عجبتك …كل مابتساويها تذكريني وكلي عني شي نص صينية :grin

  18. نور الأسلام 9 November 2009

    السلام عليكم تحياتي اخت رنا انا مبارحه جربت هالطريقه وطلعت كتير طيبه :) جربت كم وصفه للبسبوسه من قبل وما كانت تمام بس وصفتك هي الحمد لله زبطت معي تمام التمام بس استبدلت القشطه بااللبن الله يسلم دياتك ;)

  19. hajar 16 May 2010

    سلام رنا كيفك يسلمووووو دياتك انا جربتها وطلعت كتير طيبة

  20. نجمة 13 January 2011

    اليوم جربتا وطلعت كتيييير طيبة يسلمو إيديك يا رنا-أخت منى بعتلك وصفة البسكويت بالشوكولا بقى ما بعرف إذا وصلتك إن شاالله تعجبك وشكرا كتييير عالموقع

  21. om nabeel 15 April 2011

    يسلموا ايديك اخت رنا
    انا اليوم كان عندي مشوار برا البيت مع مجموعة
    وكان بدي اعمل اكلة حلو خفيف ونضيف فتحت موقعنا ولقيت وصفتك
    والحمد لله زبطت معي كتير والكل حبوا بيضتي وشي تسلم ايديكي وجزاك الله خيرا

تقييم الوصفة
عاديةقد أحضرهاجيدةممتازةأكثر من رائعة (No Ratings Yet)