ماريا


         وصفة : منى                 2009/06/19                 32 تعليقات
ماريا

·         تقشر البندورة و يتم التخلص من بذورها ثم تفرم ناعماً جداً , تفرم الفليلفة و البصل ناعماً جداً و يمكن استعمال فليلفة حرّة أو عادية حسب الرغبة .

·         تدعك اللحمة و البهارات و الملح و البندورة و الفليلفة و البصلة و البقدونس و النعناع و دبس الرمان , و يفضل تركها لبضع ساعات لتمتزج النكهات ببعضها البعض .

·         يدهن الخبز بالقليل من الزبدة ثم تمد فوقه الحشوة و يدهن الوجه بزيت الزيتون .

·         تشوى السندويشات على الفحم لأطيب نكهة و يمكن شويها على طواية تيفال و تقليبها على الوجههين حتى تنضج و يمكن أن تشوى في الفرن حتى تنضج اللحمة و يتحمر الخبز . 






نصف كيلو لحمة غنم مفرومة مرتين
نصف ملعقة صغيرة بهار مشكل
بهارات مشكلة حسب الرغبة ( أنا أستعمل رشة قرفة و زنجبيل و فليلفة حمراء ناعمة )
2 حبة بندورة
حبة فليلفة خضراء
حبة بصل
3 ملعقة كبيرة بقدونس مفروم
ملعقة كبيرة نعناع مفروم
2 ملعقة كبيرة دبس رمان
4 رغيف خبز عربي
زبدة و زيت زيتون لدهن السندويش





• تقشر البندورة و يتم التخلص من بذورها ثم تفرم ناعماً جداً , تفرم الفليلفة و البصل ناعماً جداً و يمكن استعمال فليلفة حرّة أو عادية حسب الرغبة .

• تدعك اللحمة و البهارات و الملح و البندورة و الفليلفة و البصلة و البقدونس و النعناع و دبس الرمان , و يفضل تركها لبضع ساعات لتمتزج النكهات ببعضها البعض .

• يدهن الخبز بالقليل من الزبدة ثم تمد فوقه الحشوة و يدهن الوجه بزيت الزيتون .

• تشوى السندويشات على الفحم لأطيب نكهة و يمكن شويها على طواية تيفال و تقليبها على الوجههين حتى تنضج و يمكن أن تشوى في الفرن حتى تنضج اللحمة و يتحمر الخبز .
  • وصفات تانية ممكن تعجبك


التعليقات

  1. semo 19 June 2009

    بتعرفي نحنا بحماة بنسميها مارينا

    الظاهر معلم السندويش عنا بحماة جارتو اسما مارينا خخخخخخخخخخخخخخخخ

    بس انا بتخيلها طويلة وشقرا وبيضا وعيونا خضر

    بتدبح دبح

    المهم الاختلاف في الاسم لا يفسد في الطعم شهية

    يسلمو هالايدين يارب

  2. ام نور 19 June 2009

    يا سبحان الله شو هالاسماء بكل منطقة بيسموها اسم كتير منعملا بلبنان ومنسميا كفتة بالخبز او لحمة بالخبز وانا شخصيا بعملا كتير احيان لما كون مستعجلة ومحتارة شو اعمل بس بشويا بالمكبس او التيفال كتير طيبة سلم دياتك منى

  3. لموسي 19 June 2009

    طيبه هل اكله حتى بالاردن بيعملوهاومعروفه للجميع اهم شي نوع اللحمه وآآآآآآآه على ايام الطفوله ليه في أحلى منها صدقيني انا انسانه مازلت احتفظ بداخلي بطفله تحب وتلهو وكتير بعمل حركات وشقاوه طفوليه الله يعطيك العافيه عوصفاتك يلي بتذكرنا بكل جميل وشي اسبوعين انشالله نازله سوريا وكم يوم لحلب بدي اروح المحلات يلي نصحتيني فيهامشكوره يامنمون

  4. منى 19 June 2009

    :grin و لا فرق الخيال بيخلي هل الصبية مو حلوة

    بقى اسمها مارينا بحماة , مم . بس بتبقى طيبة شو ما كان اسمها هل الضرسانة

    ان شاء الله بتشوفوا الخير على الشغل الجديد و لا تاكلي هم , نحنا هون كلنا رفقاتك و صاحباتك ;)

    نورتي سيمو

  5. dado 19 June 2009

    لو كنت شب … عفوا لو كنت باكل لحمة كنت دبت بغرام هالـ ماريا 8)
    بصراحة أول مرة بسمع فيها.. بعرف التوشكا وبعرف المسقسقة “أكلتها بمطعم قبال القلعة بحلب” 8) .. بس شكلها ظريفة كتير هالسندويشة.
    يا ستي شو ضحكت على التفسير.. بس قبلها فرطت من الضحك على كلمة “نصوبن إيدينا” :grin من شي خمسطعشر سنة ما سمعتها
    تسلم إيدك منى

  6. رنا 19 June 2009

    ههههههه شو ظريفة هالاكلة عن جد ذكرتيني بطاعم سوريا واكلاتها الطيبة ..واحلى شي بحثك المنظم عن اصل وفصل الاكلة :grin بس اكيد تفسيرك بمحله لكان شو ممكن يكون ؟؟لانه اسمها ماريا يعني مبين اسم صبية وحلوة كمان ;)
    وبالنسبة لكلمة( نصوبن ) شو كانو يضحكو علينا ولاد خالي الشوام وقت نروح لعندن ومع انه ماما شامية بس بحكم شغلها وقعدتها بحلب صار حكيها حلبي وكل مانقوم من السفرة تقول يلا يارنا وري روحوا صوبنو …انا اتطلع على امي بعدين عليهن ولاقيهن عم يتكركروا :upset شو كنت اخجل لاني حلبية بس بعد ماكبرت صار معي العكس تمام ;)

  7. Iman 19 June 2009

    ييييييي لك ريتا ما تبلا هالماريا. هيا حاطه شكله خضرا على شعرها و مبين طرف الفستان الاحمر. اي شو هاااااد???? شو هالنزاكه و الالاطه هاي?? بس قوليلي منى ما بتشبه العرايس شوي من عند الوش او البروفيل?? تسلم ايديكي شكلا كتيييير طيب. هلاء وقعتي حالك وقعه كبيره معانا. من الالالالان فصاعدااا مش ممكن نقبل وصفه بدون قصه قبلها. علشان بس يخلص كتاب الطبخ يكون معاه مجلد من الذكريات و القصص و الخيالات. هههه. تسلمي.

  8. سمر 19 June 2009

    تسلم ايدك ياست منى انا بصراحة بحب هي الاكلات الجاهزة وشقد بتمنى انزل على حلب حتى اكلها :grin بس للاسف هالسنة نازلة برمضان واول مرة بعد جازتي فاكيد رح اخجل واطلب هيك اكلات من بيت حماي :cry وخصوصي اهل جوزي مابحبو المطاعم :( وانا بالعادة كنت انزل كل سنة مدلله طلبي واتمني ياسوسو من مطعم لمطعم اخواتي بس بدون يدللوني لاني كنت اخر وحد عذابية بس هلق مافيني غير قول هاد كان :sigh وبكل الاحوال تسلم ايدك ياميمو

  9. ام محمد 20 June 2009

    ياسلام شوطيبة انا بعملهابس بدون زنجبيل :)
    الله يعطيكي العافية ويخلينا ياكي
    يااحلى صبية حلبية

  10. نور الأسلام 20 June 2009

    السلام عليكم جميعا تسلم اديك منى شي بابن انو طيب ولذيذ انا لما قرات اسم الوصفه قبل مافوت على التفاصيل خطر على بالي انو تكون وصفه الاخوانا المسيحيه :) ليش عم يضحكو البنات على كلمة نصوبن نحنا عنا كمان منقولا تسلميلي وتحياتي للجمبع

  11. غيث 20 June 2009

    الله يسلم ايديك ميمو ذكرتينا باطيب صندويشات ببلدنا الغالي واحلى شي فيك لهجتك الماصلة بدون تصنع وتقليد للاخرين انا لما كنت بالعمرة ركضت لعندي واحدة وقالتلي انت حلبية قلت لها ايه قالتلي ياي بموت بلهجتكم اكتر لهجة سورية ما فيها مط حنك قلتلها بس عالعريض قالتلي احلى ياي قال هيه بتموت بالمسلسلات الحلبيةولهجتهم قلت لها بس بيتخنوها شوية زيادة عن اللزوم بالتمثيل قالتلي مظبوط انت حكيك مختلف شوية قلت لها انا حلبية ولهجتي هي اللهجة الحلبية بس بالمسلسلات بيزودوها منشان يبسطو الناس المهم كل الناس خير وبركة ومالنا باللهجة بس بدي اسال الاخت اللي اقربائها شاميات دخلك اذا بدهم يصوبنو ايديهم ششوووووووو بيقولو بس لاتنوريعني ليش عم يضحكو مو منشان شي ها

  12. منى 20 June 2009

    هلا ام نور :)
    يا ستي و انا متلك كتير احيانا بعملها على الكباسة أو بالتيفال , بس غذا كان في فحم و كش و شوي بيطلعوا و لا أطيب شي نغم ;)

  13. منى 20 June 2009

    هلا لموسة :)
    يا رب توصلي بالسلامة و تعجبك المحلات الي قلتلك عليها و تكون على زووءك :zzz
    أحلى الشي هو الطفل الي نايم جوى كل واحدة مننا هو الي بيجدد الحيوية لمن بيطلع

  14. منى 20 June 2009

    هلا دالو :grin
    خليلي قلبك , هيك بتاكليها و من دون ما تعزميني و انت بتعرفي المسقسقة مع كاسة شاي كبيرة سخنة قديه غالية علي :roll

    اكيد نصوبين و لازم بصابون غار , هدولة بيت الصابوني بيموتوا على الصابون و بعرف واحدة عز المعرفة كانت تاكل رغوة الصابون بحملها على أثر الوحام , يعني صابوني قلبا و قالبا :grin
    عرفتي مين ;)

  15. منى 20 June 2009

    هلا رنونة :)
    شايفة شو بياخد هل البحث من وقت و جهد , الله يعطيني العافية و يلبسها الي تلبيس :grin

    لشو الخجل , احلى الشي الواحد هو بطبيعته و من دون تصنع , نحنا هيك و الي ما عجبوا اما يكب حالوا او يسد داناته ;)

  16. منى 20 June 2009

    هلا أمونة :)
    بتعرفي بعد ما قرات ردك انتبهت على اللون الاحمر الي حواليها و الي عن جد بيشبه الفستان , هادا اكيد العقل الباطن اه خيو اشتغل شغلو قبل التصوير :grin

    يمكن هي نفسها العرايس , بس انا مو متاكدة , انتي ادرى حبيبتي

    على فكرة انا دايما عندي حكي و كل وصفة الها حكاية , بس ان شاء الله انتو ما تملوا

  17. منى 20 June 2009

    هلا سمورة :)
    ليش تخجلي , اسمعي بنتي اذا ما اتددلتي و انتي عروس عند بيت احماكي معناها راحت عليكي , سمعيها كلمة من ختيارة 8)

    الله يسلمك و توصلي بالسلامة ان شاء الله

  18. منى 20 June 2009

    هلا نور :)
    ان شاء الله تجربيها و تعجبك كتير.
    هلا هنن عم يضحكوا لان شافوا الكلمة مكتوبة و أكيد لما بتقرايها بتكون بتضحك اكتر من لمن بتقوليها , يا ترى انت من وين :roll

  19. منى 20 June 2009

    هلا غيوثة :)
    ابوس الحلبيات لما بيتحاموا لحلبيتهم يا خيتو :grin
    سبحان الله رفيقتي نفس الشي تمام صار معها , بس بالمسلسلات بيزودوها كتير و بيفز عصبي الصراحة , بكرة حضرت وصفة و المقدمة كلها على اللقش الحلبي و كلامك كله انا ذاكرته فيها , يعني توارد افكار غير شكل :zzz

  20. رنا 20 June 2009

    هههههههه دخيل عينك غيوثة شو اشتغلت الحمية على اللقش الحلبي …منيح الي كنت حلبية لانه حسيت بكلامك قديش معصبة من قرايبيني :grin ياستي بشكل عام الشوام بيضحكو على حكينا بس بيحبوه اكيد …بعدين بالنسبة لسؤالك شو بتقلهن امهن لما يصوبنوا بتقلهن قوموا اغسلوا ايديكن هي صوبنووو حصريا ل اهل حلب يلي هنن عالراس اكيد ;)

  21. haya 21 June 2009

    هلا مى تسلم ايديك على الوصفة انا بعملها مثلك تماما وكثير زاكية وانا لما وعيت على الدنيا سمعتهم بيقولولها عرايس ليش ما بعرف هي عندكم بسوريا وخاصة حلب بيقولولها ماريا وعنا بيسموها عرايس بس هي فعلا كثير طيبة

  22. dado 21 June 2009

    والله يا منوش حقك عليي.. بس أكيد لو كنت بعرفك ما كنتي فلتي من عزيمتي عالسندويشة بنوب :)
    يا ستي أنا بعرف وحدة يمكن هاه.. يعني مو متاكدة من عيلة الصابوني.. وبتحب تصوبن.. وفيها مواصفات صابونية متعددة وأهمها:
    - بياض القلب كالصابون
    - نظافة السريرة كالصابون
    - خفة الدم كرغوة الصابون..
    واسمها تلاتة بواحد.. قصدي تلت حروف.. وأنا بحبها كتير..
    عم نحكي عن نفس الشخصاية شي؟ ;)

  23. منى 23 June 2009

    هلا هيا :)
    عرايس بتنفد على ماريا لان ايد ماريا صارت بعدها عروسة :grin
    الف صحة و هنا على قلبك و كل ما اكلتي العرايس اتذكريني بشي لقمتين تلاتة ;)

  24. منى 23 June 2009

    هلا دالو :)
    يلا خيرها بغيرها و العزيمة علي و ادام القلعة بس من دون اراكيل لان بتدايق من ريحتهم ;)

    كاني عرفتها هل الشخصاية , يمو أديشك بنت حلال و من شوي كنا بسيرتك انا و اياها و قالتلي انها كمان بتحبك كتير و معزتك عندها انتي بتعرفيها :zzz

  25. منى 23 June 2009

    هلا ام محمد :)
    و من دون زنجبيل بتطلع طيبة كتير , هي بقى انتي شو بتحبي بهارات و شو بتحبي تستعملي
    هادا بس من زووءك يا قمر , شرفتي الموقع و الله

  26. semo 1 June 2010

    اليوم جربتا مممممممممممممم بتجنن
    شويتا بالفرن وبع ما استوت حطيتا بيصينية وحطيت فيها صحن فيه نقطة زيت وشغلت فحمة وحطيتا بقلب الزيت وسكرتا فورا بقصدير
    ممممممممممممم طلعت كأنها مشوية عالفحم
    الله يعطيكي ليرضيكي وييسر لك أمورك يارب

  27. منى 14 October 2010

    خليلي عينك سمسومة على هل الدعوة الغالية , ان شاء الله انت و كل مين اله معزة عندك

    الف الف صحة و هنا على البك حبيبتي , فكرة الفحمة حلوة كتير :)

  28. dr.fefe 24 October 2011

    تسلم إيديكي على هذا الموقع الرائع جداً جداً جداً..
    الصراحة أنا ما عرفت وين لازم إكتبلك هالشكر.. لإنو كل وصفة بهالموقع أطيب وأحلى من التانية..
    تسلم إيديكي مرة تانية….
    وشكراً جزيلاً… :zzz

  29. منى 24 October 2011

    مية هلا فيك , منورة اختي و انا مبسوطة كتير ان الموقع عجبك و انك انضميتي لعيلتنا :)

    ان شاء الله بتبقي منورة على طول 8)

  30. dr.fefe 25 October 2011

    الله يخليلي هالعيلة الحلوة.. ويخلي كل اللي فيها..
    شكراً إلك.. والموقع منور بوجودك..

  31. لبنى الشامية 4 March 2012

    السلام عليكم أخت منى
    اليوم عملت هالوصفة وطلع المذاق طيب كتير …لكن الشكل :roll
    بدي اسألك اخت منى لما بتمدي اللحمة بتكوني مقطعة رغيف الخبزوللا بتقطعيه اول وبعدين بتحشيه ؟؟
    طلعت معي مقمرة وشكلها مو مرتب وفي منن انبلت الخبزة من تحت وتشتشت…يمكن لازم استعمل نوع خبز اخشن؟؟وللا لأن حمرتها بالفرن والافضل اني اعملها بمقلاية تيفال؟؟

  32. منى 5 March 2012

    لبنى الي حكيتيه معناها انك ما نشفتي البندورة منيح قبل ما تضيفيها للحمة, ممكن تفرمي الخضرة و ترشيها بشوية ملح و تخليها على مصفاة شي ربع ساعة و بعدها خلطيها مع اللحمة , بتطلع معك تمام ان شاء الله ;)

تقييم الوصفة
عاديةقد أحضرهاجيدةممتازةأكثر من رائعة (1 votes, average: 2.00 out of 5)