مخلل اللفت


         وصفة : منى                 2007/11/07                 30 تعليقات
مخلل اللفت





2 كيلو من حبات اللفت الصغير نوعاً ما
6 - 7 كوب ماء
نصف كوب ملح صخري خشن
ملعقة كبيرة ملح ليمون
حبة كبيرة شوندر ( اختياري )





• يغسل اللفت جيداً من دون أن يقشر ثم يقطع بشكل طولي لأربع أرباع إذا كانت الحبة صغيرة أو يقطع لشرحات إذا كانت الحبة كبيرة قليلاً و يصف في المرطبان .

• يذوب الملح بالماء حتى يذوب بشكل كامل ثم يضاف ملح الليمون , أصبح مزيج التخليل جاهزاً .

• تغمر حبات اللفت بمزيج التخليل بحيث تغمر بشكل كامل و لا يبقى أي جزء ظاهر و إذا لم يكفي المرق تجهز كمية أخرى منه ثم تغطى بكيس نايلون صغير منعاً لظهور الحبات فوق المرق و يغطى المرطبان بشكل محكم و توضع في مكان دافئ في المطبخ .

• يترك المرطبان في مكانه و لا يحرك و بعد مرور 10 – 15 يوم يصبح المخلل جاهزاً .





  • وصفات تانية ممكن تعجبك


التعليقات

  1. ام نور 7 November 2007

    الله يبارك فيكي اخت منى هالمخلل هو اكتر نوع مفضل عندي ودائما بعملو بس انا بستبدل الملح الليمون بالخل هاك علمتني حماتي قال ميشان الحبة تقرط وكمان قالتلي بعبي جط ماء واضع بيضة فيه واضيف فوقهم ملح واحرك حتى تفوش البيضة على سطح الماء وهكذا دليل على ان كمية الملح مناسبة للمخلل وعندها اضيف الماء فوق المخلل وصرت هاك اعمل بس ماني مجربة الا اللفت ولا مرة جربت غيره :) شو رأيك سامعة بهل طريقة شي قبل :?

  2. ام نور 7 November 2007

    اخت منى بدي تشرحيلي عن مربى الجوز الاخت نداء قالتلي انو اهل حلب مشهورين في كتير وشهتني اعرف :) اذا ما في ازعاج

  3. منى 7 November 2007

    هلا ام نور الغالية :)

    مممم , أنا بحب المخلالات كتير , و دايما البراد الرف الأخير منه نصفه مراطبين مخلل :grin

    سمعانة بهل الطريقة و كنت أعملها دايما , بس مرة جربت قيس الملح و طلع معي هل المقدار و صرت استعمله دايما

    هل الطريقة حكيت عنها على [URL=http://www.l2ma.com/content/view/126/2/]على هل الرابط[/URL]

    مربى الجوز ,مممممم يا عيني على مربى الجوز شو طيب ..

    كنت حابة نزل طريقته بالتفصيل بالصيفية , نزلت للسوق لأشتري حبات جوز أخضر , بس كان خلص وقته :sigh

    الطريقة باختصار بتقشريه الجوز الأخضر و بتثقبه و بتنقعيه بالمي لمدة اسبوع أو عشر ايام
    بعدها بينغط بمية مغلية و بيرفع بسرعة
    منعقد قطر و منحط فيهم الحبات و منتكرهم يغلوا كم دقيقة و بعدها منرفعه , و منكرر العملية على تلات أيام و بالمرة الاخيرة منحط قرنفل ليعطي نكهة ..

    عن جد ما في أطيب منه , و إذا الله خلانا من الطيبين لوقته رح نزل طريقته بالخطوات المصورة :)

  4. ام نور 7 November 2007

    تسلمي الله يخليكي ما شالله شو بتعملو اشيا مميزة وفي مربى الباطنجان والقرع والورد معناها شي طيب بيطلع :p انا كتير بحب المربى يعني ما لازم ينقطع البيت من المربى غدا رايحة عسوء الخضرا وبدي اشتري سفرجل ورح اعملو مربى وبخبرك شو بيصير معي

  5. منى 9 November 2007

    مممم , و في مربى النارنج و الليمون و الكباد الرائع و هو نوعي المفضل ;)

    رح انتظر رايك , و ان شاء الله يكون على زووءك :)

  6. ام نور 9 November 2007

    شي كتير حلو . مربى الليمون البرتقال قصدك اذا البرتقال بيعملوا بفرنسا بس ولا مرة خطرلي دوقو هون كل شي فواكه بيعملوها مربى حتى الكستنا ما بعرف شو بتسموها انتو بيعملوها مربى حتى الخوخ الدراق الكرز الاجاص … انا بالبداية استغربت هالانواع لان ما متعودي الا عاكم نوع معين من الفواكه كنا نعملون :) بس
    منك اخت منى ومن فرنسا عرفت كتير انواع حتى اليقطين قال بيعملوا مربى حابة بس دوق :p لا شوف شو بيطلع طعمتو بس سمحيلي النارنج والكباد ما عرفت شو هني ممكن منسميون نحن غير :?

  7. منى 10 November 2007

    هلا ام نور :)

    لا قصدي مربى الليمون , و هو مو كتير معروف هون , انا اتعلمته من صديقة تركية ;)

    و كمان الكستنا بتعملها صديقتي مربى و كتير كتير مشهور بتركيا , بس و لا مرة جربته ..

    و انا متلك بحب دوق و جرب اشيا جديدة ,

    النارنج بيشبه البرتقال و منعمل من قشوره مربى ..

    والكباد كمان بيشبه الغريفون بس على اكبر و قشرته سميكة كتير و منعملها مربى ,, و هدا المربى اذا كان على أصوله ما في اطيب منه :)

    و الله ما بعرف شو ممكن يكون اسمه التاني بس رح اسال و خبرك

  8. منى 14 November 2007

    هلا أختي ام نور :)

    الظاهر ان ردك راح مع الهاكر :sigh

    المهم أختي اني قرأته و كنت سألتك يا ترى انت قشرت اللفت قبل ما تكبسيه ؟

    احنا اللفت عندنا لونه متل الفجل و هو الي رح يعطي اللون الزهري للمخلل..

    بس انا شفت صور للفت في النت و بتكون قشرته كاشفة , إذا هدا اللفت الي عندك ممكن تضيفي الملفوف الاحمر أو كم حبة شوندر ;)

    نورتي أختي

  9. ام نور 15 November 2007

    شو قصة هالهاكر هيدا :? ليش كان يسيطر عالموقع :?
    الصراحة في كتير انواع من اللفت في فرنسا الاصفر والطويل النوع الذي استعملت هو لفت ابيض قلبه والقشرة بيضا مع لون بنفسجي ميشان هاك اضطررت حط ملفوف احمر لا يتغير لونو

  10. منى 15 November 2007

    و الله أختي ام نور ما بعرف شو قصة هل الناس :(

    معقول ان يكون الإذى هيك , مزاج بس

    حسبي الله و نعم الوكيل ..

    نرجع للمخلل:)

    إذا هادا اللفت الموجود فأكيد لازم تستعملي شي تاني مع الكبيس لحتى يعطيه لون حلو :)

  11. kuwaiti_girl 1 February 2008

    الحمدالله على سلامه الرجوع .. صج استانست

    ومشكوووره عزيزتي الغاليه على هالةصفه . وهالمخلل اعتبره من المخللات المفضله عندي وان شاء الله بسويه خاثه ان موسمه الحين بالاسواق

  12. kuwaiti_girl 3 February 2008

    اعتذر عن الاخطاء الاملائية

    كنت كاتبه مشكوره غاليتي على الوصفه لات مخلل اللفت من المخلالات المفضله لدي وهنا بالكويت يطلقون عليه شلغم

    وفعلا اشتريته وطبقته وان شاء الله بعد سواه اصوره لكم :)

  13. منى 3 February 2008

    و لا يهمك أختي , بتصير معانا كلنا ;)
    إن شاء الله استنى رايك و الصورة كمان و كتير انبسطت انك جربتيه ..
    أظن كمان بالعراق يسمونه شلغم :roll

  14. kuwaiti_girl 10 February 2008

    عدل كلامج غاليتي… اغلب دول الخليج يسمونه شلغم

    وبالنسبه للكبيس طلع طييييييييييب واحلى من الجاهز
    لدرجه ان صديقتي اخذت معها نصف البرطمان وهي مغادرة :cry
    الله يوفقك ان شاء الله و ينولك كل اللي ببالك

    واحب ان اشكرك على اللبنه.. كنت فخوره فيها جدا .. لاني اول مره اعمل فيها اللبنه ..

  15. منى 11 February 2008

    صحتين و هنا على قلبك و قلب رفيقتك , شو انبسطت انك جربتيه و عجبك :)

    مممم جربت اللبنة , يا عيني عليك و ما بعتيلي منها مرطبان صغير ;) هنا يا رب و عوافي

  16. منى 13 February 2008

    ممممم , شي مرتب و منفنف تسلم دياتك كويتية يا عسل , لون المخلل بيجنن ;)

    أختي لو سمحت حولت الصور للأخت مس انجل لحتى تصغرها و تحط ختم الموقع عليها و أعادت تحميلها على الموقع من بعد اذنك :)

  17. kuwaiti_girl 13 February 2008

    مشكووووره يا قلبي

    وحبيبتي انا كلي تحت تصرفك مو بس الصور… تصرفي فيهم مثل ما بدك ;)

    وان شاء الله بحط صوره اللبنه .. جد لذيذه>>>> شو رايج فيني وانا تلميذه مثابره :grin

  18. منى 14 February 2008

    الله يجبر بخاطرك يا رب يا كوكو يا عسل , خليلي عيني شو مبسوطة فيك :)

    أنتظر صورة اللبنة و ان شاء الله من ديات ما نعدمها ;)

  19. kuwaiti_girl 15 February 2008

    :grin يا بعد قلبي والغلا كله
    ومثل ما وعدت

    هذي صور المخلل :grin

    هنافي اول المرحله اول ما سويته :)

    [img]http://www.l2ma.com/images/stories/application/2.jpg[/img]

    وهنا بعد النضج

    [img]http://www.l2ma.com/images/stories/application/1.jpg[/img]

    وهنا عند التقديم

    [img]http://www.l2ma.com/images/stories/application/3.jpg[/img]

  20. ام نور 27 May 2009

    منى عفكرة ممكن وضع قطعة من الملفوف الاحمر مع اللفت بدل الشوندر بيعطي لون رهيب وكمان الملفوف المخلل كتير طيب انا ما بستعمل الا الملفوف الاحمر مع اللفت :p

  21. منى 31 May 2009

    مممم , يا عيني فكرة حلوة و اكيد رح يصير الملفوف كمان طيب كتير :)
    خليلي ياكي ام نور , دايما افكارك حلوة و غنية , سلم دياتك

  22. Eman 8 February 2010

    السلام عليكم
    عزيزتي منى أنا جبت اللفت والشوندر وما عندي ملح صغري ،بمشي الحال ملح عادي؟؟ حبابة بدي أعرف مشان جهزه قبل ما تخرب المواد

  23. منى 9 February 2010

    لا ما بيمشي الحال , بدك ملح ما فيه يود و الا ما رح يطلع معك المخلل تمام :roll

  24. Eman 12 February 2010

    آسفة كمان سؤال تاني .. ما عندي ملح الليمون شو أستخدم؟؟

  25. منى 12 February 2010

    خلص لا تحطي شي , هو رح يخلي لونه مشقرق :roll

  26. الدمشقية 18 January 2011

    يمممممممممممممم شو طيب المخلل
    ربي يسعدك يا منمونة ويبارك فيكي

  27. نورطعمة 24 December 2013

    لو سمحتي حابة اعمل مخلل اللفت بس مو لازم نضيف خل للتخليل وقديش العيار لهل الكمية من اللفت,وشكرا الك والله يوفقك

    • منى 24 December 2013

      لا هل المخلل بالذات ما بده خل , و بيتخلل بالملح و ملح الليمون بس

      منورة نور :)

  28. Rola 18 January 2015

    السلام عليكم منى، إن شاء الله تكوني انتي وأحبابك بخير. أخيراً حصلت على ليمون غير شكل، قطفته بيدي وبدي استغل كل شي فيه. مربى اليمون كيف بصير؟ و لو ملبك متل السلام عليكم منى، إن شاء الله تكوني انتي وأحبابك بخير. أخيراً حصلت على ليمون غير شكل، قطفته بيدي وبدي استغل كل شي فيه. مربى اليمون كيف بصير؟ و لو ملبك متل كباد والنارنرج لا تشهيني و توجعيلي قلبي لأنه ما عندي وقت طول بالي عليه :(
    . الله يحميكن

    • منى 19 January 2015

      اهلاااا رولا :)
      ما كتير فهمت عليك معلش ترجعي توضحيلي

تقييم الوصفة
عاديةقد أحضرهاجيدةممتازةأكثر من رائعة (1 votes, average: 5.00 out of 5)