مربى الجوز الأخضر


         وصفة : منى                 2008/06/05                 45 تعليقات
مربى الجوز الأخضر

·          يقشر الجوز باستخدام سكينة و يزال الجزء القاسي الصغير من أعلى الجوزة ( مكان التقاء حبة الجوزة بغصن الشجرة ) ثم يثقب باستخدام سيخ معدني رفيع .

·          يوضع الجوز في قدر أو مرطبان زجاجي و يغمر بالماء ثم يترك منقوعاً لمدة 15 يوم من دون تغيير الماء , هذا الماء يسمى ما دم الجوز , بعدها يذاق الجوز , اذا كان في الحبة مرار تنقع بالماء البارد مع التغيير عليها حتى يتم التخلص من المرار .

·          يغمر الجوز بالماء ثم يوضع على نار متوسطة و يترك حتى يقارب الغليان و قبل أن يغلي أول غلوة  يرفع من الماء على مصفاة .
·          يوضع الجوز تحت الماء البارد الجاري حتى يبرد .

·          يقسم السكر على ثلاثة أقسام , يغلى أول قسم مع الماء حتى يذوب السكر تماماً ثم يرفع عن النار و يترك حتى تستطيعين إدخال طرف إصبعك الصغير فيه و تتحملين الحرارة حينها يضاف الجوز و يترك لمدة 24 ساعة , مع التحريك بين فترة و أخرى .

·          بعد مرور يوم كامل ترفع حبات الجوز من القطر و يضاف القسم الثاني من السكر ثم يغلى مجدداً حتى يذوب السكر , يترك حتى يمكنك تحمل حرارة القطر بطرف اصبعك الصغير عندها يضاف الجوز و يترك لمدة 24 ساعة .

·          بعد مرور يوم كامل ترفع حبات الجوز من القطر و يضاف القسم الثالث من السكر مع البهارات و ملح الليمون ثم يغلى مجدداً حتى يذوب السكر , يضاف الجوز و يترك حتى يغلي أربع غلوات فقط .

·          أصبح مربى الجوز جاهزاً يعبأ في مرطبان زجاجي و يغمر بقطره و يوضع في البراد حتى وقت التقديم و يفضل تركه لبضعة أيام قبل تقديمه كي يتشرب النكهات اللذيذة للبهارات .  




50 حبة جوز أخضر
كيلو و نصف سكر ( ما يقارب 6 كوب من السكر )
كوب ماء
رشة ملح ليمون
ملعقة صغيرة جوزة الطيب مطحون
نصف ملعقة صغيرة قرنفل مطحون
ربع ملعقة صغيرة فلفل أسود مطحون





• يقشر الجوز باستخدام سكينة و يزال الجزء القاسي الصغير من أعلى الجوزة ( مكان التقاء حبة الجوزة بغصن الشجرة ) ثم يثقب باستخدام سيخ معدني رفيع .

• يوضع الجوز في قدر أو مرطبان زجاجي و يغمر بالماء ثم يترك منقوعاً لمدة 15 يوم من دون تغيير الماء , هذا الماء يسمى ما دم الجوز , بعدها يذاق الجوز , اذا كان في الحبة مرار تنقع بالماء البارد مع التغيير عليها حتى يتم التخلص من المرار .

• يغمر الجوز بالماء ثم يوضع على نار متوسطة و يترك حتى يقارب الغليان و قبل أن يغلي أول غلوة يرفع من الماء على مصفاة .
• يوضع الجوز تحت الماء البارد الجاري حتى يبرد .

• يقسم السكر على ثلاثة أقسام , يغلى أول قسم مع الماء حتى يذوب السكر تماماً ثم يرفع عن النار و يترك حتى تستطيعين إدخال طرف إصبعك الصغير فيه و تتحملين الحرارة حينها يضاف الجوز و يترك لمدة 24 ساعة , مع التحريك بين فترة و أخرى .

• بعد مرور يوم كامل ترفع حبات الجوز من القطر و يضاف القسم الثاني من السكر ثم يغلى مجدداً حتى يذوب السكر , يترك حتى يمكنك تحمل حرارة القطر بطرف اصبعك الصغير عندها يضاف الجوز و يترك لمدة 24 ساعة .

• بعد مرور يوم كامل ترفع حبات الجوز من القطر و يضاف القسم الثالث من السكر مع البهارات و ملح الليمون ثم يغلى مجدداً حتى يذوب السكر , يضاف الجوز و يترك حتى يغلي أربع غلوات فقط .

• أصبح مربى الجوز جاهزاً يعبأ في مرطبان زجاجي و يغمر بقطره و يوضع في البراد حتى وقت التقديم و يفضل تركه لبضعة أيام قبل تقديمه كي يتشرب النكهات اللذيذة للبهارات .
  • وصفات تانية ممكن تعجبك


التعليقات

  1. ام نور 5 June 2008

    بدون مجاملة يا منى روعة وشي غير شكل :p ما شالله عنك شو هالشطارة الله يحمبكي ويبارك فيكي بتستاهلي كل خير :)
    هالمريى اكلتو مرة عند نداء وطعمتو ما راحت من بالي وكتير اشتهيت اتعلم طريقتو لان بلبنان ما منعملو

  2. منى 5 June 2008

    هلااا ام نور يا احلى قمر بلبنان كله :) و انا كنت عم استنى ينزل الجوز لحتى وفي بوعدي الك بطريقته من أول ما اتعرفت على الموقع :zzz ..

    يا رب تجربيه و يطلع متل الي دقتيه و اطيب عن جد هل المررربى غيرر شكل , الله يذكرها بالخير ندوشة

  3. Eman 5 June 2008

    ما شاء الله وصفات روعة 8)

    حبيبتي منى ، اختي الحبيبة ،مالي حدا يساعدني غيرك :sigh ، عازمة رفقاتي يوم الاثنين القادم بمناسبة ولادتي ،هيك جمعة خفيفة بدون طبخ ،بس محتارة شو بدي قدم أشياء سهلة علي ،خصوصا أني والدة من 3 أسابيع بس ،لذا ،شو برأيك في وصفات ممكن تنجح معي وتكون سهلة؟ :roll

  4. Iman 6 June 2008

    يسلمو يا منمن عا هالوصفات ريتون يسلموا ايديكي و ايدين حماتك انشالله يا رب انا اول مره بسمع بمربى الجوز يا الله عم بتخليني اتحروق على زياره هالبلد الغني بكل شيء فبالرغم امن انو جدتي ام ابي سوريه بس عمري ما زرت سوريه و عن جد متمنيه انو اجي استمتع بفن العماره و بكرم الشعب السوري و الاكل السوري ان شاالله عن قريب و لكن نرجع لموضوعك فانت اسمالله عليكي ابدعتي يا منى و ربنا يعطيكي الصحه و العافيه و يخليكي لاولادك و ينولك اللي ببالك و الله يحميكي مع اهل بيتك

  5. منى 7 June 2008

    هلا أمولة :) الحمد لله على قيامك بالسلاامة و انا عم قول وين غاطة :roll

    في عندك [URL=http://www.l2ma.com/index.php?option=com_content&task=view&id=319&Itemid=1]هل التارت[/URL]
    كتير طيب و سهل

    و هل الكاتو بيطير العقل وإذا عندك الليدي فنجرز بربع ساعة بيصير جاهز
    [URL=http://www.l2ma.com/content/view/396/2/]كاتو جلاس[/URL]

    و الموالح انصحك تعملي فطاير

    [URL=http://www.l2ma.com/content/view/375/2/]مشكلة بعجينة العشر دقايق[/URL]
    سهلة و مااا في اطيب منها

    ما بعرف يا ترى حابة ساعدك بشي تاني ؟

  6. منى 7 June 2008

    هلا ايمان :) الله يسلمك حبيبتي , و الله لو تدوقيه رح يعجبك كتيرر كتير , اذا زرتي سوريا أو حلب أنصحك تروحي لمحلات الحلويات و تشتري صحن فيه من هل المربيات المشكلة الغريبة الي ما بيعرفها غيرنا متل مربى الجوز و مربى الانجان و مربى الكباد و مربى النارنج و مربى القرعة … يااا عيني , متعة و الله هل المربيات

    الله يخليكي يا رب , و اتمنى لو تزوري سوريا أو حلب و ببقى بحكيلك عن كم محل بيستاهلوا الزيارة ;)

  7. Iman 8 June 2008

    هلا منى انتي علطي بيني و بين الاخت ايمان اللي والده و تريد ضيافه هذه ايمان اللي كاتبه فوق ولكن انا ايمان اللي بطلب وصفات صعبه و كتيره غلبه و حبيبتي انا اولادي اسمالله بالجامعه و على العموم الحمدالله على السلامه يا ايمان و علشان ما يخربطو بينا انا اسمي امونه هكذا ينادوني الكل و شكرا

  8. منى 8 June 2008

    لك له يا امونة أنا غلطت بيناتكم :roll , شوفيني شو كاتبتلك فوووق ;) ..

    في الموقع أربع أخوات اسمهم ايمان , بس كل واحدة فيهم مميزة بشخصية غير عن التانية و من هون و راايح رح ناديلك أمونة ..

    على فكرة لما رديت علي بمنتدى لك على موضوع مربى الجوز عرفتك فورا :zzz

  9. Iman 9 June 2008

    هههه والله شو مهضومه يا منى يللا حقك علي بس انا لما كتبتلك كان ردك لسه ما طلع بعد هههههه على العموم بسيطه يا ستي بدي اعطيكي لقب ملكه المنتديات منتديات الطبخ لانو لما ستات حلب بيحكوا عن الطبخ لازم الكل ينتبه و يسمع هذا طبعا لا ينفي انو كل الجنسيات الاخرى شاطرين بس المطبخ السوري و الحلبي بالذات غني جدا جدا جدا و انا بعرف انك عرفتيني في لك لانو انا بكتبلك بطريقه خاصه اريد بها استفزاز مواهبك و كلمه استفزاز هون بها معنى ايجابي و هو انو انا حاسه انو اسمالله عليكي عندك كتير لتعطي بدك نكشه بس ههههه كتير بحب الوصفات الصعبه اللي بدا تعب بزعل لما بشوف وصفه كاتو مستعمل فيها الشوكولا الجاهزه مثل كاتو الكتكات او كاتو المارس و كاتو العلكه هههه بمزح معك لانو كتير مضره بالصحه ولو انو طيبه فنحنا عم نستعمل مواد مصنعه اصلا ثم نعيد نصنيعها و نضيف دهون اخرى لها انا بحس انو قدرتي انك تعملي للقمه طيبه مكان مميز بالوصفات الاصيله سواى القديمه او الجديده بحب كمان طريقه كتابتك فهي مشوقه و عندك قدره كبيره على الوصف ما شاء الله الله يحميكي و يعطيكي الصحه و يخليكي لعيلتك لك خالص تقديري

  10. منى 11 June 2008

    هلا امونة :)
    يلا مو مشكلة , صار خير ..

    مم يتعرفي عن جد ردودك من الردود الي بتخليني ااقعد و فكر أو ااقراها اكتر من مرة , لان دايما عندك شي مخبى بين السطور ;)

    الف شكر ليك على الكلام و الرد المميز , كلك زووء و الله خجلتيني حبيبتي , و ان شاء الله ببقى هيك بعيونك دايما

  11. linda 11 June 2008

    اول مرة بحياتي كلها بسمع بهل المربى
    و منكم نستفيد يا موني
    ما بعتقد اني فيني جربها بهل البلاد لانو ما بعرف وين في جوز اخضر

    يسلمو ايديكي

  12. منى 12 June 2008

    الله يخليلي ياكي يا احلى لولو :)

    يبلا منحطهاعلى قائمة الضضيافة الي رح قدمها الك مع فنجان القهوة بفريز ;)

  13. ام عمر 25 January 2009

    تسلم ايدك يا اخت منى
    بس في شغلة ما فهمتها ؟؟؟؟؟؟ :upset
    هلا يعني نحنا منقيم القشرة الخضرا القسية وبنخلي البنية ؟؟؟؟ ولا بنقيم القشرتين !!!!!!!!!! :upset :upset :upset :upset :upset
    والله ما فهمت :cry

  14. منى 26 January 2009

    هلا ام كريم :)
    هو ما فيه قشرة خضراء بس هو هيك اسمه لان الجوز لما بيكون طري و بيبي لسا على الشجرة بيسموه اخضر مع ان لونه أسود ;) و بس ما صارت قشرته قاسيهو بتنفع الواحد يكسرها ليطالع الجوز من قلبها بيصير اسمه جوز سادة :zzz

    نحنا منقشر القشرة البرانية الي لونها مايل على أسود , و لا يهمك اي سؤال انا بالخدمة

  15. ام عمر 26 January 2009

    تسلمي اخت منى :zzz
    بعدين انا ام عمر مو كريم :grin
    يعني بنقشر الجوز والقلب تبعو هو يلي بنعملو مربى :p هههههههههههههه عتبك على النظر بس بالصورة مو باين هالشي :roll

  16. منى 26 January 2009

    ولي على قامتي :roll مشان الله لا تواخديني و الله حرارتي مرتفعة و مرضانة كتير و مكربة , يمكن أثر على لهيك ما قرات الاسم مظبوط , لا تزعلي ايه لان هيك طلع معي قلة ذوق كتير

    أختي الجوز منقشره متل البطاطا , كيف منشيل منها بس قشرة رقيقة و كمان الجوز نفس الشي :)
    ان شاء الله بموسم الجوز ببقى بنزل صور تفصيلية اكتر , هيك مو كتير واضح معك حق :zzz

  17. ام عمر 26 January 2009

    يبعتلك الهنا ان شاء الله ;)
    بعيد الشر عنك والله ما زعلت ابدا
    ان شاء الله الف سلامة عليكي والله يشفيكي يا رب ديري بالك على حالك :)
    انت ام الذوق كلو ولو ما بعتبرك اخت ما بنبهك الله يبارك فيكي ويخليكي لعيلتك :)
    ومستنية الوصفة بموسم الجوز ان شاء الله

  18. منى 27 January 2009

    باذن الله أختي ;) و اكيدة اذا جربتيها رح تعجبك

  19. farah 17 May 2010

    حبيبتي منى حابة جرب هالمربى ونحنا هلأ متل ما بتعرفي بنصف شهر 5 والجوز الاخضر على الشجر ما أحلاه بس ما لي عرفانة اذا مناسب للقطف ولا لسا؟؟
    يوم الجمعة قطعت حبة وقسمتها بالسكين كانت متل حبة العوجا يعني قلبها كان لسا الجوزة كتير صغيرة وكانها مليانة ماء
    فيكي توصفيلي الحبة كيف لازم تكون يعني مو لازم الحق قبل ما تيبس قشرة الجوز؟؟ كتير حابة جربه يا ريت تردي بسرعة قبل ما ييبس الجوز :zzz

  20. منى 23 May 2010

    بتكون القشرة من برة متل ما قلتي متل حبة العوجا تمام , بس و الله و لا مرة ما خطر ببالي افتحها لحتى شوف الي بقليها :roll

    هلا وقت هل المربى ,جربيه و يا رب يعجبك و ينجح معك لان ملوكي :zzz

  21. farah 23 May 2010

    خلص الجمعة اذا الله راد رح اقطفهم وبلش فيهم انشاء الله يزبط ولو شكلي رح عزبك معي بالأسئلة لأن لما قرأت ردود الأخوات عملوا عندي تساؤلات غريبة :?
    بعد ما كنت فهمانة الوصفة منك متل مثلا بالوصفة ما ذكرتي تقشير الحبة فقط نزيل الجزء القاسي من أعلى الجوزة
    بس جاوبتي احدى الأخوات ان بتقشريه متل البطاطا فهلأ شو لازم اعمل :? :?

  22. farah 28 May 2010

    بعدين بدي اسألك فينا نستغني عن القرنفل المطحون ولا نستبدلها بالقرفة ولا نكهته ضرورية؟؟

  23. منى 29 May 2010

    لا فروحة منقشر الحبة كلها متل البطاطا ;)

    اتعودنا على هل المربى بالقرنفل , بس اكيد اذا ما بتحبي ممكن ما تستعمليه ,

    فروحة انا اسفة كتير للتاخر بالرد , و الله حقك علي :roll

  24. farah 29 May 2010

    بتعرفي يا منى انا من كتر التوتر اللي عاملينه الاولاد بسبب الدراسة معمي على ألبي الصبح رجعت عم اقرأ الوصفة واكتشفت انك ذاكرة بالبداية بنقشره فاليوم قشرتهم متل البطاطا قبل ما اقرأ ردك وحطيتهم بالماء لازم غطيهم ولا ما في داعي؟
    اكيد بدي اهلكك اسئلة لبين ما تخلص هالوصفة يعني لسا ادامك اسبوعين زمان لبين ما كمل هالوصفة الله يعينك ويجزيكي الخير يا رب ومشكورة حبيبتي لأهتمامك

  25. منى 29 May 2010

    الله وكيلك يا فرح الحال من بعضه , يوم الخميس حسيت حالي عصفور و طالعوه من القفص :zzz

    ما في داعي ان تغطيه بس المهم ان ما تخلي شي حبة طايفة على الوج

    انا معك و محمسة كتير لتجربتك لان انتي واحدة رح تجربيه , ان شاء الله يكونوا الجوزات طرايا لان هنن الاساس لنجاح المربى

    ممم , انا رايحة اشتري جوز , بس مقشر و خالص لان هل السنة ما الي خلق على تقشيره , يلا لنشوف شو بيصير معنا ;)

  26. farah 30 May 2010

    منون نبهتيني لقصة انهم عم يفوشوا يعني الطبقة كلها طايفة على الوجه مو كلهم برا الماء بس طرف صغير منهم بيأثر ؟؟؟ وشو الحل اذا بيأثر احط فوقهم غطا يكبسم داخل الماء؟؟
    بعدين عندي سؤال بالنسبة للسكر انتي ذكرتي بنقسمه ثلاث اقسام فبهالحالة عيار الماء بيزيد ولا كل نصف كيلوا بنزيده فوق بعضه على كأس ماء واحد؟؟
    ما خبرتك بدي اهلكك اسئلة :roll
    وكمان اكتشفت اني قطفت 62 حبة جوز بدل ال50 اخدني الحماس وخربطت بالعد :grin
    فشو أعمل زيد كمان دورة سكر يعني اعملهم 2 كيلو سكر ولا بيمشي الحال؟؟
    حبيبتي انتي اتحمليني انتي طرتي من القفص انا لسا بنتي عندها كفاءة وباقيلي شي 20 يوم لطير :zzz

  27. منى 31 May 2010

    يييي يا فرح , روحي الله يبيض وجها و لا يضعيلها و يضيعلك تعب و ان شاء الله موفقة بكل امورها , و الله يعطيكي العافية و الله الاهل عم يقدموا مع اولادهم

    فروحة حطي طبق خفيف لحتى ينضغطوا و ما يفوش منهم شي .

    المي كاسة لكل المربى , لان انت رح تشوفي كيف بعد ما تضيفي الجوز رح يطالع مي من قلبه لهيك ما بده شي

    زيدي مقدار السكر كاسة و نص , يعني كله على بعضه 7 كاسات و نص

    طمنينا عن بنتك و الله قلبي معك :roll

  28. farah 1 June 2010

    الله يطمنك على حبابك يا رب والله اليوم رجعت من الاجتماعيات وهي عم تسح وتبكي لأن كانت متوقعة علامات كاملة وطلعت مخربطة بالاجوبة وهالسبب بيفقع اكتر من لو ما عرفت الجواب الله يستر مع المواد الجاية

    يا ستي مسلسل الجوز لا ينتهي اليوم السؤال: من اول امس لاحظت بلش يصير شويه رغوة على وجه ما ء الجوز وبيني وبينك توقعت من الشوب ممكن يخربو فدخلتهم البراد قولك مو احسن ولا لازم يكون الجو دافي عليهم والله خفت يروح كل هالتعب عالفاضي وخصوصاً ان اصابعي اللي اسودو من فوق الكفوف كل يوم ييذكروني فيه :roll

  29. منى 5 June 2010

    الله يوفقها و لا يضعيلها و يضيعلك تعب يا رب :)

    فينا اكيد نحفظه بالبراد , اصلا هو ما بيحب الحرّ ابدا . متل حكايتي :grin

  30. farah 6 June 2010

    طيب حبيبتي انا صار عندي هوس كل يوم اتركلك سؤال هلأ اليوم حركتهم بالملعقة لأطمئن عليهم ولاحظت انهم لسا لونهم اخضر والصور اللي منزلتيها لونهم اسود هالصور يعني بعد الغلي؟؟ عادي يعني يبقوا خضر :?
    وميرسي على دعواتك الحلوة ربي يخليلي ياكي

  31. منى 7 June 2010

    لا فروحة , الصور الجوز من لما قشرته كان اسود , بس لان ما كان باول نزلته , هلا انتي قاطفتيه غض كتير و لهيك طول لونه اخضر و ان شاء الله هي علامة خير ;)

    بعد شوي رح يسود , الله يبيض ايامنا على طول ان شاء الله

  32. منى 7 June 2010

    طمنيني كيف فحص بنتك

  33. farah 9 June 2010

    الله يبشرك بالخير وان شاء الله يوم الأحد رح بلش بالمرحلة التانية بيكون خلصت مدة النقع ورح تكوني معي خطوة بخطوة وخبرك كل التفاصيل ;)
    يا ستي بالنسبة لبنتي الحمد لله لحد اليوم عم تطلع منيحة وانشاء الله لما تنجح وتتفوق بدي حليكي من هالجوزات ادعيلي انتي بس يزبطو ويكونوا تمام التمام هنن والمنظومة بنتي :zzz

  34. farah 13 June 2010

    حبيبتي منى اليوم عملت المرحلة الأولى بالسكر بعد ما غليتهم اول بالماء حسب تعليماتك وتمام متل ما خبرتيني نزلو مي كتير بس الغريب ان لون القطر صار كتير غامق كأن لون الخضار عم يحل لأن لليوم لبلشوا يسودوا ما صار لونهم اسود صار زيتي غامق قولك لهلأ شغلي مزبوط؟؟ ولا في شي غلط يا ريت تجاوبيني اليوم او بكرة الصبح قبل ما بلش بالمرحلة التانية
    ومشكورة حبيبتي

  35. farah 13 June 2010

    نسيت خبرك كمان اني رجعتهم للبراد لأني خايفة عليهم من الحر يعني درجة الحرارة عندي بالمطبخ 31 وصباحا يمكن نصير اكتر لأن مطبخي شرقي يعني الشمس بتدخله حوالي 3 -4 ساعات الصبح فشو رأيك مو البراد اضمن ولا بالقطر ما بتفرق لازم يستووا والله احترت؟؟ :roll

  36. منى 14 June 2010

    هلا فروحة :)

    الله يوفقلك هل البنوتة و تكون النتائج ممتازة , و ان شاء الله نسمع منك اخبار حلوة كتير قريب ,ااامين يا رب

    ان شاء الله شغلك مزبوط , انا بيسووا معي قبل , بس معلش ممكن يكون فرق بنوعية الجوز ,

    اتوقع ما دام كل هل القد شو عندك احفظيهم بالبراد اضمن و احسن و اصلا هل المربى ما بيحب الحرارة ابدا ;)

    كتير تحمسة الك , ا رب يزيط معك و تعتمدي الوصفة

  37. farah 14 June 2010

    منى النجدة :cry :cry
    ما بعرف شو الغلط بس لما قررت اعمل دورة السكر التانية لقيت القطر اللي كانوا فيه كتير مخضر فقلت لذوقه والصدمة كان مرررر كتير فرميتهم وغليت قطر من اول وجديد ولبين ما برد شوي نقعت الجوزات بالماء البارد(( فضيت زجاجات البراد كلها)) وغيرت عليهم الماء شي 5 مرات وكل مرة صار تتلون الماء خضرا :upset
    شو القصة هو طبيعي يكون لسا فيه مرار وبهالحالة ارجع اعمل القطر 3 مراحل ولا خلص حط بكرة البهارات واغليه وكيف ما طلع يطلع :? :sigh
    بدي هالوصفة تنجح وبلشت احبط انقذيني بسرعة :cry

  38. منى 15 June 2010

    ولي على البي يا فروحة :cry

    خرج تكوني ما مقشرتيهم منيح

    المهم هلا ما في ادامك غير حل واحد بس نجاحه مو مضمون :roll

    لازم تروحي هل المرارة من الجوزات , :roll م :roll كن تجربي ترجعي تنقعيهم بالمي و تغيري المي كل شوي لحتى تدوقي واحدة و تكون رايحة مرارتها .

    ممكن ياخد معك يوم و ممكن 6 ايام حسب جوزاتك , هادا اخر حل , ان شاء الله يزبط معك , و الله احترق دمي

  39. farah 15 June 2010

    والله يا البي نقشرتهم بقشارة البطاطا متلها تمام
    بس يبدو اني قاطفتهم بكير يعني لساتهم خضر كتير لأن ما شفت لون اسود على الشجرة لسا وكنت خايفة ييبسوا :roll
    المهم انا امس صرت انقعهم وغير المي شي 5 ل 6 مرات ورجعت حطيتهم بالقطر واليوم ذقت القطر لقيت نسبة مرار شي 5 بالمئة فما غيرته بس رجعت نقعتهم بالماء وذقت وحدة تخيلي شو طعمتها :zzz
    بتشبه العوجا شوي يعني كأن فيها شوي حموضة :upset
    ما بعرف الله يستر بكرة رح اعمل قطر للمرة الرابعة وحطلهم بهاراتهم وان شاء الله بيصيروا مربى
    ادعيلي حبيبتي

  40. منى 16 June 2010

    ممم , بكرا رح نشوف , بس ممكن متل ما قلتي , انك قاطفتيهم بكير ..

    هلا هنن مو مفروض يكون فيهم حموضةو لا مرارة :roll

    يا رب يزبطوا معك , و يطلعوا طيبين , عم استنى اخبارك

  41. farah 16 June 2010

    مرحبا يا حلوة :zzz
    حبيت طمنك على الجوزات الحمد لله اليوم عملت آخر مرحلة وهلأ من شوي لتجرأت وتذوقت وحدة يا ستي الله أعلم انا قاطفتهم لسا صغار ما بعرف كيف بدي اوصف طعمته المهم مرار ما في والحمد لله بس يبدو من كتر ما انتقعوا وشربو مي باردة مدري شو صار لهم :grin
    يعني طعمته مو مربى او بيجوز لسا ما شرب القطر منيح على كل الأحوال رح عبيهم بمطربان وخبيهم بالبراد لبعد كم يوم وذوق وحدة تانية
    وبدي اطلب منك طلب ما تخجليني بدي تبعتيلي عنوانك على ايميلي لأبعتلك منهم كم حبة وانتي بتطمنيني اذا شغلي مزبوط وظريف أو لا :zzz :)
    ممكن حبيبتي :roll ناطرك ردك على نار وابعتيلي الرد اذا بدك لأميلي

  42. farah 16 June 2010

    نسيت اسألك هو قلب الحبة لازم يبقى ابيض ولا كمان بيسود لأن القطعتين اللي ذقتهم من الأمس واليوم قلبهم ابيض لسا :roll

  43. farah 20 June 2010

    يا ستي حطيت كم حبة ورح اوصفلك ياهم بث مباشر:
    اللي بين معي اني قاطفتهم صغار لأن النتيجة انهم كشوا وصغروا ونشف البهم يعني بالعامية بنقول عصمصوا ما بعرف ليش ؟ مع اني تقيدت بالتعليمات بحذافيرها هلأ الحبة الأكبر شوي ماشي حالها وبتتاكل كلها بس الصغار صار داخلهم متل شي مجلد يعني تجربة شبه فاشلة عم فكر شوف الجوزات اللي باقيين على الشجر الجمعة الجاية لأن من يومين انتبهت انهم لسا خضر وما شاء الله شو كبروا قولك لما بيسود على الشجر بيصير مناسب ولا ساعتها بيكون يبس بصراحة عم فكر عيد التجربة بنفس القطرات المبهرين شو رأيك :zzz وانا لسا عند عرضي ايعتلك كم حبة هنن صحيح ما بيبيضوا الوجه كتيير بس حبيت تكوني معي بالصورة وبالبث المباشر :grin شو رأيك؟؟؟

  44. منى 21 June 2010

    هلا فروحة :)
    خلص المربى ما نجح معك , يمكن في اكتر من سبب , بس الاهم انهم مو مناسبين لما قطفتيهم , اذا صحلي سنة الجاية رح صور المربى بكل خطواته و من جوى و برى لحتى تكون الامور اوضح :roll

    قلب الجوزة بيبقى ابيض , و هلا ما عاد يسوا تقطفيهم , او فيك تجربي , اذا انقصت معك الحبة بكل سهولة جربي شوي , اذا فيهن قساوة ما بيصير , و اتوقع انهم يبسوا لان هل المربى وقته بايار ;)

    انا فكرتك عم تمزحي بعرضك , بس ما دامه جد رح ابعت الك ايميل ;)

  45. farah 21 June 2010

    يلا ناطرة ايميلك

تقييم الوصفة
عاديةقد أحضرهاجيدةممتازةأكثر من رائعة (No Ratings Yet)