مربى النارنج ( مربى النانرج )


         وصفة : منى                 2008/02/03                 19 تعليقات
مربى النارنج  ( مربى النانرج )

·          يبشر النارنج بشكل كامل للتخلص من قشرته ثم يقطع لنصفين و يعصر تماماً للتخلص من العصير , و بطريقة أسهل يمكن نزع اللب كله باليد و ذلك حسب الرغبة , يجب أن يتم التخلص من العصير و إلا فإنه سيضيف طعم المرار للمربى .

·          يقطع كل نصف لربعين ثم يوضع في وعاء غميق كبير و يغمر بالماء البارد و يوضع فوقه صحن مسطح واسع كي لا تطفو حبات النانرج عبلى سطح الماء .

·          يترك النانرج في الماء لمدة أربع أيام تقريباً مع تغيير الماء مرتان أو ثلاث مرات في اليوم حتى يتم التخلص من المرار تماماً , بالنسبة لي كانت الثمار مرة جداً و أخذت تحلية النانرج معي قرابة ستة أيام .

·          يربط أحد طرفي خيط قطني سميك و يضم فيه ابرة كبيرة , تؤخذ قشور النارنج بعد تحليتها و تلف كل قطعة كما في الصورة ثم تضم بواسطة الابرة في الخيط و تكرر العملية حتى الانتهاء من كل القشور ثم يربط الطرف الأخر من الخيط لحفظ قشور النانرج داخل الخيط .

·          تغلى كمية كبيرة من الماء ثم يوضع عقد النانرج فيها و يغلى حتى يطرى قليلاً , لا تسلق القشور أكثر من المطلوب و إلا لن نحصل على مربى مقرمش و لذيذ .

·          يرفع عقد النانرج من الماء و يترك حتى يصفى تماماً .

·          يحضر القطر : يغلى الماء مع السكر حتى يذوب السكر تماماً ثم يضاف النارنج و بعد أن يغلي مجدداً يترك على نار هادئة حتى تتشرب الحبات من القطر و يسمك القطر نوعاً ما .

·          يضاف عصير الليمون و يغلى المربى لمدة خمس دقائق إضافية ثم يترك حتى يبرد .

·          يسحب المربى بلطف من الخيط ثم يعبأ في مرطبانات زجاجية أو أكياس نايلون محكمة الإغلاق و يحفظ في الفريزر حتى وقت اللزوم .

·          عند التقديم يصفى المربى من قطره و يقدم في أطباق صغيرة و يمكن أن يحشى بالقشطة أو المكسرات حسب الرغبة .

 




10 حبات نانرج
4 – 5 كوب سكر
3 كوب ماء
عصير نصف حبة ليمون





• يبشر النارنج بشكل كامل للتخلص من قشرته ثم يقطع لنصفين و يعصر تماماً للتخلص من العصير , و بطريقة أسهل يمكن نزع اللب كله باليد و ذلك حسب الرغبة , يجب أن يتم التخلص من العصير و إلا فإنه سيضيف طعم المرار للمربى .

• يقطع كل نصف لربعين ثم يوضع في وعاء غميق كبير و يغمر بالماء البارد و يوضع فوقه صحن مسطح واسع كي لا تطفو حبات النانرج عبلى سطح الماء .

• يترك النانرج في الماء لمدة أربع أيام تقريباً مع تغيير الماء مرتان أو ثلاث مرات في اليوم حتى يتم التخلص من المرار تماماً , بالنسبة لي كانت الثمار مرة جداً و أخذت تحلية النانرج معي قرابة ستة أيام .

• يربط أحد طرفي خيط قطني سميك و يضم فيه ابرة كبيرة , تؤخذ قشور النارنج بعد تحليتها و تلف كل قطعة كما في الصورة ثم تضم بواسطة الابرة في الخيط و تكرر العملية حتى الانتهاء من كل القشور ثم يربط الطرف الأخر من الخيط لحفظ قشور النانرج داخل الخيط .

• تغلى كمية كبيرة من الماء ثم يوضع عقد النانرج فيها و يغلى حتى يطرى قليلاً , لا تسلق القشور أكثر من المطلوب و إلا لن نحصل على مربى مقرمش و لذيذ .

• يرفع عقد النانرج من الماء و يترك حتى يصفى تماماً .

• يحضر القطر : يغلى الماء مع السكر حتى يذوب السكر تماماً ثم يضاف النارنج و بعد أن يغلي مجدداً يترك على نار هادئة حتى تتشرب الحبات من القطر و يسمك القطر نوعاً ما .

• يضاف عصير الليمون و يغلى المربى لمدة خمس دقائق إضافية ثم يترك حتى يبرد .

• يسحب المربى بلطف من الخيط ثم يعبأ في مرطبانات زجاجية أو أكياس نايلون محكمة الإغلاق و يحفظ في الفريزر حتى وقت اللزوم .

• عند التقديم يصفى المربى من قطره و يقدم في أطباق صغيرة و يمكن أن يحشى بالقشطة أو المكسرات حسب الرغبة .
  • وصفات تانية ممكن تعجبك


التعليقات

  1. ام نور 3 February 2008

    سلم دياتك والله يخليلك الوالدة يا رب شي فعلا بيشهي اول مرة بسمع بهل مربى كلك زوء منى

  2. منى 3 February 2008

    الله يخليك أم نور و تسلمي يا رب على هل الدعوة الحلوة :)
    إن شاء الله بس ما تعمليلي زيارة رح دوئك ياهم كلهم ;)

  3. Rino 4 February 2008

    الله يعطيكي العافية يا منى
    شو هالأطايب هاي
    المربى بياخد العقل و طبعا أنا كتير بحبو هو و كل المربايات الحلبية القرعة و الجوز و الكباد و البانجان يا سلام كل نوع أطيب من التاني الله يجزيكي الخير لأنك عم تعرفي العالم كلو على الأطايب اللي بنتميز فيها

  4. منى 5 February 2008

    هلا رينو:)
    بعد زمان القمر ما بان ;) و الله و انا متلك رينو مع اني مو كتير صحبة مع الحلويات , بس هل المربيات ما بقدر قااومها نقطة ضعفي .. كل واحد نغم شكل ..

  5. أم عباده 5 February 2008

    واو اش هالصفحه الخطيرة شي لايقاوم هالمربي كتير طيب والله شهيتيني عليه بس المشكله من وين بدي اجيب نارنج :cry ما ننحرم هالوصفات والله يخليلك الوالده اللي اكيدمثل ماقال المثل طبي الجره على تمه بتطلع البنت لامه :grin

  6. رندوش 9 March 2008

    عزيزتي مربي شهي
    نحن بنسميه مربى خشخاش ولا شو
    نفس الطريقه تقريبا بنعمله
    نبشر الخشخاش وننقعه بماء
    مدة 3 ايام حتى يروح المرار
    ثم يقطع ونزيل البذور واللب
    منه وكل كوب من القشر كوب
    سكر تقريبا وعلى النار
    وبيكون شهي خالص

  7. منى 9 March 2008

    هلا يا أحلى ام عبادة :) و الله معك حق , بس خلص رح خبيلك شوي و بس ما جيت لحلب منقسم المونة بالنص :grin

    الله يسلمك و يخليك ماماتك كمان :)

  8. منى 9 March 2008

    هلا رندوشة :) هي اول مرة بعرف ان اسمه خشخاش , بالفعل نفس الطريقة باختلاف اللف ;)

    نور الموقع بهل الرد الحلو يا عسل و ان شاء الله بحفلتي ببقى بدوءك منه ;)

  9. رندوش 10 March 2008

    هلا منى انا بنتظر الحفله
    شو اساعدك بالاكل :cry
    ولا متفرجه :p

  10. منى 10 March 2008

    طبعا متفرجة , دا انا افرش لك الارض ورد و ياسمين و مربى نارنج و كبة مبررومة :grin , بس اذا جبتيلي كم طبخة فلسطينية من تحت دياتك ما بقول لا :zzz

  11. الدمشقية 15 October 2008

    حبيبتي منى
    أنا من جهتي بحبه كتير هذا المربى
    وطعمته روعة أكتر مربى بناكله لأن طعمته غير شكل
    بس ماما بتسلق لوز وبتقشره وبحط بكل قطعة لوزه طبعاً قبل ما تحطه بالقطر وبتمرر للأبر ولخيط من وسط اللوزة حتى ما تهر بوسط القطر
    تسلم ايدك يا أحلى منى ;)

  12. منى 15 October 2008

    مممم فكرة حلوة كتير , هل التوية رح جربها أكيد , اتخيل رح يصير اطيب :zzz الف شكر ليك على الاضافة

  13. Mays 3 February 2010

    كيفك منى ؟
    عندي سؤال…

    في عندنا محل بيبع مكسرات و بزورات و بن و هيك شي ، لقيت عنده مربى نارنج و اشتريت منه كيلو
    هو صاير ناشف كتير و مافي قطر أبدا يعني متل الفواكه المجففة و كل حبة مغلفة بغلاف نايلون
    الطعمة طيبة كتير و فيه مزة مرار خفيفة بتجنن ، بس أنا ما حبيتو كتير ناشف.
    هلق فيني إعمل آخر خطوة بس بطريقتك ، يعني بس إغليه مع القطر و لا ما غامر :roll

  14. منى 3 February 2010

    شو رايك تجربيلك كم واحدة , اذا عجبتك النتيجة كملي و اذا نو ما بتكوني خسرتي شي ;)

  15. قهوه مُره 7 April 2010

    السلام عليكم…كيف الحال.أتمنى أن يكون الجميع بخير..عزيزتي منى.الطرنج هل قشره بينعمل مربى متل مربى النارنج…أشكرك .وجزاك الله خير :)

  16. منى 8 April 2010

    ما عرفته هادا الطرنج ؟

    ممكن يكون معروف عنا بغير اسم ;)

  17. mimi 11 April 2010

    هون بجده بيئولوا عليه كوملي(على فكره أنا قهوه مره بس غيرت إشتراكي لأنه ماعم يفتح الظاهر عليه مشكله)على فكره منونه ممكن حطله حمض الليمون عوضا عن الليمون :)

  18. ream 19 December 2010

    الله يعطيكي العافية يامنى صورة المربى بتشهي تسلم ايديكي
    أنا هلأ عصرته وعم حليه عندي 36 نانرجة عديتن منشان التزم بالوصفة تمام-كتير خايفة ماينجح معي-طولي بالك علي الله يخليكي-بالسلق شئد تقريبا بياخدو وقت؟خايفة بهالمرحلة أسلقن زيادة ويلينو-وبالقطر شئد بياخدو وقت بالغلي؟هي أول مرة بعمله وما عندي خبرة أبدا طولت عليكي بس بتمنى تساعديني-وشكرا ع تعبك معنا

  19. ream 19 December 2010

    وكمان نسيت قلك عم حلي البشر مفكرة أعمله ع طريقة مربى بشر البرتقال-شو رأيك؟بيطلع طيب متل البرتقال ولا ما عذب حالي فيه؟
    بعرف حالي أكتر وحدة نقاقة هون سامحيني :roll :roll :roll

تقييم الوصفة
عاديةقد أحضرهاجيدةممتازةأكثر من رائعة (No Ratings Yet)