مربى الورد


         وصفة : منى                 2008/07/21                 38 تعليقات
مربى الورد




كيلو ورد
ملعقة كبيرة ملح ليمون
2 كيلو و نصف سكر
6 كوب ماء





• تنزع أوراق الورد بلطف و يتم التخلص من قلب الوردة , الجزء ذو اللون الأصفر .

• توضع الأوراق المنزوعة في مصفاة ذات ثقوب خشنة و تهز المصفاة حتى يتم التخلص من الحبوب الصغيرة ذات اللون الأصفر , تكرر العملية مرتان .

• يوضع الورد في صينية كبيرة مع ملح الليمون و يفرك بين أصابع اليد حتى يذبل و يشكل ما يشبه الكرة و يعصر حتى يستخرج منه العصير الوردي , يحفظ العصير الوردي جانباً .

• توضع الستة أكواب ماء على النار مع أوراق الورد المعصورة على نار هادئة و يترك ليغلي لمدة 10 دقائق .

• يضاف السكر و يحرك حتى يذوب السكر ثم يترك ليغلي لمدة 10 – 15 دقيقة .

• يبعد القدر عن النار و يصب الماء البارد على أطراف القدر الخارجية لخفض الحرارة مع ضرورة الانتباه أن لا تسقط و لا قطرة من الماء البارد على المربى .

• بعد بضع دقائق من صب الماء البارد على أطراف القدر , يسكب العصير الوردي فوق المربى و يحرك حتى يتجانس المربى .

• أصبح المربى جاهزاً يعبأ في مراطبين زجاجية و يحفظ في الفريزر حتى وقت الاستخدام .





  • وصفات تانية ممكن تعجبك


التعليقات

  1. غيث 26 July 2008

    يا عيني عليك على هاللون والمنظر الرائع كاني شايفة طبق مربى من ديات ماميتي اللي بينجح معها كتير الله يسلم هالديات ودليل معلميتك فعلا هو اللون الزاهي اللي بيفتح النفس .حاكم في ناس بتعمله وبيكون لونه غامق ما كتير حلو يعني موكل النسوان معلمين بصنعه وفي ناسب تضيف له ملون يدعى بالقرمز ليكسب هذا اللون القرمزي بس ما شاء الله عليك الله يحميك لونه بيجنن يسلمو هالايدين يا حق وانا بحبه ايضا مع كعك العيد المالح والجبنة والخيار وبالمناسبة رح جرب كعك العيد اللي نزلتيه لنا بس عالعيد لاني هنا ما عبلاقي متل بحلب معجنات لذيذة والله يجزيك الخير على كل شيء

  2. ام نور 30 July 2008

    سلام عليكم منى :) اتمنى ان تكوني بخير شو هالحلو هاد شي بيشهي :p انا اكلتو مرة عند حبيبة قلبي نداء كتير طيب اكيد رح جريو لما انزل على لبنان

  3. منى 31 July 2008

    هلا غيوثة:)
    الله يخليلك ماماتك و يحفظكم لبعض بصحة و عافية يا حق ;)

    سر اللون الي اتعلمته من أم زوجي هو الكوب الي منحفظه من بعد ما نعصر الورد بين دياتنا , و هيك بيطلع اللون يممي من دون اضافات ;)

    ان شاء الله تجربي الكعكات و يكونوا على زووءك , نورتي غيوثة

  4. منى 31 July 2008

    هلا ام نور:)
    الله يزكرها بالخير ندوشة , عم اسمع اخبارها من بعيد , بسال ضحى عنها دايما :zzz

    ان شاء الله تجربيه و يعجبك نورتي ماجي ;)

  5. QasemAlJamal 3 August 2008

    شكرا اخت منى على وصفة المربى اللي رجعتنى لأيام زمان وعن جد يسلموا هل ايدين.
    ممكن تتكرمي و تحطيلنا وصفة شراب الورد؟؟؟

  6. منى 3 August 2008

    هلا فيك أخي قاسم مية هلا فيك بالموقع ..

    أخي بالنسبة لشراب الورد , نحنا ما نعمله بحلب و لا مرة جربت حضره :roll لهيك ما عندي اله طريقة مضمونة و مجربة..

    بس وعد رح حط هل الوصفة ببالي و ان شاء الله إذا جربت وصفة و عجبتني أكيد رح نزلها

  7. حنان 15 April 2009

    ما هو الورد واي نوع الورد

  8. حنان 15 April 2009

    ليش يا اخت منى ما بتردي عليي لاني ضيفة جديدة

  9. منى 16 April 2009

    له يا اخت حنان , اي انا الاخوات الجداد بحطهم بعيوني و على راسي , و الي صار ان انا ما فتت المسوية للنت , بس :roll

    الورد المستعمل هو الورد البلدي , ان شاء الله تجربي الوصفة و اكيدة باذن الله رح تعجبك كتير ;)

  10. حنان 17 April 2009

    يا اخت منىانا من فلسطين مابعرف شو هو الورد البلدي هل هو ورد الجوري الذي نزرعه في البيت

  11. منى 23 April 2009

    هلا حنان :)

    الورد البلدي هو نفسه الورد الجوري بس مو الي بينزرع بالأصيص , بيكون حجمه صغيره و لونه بين الوردي و الأحمر و باذن الله انا بعد اسبوعيين او تلاتة رح حضره لان قرب موسمه , رحصور الك الورد و كل الخطوات لحتى تكون الوصفة واضحة ;)

  12. حنان 9 May 2009

    يلا يا اخت منى خليتنا نحب من دون ما نشوفك الله يديم عليك بالصحة والعافيةيا رب يا منى تعملي شراب الورد الا طلبه االاخ قاسم وشكرا

  13. منى 9 May 2009

    تكرم هل العيون و انا طريقته صارت عندي و طلع ما بده ورد طلع بده ماء الورد , اذا ظبط معي ببقى بنزله و القلب على القلب أختي الغالية ;)

  14. آرام 14 May 2009

    شكراً جزيلاً أختي الكريمة على الوصفة. ومع أني أعرفها من زمان ولكني لم أتجرأ سابقاً على تحضيرها، الفضل لك ولموقعك بأني تشجعت وحضرتها مساء البارحة. ولكن حصل معي شيء أخشى أن يكون أفسد المربى!
    قمت بتنفيذ الوصفة حرفياً حتى الخطوة الأخيرة أي بردت حواف الطنجرة بالماء البارد، ولكن الوقت تأخر ليلاً وكان المربى لم يبرد تماماً فخطر ببالي تأجيل تعبئته في المرطبانات إلى صباح اليوم فغطيت الطنجرة ووضعتها في البراد، وصباح اليوم رفعت الغطاء وإذ بقطرات كثيرة من الماء تسقط من الغطاء فوق المربى!!! لم يخطر ببالي البارحة أن البخار المتصاعد من المربى سيتكاثف ويتجمع على حواف الغطاء!! قمت بتحريك المربى (مع قطرات الماء الواقعة فيه) ثم غطيته مجدداً وأعدته للبراد. سؤالي هل فسد المربى؟

  15. منى 14 May 2009

    هلا فيك أخي الكريم أرام , لا شكر على واجب سعيدة جدا لتواجدك بيننا و لتجربتك كم وصفة من وصفاتي .

    المشكلة الي ذكرتها ما اتوقعها تفسد المربى بشرط حفظ المرطبانات في الفريزر و على كل الأحوال رح أتأكد من فريق الدعم الفني و بعدها ان شاء الله رح رد عليك مرة تانية

  16. محبةالمصطفى ملك 18 May 2010

    السلام عليكم منى امممممممم شو هالمربى الحلو اليوم أنا لسه عملته بس بطريقة مختلفة شوي و طلع طيب كتير بس بتعرفي مشتهية اعمل جنبه كعك أو أوصي زوجي يجيب….أنا بحطله ملون مع انه لونه حلو بس بقولو اذا طول ممك لونه يتغير شوي مشان هيك بحط شوي صغيرة :zzz

  17. منى 19 May 2010

    انا اتعلمت طريقته من دون حمض و اذا كان الورد شغل الباب و منظوم , على قولة الحلبية , ما بده شي :zzz

  18. محبةالمصطفى ملك 21 May 2010

    أنا رح أعمل شراب الورد هاليومين رح أعمله أرسلك الطريقة يا منووووووووووووش ..من زمان كانوا أهلي يعملوا بعدها بطلوا بس كان كتير طيب آخر مرة شربت منه كان عمري6 سنين
    و شو هو الحمض قصدك الملون يعني؟؟
    و الله الورد منظوم و ريحته كتير طيبة

  19. منى 22 May 2010

    خربطت الله وكيلك , عواض ما قول لون قلت حمض

    رح استنى الطريقة منك ان شاء الله :)

  20. محبةالمصطفى ملك 22 May 2010

    ;)

  21. منى 23 May 2010

    :)

  22. سارونات 23 May 2010

    السلام عليكم و رحمة الله و بركاته

    كتير عبالي ساوي هالمربى بس بدي اعرف هل فينا نستبدل ملح الليمون بالملح العادي و هل بيكون خشن او ناعم و كيف اوزن الورد لان ما عندي ميزان هل فيكي تخبريني بالتقريب كم وردة موجودة بالكيلو

    سلام

  23. منى 23 May 2010

    هلا سارونات :)

    بعد زمان عنك , ان شاء الله كله تمام ;)

    ملح الليمون ما فيك تستبدليه بالملح العادي , ممكن بعصير الليمون , اما كم وردة بيطلع بالكيلو فما بعرف نهائيا , ولي اكتر من مية ميتين تلاتميت وردة :roll

  24. الدمشقية 17 February 2011

    مربى الورد لذيذ جداً جداً
    بس بعد اذنك هل مربى زهر الليمون بنفس الطريقة

  25. منال 23 May 2014

    مرحبا ست منى اليوم الصبح ساويت المربى وطلع لونه كتير حلو وطعمه بس قوامه مو متل المربى مع اني تقيدت بطريقتك تماما وكنت كتير مبسوطة بالريحة الحلوة وايدي الي صاروا كتير ناعمين حطيته في وعاءوطلعته على الشمس بركي قوامه بيصير افضل شو زايك خبريني ست منى

    • منى 25 May 2014

      اهليين منال :)
      غريبة ما سمك ، هلا ما في حل غير انك تغطيه بشاشة و تحطيه ع الشمس ليسمك ، و ان شا الله بيزبط

  26. منال 23 May 2014

    ست منى شو اليوم جمعه عطلة خبريني بسرعه والا خربوا عليي

    • منى 25 May 2014

      لا و الله يا منال مو عطلة بس النت كان مقطوع عن حلب ، تاخير مو بالايد :(

  27. شهود هنداوي 17 June 2014

    الله يعطيك العافية يارب ويجعل تعبك كله بميزان حسناتك..
    هلق انا عبجرب ساويه على طريقتك يارب ينجح..
    بس شكله رح يبيض الوجه
    شكرا كتير الك..

    • منى 20 June 2014

      اهليين شهود :)
      ان شا الله بيطلع تمام التمام , و رح استنى رايك حبيبتي

      نورتي الموقع

  28. هوا شامي 7 July 2014

    تسلم ايديك يارب
    عملته اليوم بكرا راح صوره ونزل الصورة صعب اوصف اللون اكتر من رائع الله يرحم يلي عطاكي هل السر

    • منى 7 July 2014

      الله يسلمك و يخليك و يبارك بشغل ايديكي ، الف هنا و صحة و الي علمتني هل السر هي حماتي ، الله يبارك بعمرها :)

  29. الدمشقية 18 August 2014

    ست منى الله يجبر بخاطرك
    بس إذا بدي ساوي المربى بورد يابس في مجال واالا مابيصير
    يعني إذا رطبت الوردات شوي لحتى يصيرو شبه التازه شو رأيك بيصير

    • منى 18 August 2014

      هلا ما بعرف بايا بلد بيعملوا مربى ورد بالورد اليابس ، بس انا للصراحة مو مجربته و ما بقدر فيدك .

  30. رشا 30 April 2015

    مرحبا انا عملتو بس طلعت الطعمة مرة بش ما التزمت بكمية السكر يعني حطيت اقل شو ساوي خليه؟ انو بيظبط ولا كبو؟

    • منى 23 May 2015

      لا مرة معناها نوعية الورد مو مزبوطة، ما اله علاقة السكر :(

  31. هوا شامي 13 June 2018

    كيفك يا منى وين هل الغيبة بتم بفتل على النت وبرجع لوصفاتك عن جد ارجعي ولو بالشهر صحن سلطة بعد آكلاتك ما في

    • منى 25 October 2018

      اهلا وسهلا :)
      ان شالله رجعت وبوصفات دسمة كمان ..شكرا

تقييم الوصفة
عاديةقد أحضرهاجيدةممتازةأكثر من رائعة (6 votes, average: 4.17 out of 5)