مسقعة البطاطا


         وصفة : منى                 2009/03/06                 13 تعليقات
مسقعة البطاطا

·          تقشر البطاطا و تقطع لمكعبات ثم تقلى بالزيت حتى تشقر ثم ترفع على ورق ماص . يمكن قلي البطاطا على طريقة نور للحصول على بطاطا لذيذة و خفيفة السعرات الحرارية .

·          يقلى البصل بالسمنة أو الزيت حتى يطرى , تضاف اللحمة و تقلب على نار متوسطة حتى تنضج و يجف مرقها ثم تتبل بالملح و البهار و القرفة .

·          يضاف معجون الطماطم في حال الرغبة في استعماله و يقلب لمدة دقيقتين أو ثلاثة ثم تضاف البندورة .
يترك المرق حتى يغلي ثم تهدى النار و يترك لمدة عشر دقائق , يضاف بعدها المزيد من الماء , حوالي كوبان و يترك ليغلي .

·          تضاف حبات البطاطا المقلية و بعد أن يغلي الصوص مجدداً يغطى القدر و تهدى النار و تترك حتى تمتص البطاطا أغلب الصوص , كمية المرق لا يجب أن تكون كثيرة حتى تبقى حبات البطاطا محافظة على شكلها .

·          تقدم المسقعة ساخنة أو فاترة مع الخبز العربي و الفليلفة الحرّة و الفجل .




كيلو بطاطا
ثلث كيلو لحمة مفرومة
ملعقة كبيرة سمنة أو 5 ملعقة كبيرة زيت زيتون
حبة كبيرة بصل مفروم ناعماً
4 – 5 حبة بندورة مقشرة و مفرومة ناعماً ( استعملت البندورة المحفوظة من الصيف )
معجون البندورة حسب الحاجة
ملح
نصف ملعقة صغيرة بهار مشكل
رشة صغيرة قرفة





• تقشر البطاطا و تقطع لمكعبات ثم تقلى بالزيت حتى تشقر ثم ترفع على ورق ماص . يمكن قلي البطاطا على طريقة نور للحصول على بطاطا لذيذة و خفيفة السعرات الحرارية .

• يقلى البصل بالسمنة أو الزيت حتى يطرى , تضاف اللحمة و تقلب على نار متوسطة حتى تنضج و يجف مرقها ثم تتبل بالملح و البهار و القرفة .

• يضاف معجون الطماطم في حال الرغبة في استعماله و يقلب لمدة دقيقتين أو ثلاثة ثم تضاف البندورة .
يترك المرق حتى يغلي ثم تهدى النار و يترك لمدة عشر دقائق , يضاف بعدها المزيد من الماء , حوالي كوبان و يترك ليغلي .

• تضاف حبات البطاطا المقلية و بعد أن يغلي الصوص مجدداً يغطى القدر و تهدى النار و تترك حتى تمتص البطاطا أغلب الصوص , كمية المرق لا يجب أن تكون كثيرة حتى تبقى حبات البطاطا محافظة على شكلها .

• تقدم المسقعة ساخنة أو فاترة مع الخبز العربي و الفليلفة الحرّة و الفجل .
  • وصفات تانية ممكن تعجبك


التعليقات

  1. غيث 7 March 2009

    كيفك ميمو يسلملي هالطلةالحلوةباعتزاز لهالمسلمة المحجبة والمكملة معها ماشاء الله عليك الله يزيدك من نعيمه واكلتك هي بتشهي وتغيير شكل والله هاليومين رح اجربها اذا راد الله منى بدي اسألك الكبة بالصينية عم يحمروا الحواف معي كتير لدرجةغامقة ولما بطالعها من الفرن بشوف ان اسفل القطع مو مستوي منيح وكتير عم تتكرر معي وما كان هيك يصير سابقا شو السبب وكمان احيانا ما بتكون متماسكة مع بعضها يعني بينفصل السطح عن العقب فيها وسؤال اخير الكبة المقليةانا بعملها وبفرزها دون قلي وعند استعمالها بقليها عبتطلع طيبة بس من برا عبتغمق ومن جواكأني قلب الدرويش ني شو اعمل مع اني كانو ينجحو معي كتير وما غيرت بطريقتهم سابقا ليش هيك صاير علما انني اعملهم على طريقتك وكتير نجحو اول الامر واسفة على الاطالة ارجو افادتي الله يخليك

  2. ام نور 7 March 2009

    الله يرحم ابوك ويخليلك امك يا رب ويفرحك باولادك الحلوين امين ;) هالاكلة من الاكلات التقليدية القديمة والطيبة كتير نحن منعملا احيانا بدون لحمة مع نفس المقادير واحيانا بلحمة حسب بس منسميا بطاطا مدبلة :)

  3. منى 7 March 2009

    هلا غيوثة :)
    هادا بس من زووءك يا قمر الله لا يحرمني من هل الطلة و لا الاخوة الحلوة

    ان شاء الله تجربيها و تعجبك

    الكبة الصينية يا ترى عم تخبزيها على ايا رف ؟ المفروض ان يكون الرف الوسط على درجة 180 و باستعمال صينية المنيوم مو تيفال و يكون الفرن محمى شي 5 دقايق قبل ما تدخلي الكبة عليه .

    تماسك الكبة معناها انك ما عم تدقي على الكبة منيح بس ما خلصتيها , بعدم ما تحطي الطبقة التانية لازم تضربي عليها بضربات وسط لحتى تلزق منيح و ممكن كمان ان تخفقي بيضة نية مع الحشوة لحتى تبقى الطبقتان ماسكالت على بعض ;)
    و هل الرطوبة ممكن تصير معك اذا كنت عم تفرزي الكبة , و الا يا ترى هل المشكلة مع الكبة التازة ؟

    شو كمان ؟ الكبة المقلية السبب هو التفريز , بطالعيها و بتقليها فوراً و النار بتكون وسط لقوية شوي و ما بتكتري الاقراص بكل مرة و ان شاء الله كله رح يرجع تمام ;)

  4. منى 8 March 2009

    هلا ام نور :)
    الله يرحمه و يرحمنا و يرحم كل اموات المسلمين , ربي يخليلي ياكي على الدعوات الغالية , الله يفرحك باولادك انت كمان و تشوفيهم ملو العين و البصر ;)

    ممم , بقى كمان انتو بتعملوها في لبنان , و كمان بتتحضر بتركيا , شي طيب و لا ألذ و اسمه كمان حلو عندكم 8)

  5. ام نور 8 March 2009

    تسلملي عينك كلك زوء بس عندي سؤال منى عن القالب الكاتو الذي في اول الصفحة شو قصتو شكلو بيشهي يا ترى وصفتو نازلة ولا رح تنزليا :p

  6. غيث 9 March 2009

    يا ستي الله يعطيك العافية على اهتمامك و ردك يلي بيبل القلب بكل زوق وحكمة ميمو الكبة بصينية حتى وهي تازة احيانا عبتنفصل ومو كلها بعض القطع منها سؤال اخير الكبة المقلية اقليها نصف قلية وافرزها افضل ولا افرزها بدون قلي ثم بقليها عند الاستعمال والله احترت كنت افرزها وقليها عند الاسنعمال وتطلع منيحة ليش تغيرت الاحوال ما بعرف سبحان الله وخاصة لما الواحد بده يجيه ضيوف بتصير الامور بالضد يالله الحمد لله اسفة اطلت عليك وكترت الاسئلة بس والله محتارة بامري وما حدا بيعرف يحل المشاكل بالطبخ الا فنانتنا منى الرائعة بخبرتها شكرا لك

  7. منى 10 March 2009

    الفصل غيوثة ما اله علاقة ان الكبة تازة أو غيره , هي حلها اما بالطرق الكتير أو بالبيضة ;)

  8. عبير 11 March 2009

    والله اكلة خفيفة وسريعة التحضير وبتشهي الله يعطيك العافية

  9. منى 24 March 2009

    هلا ام نور :)
    لا الصراحة وصفتو ما نزلت لسا , يلا رح نزلها هل اليوميين ان شاء الله ;)

  10. منى 24 March 2009

    هلا غيوثة :)
    حبيبتي لمن بتفصل الكبة معك ما الها علاقة ان تازة او غيره , هي بيكون من قلة الدق :grin

    الكبة المقلية تفرزيها من دون قلي بس بشرط ان لمن تجي تطالعيها من الفريزر للقلي مباشرة وز رح تطلع كتير طيبة ان شاء الله

    ربي ييسر امورك و تكون العزيمة ميسرة و خليلي عينك يا ام الزووء كله

  11. منى 24 March 2009

    هلا عبورة :)
    ان شاء الله تجربيها و تكون طعمتها كمان متل ما بتحبي ;)

  12. سارونات 14 May 2009

    السلام عليكم و رحمة الله و بركاته

    فرحت كتير بالقصة خصوصا انها بتتعلق بالحجاب
    جازاك الله خيرا اختي منى و ان شاء الله ببقى جربها شي مرة عجبتني فكرة قليها بالطريقة الاخف بدي اسأل اذا هالطريقة بتنفع لموساكا البطاطا او لا

    اختي منى شو هو الطبق التاني اللي جنب طبق مسقعة البطاطاهل هو اسكالوب الدجاج
    بالتوفيق
    سلام

  13. منى 17 May 2009

    هلا سارونات :)
    اكيد بتنفع و ان شاء الله تجربيه و يعجبك ;)

    الطبق الي بجنب الوصفة هو فيليه سمك بانيه , يمم شو كان طيب

تقييم الوصفة
عاديةقد أحضرهاجيدةممتازةأكثر من رائعة (No Ratings Yet)