معجوقة


         وصفة : منى                 2008/02/22                 11 تعليقات
معجوقة

·          يطلب من اللحام فرم اللحمة مع الدهنة فرماً ناعماً بحيث يضاف لكل كيلو من اللحم الهبر ما يعادل 150 أو 200 غرام من دهن لية الخاروف , لا تخفف كمية الدهنة لأنها ستعطي مذاقاً لذيذاً للحم المشوي .

·          تدعك اللحمة مع الدهن و البهارات و يضاف القليل من الملح لمراعاة ملوحة الجبنة .

·          تخلط مقادير  الحشوة و توضع جانباً .

·          تبلل اليدان بالماء البارد و تقطع اللحمة لكرات كبيرة .

·          يحضر طبق مسطح كبير و يقلب ثم يغطى بورق نايلون و يبلل بالقليل من الماء .

·          توضع إحدى كرات اللحمة فوق الطبق و تضغط بطبق أخر لتشكيل دائرة مستوية , تكرر العملية للحصول على دائرة أخرى .

·          تغطى احدى الدائرتان بثلاث أو أربع ملاعق من الحشوة حسب حجم الدوائر مع ترك مسافة حول الحواف ثم تغطى بالدائرة الثانية المجهزة و يضغط على الحواف للصق الدائرتين ببعضهما .

·          أصبح أو قرص من المعجوقة جاهز , تكرر العملية حتى تنتهي لدينا كل كمية اللحمة و الحشوة .

·          يحمى الفحم و يوضع فوقه مشبك , تشوى أقراص المعجوقة على الوجهين حتى تنضج و تقدم مع الخبز العربي و البندورة و الفليفلة و البصل المشوي .

 

 




كيلو لحمة غنم مفرومة مدهنة
ملعقة صغيرة بهار مشكل
رشة قرفة

الحشوة :

ربع كيلو جبنة بيضاء ( مزيج من الجبنة العادية و الجبنة الحلوم )
قبضتان من الجبنة الصفراء المبشورة
جوز مفروم خشن
فطر مفروم
ملعقة صغيرة فليلفة حمراء ناعمة أو أكثر و يفضل استخدام الفليلفة الحرّة





• يطلب من اللحام فرم اللحمة مع الدهنة فرماً ناعماً بحيث يضاف لكل كيلو من اللحم الهبر ما يعادل 150 أو 200 غرام من دهن لية الخاروف , لا تخفف كمية الدهنة لأنها ستعطي مذاقاً لذيذاً للحم المشوي .

• تدعك اللحمة مع الدهن و البهارات و يضاف القليل من الملح لمراعاة ملوحة الجبنة .

• تخلط مقادير الحشوة و توضع جانباً .

• تبلل اليدان بالماء البارد و تقطع اللحمة لكرات كبيرة .

• يحضر طبق مسطح كبير و يقلب ثم يغطى بورق نايلون و يبلل بالقليل من الماء .

• توضع إحدى كرات اللحمة فوق الطبق و تضغط بطبق أخر لتشكيل دائرة مستوية , تكرر العملية للحصول على دائرة أخرى .

• تغطى احدى الدائرتان بثلاث أو أربع ملاعق من الحشوة حسب حجم الدوائر مع ترك مسافة حول الحواف ثم تغطى بالدائرة الثانية المجهزة و يضغط على الحواف للصق الدائرتين ببعضهما .

• أصبح أو قرص من المعجوقة جاهز , تكرر العملية حتى تنتهي لدينا كل كمية اللحمة و الحشوة .

• يحمى الفحم و يوضع فوقه مشبك , تشوى أقراص المعجوقة على الوجهين حتى تنضج و تقدم مع الخبز العربي و البندورة و الفليفلة و البصل المشوي .



  • وصفات تانية ممكن تعجبك


التعليقات

  1. Eman 22 February 2008

    يا سلام على هالأكلة الفخمة ،كانت جاي عبالي من كم يوم ،بس ما كنت أعرف طريقتها :sigh .

    وهلأ صارت الطريقة عندي وصار فيني أعملها :p .

    بس عندي سؤال ،شو هي الجبنة الحلوم والجبنة العادية؟؟وشو الشبيه إلهن من أجبان ممكن أستخدمها؟؟

    أنا دقت هالمعجوقة بمطعم بقلعة سمعان،وكانت طيبة ،بس كأنو كان حاطت لها برغل،شو رأيك؟؟

    أنا بدي أعملها على أصولها من تحت دياتك الحلوين ،الله يخليلنا ياهن.

  2. منى 23 February 2008

    هلا أمولة :) الجبنة الحلوم هي جبنة مجدولة بتصير تمط لما بتسخن , و الجبنة العادية هي الجبنة المسنرة العادية الي مناكلها كل يوم على الفطور بحلب :zzz

    كلامك مظبوط ممكن تخلطي مع اللحمة شي كاسة برغل منقوع و مفروم على الماكينة مرتان أو تلاتة و الصراحة بالطريقتيين طيبيت , بس انا متعودة حضرها هيك ;)

    نورتي أمولة و ان شاء الله إذا جربتيها تخبريني :)

  3. omtasneem 23 February 2008

    :roll مشكورة عزيزتي عل الاكلة الطيبة بس الي مداخلة بلا تعليم انا بحط مع الحشوة فليفلة ملونة كمية قليلة مشان تعطي لون حلو بضيفلها شوية لوز وصنوبر تسلم دياتك الحلوين ومشكورة على مجهودك الباين وبتمنى تقبلي مداخلتي

  4. منى 23 February 2008

    سلامة قلبك نورا يا عسل :) ان شاء الله صحتين و هنا مقدما , انا كمان ما كتير بحب المشاوي الا كم شغلة , بس هل المعجوقة اذا كانت على أصولها شو بتطلع طيبة ;)

  5. نورا 23 February 2008

    شو هادا يا منى ؟؟؟ فرط قلبي على المعجوقة :cry مع انه انا مالي كتير من انصار المشاوي بس فعلاً اشتهيت عليها…
    على كل اكلي اليوم سمك وإن شاء الله قريباً جداً رح يكون معجوقة.

  6. omtasneem 24 February 2008

    :upset السلام عليكم ورحمة الله وبركاته عزيزتي منى انابعملا متل طريقتك تماما بلا برغل لاني بحس انوهيك اصولة والطريقة الاصلية الا

  7. منى 24 February 2008

    هلا أم تسنيم :)
    و الله فكرة بتجنن هل الفليلفة في الحشوة , رح جربها المرة التانية إذا الله راد ;) , يا ترى أختي انت بتحطي برغل مع اللحمة و الي بمتل طريقتي ؟

  8. أم عباده 24 February 2008

    يا سلام الله يعطيك العافيه
    بس نفسي يكون عندي مكان للشوي لحتى أقوم اعملها حالا والله أكتر من رائعه تسلم دياتك وما يأمر عليك ظالم والله يخلينا هالطباخه الاموره :grin
    والله يحط هالاكلات بميزان حسناتك
    الله يجزيك كل خير

  9. منى 27 February 2008

    مية أهلا و سهلا أم عبادة و ان شاء الله تكون الوصفة على زووءك و تجربيها و تعجبك :)

  10. لميا 11 July 2009

    يعطيكي الف عافيه بس ياريت كان في صور للتوضيح لانو هايدي اول مره بسمع بهيك اكله بس هيئته كتير طيبه
    ميرسي كتير لالك

  11. منى 11 July 2009

    هلا لميا :)
    تكرم عيونك اول ما حضرها عن جديد رح نزل صور توضيحية الها , و اتمنى بعدها تجربيها و تعجبك ;)

تقييم الوصفة
عاديةقد أحضرهاجيدةممتازةأكثر من رائعة (No Ratings Yet)