معجون الفليفلة على الطريقة الأرمنية


         وصفة : منى                 2007/06/12                 14 تعليقات
معجون الفليفلة على الطريقة الأرمنية

·          يجب اختيار مزيج من الفليفلة الحمراء الحلوة و الحرّة حسب الذوق , بالنسبة لي استخدم  استخدم أغلب الكمية من الفليلفة الحلوة مع بضع قرون من الفليفلة الحرّة .

·          تغسل حبات الفليفلة و تقسم إلى نصفين و يتم التخلص من البذور ثم تسلق لمدة 15 إلى 20 دقيقة حتى تطرى .

·          تقشر الفليفلة بسهولة بعد سلقها ثم تطحن بالخلاط حتى تصبح ناعمة تماماً .

·          يوضع معجون الفليفلة في صينية كبيرة مسطحة و توضع في الشمس الحادة لمدة يوم كامل كي يتم التأكد من تبخر كل الماء .

·          أصبح معجون الفليفلة جاهزاً , يمزج بالملح حتى تكون طعم الملح ظاهراً نوعا ما و ذلك لحفظه من العفن ثم يعبأ في مرطبانات صغيرة و يمكن أن يغطى الوجه بزيت الزيتون و تحفظ في الفريزر .  





2 كيلو فليفلة حمراء
ملح خشن
3 ملعقة كبيرة زيت زيتون





• يجب اختيار مزيج من الفليفلة الحمراء الحلوة و الحرّة حسب الذوق , بالنسبة لي استخدم استخدم أغلب الكمية من الفليلفة الحلوة مع بضع قرون من الفليفلة الحرّة .

• تغسل حبات الفليفلة و تقسم إلى نصفين و يتم التخلص من البذور ثم تسلق لمدة 15 إلى 20 دقيقة حتى تطرى .





• تقشر الفليفلة بسهولة بعد سلقها ثم تطحن بالخلاط حتى تصبح ناعمة تماماً .

• يوضع معجون الفليفلة في صينية كبيرة مسطحة و توضع في الشمس الحادة لمدة يوم كامل كي يتم التأكد من تبخر كل الماء .






• أصبح معجون الفليفلة جاهزاً , يمزج بالملح حتى تكون طعم الملح ظاهراً نوعا ما و ذلك لحفظه من العفن ثم يعبأ في مرطبانات صغيرة و يمكن أن يغطى الوجه بزيت الزيتون و تحفظ في الفريزر .
  • وصفات تانية ممكن تعجبك


التعليقات

  1. ام نور 29 August 2007

    الف شكر

  2. منى 29 August 2007

    مية أهلا و سهلا فيك أختي ام نور أخت جديدة و عزيزة :)

  3. ام عمر 2 February 2009

    اختي منى ضروري ننرها بالشمس؟؟؟؟؟ :roll
    هون عندي مافي شمس :cry
    وتسلم ايدك مقدماااااااااا

  4. منى 2 February 2009

    أختي رفقاتي بانكلترا بينشفوها في الفرن على نار اهدى ما يمكن لحتى تتبخر منها المي و تنشف و الا رح تحمض و تنتزع كل الوصفة :)

  5. ام عمر 4 February 2009

    ان شاء الله رح جرب نصيحتك
    الله يجزيكي كي خير
    قديش بدها بالفرن ؟؟؟؟؟؟ اكيد رح تشلفيني بحجر على اسئلتي يلي ما بتخلص
    على فكرة انا ببلجيكا :x

  6. منى 4 February 2009

    له يا اختي ام عمر , انا تحت الامر و بالخدمة دوما و اسئلتك على العين و الراس :)

    يا ستي بتنوري و الله يرجعك من الغربة سالمة و غانمة و الله يربط على قلبك و يقوي الايمان الي فيه لان الغربة مو سهلة :roll

    الصراحة ما عندي فكرة تمام , بس اتوقع ان الفترة رح تكون طويلة يعني ممكن ساعة او أكتر بس حطي بعينك ان النار أخف أخف الشي ممكن يكون , يعني متل ضو الشمعة :grin و انت بتبقي بتقلبيها كل شوي لحتى تصير ناشفة متل ما بتحبي , بس رح يكون اللون شوي غامق

  7. ام عمر 5 February 2009

    روحي الله يجبر بخاطرك يا رب على هالدعوات الحلوة
    والله رغم اني ما شفتك الا انو حبيتك من وقت ما كنت شوف مشاركاتك بعالم حواء ومنتدي لك
    الله يخليكي لعيلتك لانو ما شاء الله كنز :zzz :zzz :zzz

  8. منى 5 February 2009

    القلب على القلب ام عمر :) و ان شاء الله تستفيدي من هل الوصفة و تجربيها و تعجيك ;)

  9. dody 11 June 2009

    صباح الخير
    وشكرا كتيرلإلك على الوصفة
    بس بدي اسألك ازا ما بدي احفظ المرطبانات بالفريزر ..بكون في مشكلة؟؟وللا لاء :)
    وشكرا

  10. منى 11 June 2009

    هلا اختي :)
    لازم في الفريزر و حتى مو بالبراد , بالفريزر و الا بتحمض و بيطلع عليها عفن :roll

  11. سندس 21 January 2011

    سويته مرتين لحد الان وبصراحه حبيته مره صرت ادهنه على الخبز العربي مع شوي ثوم مدقوق واورغانو واحمصه تحت الشوايه يمي مره طعم واحيان اكله مع الجبنه او اللبنه :)

    وان شاء الله بجرب اسوي اضنه كباب و اضيفه له لاني مره حبيت الاضنه كباب يوم زرت تركيا

    على فكره
    انا اجففه في المجففه dehydrator بدال الشمس انظف لي خاصه اننا في السعوديه اغلب الوقت عواصف غباريه الله يرحم حالنا :roll

  12. منى 21 January 2011

    ان شاء الله الف الف صحة و هنا , بتعرفي اديه انبسطت من ردك , لان اتشجعتي و جربتيه و كمان حبيتيه , بالفعل اساسي في المطبخ و استخدمه في اغلب وصفاتي

    صحة سندس و شكرا للاضافة ;)

  13. iamprettymemo 11 April 2011

    السلام عليكم
    لو سمحتي اختي منى عندي سؤالين :
    الاول : يا ترا منسلقها وبعدين منطحن الفليفلة مع البذور ولا منكب البذر قبل السلق ؟
    التاني : هل ضروري حط الاطرميزات بالشمس بعد ما عبيها؟ لانو ما في مجال اعمل هالخطوة عندي :(

    ومشكووووووووووورة

  14. منى 11 April 2011

    هلا فيك اختي :) منورة الموقع

    الفليفلة منشيل منها البذر و بعدها نسلقهاو بعدها نقشرها و نطحنها
    المزيج نمده على صواني و نجففه بالشمس قبل تعبيته بالمرطبانات ;)

    متل ما قالت الاخت سندس ممكن تجففيف في المجففة , و اذا مو متوفرة فممكن تشعلي الفرن على اقل عيار ممكن و تحطي الصواني على اعلى رف مع فتح الفرن بشكل خفيف و تخليهالحتى تجف , رفقاتي ببريطانيا بيعملوا هيك لان ما في عندهم شمس

تقييم الوصفة
عاديةقد أحضرهاجيدةممتازةأكثر من رائعة (No Ratings Yet)