معكرونة باللحمة


         وصفة : منى                 2007/04/16                 26 تعليقات
معكرونة  باللحمة
500 غ معكرونة سباغيتي
نصف كوب زيت زيتون
بصلتان كبيرتان
نصف كيلو لحم مفروم
2 - 3 ملعقة كبيرة صلصة البندورة
كيلو بندورة ناضجة
6 كوب ماء أو مرق
نصف ملعقة كبيرة بهار مشكل
رشة قرفة
ملح • يفرم البصل ناعماَ ثم يقلى بالزيت حتي يشقر لونه .

• تضاف اللحمة و تقلب مع البصل و تفكك بالملعقة أثناء تقليبها كي لا تتكون كتل كبيرة حتي يحمر اللحم و يجف كل مرقه ثم يتبل بالبهارات ثم تضاف صلصة البندورة و تقلب مع اللحمة لمدة 5 دقائق .

• تقشر البندورة و توضع في خلاط العصير حتى تصبح بيوريه ناعمة ثم يضاف العصير إلى قلية اللحمة و البصل مع الماء أو المرق و تترك الصلصة على النار حتى تتسبك لمدة 20 دقيقة تقريباً . إذا لم تتوفر البندورة الطازجة تضاف ملعقتين أو أكثر إضافيتان من رب البندورة لتقلية اللحمة . تسبيك الصلصة سر من أسرار هذه الوصفة لأن إذا لم تتركيها تتسبك أصبحت معكرونتك بلا طعم أو نكهة .

• أثناء تسبيك الصلصة تسلق المعكرونة لمدة عشر دقائق ثم ترفع من ماء السلق و تضاف للصلصة من دون غسل و تقلب ثم يغطى القدر و تترك المعكرونة على النار الهادئة حتى تمتص المرق ثم تقدم ساخنة .
  • وصفات تانية ممكن تعجبك


التعليقات

  1. سارونات 22 October 2008

    السلام عليكم و رحمة الله و بركاته
    اختي منى كان بدي اسالك ازا بتعرفي وصفة طيبة لسباغيتي بكرات اللحمة
    بالتوفيق
    سلام

  2. منى 23 October 2008

    اكيد اختي , بس هلأو الله مو فاضية نزل شي :roll على رواءة اذا الله راد رح نزلها

  3. سارونات 28 November 2008

    السلام عليكم و رحمة الله و بركاته
    شكرا لانك شاركتينا ذكرايتك عطول بنطر شو بتكتبي بمقدمة كل طبخة لان بحس كانك قدامي و عم نحكي و لكل طبخة حكاية و لما بتحكيها بعفويتك هالشي بيحببني اكتر بالطبخة
    معك حق في تفكيرك باستبدال السمنة بزيت الزيتون لانه اصح و انا عن نفسي ما بطبخ بالسمنة ابدا
    انا ناطرة وصفة المعكرونة بكرات اللحمة لان عبالي جربها اول شي و بعدين هي او يمكن جرب هي بالاول لساتني ما قررت :?
    ربنا يوفقك و يسهل دربك
    سلام

  4. رنا 28 November 2008

    ياعيني شو هالوصفة الحلوة والسهلة والطيبة
    انا بصغري اهلي ماكانوا يطبخو غير هالنوع هو ومالمعكرونة بلبن وكنت فكر مافي غير هالنوعين بالفعل وصفة مميزة وسردك للاحداث اللي صارت معك رائع وشييق حسيت كلامك بادق التفاصيل كتير بيشبه كتابتي
    لانه انا من صف التاسع عندي دفتر مذكرات وبكتب فيه الشغلة اللي بتأثر فيني بأدق تفاصيلها وكل مابتدايق بفتحه وبقرأ فيه ….بضحك …بقول الحمد لله اليوم احسن من مبارح ;)

  5. فلسطينية بقطر 28 November 2008

    أنا عضوة جديدة وبيعجبني طبخك يا ست الستات فتقبليني عضوة في الموقع

  6. ام محمد 28 November 2008

    ماشاء الله عليكي وعلى قصصك الحلوة الله يخليلك عيلتك ويديمكم لبعض :) بالنسبة للمعكرونةبتشهي
    وانا كمان ما بطبخ بالسمنة الا طبخات معينة وبستخدم زيت الذرة بس اذا بالزيتون اطيب وانفع راح اطبخ فيه وجزاك الله عنا الف خير

  7. سلاف 29 November 2008

    مممممممم شو هدا منى :?
    والله شيئ بشهي00 يسلم ايديكي ياغاليه
    هو فعلا الطبخ بزيت الزيتون صحي أكتر وانا من زمان مابطبخها الا بزيت الزيتون بس مع اضافاتك ورشة القرفه أكيد بصير الطبق غير شكل يسلم اديكي منى00
    بتعرفي والله لما بشوفك منزله وصفه جديده اول شيئ بفكر ياترى شو كاتبه منى مقدمه للوصفه بعدين بفكر شو فيها الوصفه كتير بيعجبني اسلوبك بتقديم وصفاتك وعنجد احيانا بتخلينا نتذكر ذكريات النا ونحن صغار وايام البسكليتات ماكانت تخطرلنا00 عنجد منى انتي مميزه بكل شيئ ماشاء الله عليكي الله يحميكي ويحفظك يارب 000
    على فكره منى انتي ذاكره بالطريقه بندوره ومنقشرها بس بالمقادير مو كاتبتيها :roll
    يسلموووو مره تانيه

  8. منى 29 November 2008

    هلا سارونات :)
    و عليكم السلام و رحمة الله و بركاته , هادا بس من زووءك أختي , انا بحب الاكل يكون خفيف لهيك ممكن قلل من استعمال السمنة , زيت الزيتون استعمله اما بقية زيوت الذرة و دوار الشمس نادر ما استعملهم , مااا بحبهم

    ان شاء الله الوصفة رح جهزها الك قريب , مية هلا اختي

  9. منى 29 November 2008

    هلا رنونة :)
    انا امي ما بتحب المعكرونة لهيك النوع الوحيد الي كانت تعمله ما بعرف شو اسمه بس قريب لهل المعكرونة بس … يلا خليني ساكتة احسن ما تزعل :grin
    الحمد لله على اليوم و على امبارحة , و انا كمان من صف التامن عندي دفتر , بس هلا على المشاغل و الاولاد صار قليل ما اكتب فيه

  10. منى 29 November 2008

    هلا فلسطينية :)
    مية اهلا و مية سهلا فيك بالموقع بينور الموقع باغلى أعضاء ..
    ان شاء الله تبقي معنا على طول أختي ;)

  11. منى 29 November 2008

    هلا ام محمد :)
    و يديم احبابك و الغاليين عندك أختي .
    جربيها بزيت الزيتون , عن جد تحفففة , انا عن نفسي اما سمنة حيواني أو زيت زيتون أما كل شي مهدرج , نووو
    تبقى خبريني اذا جربتيها أختي :zzz

  12. منى 29 November 2008

    هلا سلاف :)
    الف هنا ,معك حق و الله تطبخيها بزيت الزيتون , غيرر شكل
    الله يرحم الايام الحلوة الي كان اكبر همنا فيها ايمتى نخلص الوظايف و نبدى شقاوة و عفرتة على بيت الجيران :grin
    تسلمي سلوفة هادا بس من زووءك و الف شكر الك على الدعوات الغالية , ان شاء الله الك متلها انت و حبابك ;)

    ممم نسيت البندورة , هلا تم تعديل الوصفة , الف شكر الك على التنبيه :zzz

  13. تورتاية بالكريز 29 November 2008

    وصفة ولااشهى وكلام ولااحلى ومن بيحكي احلى من الحبايب السوريين الله يسعد حظي بيوم من الأيام وازوركم واشوف بلدكم الحلوة عن قريب وازورك ياقمر حلب انت مش بس شيف ماهرة كمان رقيقة وحساسة وكلامك حلوة ومرتب كلنا بنحن للماضي واحنا فراشات خفيفة من غير مسؤوليات وبنتدلع باحضان ابائنا وامهاتناوعماتنا وخالاتنا الله يحفظهم جميعا
    الف شكر ياسكرة حلب الجميلة

  14. منى 30 November 2008

    هلا بالعسل ام ياسمين :)
    بتنور سوريا و اذا ما شالتك الارض بشيلك بعيوني يا عسل :zzz
    هادا بس من زووءك , الله يحفظهم و يديمهم بصحتهم و عافيتهم
    الشكر الك حبيبة قلبي
    و مية اهلا و سهلا

  15. سارونات 2 December 2008

    السلام عليكم و رحمة الله و بركاته
    اختي منى اناعندي خيارين بالنسبة للبندورة و ما عرفت ايهما انسب و بدي اعرف رأيك
    الاول عندي بندورة بس برتقالية اللون شوي و عندي بندورة حمراء بس مثلجة فايهمااختار او الاثنين ما بينفعو لان عم بحكي عن هالسباغيتي و عن باقي وصفات السباغيتي بالموقع
    بالتوفيق
    سلام

  16. منى 2 December 2008

    اذا كانت البندورة هلأ ناضجة شو ما كان يكون لونها فيك تستعمليها , و حتى المتلجة كمان ممكن تستعمليها , المهم انك تغلي الصوص منيح لحتى يتسبط ;)

  17. سارونات 27 February 2009

    السلام عليكم و رحمة الله و بركاته

    ساويتها اليوم و طلعت طيبة كتير بس ما طلع لونها كتير احمر لان ما خليتها تتسبك منيح بس الطعمة طلعت كتير طيبة

    و انا ناطرة وصفة السباغيتي بكرات اللحم لما بتقدري

    بالتوفيق
    سلام

  18. حنان 27 May 2009

    السلام عليكم اختي منى كيف الحال انا طبخت المعكرونه م باللحمه وطلعت معي لذيذه وطيبه كثير وتسلم ايديك على الطبخات واولادي بيقول شو هالخاله منى مااشطرها بالطبخ واولادها مبسطون كتير على هالام

  19. منى 28 May 2009

    هلا سارونات :)
    صحة و الف عافية على كل لقمة :) و ان شاء الله الوصفة رح نزلها قريب

  20. منى 28 May 2009

    هلا حنان :)
    يييي خليلي قلبهم شو بيغرفوا القلب بوساتي الهم واحد واحد , اله يخليلك ياهم و يحفظهم و ان شاء الله تشوفيهم متل ما بتحبي و احسن في الدنيا و الاخرة ;)

  21. م نور 1 February 2010

    حبيبتي منى
    هون حاطين 6كاسات مي كلها بتخلطا مع البندورة
    ما بعرف لقيت الرقم كبير لينشف ويتسبك على قولتك
    بس حابة اتاتكد منك يا حلوة
    وشكار سلف

  22. منى 2 February 2010

    هلا نور :)
    مو كتيرة ان شاء الله , لان كمية المعكرونة نص كيلو , بقى يا دوبها يبقى فيها شوية مرقة

    على كل فيك تجربي ربع الكمية من الوصفة لحتى تشوفي اذا هي على زوءك او لا :zzz

  23. م نور 4 February 2010

    شكرا لردك السريع
    والله يجزيك خير

  24. منى 18 March 2010

    :)

  25. ريم السيد 20 April 2010

    :sigh

  26. منى 20 April 2010

    :?

تقييم الوصفة
عاديةقد أحضرهاجيدةممتازةأكثر من رائعة (No Ratings Yet)