معكرونة بيني بصوص الفليلفة


         وصفة : منى                 2007/07/19                 23 تعليقات
معكرونة بيني بصوص الفليلفة

·          تذوب الزبدة و الزيت على نار متوسطة , يقلى البصل حتى يصبح شفافاً ثم تضاف الثوم و الفليلفة و الفطر و تقلب الخضار لمدة 5 دقائق تقريباً .

·          تضاف البندورة و المرقة و تتبل بالملح و البهار و بعد أن تغلي تهدى النار و تترك الصلصة حتى تسمك قليلاً .

·          بينما تتسبك الصلصة , تسلق المعكرونة بالماء المملح و ترفع و هي لا تزال قاسية و لم تنضج بشكل كامل ثم تصفى من الماء و توضع فوق الصلصة  ( من دون غسل بالماء البارد ) و تترك حتى تغلي لمدة 5 دقائق .

·          تضاف القشطة و تقلب و تترك لبضع دقائق ثم تسكب في طبق التقديم و ترش بالجبنة و الريحان و تقدم فوراً .

 



علبة معكرونة بني ( 500 غ )
ملعقة كبيرة زبدة
ملعقة كبيرة زيت
2 حبة متوسطة بصل مفروم ناعماً
4 فص ثوم
2 حبة كبيرة فليلفة حمراء
كوب فطر
6 حبة كبيرة بندورة مقشرة و منزوعة البذور و مفرومة ناعماً
نصف ملعقة صغيرة زعتر أخضر
ملح و بهار مشكل
2 كوب مرقة
نصف كوب كريما أو علبة قشطة


للتقديم :

جبنة بارمزان
ريحان مفروم





• تذوب الزبدة و الزيت على نار متوسطة , يقلى البصل حتى يصبح شفافاً ثم تضاف الثوم و الفليلفة و الفطر و تقلب الخضار لمدة 5 دقائق تقريباً .

• تضاف البندورة و المرقة و تتبل بالملح و البهار و بعد أن تغلي تهدى النار و تترك الصلصة حتى تسمك قليلاً .

• بينما تتسبك الصلصة , تسلق المعكرونة بالماء المملح و ترفع و هي لا تزال قاسية و لم تنضج بشكل كامل ثم تصفى من الماء و توضع فوق الصلصة ( من دون غسل بالماء البارد ) و تترك حتى تغلي لمدة 5 دقائق .

• تضاف القشطة و تقلب و تترك لبضع دقائق ثم تسكب في طبق التقديم و ترش بالجبنة و الريحان و تقدم فوراً .

  • وصفات تانية ممكن تعجبك


التعليقات

  1. سارونات 19 November 2008

    السلام عليكم و رحمة الله و بركاته
    اختي منى فينا نستغني ينهائيا عن القشطة او نستبدلها بالحليب
    بالتوفيق
    سلام

  2. ام طلحة 27 November 2008

    السلام عليكم اختي منى
    حبيت اتشكرك على هال المعكرونة اللذيذة التي اصبحت من المعكونة المفضلة لدى عائلتي و ما عاد يعجبهم اي معكرونة تانيه :)

  3. منى 28 November 2008

    هلا سارونات :)
    بالقشطة اكيد اطيب بس انت ما بتحبيها , رح ااقلك ممكن بس ما بعرف كيف رح يطلع الطعم :roll

  4. سارونات 28 November 2008

    السلام عليكم و رحمة الله و بركاته
    جازاك الله خيرا اختي منى
    لكان ان شاء الله بجربها بالحليب و ببقى خبرك بالنتيجة
    بدي اسأل لازم معكرونة بني او بينفع انواع تانية مثلا المعكرونة الحلزونية
    بالتوفيق
    سلام

  5. منى 28 November 2008

    هلا ام طلحة :)
    ريتو عافية على قلبك و قلب العيلة كلهم و ان شاء الله تجربي غير وصفات و يعجبوك كمان ;)

  6. منى 28 November 2008

    هلا سارونات :)
    ممكن باي معكرونة بس انا بحب حضرها بالبيني
    ان شاء الله تجربيها و تظبط بالحليب و لا تنسي تخبريني :zzz

  7. سارونات 11 December 2008

    السلام عليكم و رحمة الله و بركاته
    جربتها بحليب و طلعت طيبة و ما كفت الفليفلة الحمرا فقمت ضفت حبة صغيرة فليفلة خضرا
    ساويت غلطتين الاولى اني استعملت طماطم مو منيحة فما طلع لون الصلصة احمر و التاني اني ما خليت الصلصة تتسبك منيح لان خفت ما تكفي للمعكرونة بس بعدين لقيت بتكفي و زيادة
    لهيك ما طلع الطبق احمر بس مو مشكلة المهم الطعمة طيبة و ان شاء الله المرة الجاية ساويها من دون اخطاء و اذن نجحت الوصفة بالحليب و
    بلكي المرة الجايةبساويها بس بصلصة و بلا حليب بعتقد بتطلع طيبة كمان
    شكرا يا احلى منى على الوصفات الحلوة الله يخليلي ياكي و ما يحرمني منك ابدا و ربنا يوفقك و يسهل دربك و يجازيك الجنة ان شاء الله
    سلام

  8. منى 11 December 2008

    مية هلا سارونات :)
    الف عافية و صحة و هنا على قلبك و اخيرا مشي حال الوصفة بالحليب :eek

    الف شكر الك للدعوات أختي و ان شاء الله الك متلهم و احلى :)

  9. violet 13 April 2010

    السلام عليكم
    شكرا كتير عالاكلات الطيبة اليوم اول مرة بدخل عهالموقع وسجلت فيه لأنه اكلاته باين كتير طيبة
    بس في سؤال هون يمكن قصدك بالمرق هو المي (الماء )
    وبس يسلمو

  10. منى 14 April 2010

    اهلا و سهلا فيك اختي :)
    نورتي و شرفتي و ان شاء الله بتبقى عنا دوما .لمرقة هي مرق دجاج و اذا مو متوفر استعملي كاستين مي مع مكعب مرق , مع اني مو من انصار المكعبات الجاهزة :roll

  11. violet 16 April 2010

    السلام عليكم
    شكرا كتير عالموقع الحلو والوصفات الطيبة
    كتير حبيته الموقع وحسيت وصفاته مو هالصعبة وكمان المقادير متوفرة
    بس بدي اسأل هون يمكن قصدك بالمرقة مي(ماء)ولا شو
    وجبنة يعني جبنة قشقوان
    ويسلمو كتير

  12. منى 18 April 2010

    المرقة هي مرقة دجاج عادية و الجبنة ايا نوع جبنة صفرا متوفرة او مفضلة عندك ;)

  13. karamela 22 May 2010

    السلام عليكم منى
    انا اليوم جربت هالطبق وكان طيب يسلم ايديك يارب
    بس شفت بوحدة من وصفات المعكرونة انك بتحبي كتير المعكرونة يعني متلي تمام طيب اذا هيك ليش ظالمة المعكرونة ومو منزلتيلها وصفات كتيرة
    انا بانتظار وصفات معكرونة جديدة منك حتى نجربها قبل رمضان بعرفك انك مارح تخجليني لانك كريمة معنا كتير
    ان شاء الله ما مننحرم منك ومن وصفاتك الطيبة

  14. منى 23 May 2010

    و عليكم السلام و رحمة الله و بركاته :)

    و الله بحبها كتير , و على ااقل باكلها مرة بالاسبوع على الغدا او العشا

    تكرم عيونك , ان شاء الله بيصحلي و بنزل كم وصفة :zzz

    الف هنا و صحة على المعكرونة , عوافي

  15. semo 20 June 2010

    بتشهي الصورة أنا من زمان شايفة الوصفة وعم أجلها بس بعد الصورة تشجعت كتير
    على فكرة منى أنا ملاحظة غياب أخت أنا حبيتها كتير من خلال ردودها الله يذكرها بالخير وهي سارونات من زمان ماشفت منها رد الله يرجعها بخير وسلامة

  16. منى 21 June 2010

    ولي سمسومة , كل هادا فيها حريرات :roll

    بطل ضميري مرتاح و انا عم اكل منها , و عم قول لحالي ليش طيبة :grin

    ان شاء الله تجربيها و تحبيها و تخبريي

    سارونات صار الها مدة مو مبينة , ان شاء الله خير

  17. semo 21 June 2010

    لا تنصدمي منوش لأن المعكرونة لحالها مليانة سعرات حرارية بقى كيف مع كل هالمطيبات والخلطات مممممممممممم
    بكرة رح جربها واكل صحن صغير وقلك النتيجة مع اني متأكدة انها طيبة
    أنا اكتشفت أنو كل مازاد عدد السعرات الحرارية بالأكل بتكون الأكلة أطيب
    :grin

  18. منى 21 June 2010

    مع الاسف صح :roll

    يلا رح استنى رايك بعد التجربة و يا رب تعجبك ;)

  19. semo 28 June 2010

    منوش من كم يوم جربتا بس والله ماصحلي رد عليكي
    والله خجلانة منك شوبدي قلك يعني والله عأد ما استفدت منك من وقت ماتعرفت عالموقع مستصغرة حالي قول رأيي بهالأكلة :sigh
    منوش أنا أكلت منها ماكتير عجبتني وكمان جوزي ماعجبتو يمكن نحنا ما بنعرف ناكل أو يمكن طيبة بس في أطيب منها
    بس ممكن كتير يكون اختلاف بالأذواق
    مابدي حدا من الاخوات ياخد رأيي جربوها يمكن تحبوها كتير بتضل مسألة زوء

  20. violet 6 July 2010

    أنا بقى جربتا وحبيناها كتير
    بس بعد ماخلص زوجي قلي يلا وين الغدا بتعرفي الحلبية اذا الأكل مافيه لحمة مابيعتبر أكل تمطيئه لذلك مرة تانية رح أعمله من المقبلات
    بس كيف بعرف انو زوجي حب هالأكلة لما بيقلي عمليلن منها لأهلي شي نهار عالعشا وقتا بعرف انو عجبته كتير
    عملته بكريم فريش بدل القشطة
    بس هلأ مافي اله اسم مختصر كتير طويل يعني اذا زوج بنت حماي عادة بيسألني شو اسم هالأكلة بدي أقعد 3ساعات لحتى يخلص الاسم :zzz
    هلأ شو رأيك خرج أعمل منه طبق على عيد ميلا د بنتي :?
    صرعتك بهالعيد الميلاد :p

  21. violet 6 July 2010

    ياي غيرتي الصورة ماانتبهت
    صحي صحي تذكرت هلأ معكرونة البني دايما لما بعملها بتتكسر معي وبطلع منظرا مو حلو كأنه مخبوصة بس اجباري لازم أحركها كتير من شان تختلط مع الصلصة فشو لازم أعمل لحتى ماتتكسر

  22. منى 3 October 2010

    هلا فيوليت :)
    الف صحة و هنا على البك و الب الباشا , منيح الي عجبته و هو بصورة عامة اذا ما كان في لحمة بالاكل ما بيحسبوه غدا :roll

    الحل لحتى ما تتكسر انك ما تسلقيها وقت طويل لحتى تبقى محافظة على شكلها, يعني 8 دقايق بيكفي و الباقي رح تستوي مع الصلصة ;)

  23. منى 3 October 2010

    سمسومة شو في ؟؟

    نحنا بموقع ديمقراطي و مو معقول كل الاكل يعجب الكل :zzz

    خدي راحتك و ردي على كيف كيفك و ان شاء الله الوصفة التانية تكون على زووءك

    عندي حل , اسكبيلي ياها لان انا بمووووت عليها :grin

تقييم الوصفة
عاديةقد أحضرهاجيدةممتازةأكثر من رائعة (No Ratings Yet)