مفركة الفول


         وصفة : منى                 2009/05/06                 18 تعليقات
مفركة الفول

·          يقلى البصل بالسمنة حتى يطرى ثم تضاف اللحمة و تتبل بالبهار ( من دون الملح ) و تقلب على نار متوسطة حتى تنضج و يجف كل مرقها .

·          يضاف الفول المفروط و يقلب على النار لمدة 5 – 10 دقائق ثم يغمر بالمرق أو الماء و يترك حتى ينضج .

·          عندما يقارب الفول من النضج تضاف الكزبرة الخضراء و الملح و يترك لمدة عشر دقائق حتى يكمل النضج .

·          تقدم المفركة مع الرز المفلفل و بجانبها اللبن أو المخلات المشكلة و السلطة الحامضة .






كيلو فول مفروط
ملعقة كبيرة سمنة
حبة كبيرة بصل مفروم ناعم
ربع كيلو لحمة ناعمة
نصف ملعقة صغيرة بهار مشكل
نصف باقة كزبرة خضراء مفرومة ناعم
ملح





• يقلى البصل بالسمنة حتى يطرى ثم تضاف اللحمة و تتبل بالبهار ( من دون الملح ) و تقلب على نار متوسطة حتى تنضج و يجف كل مرقها .

• يضاف الفول المفروط و يقلب على النار لمدة 5 – 10 دقائق ثم يغمر بالمرق أو الماء و يترك حتى ينضج .

• عندما يقارب الفول من النضج تضاف الكزبرة الخضراء و الملح و يترك لمدة عشر دقائق حتى يكمل النضج .

• تقدم المفركة مع الرز المفلفل و بجانبها اللبن أو المخلات المشكلة و السلطة الحامضة .
  • وصفات تانية ممكن تعجبك


التعليقات

  1. بشرى 6 May 2009

    يسلم إيديكي الحلوين يارب ..

    منيح لحقتي تكملي قبل ما تفيق الحارة :grin

    وكتير عجبتني فكرة الأمثال مع كل طبخة .. :p

    بس منوشة روحي بدي اقلك انو الصورة اللي بالصفحة الرئيسية لهالأكلة عم تدل على شوربة العدس بالبرغل بقى مشان تصلحي الخطأ ;)

  2. سارونات 7 May 2009

    السلام عليكم و رحمة الله و بركاته

    ما شاء الله على النشاط ان شاء الله دايما

    :grin :grin فرطت من الضحك و انا عم اتخيلك عم تكتبي بطراطيف اصابيعك لان صارت معي من قبل :grin :grin

    اختي منى ما بينفع يكون الفول مطبوخ بالبخار من قبل مو هيك :? لان نحنا منطبخو بالبخار و بعدين منفرزه قصدي لازم الفول يكون ني او لا
    بالتوفيق
    سلام

  3. منى 7 May 2009

    شايفة بشرى :grin
    خلص ان شاء الله رح جهز أمثالي و هي فكرة بتغني الوصفات و خصوصا الوصفااات السورية ;)

    الف شكر الك للتنبيه بشرى , هلا تم التعديل

  4. منى 7 May 2009

    و عليكم السلام و رحمة الله و بركاته سارونات :)
    ان شاء الله مبسوطة و فرحانة دايما و قلبك عامر بالايمان و الخير ;)

    بينفع تحضريها , بس هي اكلة طيابتها تازة و هلا وقت الفول , شو رايك تجربيها تازة بالاول :zzz

  5. ام دانية 7 May 2009

    يسلم دياتك يارب على هل الاكلة انا بحب الفول كتير كتير وفرحت كتير لما شفت الاكلة ان شاءالله رح جربها باسرع وقت بس ليجبلي زوجي الفول لانو ما عندي فول :cry بس في سؤال هلا لما منضيف المي للفول ومنتركووووو لحتى يستوي بتكون المي نشفت ولا لازم يكون فيو مرقة لانو بالصورة مبين انو ناشف بس بدك الصدق منظرووووو بشهي كتير كتير :grin وانا حابة :roll من بعدك اذنك اشارك باكلة بس ما عم بعرف كيف ابعتلك ياها والصورة كمان كيف بدي حطي هاد طبعا اذا ما عندك مانع :grin

  6. منى 7 May 2009

    هلا ام دانية :)
    ان شاء الله تجربيه و يعجبك , امبارحة اتغديناه و كتير كان طيب , اتفضلي :)

    المرقة على كيفك وبالمرقة بالصورة مو واضحة كتير ,هولازم يكون فيه مرقة متل الفاصوليا و البامة و هيك ;)

    الوصفة فيك تبعتيها باي رد أو على ايميلي و انا بانتظارها مع الصورة , يا ستي دا احنا ننول ناخد وصفة منك :zzz

  7. نور الأسلام 7 May 2009

    مرحبا منى كيفك :) يسلم دياتك بدي اسالك عن فتة المكدوس وصفتها اذا مافي ازعاج

  8. رنا 7 May 2009

    كتير بحبها ماما كانت تعملها ووقت يزيد لتاني يوم تفقس فوقها بيضتين وكان بابا كتير يحبها :p
    بس بدي قلك لوتنزليلنا الفول المقلى الشامي تبع الكزبرة الخضرالا..يالله شو بحبه ;)
    يسلم هالايدين

  9. منى 8 May 2009

    هلا نور :)

    فتة المكدوس من الوصفات الي رح حضرها هل الصيفية باذن الله و ببقى نزلها مع خطواتها ;)

  10. منى 8 May 2009

    هلا رنونة :)

    الف هنا على قلبماماتك و باباتك و كل عيلتك الحلوة :)
    رنونة ليكون قصدك [URL=http://www.l2ma.com/content/view/549/2/]هل الوصفة ؟[/URL]

  11. رنا 8 May 2009

    صح هي الوصفة بس انا اللي بعرفها نفسها تمام بس بدون سلق بس كزبرة وتوم وزيت …بس فكرة الملح فوق الفول هي سبب تغيير لونه فكرة جديدة علي يسلمو ايديكي ;)

  12. منى 8 May 2009

    الله يسلمك رنونة :)
    ان شاء الله تجربيها و تكون متل الي بدك اياها :zzz

  13. Eman 9 May 2009

    هلأ صحيح المثل اللي بقول يا حيف عاللحمة بالفول ؟؟ :roll

    أنا بحب أكلة رز بفول ، بحسها متل الرز ببازيلا وكمان تغيير شكل .. المشكلة اهلنا ما عودونا ناكل الفول غير مدمس يا بحمض يا بطحينة ..

    بس أنا من النوع اللي بحب كلشي جديد وطيب متل هالأكلات ..

    يسلم منوشة على وصفات الفول وعم نستنى سلطة الفول لاهل حلب ، مع اني مو سمعانة فيها من قبل ..يمكن هي لأهل حلب المعتقين :)

  14. منى 9 May 2009

    هلا أمولة :)
    هادا مو مثل هادا بينادوا فيه البياعيين على الفول و انااا ااكد ان هل البياعيين عندهم نسوان ما بتعرف تطبخ :grin

    ماما الله يخليها كانت تطبخ الفول اشكال و الوان و مو بس فول مدمس , و ان شاء الله تطبخي شي وصفة و تعجبك :)

  15. حنان 12 May 2009

    ما احلى كلامك وامثال الا بتكتبها بالموقع يا احلى منى انا بحب كثير الحكي السوري ويا ريت كل فترة تكتبي مثل من هل الامثال الحلوة وشكرا

  16. منى 12 May 2009

    هلا حنان :)

    هادا بس من زوءك و لطفك و تكرمي على عيني , ان شاء الله احاول دوما اكتب الامثال الي أعرفها, نورتي أختي 8)

  17. DOUHA 24 May 2010

    منى بكرة رح جربا ان الله راد
    سؤال: انتي مو عاملة وصفة رز بالفول؟؟ انا ما شفتا :sigh

  18. منى 24 May 2010

    :roll

    و الله مو معقول , هلا دورت بالموقع و ما شفتها , لازم نزلها خصوصا لعيونك , طريقتها نفس الرز و كماية ;)

    ان شاء الله تجربي هل الوصفة و تحبيها

تقييم الوصفة
عاديةقد أحضرهاجيدةممتازةأكثر من رائعة (No Ratings Yet)