مناقيش الفليلفة


         وصفة : منى                 2007/06/20                 15 تعليقات
مناقيش  الفليلفة

·          تمزج مواد خلطة الفليفلة و توضع جانباً و يضاف زيت الزيتون حتى تتكون لدينا خلطة قابلة للمد .
 
·          يوضع كوبان من الطحين مع بقية المواد في محضرة الطعام و يمزج الكل لمدة ربع ساعة , هذه المرحلة هدفها الحصول على عجينة طرية .

·          يضاف باقي الطحين بالتدريج و تدعك العجينة حتى الحصول على عجينة ناعمة و طرية , قد تحتاجين للمزيد من الطحين و ذلك حسب نوعية الطحين و حرارة الجو .

·          تغطى العجينة و تترك حتى يتضاعف حجمها ثم تقطع إلى كرات بحجم البيضة الصغيرة و ترش طاولة العمل بالطحين ثم ترق إلى دوائر رقيقة باستعمال الشوبك .

·          يحمى الفرن إلى درجة حرارة عالية جداً 250 درجة مئوية و ذلك كي تبقى المناقيش طرية .

·          تنقل الدوائر إلى صاج فرن كبير و تدهن خلطة الفليفلة عليها ثم تخبز المناقيش في الفرن الحار لمدة 5 دقائق تقريباً حتى تنضج .




3 كوب طحين
ملعقة صغيرة ملح
ملعقة كبيرة سكر
ملعقة صغيرة خميرة فورية
ربع كوب زيت عادي
كوب و ربع ماء حار

- خلطة الفليلفة :

5 ملعقة كبيرة دبس فليفلة
ربع إلى نصف كوب زيت زيتون
نصف ملعقة صغيرة كمون
نصف ملعقة صغيرة زعتر أخضر
ملعقة صغيرة فليفلة حمراء ناعمة
ملعقة كبيرة من الزعتر الذي يستعمل للمناقيش
رشة حبة البركة ( اختياري )




• تمزج مواد خلطة الفليفلة و توضع جانباً و يضاف زيت الزيتون حتى تتكون لدينا خلطة قابلة للمد .
• يوضع كوبان من الطحين مع بقية المواد في محضرة الطعام و يمزج الكل لمدة ربع ساعة , هذه المرحلة هدفها الحصول على عجينة طرية .

• يضاف باقي الطحين بالتدريج و تدعك العجينة حتى الحصول على عجينة ناعمة و طرية , قد تحتاجين للمزيد من الطحين و ذلك حسب نوعية الطحين و حرارة الجو .

• تغطى العجينة و تترك حتى يتضاعف حجمها ثم تقطع إلى كرات بحجم البيضة الصغيرة و ترش طاولة العمل بالطحين ثم ترق إلى دوائر رقيقة باستعمال الشوبك .

• يحمى الفرن إلى درجة حرارة عالية جداً 250 درجة مئوية و ذلك كي تبقى المناقيش طرية .

• تنقل الدوائر إلى صاج فرن كبير و تدهن خلطة الفليفلة عليها ثم تخبز المناقيش في الفرن الحار لمدة 5 دقائق تقريباً حتى تنضج .








  • وصفات تانية ممكن تعجبك


التعليقات

  1. linda 21 June 2007

    السلام عليكم ورحمة الله وبركاته

    الله يسلم ايديك يا رب
    لو بتعرفي اديش مشتهية هل الاكلة
    و من الاسبوع الماضيي و هوي الجو عنا غيم و شتا
    ما قدرت ساوي دبس فليفلة

    بس خلص ما دام عطيتيني الطريقة
    الباقي ان شالله قريبا

    يعطيكي العافية

    على فكرة انا ما عم فوت لانو عندي ناس
    و لا كنتي شفتيني هون على طول

  2. منى 21 June 2007

    مية اهلا و سهلا فيك :)
    و الله الموقع نور من جديد بردك ليندا ;)

    الله يبعت الخير بكل مكان ,
    ما في أحلى من المطر

    ان شاء الله تجربيها بعد ما يصحى الجو و رح تعجبك اكيد باذن الله ..

    و اي سؤال تاني انا بخدمتك

    هلأ تصبحي على خير 8)

  3. بدور 5 September 2007

    السلام عليكم و رحمة الله:
    جربتا و حبيت اتشكرك عليها كتير كتير طيبة يسلمو على هالوصفات الحلوة و على فكرة هي اول مرة بحياتي بعمل عجينة بس الحمدلله ظبطت و حبوها اهلي كتير شكرا ميمو الحلوة :p

  4. منى 5 September 2007

    ان شاء الله عوافي و هنا و صحة يا رب :)

    الله يجبر بخاطرك و تسلمي بدور على تجربتك وصفاتي

    مية أهلا و سهلا

  5. linda 21 May 2008

    مرحبااااااااا
    يعني انا كتير مشغولة و ما عم اقدر مشط شعري متل ما بيقولو من كتر الشغل
    بس جيت خبرك يا ام المون انو عملتها و اخيرا
    و حياة الله انو اول ما حطيتها بتمي دغري اتزكرت لما كنت اكلها بالشام
    نفس الطعمة بتجنن
    يالله شو انبسطت فيها

    رح روح اعمل المحمرة كمان بما انو صار عندي كنز
    قصدي دبس الفيلفة
    يا سلام شو طيب مع الاكل
    والله انتي اول وحدة كل وصفة بتحطيها وبطبقها بتطلع ما في اطيب منها
    صرت شو ما شوف هون طبق و انا قلبي مرتاح
    و متأكدة انو الكل رح يحبها
    الله يخليلنا ياكي يا رب

  6. منى 21 May 2008

    هنا و هنونة يا رب على قلبك , كتير كتير انبسطت ان قدرت رجعلك ريحة الشام و لو للمحة بسيطة , ان شاء الله تزوريها قريب , بس مو بالصيف :grin

    انا متلك بموت على دبس الفليلفة , و باستخدمه مع السلطة و الطبخ و غيررره و غيراته , على قولة اولادي , ماما بس الكاتو ما بتحط عليه فليلفة :grin

    يا ترى جبتيه جاهز و الا حضرتيه على ايدك ؟

    الله يسلمك ليندا سعيدة كتير بثقتك فيني و الله يديم المحبة و المعروف

  7. linda 28 May 2008

    والله هل السنة ما رح زور الشام يا منى بس امي رح تجي لعندي الاسبوع الجاي

    ههههههههههههههههههههههه عجبتني هي ماما بتحط دبس فليفلة على كل شي الا الكاتو
    هو كتير طيب بيني وبينك

    حبيبتي انا اشتريتو جاهز
    لاني صرلي سنة عم استنى تشمس اسبوع كامل ما عم يمشي الحال بيجي شمس شي 3 او 4 ايام وبعدين بتصير تشتي
    فقدت الامل و اشتريت جاهز

    شو بدي قلك
    ساويت المجدرة كمان طلعت نفس طعمة المجدرة يلي امي كانت تعملها
    بتشهي الله يسلم ايديكي

  8. منى 28 May 2008

    ييييي الله يهنيكم ببعض يا رب , هيك فرحتك ما بتعطيها لحدى ;)

    المهم انه صار عندك , نم نمممي ..

    هنا و عوافي على المجدرة لنوشة , خليلي عينك شو بيلهف قلبي بس ما شفت اسمك 8)

  9. ام احمد الغالي 19 February 2009

    يسلمو كتير على الوصفه
    زوجي كتير بيحبى
    وانا مرة جربت متل هالوصفه
    بس طلعو الناقيش يابسين ومرقمدين :cry
    في وصفه بشان تطلع طريه
    ويسلمو كتير على اهالوصفات الطيبه

  10. منى 21 February 2009

    هلا اختي ام احمد :)

    ربي يبارك في احمد و يحفظه من كل سوء و شر و يكون قرة عين الك و لابوه :)

    اختي جربي هل الوصفة بتفاصيلها متل درجة الحرارة و التخمير و ان شاء الله رح تعجبك ;)

  11. na3oom 11 August 2009

    ان شاء الله راح جرب الوصفة بكرة بس سؤال على الطاير
    شو هو زعتر المناقيش

  12. منى 14 August 2009

    هو الزعتر الي مناكله مع الزيت و نلفه عروسة و هو غير الزعتر الاخضر ;)

    ان شاء الله تجربيه و يكون متل ما بتحبي و اطيب

  13. gsm 9 March 2010

    سلام عليكم منى انا لما شفت هل الوصفة مدري ليش فرط ريقي عليها بس بدي اسالك
    انا عندي دبس فليفة صاير بيشبه دبس البندورة يعني عندي ياه جاهز وهو كتيير حد عم افكر اخلطه مع دبس البندورة لحتى اخفف حداديته بس المشكلة إنو الدبس صاير متل المعجون مو متل الدبس تبع شغل البيت يلي بنعمله المشكلة هون مستحيل تلاقي فليفة حدة ومافي أبدا شمس عندنا ونزلتي على حلب مطولة كتيييييييييييييييير بقى شو رايك أجرب هل الأكلة بالدبس يللي عندي قولك بيمشي الحال :? :? :?

  14. منى 9 March 2010

    جربيه , ليش لا , و اذا حد كتير خلطيه مع معجون الطماطم بيخفف الحدادية و طعمته طيبة ;)

  15. larooo 21 December 2010

    كيفك منمون ؟؟ شو قصدك بمحضرة الطعام ؟؟
    ماكينة العجينة اللي بشوفها بالتلفزيون ولا شغلة تانية ؟؟ :grin
    وبيمشي الحال اعجنها بلا ماكينة اساسا ولا العاجينة قاسية ؟؟
    :) :) :)

تقييم الوصفة
عاديةقد أحضرهاجيدةممتازةأكثر من رائعة (No Ratings Yet)