موساكا


         وصفة : منى                 2007/04/24                 43 تعليقات
موساكا

·          ينزع الجزء الأخضر من الباذنجان من دون تقشيره , يقطع إلى شرائح طولية بسماكة أقل من سنتيمتر بقليل ثم ترش الشرحات بالملح و تترك لمدة نصف ساعة ثم تغسل من الملح بالماء و تعصر بلطف للتخلص من الماء الإضافي .

·          يسخن الزيت ثم تقلى فيه شرحات الباذنجان على مراحل حتى تشقر قليلاً من الجهتان ثم توضع على ورق ماص .

·          يقلي البصل بزيت الزيتون حتى يصبح شفافاً , تضاف اللحمة و تقلب على نار قوية حتى تنضج اللحمة و تتلون و يجف مرقها .

·          يضاف الخل و البندورة و تقلب الصلصة  ثم تتبل بالبهارات و الملح و بعد أن  يغلي يغطى القدر و يترك على النار الهادئة لمدة  15 دقيقة مع التحريك من وقت لأخر ثم يبعد القدر عن النار و يضاف البقدونس .

·          تحضر صلصة البيشاميل : تذوب الزبدة على النار ثم يبعد القدر عن النار و يضاف الطحين و يقلب حتى الحصول على مزيج متجانس .

·          يعاد مزيج الزبدة و الطحين للنار ثم يضاف الحليب و البهارات بالتدريج مع التحريك بعد كل إضافة ثم تترك الصلصة  تغلي لبضع دقائق حتى تصبح ناعمة و متجانسة , يبعد القدر عن النار و تترك الصلصة لتهدأ قليلاً .

·          يدهن طبق بايركس من القياس المتوسط بالزبدة ثم ترتب فيه نصف شرائح الباذنجان ثم يغطى بنصف صلصة اللحمة ثم تصف باقي شرائح الباذنجان و تغطى  بباقي صلصة اللحمة .

·          يخفق البيض قليلاً مع الجبنة ثم يمزج مع البيشاميل المجهز و تقلب الصلصة حتى تتجانس ثم  تغطى بها صوص اللحمة و تغطى بطبقة من الجبنة و أخيراً ينثر فوقها فتات الخبز المحمص في حال استخدامه .

·          تخبز الموساكا في فرن محمى مسبقاً على درجة حرارة 180 درجة لمدة 45 – 60 دقيقة حتى تشقر ثم تترك لتهدأ لمدة 10 دقائق قبل تقديمها لكي يصبح تقطيعها أسهل ثم تقدم .

·          يمكن أن تستخدمي شرائح من البطاطا المقلية عوضاً عن شرائح الباذنجان أو يمكن استخدام الباذنجان و البطاطا معاً .

 




كيلو باذنجان متوسط الحجم
نصف كوب زيت ذرة أو زيت زيتون

2 ملعقة كبيرة زيت زيتون
بصلة كبيرة مفرومة ناعماً
نصف كيلو لحمة غنم مفرومة ناعماً
2 ملعقة كبيرة خل أبيض
4 حبات بندورة مقشرة و مفرومة ناعماً
نصف ملعقة صغيرة قرفة
نصف ملعقة صغيرة بهار مشكل
ملعقة صغيرة أوريغانو
ملح و فلفل أسود
2 ملعقة كبيرة بقدونس مفروم

صلصة البيشاميل :

2 ملعقة كبيرة زبدة
2,5 ملعقة كبيرة طحين
2,5 كوب حليب سائل
ملح و فلفل أبيض و جوزة الطيب
2 ملعقة كبيرة من بارمزان أو غرويير مبشورة
2 بيضة

التغطية :

جبنة بارمزان أو غرويير مبشورة
4 ملعقة كبيرة فتات الخبز المحمص ( اختياري )





• ينزع الجزء الأخضر من الباذنجان من دون تقشيره , يقطع إلى شرائح طولية بسماكة أقل من سنتيمتر بقليل ثم ترش الشرحات بالملح و تترك لمدة نصف ساعة ثم تغسل من الملح بالماء و تعصر بلطف للتخلص من الماء الإضافي .

• يسخن الزيت ثم تقلى فيه شرحات الباذنجان على مراحل حتى تشقر قليلاً من الجهتان ثم توضع على ورق ماص .

• يقلي البصل بزيت الزيتون حتى يصبح شفافاً , تضاف اللحمة و تقلب على نار قوية حتى تنضج اللحمة و تتلون و يجف مرقها .

• يضاف الخل و البندورة و تقلب الصلصة ثم تتبل بالبهارات و الملح و بعد أن يغلي يغطى القدر و يترك على النار الهادئة لمدة 15 دقيقة مع التحريك من وقت لأخر ثم يبعد القدر عن النار و يضاف البقدونس .
• تحضر صلصة البيشاميل : تذوب الزبدة على النار ثم يبعد القدر عن النار و يضاف الطحين و يقلب حتى الحصول على مزيج متجانس .

• يعاد مزيج الزبدة و الطحين للنار ثم يضاف الحليب و البهارات بالتدريج مع التحريك بعد كل إضافة ثم تترك الصلصة تغلي لبضع دقائق حتى تصبح ناعمة و متجانسة , يبعد القدر عن النار و تترك الصلصة لتهدأ قليلاً .

• يدهن طبق بايركس من القياس المتوسط بالزبدة ثم ترتب فيه نصف شرائح الباذنجان ثم يغطى بنصف صلصة اللحمة ثم تصف باقي شرائح الباذنجان و تغطى بباقي صلصة اللحمة .

• يخفق البيض قليلاً مع الجبنة ثم يمزج مع البيشاميل المجهز و تقلب الصلصة حتى تتجانس ثم تغطى بها صوص اللحمة و تغطى بطبقة من الجبنة و أخيراً ينثر فوقها فتات الخبز المحمص في حال استخدامه .

• تخبز الموساكا في فرن محمى مسبقاً على درجة حرارة 180 درجة لمدة 45 – 60 دقيقة حتى تشقر ثم تترك لتهدأ لمدة 10 دقائق قبل تقديمها لكي يصبح تقطيعها أسهل ثم تقدم .

• يمكن أن تستخدمي شرائح من البطاطا المقلية عوضاً عن شرائح الباذنجان أو يمكن استخدام الباذنجان و البطاطا معاً .
  • وصفات تانية ممكن تعجبك


التعليقات

  1. أحمد الله 31 July 2008

    الله يعطيك العافية اخت منى
    ذكرتيني بقوارب البيتنجان بالفرن كنت لما اعملها ما حدا يدوءها الا و يطلب مني الطريقة..

    بس هادي الطريقة لذيذةو سهلة و لازم جربها شي نهار

    الله يسلم ايديك و يبارك فيك

  2. منى 1 August 2008

    و انا كمان رح اطلب الطريقة اذا ما عندك مانع أخي ..

    ان شاء الله اذا جربتها رح تعجبك لانها قريبة على زووءناالعربي بس بلمسة جديدة

  3. أحمد الله 2 August 2008

    على عيني اختي الكريمة منى ..
    اذا بتحبي اكتبلك الطريقة هون او الطريقة اللي بتشوفيها مناسبة..
    الله يبارك فيك

  4. منى 2 August 2008

    فيك تبعتها كأي رد على أي وصفة و أنا رح انشرها إذا الله راد ..

    ألف شكر ليك مقدما أخي

  5. سارونات 13 August 2008

    السلام عليكم و رحمة الله و بركاته
    عجبتني كتيرالوصفة و بدي جربا ان شاء الله مرة بالبادنجان و مرة بالبطاطاو كمان بالبطاطا و البادنتجان مع بعض و ان شاء الله تضبط بس عندي سؤال انا بهالفترة ما راح اقدر استعمل لحمه مفرومة فهل بقدر قطع اللحم العادي لشقف كتير زغيرة و استعملو ازا ينفع قوليلي و ازا لا بنطر حتى يصير فيني استعمل اللحمه المفرومة
    ربنا يوفقك و يسهل دربك
    سلام

  6. منى 14 August 2008

    هلا أختي :)
    بينفع , بس هيك أصولها و طريقة اليونانية التمام , إذا عندك لحمة شقف تبقى فرميها بماكينة فرم اللحمة لحتى تعمليها مفرومة ;)

    إن شاء الله تجربيها و تعجبك

  7. سارونات 15 August 2008

    السلام عليكم و رحمة الله و بركاته
    جازاك الله خيرا بدي اسألك شي ازا ممكن و هو اني ما بحب كتير طعمة الجبن المبشور — بعرف انو كتار بيحبوهابس انا بفضل طعمة الجبن الابيض العادي متل لافاش كيري و كيري و هيك المهم انو النتيجة لمن منحط لافاش كيري من فوق بتختلف عن الجبن المبشور اللي بيدوب فشو رايك راح تطلع منيحة او لا و ازا في شي طريقة بتعرفيها بتساعد و هالشي ينطبق على البيتزا يعني راح استعمل جبن ابيض حطو شوي بالفريزر و بعدين ابشره فشو قولك بينفع او لا و شو بيتغير
    بالتوفيق
    سلام

  8. منى 16 August 2008

    مختلفة كتير اختي ما فيك تستبدلي هي بهي :roll ..

    ممكن تستعملي الجبنة البيضا للبيتزوا , بس ما رح تطلع بيتزا , رح تطلع شي بيشبه فطاير الجبنة , طيبة بس مو بيتزا ;)

  9. سارونات 16 August 2008

    السلام عليكم و رحمة الله و بركاته
    :cry :cry شكرا على المساعدة يلا لكان راح صير اتعامل مع الجبن المبشور و ان شاء الله
    بالتوفيق
    سلام

  10. سارونات 20 August 2008

    السلام عليكم ورحمة الله و بركاته
    انا قادمة اليك يا موساكا
    يمكن ساويها قريبا ان شاء الله بس راح ساويها هالمرة بالبطاطابدي اسأل يعني ما راح يتغير شي بالنسبة للخطوات يعني قطع البطاطا اقل من سنتيمتر او اقل لان بتاخد وقت تتستوي مو متل البادنجان و هل منقليهاتتستوي نهائيا او نص سوى
    بالتوفيق
    سلام

  11. منى 20 August 2008

    بتقلي البطاطا لتستوي و بعدها بطبقي الوصفة عاادي , لذيذة جداً بس بالباذنجان مشهورة اكتر ;)

  12. سارونات 20 August 2008

    السلام عليكم و رحمة الله و بركاته
    جازاك الله خيرا اختي منى عبالي ساوي نص الكمية كاول مرة و ازا ضبطت باليوم التاني او اللي بعدو ساويها بالبادنجان هيك بنكون ضربنا عصفورين بحجر واحد :zzz فسؤالي بالنسبة لصلصة البيشاميل هل بقسم المقادير او حضرا كلا و باليوم التاني استعملها
    الشي الوحيد اللي مخليني ما ساويها بكرا هو ان ما عندي جبن مبشور و بس اشتريه راح ساويهاو ان شاء الله بخبك بالنتيجة و تكون حلوة
    بالتوفيق
    سلام

  13. منى 21 August 2008

    هلا اختي :)
    الاحسن تعملي كل شي فريش بوقته

  14. سارونات 9 September 2008

    السلام عليكم و رحمة الله و بركاته
    جازاك الله خيرا احتي منى عم تعبك معي
    بكرا ان شاء الله راح ساويها و لان اول مرة ساويها فراح ساويها بكير يعني شي 3 الى 4 ساعات قبل تقديمها فشو ساوي تحتى حافظ عليها يعني غلف طبق البايركس بورق الالمنيوم و خليه برات الفرن او شو مع العلم انو طبق البايركس في الو غطاء و انا ما راح حط الغطاء اثناء الطهي لانك انت حطيتيه من دون غطا و كمان ازا ما احمر من فوق فهل بشغل شواية الفرن لبضع دقائق مشان يحمر
    و اخر شي هو البيشاميل ما بعرف ايمتى شيلها من على النار يعني بتكوزن كتير سائلة او جامدة متل شو بتكون و هل راح تجمد اكتر بالفرن لان مرة جربتها بغراتان تاني و خليتها سايلة و بعدين ما جمدت بالفرن غير شوي و ظلت فيها سيولة
    بالتوفيق
    سلام

  15. منى 10 September 2008

    هلا اختي :)
    عوافي مقدما , غطي الصينية و اتركيها بالبراد لوقت اللزمة و اذا ما اتحمرت اشعليها كم دقيقة من فوق بس عينك عليها لحتى ما تحمر زيادة :zzz

    البيشاميل بعد ما يغلي تقريبا أربع خمس غلوات بتشيليه ;)

    عم استنى نتائجك و ان شاء الله بيكون على زووءك

  16. سارونات 10 September 2008

    السلام عليكم و رحمة الله و بركاته
    الله يسلمك اختي منى
    انت قصدك خليها بالبراد و هي غير ناضجة كتير بيناسبني هالشي بس ازا خلص نضجت في الفرن شو ساويلها كمان حطها بالبراد او خليها برا ل 3 او 4 ساعات
    بالتوفيق
    سلام

  17. منى 10 September 2008

    لا اذا حطيتيها بالبراد رح تصير كانها باايتة :roll , خليها برة و قبل التقديم ارجعي سخنيها شوي بالفرن , بالهنا

  18. سارونات 11 September 2008

    السلام عليكم و رحمة الله و بركاته
    صحيح معك حق
    طيب ازا حطيتها بالبراد قبل الطهي لما بطلعها المفروض خليها تاخد درجة حرارة الغرفة بالاول بعدين فوتها عالفرن او فوتها عطول
    بالتوفيق
    سلام

  19. منى 11 September 2008

    لا فيك تفوتيها فورا , بس لازم يكون الطبق المستعملتيه منيح لحتى ما ينكسر من تفاوت درجات الحرارة :)

  20. سارونات 11 September 2008

    السلام عليكم و رحمة الله و بركاته
    ساويتهااااااااااا :grin ساويت نص الكمية و طلعت كتير طيبة و حنى شكلها طلع حلو
    جازاك الله خيرا اختي منى هالمرة ساويتها بالبادنجان و بالمرات الجاية ببقى جربامرة بالبطاطاو مرة بالاتنين و هيك كل مرة بتطلع كانها وصفة جديدة
    و الله كتير فرحت و كنت حاطة ايدي عقلبي خايفة ما تضبط بس الحمد لله :grin
    بالتوفيق
    سلام

  21. منى 12 September 2008

    هنا و عوافي يااا حق , كتير انبسطت انها عجبتك و خصوصي على الصيام , كنت حاطة ايدي انا كمان على قلبي لاكل دعوة مو حلوة على الافطاار :grin

    هنا و ان شاء الله بتعجبك بالبطاطا كمان , هلا فيك أختي

  22. سارونات 16 January 2009

    السلام عليكم و رحمة الله و بركاته
    اختي منى كنت عم بقرأ ردودي و يا الله شو اني سائلة اسئلة كتير بس عن جد كتير استفدت من اجاباتك :zzz
    اختي منى ما عم يكون معي وقت هالايام فعم فكر بوصفات ساويها و جهزها قبل بيوم و بكرا بس فوتها عالفرن انت قلتي انو فيني خليت 4-5 ساعات بالبراد قبل ما دخلها بالفرن و انا برمضان خليتها شي ساعتين و طلعت بتجنن حتى عم حس كان هاي الخطوة مهمة و بتأثر على الاكلة لان بتعطي فرصة للنكهالت تحتى تتمازج)) يا الله شو بكتر لعي )) المهم هل فيني حضرها قبل بيوم و خليها بالثلاجة و هل النايلون كافي او لازم ورق المنيوم خصوصا اني راح ساويها بالبطاطا و بتعرفي طعمة البطاطا لما تكون بايتة ما بتطله طيبة ابدا لهيك انا ترددت بس يمكن هون هالشي مختلف لان البطاطا مو لحالها
    المهم انا ناطرة ردك
    ربي يوفقك
    سلام

  23. منى 22 January 2009

    أختي بيصير اذا كنت مضطرة , لان البطاطا الا ما تتغير طعمتها , و الصراحة انا لو منك ما بعملها , بحس طعمتها ما بتصير طيبة و الا ما تتاثر :roll

    إذا ناوية تعمليها يا ريت تغطيها بشي محكم كتير ;)

  24. سارونات 22 January 2009

    السلام عليكم و رحمة الله و بركاته
    معك حق اختي منى انا هيك فكرت لان البطاطابتصير طعمتها بايتة طيب شو رأيك بتحضير الحشوة قبل بيوم و وضعها بالبراد لبكرا بعتقد بتنفع ما هيك :?
    بالتوفيق
    سلام

  25. منى 22 January 2009

    الحشوة لحالها بتنفع اكيد و ما بياثر :)

  26. سارونات 23 February 2009

    السلام عليكم و رحمة الله و بركاته

    ساويتها اليوم و طلعت كتير طيبة و خفيفة بس استغربت من شي و هو انو البطاطا نضجت كتير و صارت كأنها مو مقلية يا ترى هي هيك بتطلع
    لان كان بدي يبين ان البطاطا مقلية بعتقد السبب هو الحشوة لان هالمرة خليت فيها صوص اكتر مما معودة بقى شو قولك لان اذا هي اصلا بتطلع هيك يعني ما بتبين فيها البطاطا المقلية شو رأيك اذا شويت البطاطا في الفرن او هيك راح يطلع تقريبا نفس الطعم و منخلص من القلي

    بالتوفيق
    سلام

  27. منى 23 February 2009

    هلا اختي :
    ما كتير فهمت الصراحة وين المشكلة , قصدك البطاطا فرطت ؟

    على كل الاحول ممكن يكون ان الصوص كتير هو السبب , و اختي الوصفة اصولها بالبطاطا المقلية ;)

  28. سارونات 23 February 2009

    السلام عليكم و رحمة الله و بركاته

    لا مو هيك هو انا فكرت ان البطاطا راح تبين انها مقلية المشكلة هي انو ما بينت بدي اعرف اذا هي هيك بتطلع مثلا وصفة غراتان الدجاج بالصوص المميز بتبين لما تاكليها ان البطاطا مقلية هاد قصدي بس بالنسبة للطعمة و الشكل كل شي الوصفة ما شاء الله عليها طلعت بتجنن و كتير خفيفة

    بالتوفيق
    سلام

  29. منى 24 February 2009

    اااه , ايه هلا فهمت عليك .

    اختي رح تبين طعمة البطاطا متل طعمة البطاطا بلقمة تشكن , معناها اما انك تركتيها كتير في الفرن , او ما قليتيها منيح :roll

  30. سارونات 25 February 2009

    السلام عليكم و رحمة الله و بركاته

    اي معك حق الاحتمالين صحيحين مع اناه هيك طلعت كتيييييييييييييييير طيبة و ظلينا يومين نحكي عنها و عن قديشها طيبة و من ناحية ثانية لان ما انقلت كتير منيح طلعت اخف و تذوب في الفم ما بعرف اذا راح ظلني على طريقتيالاولى او راح اقليها منيح المرة الجاية بس اللي بعرفو انها اكيد صارت وصفة معتمدة بالنسبة لي و كمان الحشوة شو طيبة ريحتها و انا عم ساويها اتذكرت رمضان لان ساويتها فيها الله يعطينا عمر و نلحق رمضان الجاي ان شاء الله

    ربنا يخليلي ياكي اختي منى و ما يحرمني منك ابدا

    بالتوفيق
    سلام

  31. منى 25 February 2009

    الف هنا و الف عافية على كل لقمة :)
    الله يعيده علينا و نحنا اخف من الذنوب و اقرب من الله , ااامين يا رب

    كتير انبسطت انك اعتمدتي الوصفة , ريتو عافية على كل مرة رح تساويها

  32. نوارة 7 March 2009

    ماما قالتلي هديك المرة على هالوصفة وجربتها وياي شقد طيبة جربتها طبقة بطاطامقلية ثم بانجان وووووالباقي نفس الشي
    بس انا حطيت للصلصة فطر كمان

  33. منى 7 March 2009

    مممم , اكيد ما اطيبها بالفطر , انا احيانا بضيفه , بس الوصفة نزلتها فوق متل ما بيعملوها جماعة اليونان على الظبط :zzz

    هنا نوارة حبيبتي و سلميلي علتى ماماتك كتير

  34. shams 23 December 2009

    الله يجزيك الخير بس انا ماعندي الاوريغانو والخل ممكن نستبدلهم بشي تاني مشكورة

  35. منى 24 December 2009

    اختي ممكن تستبدلي الخل بالليمون و الاووريغانو بالزعتر الاخضر , بس بصورة عامة دائما انصحك بان تجربي الوصفة متل ما كتبتها , لانها ستعطيك افضل نتيجة ;)

  36. منامينو 8 October 2010

    مرحبا منى.. اشتقتلكو كتير.. شو هالموساكا الحلوة هاي؟؟ ما شاء الله عن جد طيبة.. الإسبوع الماضي عملت نفس الوصفة، بس بتعرفي شو كان اسمها ؟؟ مسقعة بالبشاميل :grin .. كاين موساكا تحريف لكلمة مسقعة..

    منى.. الحقيني حبيبي على صفحة الششبرك.. راح حط لك وصفة خطيرة هناك.. الششبرك البورصـلي بالدجاج.. إذا عجبتك نزليها بوصفة لحالها.. أوكي ؟؟ :zzz

  37. منى 25 October 2010

    ايه منوش الموساكا تحريف للمسقعة :) كاه اصله من عنااا :grin

    الوصفة بتجنن نزلتها و صار الها اسبوع على الصفحة الرئيسية , يمكن ما شفتيها :roll

  38. reema 27 October 2010

    تسلم ايديك ست منى..ناوية بكرة أعملها.. بس بالعادة بتاكلي معها خبز الا رز؟؟

  39. منى 28 October 2010

    مممم هلا انا باكلها لوحدها , بس جربتها مع الرز و طلعت طيبة كتير ;)

  40. reema 28 October 2010

    شكرا ست منى على الرد السريع..عملتها اليوم وكانت طيبة وأكلتها بالخبز بدون رز لاني تكاسلت اعمل رز..تسلم ايديك

  41. منى 9 November 2010

    صحتين و الف هنا يا رب , منيح انها كانت على زووءك

    صحة :)

  42. شفاء 15 September 2011

    اي شو هالموساكا يامنى شي خيالي
    رااااااااائعة
    لزيزة
    خفيفة
    صرتا عاملتها كتيييييييير
    صار عليها ادمان من العيلة
    كل عزيمة صرت اعملها بس أغلب الاحيان بالبطاطا
    لانه عجبتهم اكتر وأحيانا بقسم الصينية بالنص
    وحبيتها مع الرز
    الله يسلم ايديك ويسعدك

  43. منى 15 September 2011

    صحتين و الف الف عافية شفاء , شو مبسوطة بردودك و بانك عم تجربي الوصفات و عم تطلع نمممم ;)

تقييم الوصفة
عاديةقد أحضرهاجيدةممتازةأكثر من رائعة (1 votes, average: 2.00 out of 5)