براونيز بكريما الخمس دقايق السريةوصفة أم عبادة
العجينة :
3 بيضات بحجم كبير
كاسه سكر عادي
كاسه سمنه بحرارة الجو الدافئ
ملعقه طعام فانيليا
ملعقه طعام بيكنغ بودر
4 كاسات طحين كاتو
الحشو :
6 تفاحات متوسطه الحجم
ملعقتان سمن كبيرتان
كاسه سكر
كاسه زبيب
ملعقتان كبيرتان قرفه
ملعقه طعام نشا بودره
• تعجن مقادير العجينه جيدا ثم تترك بالبراد ريثما نقوم بتحضير الحشو .
• لتحضير الحشو نقشر التفاح و يقطع لمكعبات متوسطه الحجم .
• ترفع السمنه على النار و نضيف التفاح و نقلب قليلا حتى يبدأ التفاح يتغير لونه ثم نضيف السكر و نتركه على نار هادئه عندها سيبدأ التفاح و السكر بتشكيل قطر خفيف دعيه حتى تري التفاح قد أصبح طريا .
• نضيف الزبيب و القرفه و النشا و يغلى قليلا إلى أن يصبح قوام القطر لزج ومتماسك مع التفاح بشكل جيد , ارفعيه من على النار و دعيه ليبرد .
• اخرجي العجينه من البراد و أقسميها ثلثين على حده و ثلث على حده افردي القسم الاكبر من العجينه في صينيه متوسطه الحجم من التي تنفصل حوافها و مدي العجينه لترتفع على الحواف قليلاً .
• صبي الحشو و وزعيه جيداً ثم مدي الجزء المتبقي من العجينه على طاوله بسماكه 1سم و قطعيه لمستطيلات رفيعه و رتبيها فوق الحشو لتشكيل شبكة او قومي بتقسيمها لقطع صغيره جدا كأنها مبشوره و انثريها على السطح أو افرديها كطبقه عجين رقيقه و غطي بها الفطيرة الخيار متروك لك وانا افضل الشكل المبشور لانه الاسرع ويعطي طعما مقرمش .
• تخبز في حراره 180-200 لمدة نصف ساعه تقريبا و ستجدي أن السطح أصبح محمر بشكل شهي و ألف صحه و هنا .
الللله تسلم ايدك .. ريحتها واصله لعندي
بالفعل شكلها سهلة و سريعة .. قرأت قبل كده طرق كثيرة لفطيرة التفاح و لكن كانت معقدة و طويلة ، الطريقة دي تفتح النفس للتجربة .
ممم , تسلم دياتك ام عبادة , وصفة شهية و مفصلة كعادتك..
و صور تفتح النفس , تسلم دياتك يا رب
أهلا كوكو شوفي الريحه على الواقع شو شهيه ورائعه وخبريني عنها
أهلا يا نهوله بالفعل هيه سريعه التحضير ومفيده بضيوف المفاجات وخصوصا ان المكونات بتكون بالبيت غالباوما بدها تحضير مسبق بتمنى تعجبك والف صحه وهنا
أهلين أم تسنيم شو خبريني قديش بينزل الواحد بريجيم الحلويات مشان اعمله وريح حالي من تعب الريجيمات
اهلا بالغاليه والعزيزه أختي منى تسلميلي يارب والله يعطيك ألف عافيه على هالاكلات الحلوه عم تشهينا عليهم وكل ما عملت اكله بحس أني بحلب
يعطيك ألف عافيه
تسلم إيديكي يا رب… التفاح رائح وين ما حطيناه وبيعطي طراوة مدهشة للوصفات.. رح جربها إن شاء الله…
منى الحبوبة
أنا عملتها لفطيرة التفاح وكتتتير لذيذة تسلميلي على الوصفات يا زووووووق
عنجد أنا حبيتك من وصفاتك ونفسي عنجد ألتقي معاك
تحياتي
إيمان
هلا امولة
ان شاء الله عوافي و هنا و سلم ديات ام عبادة على هل الوصفة الطيبة
كلك زووء يا عسل و الله و انا كمان شو بيلهف قلبي على كل الاخوات الطيبات الي اتعرقت عليهم بهل الموقع , منور الموقع حبيبتي:)
هلا بالحلوه إيمان الف صحه وهنا على الفطيره وإن شاء الله تكون عجبتك
صباح الخيرات على الجميع
تحياتي إلك منى
أم عبادة تسلمي حبيبتي على الوصفة وكتييير طلعت زاكية
عنجد أنا صرت طباخة ماهرة من وصفاتكم اللذيذة
تسلمولي
السلام عليكم
مشكورة أختي أم عبادة على هالوصفة الظريفة البارحة جربتها أنا وحدة من قريباتي عندها بالبيت و طلعت ظريفة بس العجينة مريقة شوي أنا رقيتها بلإيد بدون شوبك يا ترى هي لازم تكون هيك و لا لأني استعملنا زبدة بدال السمنة
:roll
السلام عليكم اختي ام عباده
شكرا اكتير على هالوصفة اللذيذة بس العجينة طلعت متل عجينة الكوكيز سميكة اكتير ياريت لواتساعديني اختي لاني فطيرة التفاح هية الشي الوحيد اللذي كنت اتمنى ان اعمله و ينجح معي
على كل انا بدي احاول اعملها مرة ثانية و اشوف شو اخطأت و اكيد بحكي عن تجربتي الثانية ولك جزيل الشكر
السلام عليكم ورحمة الله وبركاته
اليوم عملت الفطيرة على طريقتك أختي أم عبادة
، وهي أول مرة بعمل هيك شي، بس بتذكر ماما كانت تعمل.
هي تطبيقي لإلها :
أول الشي العجينة طلعت معي غليظة وما كانت تتماسك تمام، تضل تفرط بين إيدي، بعدين شفت بموقع كاتبين أن هالنوع من العجين هيك لازم يكون :roll انتوا كيف كان يطلع معكون ؟
وكمان احترت مشان اللون، يعني طلعت معي الحشوة غامقة، ما كان عندي زبيب فحطيت جوز مفروم ناعم بدالو :grin قلت بلكي مشان هيك، لبين ما شفت نفس الصورة هي اللي عندكون هون بالويكيبيديا، فخطرلي أن يمكن وصفة الصورة غير الوصفة يلي هون، وكمان الخطوط اللي فوق الحشوة بالصورة ما من نفس العجينة !
عكل حال
[img]http://img577.imageshack.us/img577/5277/sapplepie.jpg[/img]
طبعاً أنا عملت تلت الكمية، لأن مافي حدن غير أنا وجوزي، والقالب تبعي صغير
.
يسلمو دياتك أم عبادة، الوصفة الجاية حطبقها القطايف من تحت إيديكي ونفسك الحلو
.. ادعيلنا.
والسلام عليكم
انا جربتها عدة مرات وبشكرك عالوصفة بس في تغير واحد صارت العجينة افضل وهي تلات كاسات طحين بدل اربع
هادا رايي والوصفة رائعة