أفضل طريقة لحفظ الذرة


         وصفة : منى                 2008/08/17                 8 تعليقات
أفضل طريقة لحفظ الذرة



ذرة طازجة
ملح صخري

• ينزع الجزء الأخضر من الذرة ثم يزال الشعر المحيط بحبات الذرة بشكل تام إما تحت الماء أو باستخدام قطعة قماش نظيفة .

• باستخدام سكين حادة تقطع حبات الذرة من العرنوس , يفضل تقطيعها على صينية كبيرة منعناً لتطايرها في أنحاء المطبخ .
• تغلى كمية كبيرة من الماء في قدر كبير و يضاف لها الملح الصخري بحيث يكون الماء مالحاً بشكل ظاهر .

• بعد أن يغلى الماء تضاف حبات الذرة و تترك حتى تغلي مجدداً , ستظهر القشور على سطح الماء , ترفع باستعمال ملعقة كبيرة مثقبة و تكرر العملية كلما ظهرت القشوز .

• تترك الذرة حتى تنضج و تحتاج لمدة 20 - 30 دقيقة أو حتى تنضج عند تذوقها .

• ترفع الذرة على مصفاة و تترك حتى تبرد تماماً ثم تعبأ بأكياس صغيرة و تحفظ في الفريزر حتى وقت الاستعمال .
  • وصفات تانية ممكن تعجبك


التعليقات

  1. غيث 17 August 2008

    الله يعطيك العافية ويجزيك الخير والله طريقتك مفيدة جدا وعملية واقتصادية ومنظرهاجميل وبيشهي الله يسلم ايديك يا حق والله انا بسلقها قبل تقطيعهاوبتعل قلبي بقى رح جرب طريقتك من الان فصاعدا وشكرا لك جزيلا وكمان بدي اشكرك على طريقة الميلك شيك جربته بالموز اليوم كان رائع متل الجاهز والاولاد حبوه كمان طريقته اقتصاديةجدا حيث الكوب الصغير عندنا تكلفته اكتر من مئتي ليرة سورية وصغيرة وما بتروي اما انا عملتلهم ابريق على طريقتك ويعبوا بهالكاسات لحتى ارتووا الله يروي قلبك بكل ما تحبيه :)

  2. منى 18 August 2008

    هلا غيوثة :)
    هنا و عوافي على الميلك شيك , الله يباركلك بالقطط الحلوة و تشوفي منهم خير كتير و ان شاء الله الك متل هل الدعوات الحلوة و أكتر ;)

    اكيدة اذا جربتيها رح تعجبك هل الطريقة , اسهل بكتير

  3. سارونات 2 September 2008

    السلام عليكم و رحمةالله و بركاته
    الاحد الماضي جربتها و هاي اول مرة احفظ فيها ذرة و لحقت على اخر الموسم صحيح الذرة كانت تعبانة شوي بس مع هيط الطريقة هاي كتير سهلة و بعتقد احسن بكتير من اننا نغليه بالمي و بعدين نقطعها
    راح صير دايمااتبع هالطريقة
    و ناطرة وصفات تانية فيها ذرة
    بالتوفيق
    سلام

  4. منى 2 September 2008

    هلا و عوافي أختي :) ما شاء الله عليك شو هل النشاط الحلو ;)

    كتير انبسطت ان الطريقة عجبتك , ريتو عوافي على السنة كلها

  5. haya 27 November 2008

    السلام علبكم ورحمة الله وبركاته
    ماشاءالله عنك يا منى كل شئ بنحتاجه عم بنلاقيه بالموقع حتى حفظ الذرة الله يديمها عليك من يارب وتبقي دائما هيك معنا بكل جديد وان شاءالله راح جربها باذن الله
    :)

  6. منى 27 November 2008

    هلا هيا :)
    خليلي عينك عل الدعوات الغالية و الحلوة ,, أميين أميين اختي و ان شاء الله انت كمان

    اذا جربتيها ان شاء الله تعجبك و تعتمديها على طوول ;)

  7. قهوه مُره 7 March 2010

    السلام عليكم….كيف الحال..يعطيكي العافيه..إذاسلقت الدره وبعدين قطعته بيكون أقل قيمه (من الناحيه الغذائيه)ولا هناك مشكله أخرى…مع الشكر

  8. أم المنذر 16 December 2010

    الله يسلم ايديكي ويجزيكي الخيرعلى هالافكار الرائعة الله يجعلا في ميزان حسناتك آمين

تقييم الوصفة
عاديةقد أحضرهاجيدةممتازةأكثر من رائعة (1 votes, average: 5.00 out of 5)