براونيز بكريما الخمس دقايق السريةقرب رمضان كل سنة و الكل بالف خير و صحة و الله يبلغنا ياه و يجعلنا من عتقائه , امين
هل الموضوع هو لحتى نتشارك بافكار جديدة لحشوات السمبوسك و الكبة المقلية , ما شاء الله ستات البيوت صايرات مبدعات و في افكار بتاخد العقل ..
يا ترى شو حشوتك المفضلة و المبتكرة ؟
السلام عليكم ست منى
هيدي أول مشاركة إلي بموقعك الرائع…
إن شاء الله كل عام إنت و عيلتك بألف خير
جربت كذا وصفة و الحمد لله كانو كتير ناجحين و طيبين من بيناتهن كاتو قدرة قادر
بدي أتشكرك على مجهودك ,على كل التفاصيل و الصور….
على حبك للمطبخ و إفادة الغير….
بالنسبة لحشوة سنبوسك الجبنة…فأنا بخلط نوعين أو ثلاثة… مثلا موزاريللا و عكاوي و جبنة طرية مالحة و بضيف شوية من حبة البركةو نعناع يابس….إن شاء الله هالمرة على رمضان بدي أعمل سنبوسك بالجبنة السائلة….بدون أي إضافات
كتييييييير طيب …بس مشكلته إنو ما بيصير يتفرز…
سنبوسك اللحم بضيف عليه بصل أو فطر أو جزر مبشور حسب ما يتوفر
سنبوسك الدجاج بعمله مع البصل الأخضر و الفليفلة الخضراء…
بإنتظار أفكارك و وصفاتك يا ست منى و لك مني أطيب تحية
ما بتعرفي اديش انا مبسوطة انك رجعتي من غيبتك عالموقع.
اشتقنالك كتير يا منى
انشالله رمضان مبارك عالجميع و انشالله يكون فيو رحمة ومغفرة وعتق من النار للكل.
انا يا منى هي اول سنة بقرر اعمل سنبوسك مشان هيك رح اجرب منكن
و انشالله نشوف وصفات جديدة ومميزة والله يجزيك كل خير وتلاقيه بأهلك و عيلتك يا رب
مرحبا مدام منى
اشتقنالك
انا الاكلات التقليدية احبها زي ماهيا يعني السمبوسك مااغير في حشوتها الاصلية D:
خاصة اللحم لكن الي بالجبنة كل مرة شكل
بالنسبة لسمبوسة اللحمة احبها لحمة مفرومة مع بصل ولمن تبدا تشرب مويتها احط فلفل اسود وكمون
وقبل مااطفي النار احط شبت (مو كتير) وجزرة مبشورة وبيض مسلوق مفروم. . هادي الحشوة اعشقها خاصة في سمبوسة البف.
علا فكرة الي حتفرز السمبوسة ماينفع تحط بيض مسلوق لانو حيسود
اما الجبنة احب تشيدر مع عكاوي ورشة بسيطة جدا زعتر اخضر ناشف
رمضان مبارك عالجميع والله يا ميموجربت كتير حشوات من رفقاتي هون بس برجع للحشوة اللي بيعملوها اهلي بحلب سمبوسك اللحمة لحمة ناعمة مع بصلة وبقدونس وبحب معه حب رمان حامض اذا متوفر بيككون رائع اما الجبنة فبحبها بالعكاوي متبلة بالنعناع اليابس وحبة بركة وفليفلةحمرةناعمة وزعتر اخضر
كل عام وانتي والجميع بالف خير ويسلمو ايديك انت والجميع على عجينة السمبوسك لما جربتها كتير انبسطت عليها وقلتلك بالتعليق[B]الله يطعميك ثمرات الجنة يا رب [/B] الحشوة الي بستعملها مع البطاطا جبنة وكزبره، ومع الجبنة بقدونس ، مع اللحمة بهار وكزبره وفليفلة مبروشه وصنوبر مقلي وبالهنا والشفا يار ب للجميع وشكر خاص الك يا منى تحديداً بصراحه انا كل يوم الصبح بشرب معك فنجان القهوة على رواقه يعني انت صرتي صحبيتي وجارتي
كل عام وانتي والجميع بالف خير ويسلمو ايديك انت والجميع على عجينة السمبوسك لما جربتها كتير انبسطت عليها وقلتلك بالتعليق[B]الله يطعميك ثمرات الجنة يا رب [/B] الحشوة الي بستعملها مع البطاطا جبنة وكزبره، ومع الجبنة بقدونس ، مع اللحمة بهار وكزبره وفليفلة مبروشه وصنوبر مقلي وبالهنا والشفا يار ب للجميع وشكر خاص الك يا منى تحديداً بصراحه انا كل يوم الصبح بشرب معك فنجان القهوة على رواقه يعني انت صرتي صحبيتي وجارتي
السلام عليكم
اشتقتلكن كتير واشتقت لطلة الاخت منى فوق ما بتتصوروا
بالنسبة للحشوات خبركن شو اطيب حشوة وخصوصا بعجينة البف باستري
حشوة فطيرة اللحمة على طريقة سيما
انا بعدماساويت الفطيرة زاد عندي حشوة وساويت فيها فطاير وطلعوا بجننوا :eek
منى الي عندك موضوع رح يفيد كتير منا قبل رمضان وبرجع بقول قبل رمضان وهو شو بتنصحونا باكلات من لقمة طيبة او من غيره فينا نجهزن تجهيز مسبق ونحطهن بالفريزر او اكلات نعملن بعد الفطور وتاني يوم يبقالن خطوات بسيطة
وشكرا للكل
شكرا منوشة انا كتييير مبسوطة لاننا مع بعض
بالنسبة لحشوة السمبوسك فانا عندي طريقة هي ..
مرتديلا مع شوية فليفة خضرا وبتتقلا مع جبنة بتطلع طيبة واذا بتحبو تضيفولها شي تاني واحيانا بساوي جبنة ومرتديلا مع بعض لحالون بدون فليفلة بتطلهع طيبة اما الوصفة التانية الي بعملها غريبة شوي بس طيبة للي بيحبو الزيتون
وهي زيتون اخضر وبتحطيلو شوية فليفة حمرا وشوية كون ونتوفة صغيرة كتير دبس رمان نتووووفة صغيرة وبس
واكتر شي بحب الجبنة انا..
وممكن احيانا ساوي جبنة مقلية واحشيها
وشكرا كتتتير لهالموضووع الحلو منوشة
وعندي سؤال ماحدا عم يجاوبني عليه كيف بقدر افتح مشان اكتب مووضووع مشان الله اولولي ؟؟؟
وتحياااتي للحلوين بس ..
لولووو 8) 8) 8)
سلام عليكم منونة بصراحة بالصدفة إمبارح كنت عم اعمل سمبوسك وافرزه لرمضان بصراحة ما جربت غير الحشوة التقليدية يللي متعودين عليها من وقت ما كنت عند اهلي اللحمة مع بهاراتها وشوية بصل وبقدونس والجبنة مع نعناع يابس وفليفلة حمرة وهل المرة اضفت عليه رشة زعتر اخضر يابس بس الفرق الوحيد يللي عملته هو إستعملت جبنة تركية بتشبه جبنة الفيتا لأنو ما عندي جبنة حلبية للأسف خلصت من عندي بس انا مرة شفت وصفة لمنال العالم عم تحشي السمبوسك تمر مع القرفة والهيل وبالأخير بعد ما قلتن غطستن بقطر خفيف ورشة فوتن شوية قرفة حسيتها ظريفة يعني كنوع حلو بس بصراحة ما جربتها إيه وكمان شغلة انا صرت كذا مرة عم اعمل السمبوسك الهندي يللي موجود بالموقع مع الحشوة تبعه كتيير طيبة يعني كنوع سمبوسك نباتي وتغير شكل وشو كمان بالنسبة للكبة المقلية كمان عملت أولت إمبارح كبة وفرزتها بس انا بحشيها لحمة مع بهاراتها وبصلة صغيرة وشوية جوز ما بعرف بحس هل الحشوة طيبة كتيير ما غامرت وجربت حشوات مختلفة بس إذا في شي ظريف ليش لأ الواحد بجرب ممكن يطلع طيب كتيير
صحيح نسيت ارمضن عليكن يا صبايا كل عام وإنتو بألف خير وينعاد عليكم بالخير واليمن والبركات وإن شاء الله تنصلح حال الأمة الإسلامة وحال بلادنا يارب والله للأسف ما في بهجة هل الرمضان بسبب الحال يللي ببلادنا الله يفرج بس يا رب
:cry
السلام عليكم جميعا
من اهم حشوات السمبوسة اللحم والجبن بشكل عام
السلام عليكم ورحمة الله وبركاته
السمبوسك من أككككككتر الاكلات المفضلات عندي (من أصل شي 20-30 وحدة :grin ) بس ما كنت اعملها كتير لأن ما كانت تزبط معي العجينة، للسنة الماضية لما عرفت عجينة منى للسمبوسك وبالضبط عرمضان الماضي عملت 4 أضعاف المقادير وفرزتون وضلوا عنا فترة طويييييييييييييييييييلة لسه بعد رمضان ههههههه لأن انا وجوزي وبس وما بيجي حدن لعنا. (هسع تقولون شو بخيلة :p )
هالفطاير التلاتة الفولكلورية كانت متواجدة عطول، وما اذكر مرة احتفلنا براس السنة إلا وكانت ضرورية وماما تضل يومين تشتغل فيون.
المهم .. وحدة من الحشوات ، كانت حشوة فطاير روسية، ماما دايما كانت تعملها من صغري، وانا بحبها بالسمبوسك كمان: بصل أخضر مقطع ومقلي بعدين بينضافلو بيض مسلوق مقطع، أنا كمان عملتها بالكرات طلعت بتجنن. في كمان حشوتين فطاير روسية بس لسه ما جربتون، ملفوف مقطع قطع طولانية مقلي وبعدين بينضفلو البيض، والحشوة التانية جزر مبشور مقلي بعدين مضافلو بيض.
لما كنت صغيرة وكنا نجتمع عطاولة راس السنة
كالعادة فتحتلكون قصص :grin .
رمضان كريم
الله يجعلنا من عتقائه فيه
(صحي هي بتنكتب: عتقاءه ولا عتقائه؟)
والسلام عليكم ورحمة الله
عفوا إيه تذكرت كمان حشوة السمسم
.. بيندق السمسم بالمدقة (ولا شو اسمها؟) وبينحطلو رشة قرفة وسكر 
ماما كانت تعملها بس مو حشوة روسية :grin على ما اذكر تعلمتها من حماتها بحماه. طيبة كمان
والسلام عليكم ورحمة الله
انا كتيييرمبسوطة انه رمضان هاد راح اعمل اشياء كتييير طيبه وجديدة والفضل الك يا منى ولكل الخوات الرائعين بالنسبة للسمبوسك انا بحبها كتيير بجبنة الكيري او الشيدر مع الموتزوريلا او الجبنة العكوي مع بقدونس وفليفلة خضرا وبنتي تالة كتييير بتحبها بلحمة وبقدونس و صنوبر
:p
السلام عليكم ورحمة الله وبركاته
والله اشتقتلكم جميع بس مدري كيف بضيع الوقت
عزيزتي أنا أحياناً بحشي السمبوسك خضرايعني بزاليا وجزر وبصلة وبطاطا وفاصولية
بقطع البصلة ناعمة والجزر والفاصولية والبطاطا وبقليهم بالزيت طبعاً وبتحطي البهارات يلي بتحبيها مع الملح أكيد وبتحشي السمبوسك منها
وألف صحة وهنا
السلام عليكم
كيف الحلوين ؟؟
حبيبتي منى حابة اسئلك عن حشوة اللحمة كيف اجمدها
يعني أقدر اقلي اللحمة مع البصل و الفليلفة و .. الخ
و بعدين اجمدها ؟ و لما بدي استخدمها لازم اطالعها قبل بفترة ؟ و لا كيف ؟
السلام عليكم !
رمضان كريم عليكم جميعا و بالأخص ادارة لموقع اللي بفضل جهودهم صار فيني اعمل الاكلات اللي بحبها بالبيت من دون ما اضطر اروح على مطعم و ادفع المبلغ الفلاني و كتير أحيان مو متل نظافة و نكهة الأكل بالبيت
خاصة انا برا سوريا و ساكن مع رفيقي اللي مو شاطر غير يعمل كبسة ! أو رز و فروج يعني هي نفسها بس بتغير الأسماء و هيك
انشالله قررت أعمل وصفة كل يومين أو تلاتة من الموقع لحتى خلي موائد رمضان عامرة و السلام
السلام عليكم ورحمة الله وبركاته. رمضان كريم على جميع الامه الاسلاميه.كيفك منى ؟طبعا السنه هاي رمضان عندي ضيفه صغيره عمرها شهر بنتي جود :الله يحفظها ويحفظ اولادكن جميعا
وكل سنه ورمضان ينعاد على الاخوات في الموقع بالخير والسعاده
وطبعابالنسبه لحشوة السمبوسك بحبها بالحمه المفرومه والصنوبر والحشوه التانيه بحبها بالبازيلا والجزر مع البهارات الكاري
بعد اذنك منوش.. الجواب للاخت لمورة الامورة
بخصوص كتابة موضوع جديد او فتح صفحة جديدة، لازم تبعتي الموضوع لمنى على (اتصل بنا) وهيي بتنزل الموضوع باسمك.
شكرا كتييييير دادووو بس باتصل بنا مافيها غيييير رقم كيف رح ابعتووو الي بيعرف ياريت يقلي وشكرا للكل
تحياتي الكن
لا فيها مكان لارسال رسالة , جربي و بانتظار رسالتك
موضوع كتير حلو… في حشوه للسمبوسك كتير زاكيه بس ما جربت أفرزنها… بتجيبي باذنجان و بتقطعي مكعبات و بتملحي حتى تصفي ميتو…بعدين بتقلي بصلة+بندورة+فلفل أخضر+البذنجان و بتحطيلهم ملح وفلفل أسود وشطه+دبس فليفله…أنا بحب البذنجان كتير خصوصا إزا كان مقلي وإنشاء الله تعجبك هاي الوصفه …
عزيزتي عندي سؤال بعيد عن السمبوسك، بلاحظ انو بالمحاشي الحشوي بتطلع معي ناشفه وكتير ماسكه يعني اللحمه والرز شادين على بعض مش عرفي ليش :upset وياريت ألقي عندك الجواب
السلام عليكم
كيفك منى حبيت قلك كل عام و انت بخير و لكل الصبايا و ينعاد انشاء الله على الكل بالخير و البركة
مرحبا يا حلوات انا صرلي اكتر من سنتين ونص بعرف الموقع بس هدا اول تعليق لالي, السمبوسك بحشيه اما لحمة وبقدونس, هي الطريقة الحلبية الاصلية
او جبنة او تمر مطحون, وسمبوسك التمر كتييير طيب ماما كانت تعملنا ياه
اما سمبوسك الخصراوات ما جربتوا ما كبسني قلبي عليه كتير