براونيز بكريما الخمس دقايق السرية
· يغسل الرز ثم ينقع بالماء البارد لمدة ربع ساعة .
· تذوب السمنة على نار هادئة ثم تحمص بذور الكمون و حبات الفلفل الأسود و حب الهال و ورق الغار و القرفة لبضع ثواني حتى تظهر رائحة البهارات اللذيذة , مع الانتباه كي لا تحرق البهارات .
· يضاف البصل و يقلب حتى يشقر قليلاً , يضاف الكركم و يقلب ثم يضاف الجزر و الفليفلة و يقلب المزيج لمدة 5 دقائق تقريباً .
· يضاف المرق للقدر و يترك حتى يغلي , يصفى الرز جيدا من ماء النقع ثم يضاف لمزيج البهارات و الخضراوات و يقلب بلطف حتى تمتزج المواد جيداً ثم يغطى القدر و تهدى النار و يترك الرز حتى يمتص كل الماء و تنضج حباته , أصبح الرز جاهزاً و يقدم ساخناً .
3 كوب رز بسمتي
3 ملعقة كبيرة سمنة أو زبدة
ملعقة صغيرة من حبوب الكمون
بضع حبات من الفلفل الأسود
بضع حبات من حب الهال الصحيح
4 ورق غار
2 عود قرفة
8 – 10 حبة قرنفل
حبة كبيرة بصل مفروم ناعماً
حبة جزر مبشورة
حبة فليفلة حمراء مفرومة ناعماً
نصف ملعقة صغيرة كركم
6 كوب مرق
• يغسل الرز ثم ينقع بالماء البارد لمدة ربع ساعة .
• تذوب السمنة على نار هادئة ثم تحمص بذور الكمون و حبات الفلفل الأسود و حب الهال و ورق الغار و القرفة لبضع ثواني حتى تظهر رائحة البهارات اللذيذة , مع الانتباه كي لا تحرق البهارات .
• يضاف البصل و يقلب حتى يشقر قليلاً , يضاف الكركم و يقلب ثم يضاف الجزر و الفليفلة و يقلب المزيج لمدة 5 دقائق تقريباً .
• يضاف المرق للقدر و يترك حتى يغلي , يصفى الرز جيدا من ماء النقع ثم يضاف لمزيج البهارات و الخضراوات و يقلب بلطف حتى تمتزج المواد جيداً ثم يغطى القدر و تهدى النار و يترك الرز حتى يمتص كل الماء و تنضج حباته , أصبح الرز جاهزاً و يقدم ساخناً .
سبحان الله لك حتى الرز بتتفنني فيه عنجد ما شاء الله عليكي نيال زوجك و أولادك شئد مدللتيون مو بئولو أقرب طريق لقلب الرجل معدته, عبتطبئي المتل عأصولو
الله يهنيكي و يسعدك يا رب
يسلمو هالايدين ميمو الحلوة
خجلتيني بدورة
و انت يا رب كمان الله يسعدك و يهنيك و يبعت لك ابن الحلال الي يستاهلك يا قطة
نورتي 8)
تسلميلي على هالدعوات الحلوة
والله مو مجاملة عبحكي معك من كل ألبي عنجد بهالزمن من النادر يلتئا حدا متلك الله يئويكي و يحفظك ويكتر من أمثالك 8)
عندي طلب لو سمحتي:
نحنا هلأ جايين على رمضان نشالله كل سنة وإنت سالمة يا رب,
ممكن تدعيلي اذا تذكرتيني بئولو دعاء الغريب مستجاب والله يشهد علي حبيتك وحسيت دعائك مستجاب نشالله.
ادعيلي الله يخترلي الخير ويثبتني على طاعتو ويباركلي بوئتي وعلمي وعبادتي وشكرا :zzz
وأنا ما بنساكي من الدعاء أكيد نشالله ويسلمو كتير الك بكل الأحوال
منرجع للطبخ :p
نشالله رح جرب هاد الرز العجيب و بخبرك النتائج و اذا بتعملي كبسة ممكن تنزليلي الطريئة لاني تعلمتا من رفيئتي بالاردن بس فيا بهارات مو موجودة عنا بحلب مشان هيك سألتك عليها
خدي وئتك فيا مو مستعجلة و شكرا جزيلا ميمو الحلوة
هلا بدورة
رح ادعيلك ان شاء الله و الله يوفقك و يسر أمورك و يختار كل الخير يا رب ..
تكرم عيونك بدور رح نزل الكبسة إذا الله راد ..
بس على فكرة البهارات كلها في عندنا منها , بس لازم تسألي عنها في سوق العطيرين مو المحلات الأنكاجيه :grin
:grin
شكرا ميمو الحلوة خلص معناتا بانتظار وصفاتك العظيمة و بسأل عن البهارات محل ما التيلي
و تسلميلي على هالكلمات الحلوة المميزة يلي بتطلع من تمك
ان شاء الله بدور
الله يسلمك و لا يحرمني من طلتك الحلوة
السلام عليكم و رحمة الله و بركاته
جازاك الله خيرا اختي منى
بدي اعرف ازا هالوصفة بتنفع بس بالرز البسمتي او فينا نستعمل الرز المصري
بالتوفيق
سلام
هلا أختي
هل الوصفة بالرز البسمتي , بس ما دام مو متوفر عندك , جربي ليش لا , أصلا بذكر اول مرة جربت الكبسة فيها كان برز عادي لان كنت مشتهية جربها و ما عندي صبر استنى يتوفر عندي رز الحبة االطويلة
كمان اليوم جربت الوصفة وطلعت واووو بتجننن انا تركت الفروج وصرت اكول رز
مرسي منى
مممم و الله انت متل ضحى , بترك الدجحاج و بركض على الرز بحسه مقبل اكتر :zzz
الف هنا و عافية و صحة يا حق
السلام عليكم و رحمة الله و بركاته
اختي منى هل فينا نستبدل الكركم بالزعفران الشعرة و اذا هيك امتى و كيف منضيفو لان عبالي ساوي الوصفة اليوم او بكرا ان شاء الله
بالتوفيق
سلام
ممكن تستبدلي و بتدوي الزعفران بشوية مي و بعدها بتضيفيه لمرقة الطبخ
السلام عليكم و رحمة الله و بركاته
اختي منى ساويته امس برز قصير الحبة و طلع طيب بالرغم من بعض الشغلات اللي صارت و ان شاء الله راح جربه مرة تانية و يطلع اطيب بس متل ما صرتي تعرفي مشكلتي مع الزعفران مع اني حطيت مقدار لا باس به بس ما طلع لون ابدا بدي اسألك اختي منى انت قلتيلي بوصفة كبة الرز اني دوب الزفران بماء و خليه لعشر دقائق و بعدها بضيفو انا خليتو بس لشي دقيتين بس المائ اللي دوبتو فيه صار اصفر اما الرز فابيض ابيض
بالتوفيق
سلام
السلام عليكم و رحمة الله و بركاته
:zzz اشتريت كركم )) صاير حدث )) :grin
هلأ راح ارجع عيد هالوصفة و راح شوف كل الوصفات اللي فيهم كركم مشان جربهم
بالتوفيق
سلام
ختي المشاكل الي عم تذكريها الها علاقة بنوع الزعفران , معلش سامحيني بس اكيد انت مغشوشة فيه و اخدة نوعية مو منيح :roll
منيح اشتريتي كركم و ان شاء الله بيزبط معك
السلام عليكم و رحمة الله و بركاته
و الله ما بعرف يمكن مغشوش مع اني حاسة انه مو هيك يلا شي مرة راح حط كمية كتير كبيرة تحتى اتأكد
ان شاء الله نشوف اللون الاصفر على وش الكركم
بالتوفيق
سلام
ان شاء الله تظبط و بالنسبة للزعفران مو الكمية الكبيرة هي الي بتخلي اللون اصفر , النوعية المنيحة لان الكمية الكبيرة رح تخلي اللوم برتقالي اذا كان الصنف منيح :grin
السلام عليكم و رحمة الله و بركاته
:grin :grin منووش بتعرفي بشو بيذكرني لون الرز البرتقالي بيذكرني برز منال العالم بالدجاج اللي ما ضبط لا معك و لا معي و انت غيرتيه و ضبطتيه اتذكرتيه هذاك طلع لونه برتقالي و لون الدجاج برتقالي كمان :grin لا تنسي تحطي الوصفة شي مر منوووش بدي وصفتك المعدلة
يا ستي ساويت الوصفة بكركم و رز طويل الحبة و طلعت كتير طيبة و اكيد صارت معتمدة
منووش ناطرة منك وصفة الكبسة اذا فيكي باقرب وقت يمكن بعد العيد اذا فيكي
بالتوفيق و الله يجعلكم ممن يعتقون من النار في العشر الاواخر
سلام
بتعرفي سارونات , انا ظبط معي بس رجعت عدتها و ما كتير عجبت الراي العام العالمي , سبحان الله اديه وصفات منال ناجحة , انا معي ما عم تنجح :cry جربتلها الرز الي لا ظبط لا معي و لا معك , جربتلها مرة البريوش و ما طلع منيح و كمان مرة جربتلها حلى كان شكله بياخد العقل هيك متل تارت صغير بغطى القنينة , طلع شكله حلو بس طعمته نوو , هلا قبل رمضان شفتلها كيك عاملته بالجيلو و كان مع فريز , و كتير حابة جربه , ان شاء الله هل المرة يزبط معي 8)
الف صحة و هنا و عافية يا رب على الرز , و رح نزل طريقة الكبسة قريب باذن الله , بس الكبسة على الطريقة الشامية :zzz
السلام عليكم و رحمة الله و بركاته
اذا ما عجبت الرأي العام العالمي بلاها لكان
ان شاء الله تضبط معك الوصفات يا رب و كل شي تحطي ايدك فيه يصير طيب
انا جربتلها لمنال العالم لازانيا الرز و الحمد لله ضبطت و ساويت رز تاني بس كمان ما ضبط معي منيح عل و عسى تضبط غير وصفات بالمستقبل
ناطرة وصفة الكبسة على الطريقة الشامية بتعرفي منووش سبحان الله لما بساوي وصفاتك بحس براحة نفسية و بأن الوصفة راح تنجح و بساويها و انا مغمضة عيوني
منووش يخليلي ياكي
يا ريت تلحقيني على وصفةالدجاج محشي شرقي
والدجاج كباب
بالتوفيق
سلام
ان شاء الله سارونات
ربي يديم المعروف على طول
دقيقة لجيب ايشاربي و لاحقتك :grin