براونيز بكريما الخمس دقايق السرية
· يغسل الأرز و ينقع قليلاً بالماء البارد حتى تجهز بقية المقادير .
· يحمى الزيت قليلاً ثم يقلى فيه البصل حتى يشقر , يضاف الزنجبيل و الثوم و يقلب قليلاً حتى تظهر رائحة الثوم و الزنجبيل اللذيذة .
· يضاف الملفوف و الجزر و الذرة و البازلاء و يقلب الكل على نار قوية لمدة خمس دقائق تقريباً .
· يصفى الرز من الماء تماماً ثم يضاف للخضار و يقلب بلطف لبضع دقائق و يتبل بالبهارات .
· في هذه الأثناء يوضع المرق على النار في وعاء أخر و يترك حتى يغلي ثم يضاف المرق المغلي مع صلصة الصويا لمزيج الأرز و يترك ليغلي مجدداً .
· تهدى النار و يغطى الوعاء و يترك لمدة 20 – 30 دقيقة أو حتى يجف المرق و تنضج حبات الرز و تطرى .
· يترك الرز مغطى في الوعاء ليتهدى لمدة عشر دقائق ثم يسكب الرز في طبق التقديم و يزين بالفلفل الحرّ و يقدم مع المشويات المختلفة و سلطة الرايتا الهندية .
2 كوب رز بسمتي
4 – 5 ملعقة كبيرة زيت
حبة كبيرة بصل
3 – 4 فص ثوم مهروس
قطعة صغيرة من الزنجبيل الطازج المبشور
نصف حبة ملفوف متوسطة
2 حبة كبيرة جزر مفروم ناعماً
ثلاث أرباع كوب بازلاء مسلوقة
نصف كوب ذرة
رشة كمون
رشة كزبرة ناعمة
رشة فليلفة حمراء حرّة
رشة قرفة
رشة بهار
ملعقة كبيرة صلصة الصويا
4 كوب مرق دجاج أو لحمة أو مرق خضار
• يغسل الأرز و ينقع قليلاً بالماء البارد حتى تجهز بقية المقادير .
• يحمى الزيت قليلاً ثم يقلى فيه البصل حتى يشقر , يضاف الزنجبيل و الثوم و يقلب قليلاً حتى تظهر رائحة الثوم و الزنجبيل اللذيذة .
• يضاف الملفوف و الجزر و الذرة و البازلاء و يقلب الكل على نار قوية لمدة خمس دقائق تقريباً .
• يصفى الرز من الماء تماماً ثم يضاف للخضار و يقلب بلطف لبضع دقائق و يتبل بالبهارات .
• في هذه الأثناء يوضع المرق على النار في وعاء أخر و يترك حتى يغلي ثم يضاف المرق المغلي مع صلصة الصويا لمزيج الأرز و يترك ليغلي مجدداً .
• تهدى النار و يغطى الوعاء و يترك لمدة 20 – 30 دقيقة أو حتى يجف المرق و تنضج حبات الرز و تطرى .
• يترك الرز مغطى في الوعاء ليتهدى لمدة عشر دقائق ثم يسكب الرز في طبق التقديم و يزين بالفلفل الحرّ و يقدم مع المشويات المختلفة و سلطة الرايتا الهندية .
تسلم الأيادي منى عالأكلات الجديدة والأفكارالحلوة و دايما على أحر من الجمر
الله يسلمك رينو
و ما أنحرم من هل الطلة الحلوة
وصلت ريحته لعندي.. شكله كتير طيب… ومغذي كمان…
على فكرة منى انا ما كتير بستعمل رز بسمتي لانه طبخي اصلاً بالرز الطويل.. بس مرة عملت منال في التلفزيون رز استنبولي كتير اتحمست اعمله واشتريت رز بسمتي بنجاب او مدري شو مشانه.. ونظراً لأنه منال ما قالت شقد نحط مي قرات كتيب الرز وكان فيه انه ثلاث كؤوس ماء والله لا يرويكي شو طلعت الأكلة كتير طيبة بس مخبوصة خبص :upset
ومن وقتها ما استعملت رز بسمتي بنوب.. فإذا ممكن تكتبيلي نوع الرز اللي بتستعمليه لانه فهمت منك انه 2 كأس ماء للكأس الواحد من الرز.. ومشكورة يا امورة…
هلا نورا
أنا بستعمل الشعلان كتير بحب طعمته و ما بيخبص بحياته ..
أنا بستعمل لكل كوب رز كوبان من المرقة , و في ناس بتحط لكل كوب من الرز كوب و نصف مي بس أنا بحبه أطرى شوي
السلام عليكم و رحمة الله و بركاته
جازاك الله خيرا اختي منى
بدي اسال ازا فيني استعمل زنجبيل مطحون و كم حط بعرف الطازج احسن بس هلأ مو متوفر عندي و كمان ما راح حط صويا صوص فهل بيضبط الطبق هيك او بلا ما جربو
بالتوفيق
سلام
السلام عليكم و رحمة الله و بركاته
شو قلتي اختي منى يا ريت ينفع بلا صويا بيكون كتير منيح لان كتير عجبتني تشكيلة الخضار و عم دور عوصفات ملفوف بس مو لاقية
بالتوفيق
سلام
هلا فيك اختي
شوفي اختي لاحظت من اسئلتك انك كتير بتسألي عن البدائل , لهيك حابة فيدك ان ما في شي بالطبخ ما بيصير , اصلا أغلب الوصفات طلعت عن طريق التجربة , انا بمقاديري بكتب الطبق متل ما بشوف رح يعطي اطيب نكهة و احيانا اذا مو متوفر عندي شي , متل الزنجبيل الطازج استبدله بالمطحون و اذا مو متوفر الصويا صوص ممكن استبدله بصوص الوسترشاير أو صوص الفطر , بس بالطريقة المكتوبة بتطلع اطيب الشي و هيك بكون اتعلمتها من مصادرها الاصلية 
في وصفة في الموقع للتشاينز بيف فيها ملفوف , كتير طيبة بس فيها صويا صوص :roll
السلام عليكم و رحمة الله و بركاته
اي شفتها لوصفة التشاينيز بيف و عجبتني لحد ما لقيت الصويا صوص :cry
طيب بدي اسال صوص الفطر ما بينعمل بالبيت
لقيت وصفات لصوص الفطر بس ما بعفر ازا بتنفع او لا
بالتوفيق
سلام
و الله اختي ما عندي فكرة ابداً :roll
السلام عليكم و رحمة الله و بركاته
طيب اختي منى اوصفيلي صوص الفطر كيف بيكون لان ما تعاملت معو من قبل و انا راح دور عليه
بالتوفيق
سلام
هو صوص لونه غامق متل الصويا صوص و مريق و اله ريحة بالفطر , ما بعرف هذا ااقرب شي خطر ببالي لوصفه
السلام عليكم و رحمة الله و بركاته
جازاك الله خيرا اختي منى
بدي اسألك بالمقادير قلتي جزر مفروم ناعما و بالشرح قلتي جزر مبشور حسب الصورة عم شوفو مفروم ناعم بس حبيت اتأكد
بالتوفيق
سلام
هلا اختي
هو مفروم هلا رح عل الوصفة و الف شكر الك للمتابعة
مرحبا منى وكل الصبايا
اشتقتلكن كتير
صرلي من قبل العيد ما كتبت شي..
كان عندي مشكلة بالانترنت بالبيت، وبالشغل ما عم يصحلي شارك بشي يدوب بفوت بسرعة لشوف شو صاير وبطلع.
كتير عجبتني الوصفة.. أنا بموت على الأكل الهندي وكلشي فيه بهارات عطرية ونكهات قوية.
حابة إني جربها بعد بكرة إذا الله راد.
منى عندي استفسار لو سمحتي: هل ممكن إني حضر الطبق لعند مرحلة إضافة الرز و وقف؟ يعني هل ممكن إني جهز الصلصة قبل بيوم ووقت بدي قدم الطبق بضيف الرز وبطبخه؟
بصراحة أنا عندي مشكلة مع الوقت.. دوامي 13 ساعة ومرات بيكون بالليل وبعكس دوام زوجي فبضطر إني إعمل خطط خمسية للطبخ :zzz
عنجد .. بحاول حضر ما يمكن من الوصفات وبحط بالفريزر.. لما بكون معطلة لازم على الأقل جهز لشي 4 أطباق بحيث ما ياخد مني الطبق أكتر من نص ساعة تحضير وقت التقديم.
آسفة منى.. بلعي كتير أنا.. بس مو صرلي زمان.. فاعذريني
هلا دالو
و الله اشتقت الك و انا بعرف هل النوع بيعجبك
الله يكون بالعون و أكيد ممكن تحضري كل التتبيلة و بالخير بيكون عليك بس تضيفي الرز لما تجي للغدا و لوقت ما تجهزي للبيت بيكون غداك جهز
بالعكس دالو انا بحب الردود الطويلة و بقراها اكتر من مرة
خبريني شو بيصير معك
مرحبا منى
شكرا كتير على استجابتك السريعة.. والله العظيم إنتي ما في منك.. بتحبي الخير للناس كتير. الله يوفقك ويديم عليكي وعلى أهلك وعيلتك الصحة والعافية.
اليوم عملت التتبيلة وبكرة على الطبخ والالتهام :grin
ان الله راد بكرة بخبرك كيف طلعت.. بس باينتا رح تكون طيبة كتير.. ريحتها بتشهي جداً 8)
هنا و الف عافية يا رب مقدما و ان شاء الله تكون متل ما بتحبي :zzz
ابوسك دالو الله يديم الخير و المعروف دايما , الك مني الف بوسة 8)
شكلو كتير كتير مغري :p
الله يسلم دياتك ميمو
يا الله شئد بدي وئت حتى اتعلم كلهاد؟
بصراحة موقعك بيعطيني ثقة بالنفس كتير عالية لإني أغلب الأكلات يلي بجربون من وصفاتك بينجحوا معي اذا مو من اول مرة من تاني مرة
بس بالفترة الاخيرة جربت وصفتين مو من موقعك وكانت النتائج كتير مخجلة :cry
يئست وبردت همتي اتعلم شي جديد لإني ما عبنجح بعدا رجعت على موقعك لآخد جرعة حماس و استعيد نشاطي من جديد :grin
ادعيلي.. 8)
مرحبا مرة تالتة
آسفة تأخرت حتى ردلك خبر شو صار معي.. بس كنت عم استلم البوسات الألف 8)
تسلمي يا منى.. كلك ذوق وطيبة.
شو بدي قلك عالأكلة.. عنجد يسلم دياتك وتبقي دائما مبدعة..
الأكلة طيبة كتير وأنا بحب هالنمط من الأطباق .. والسلطة كمان طيبة.. لما كنت روح عمطعم هندي ما حب آكلها لأنو ما بتعرفي شو حاطين بقلب اللبن.. بس مبارح أكلت لحتى قلت حاج :zzz وتهنيت بالأكلة ودعيتلك
شكرا مرة تاينة
السلام عليكم و رحمة الله و بركاته
جربت الوصفة و قرب الرز ينضج بس انا عملت صوص مشروم بالبيت و ان شاء الله تطلع وصفة الرز طيبة
راح خبرك بعد ما ينضج
بالتوفيق
سلام
السلام عليكم و رحمة الله و بركاته
جازاك الله خيرا اختي منىلا الوصفة نجحت الحمد لله و طلعت كتير طيبة و اكيد صارت معتمدة
بالتوفيق
سلام
الف صحة و هنا سارونات على كل شي جربتيه , عوافي على قلبك و قلب كل عيلتك
السلام عليكم و رحمة الله و بركاته
مننوش جربته من غير ملفوف لان مو متوفؤ هلأ و طلع كتير طيب و جربته بصلصة الفطر و من غيرها و كمان طلع كتير طيب جربته بجزر مفروم ناعم و بجزر مبشور و بزنجبيل بودرة و مرة تانية بزنجبيل طازج )) اكيد عغم تضحكي هلأ :grin حتى انا عم اضحك )) كأنها تجربة علمية :grin
المهم اني حاسة باطمئنان لان فيني ساويه بالمكونات المتوفرة عندي و بكل مرة راح يطلع طيب
يخليلي ياكي منوووش جيبي ايشاربك و الحقيني على وصفة كاتو الشوكولا بحشوة الاناناس و الكراميل و مشان سهل عليكي ليكو الرابط )) الرابط ما عم ينتسخ)) متل ما ممنقول دايما المهم هو المحاولة :grin
بالتوفيق
سلام
هنا و الف الف عافية يا رب على كل مرة جربتيه فيها و زبط معك و كان على زووءك , كتير مبسوطة انك جربتي الوصفة اكتر من مرة و بعدة مقادير . انا كتير احيانا بعمل هيك و بعدل بالوصفة الاصلية لحتى اما تطبق على زوء اهل البيت عندي او اذا كان شي مقدار مو متوفر
يالله يالله , لاحقتك :grin