اسا بالكزبرة الخضرا بتطلع شي غير شكل بتعرفي منى انا بعشق الكزبرا بالاكل ودايما عندي كزبرا ا مجلدة واكتر الاكل بحطلو كزبرا :p شو بتعطي نكهة لا الاكلة ولا اطيب

تكرم عينك يا منى ما بدا شي كتير سهلة انا تعلمت هالطريقة من الاخوات المغاربة كمان بيستعملوها كتير بتغسلي الكزبرا وبتفرميا وبتعبيا باكياس خاصة لا الفريزر وتبقيها بالفريزر عند الحاجة تاخذي الكمية المطلوبة وترجعي الباقي الى الثلاجة اذا بقيت في الخارج بتسود وهيدي هي كل القصة حتى البقدونس والكرفس هيك بجلدون بس لا الطبخ اكيد البقدونس ما بيعود يصح لا التبولة لا الشوربا لا الطاجين ,,,

لازم لما اطالعيها دغري تحطيا بالطبخة ميشان تبقى منيحة وبتلاحظي انها بتصير خضرا كأنها طازة

من مميزات هالموقع بالنسبة الي هو أكلات بالزيت ما كنت سامع عنها من قبل .. جربت الفاصوليا بيضا بالزيت والجزر بالزيت والكوسا بزيت وكلها من ألذ ما يكون .. وناوي إن شاء الله أجرب الباميا بالزيت قريباً. بس سؤال أخت منى .. شو الحمض الي بتستخدميه بطريقتك، ليمون ولا حصرم ولا دبس رمان؟ ولا تنصحيني أجربه على طريقة الأخت ليندا بدون حمض؟

مرحبا أخت منى
أخيراً جربت هالوصفة .. كنت عارف من الأول أنها لذيذة جداً .. ومتل معظم أكلات الزيت حبيتها أكتر من البامية باللحمة .. سهلة ولذيذة وخفيفة على المعدة.
على فكرة ما حطيت معها حمض لأن حموضة البندورة وحدها كانت كافية. وطبعاً ما استخدمت الكزبرة .. لأني (متل كل الحلبية) ما قدرت أتقبلها أبداً رغم أننا بنموت بالكزبرة اليابسة ونستخدمها بكل شيء.

منوش عزيزتي
أنا بعملا بحطلا : زيت زيتون – رب البندورة-بندورة خضرا مكعبات-كزبرة خضرا-بصل شرائح-ثوم حب و مهروس-عصير التمر الهندي الحامض تبع الطبخ مو تبع الشرب- و البامي طبعاً.

كل هاد تطبيق فوق بعضه ني و ممكن قلي البامي قبله أو تشويحها بسرعة و بالفرن و يا سلام لما تستوي و تنشف…غير شكل…