البرياني بالدجاج


         وصفة : أم عباده                 2008/03/19                 33 تعليقات
البرياني بالدجاج

·          يغسل الأرز و ينقع بالماء الدافئ لمدة ساعة تقريباً .

·          يوضع الزعفران في كوب صغير مع الماء الساخن و يترك جانباً.

·          يوضع البيض بعد سلقه جيداً و تقشيره في الزعفران لكي يأخد اللون الاصفر و النكهه ثم يرفع جانباً .

·          يوضع في طنجره كبيرة 7 – 8  كوب ماء مع الملح و الزيت ويترك الماء يغلي على نار قوية ثم يضاف الأرز و يترك ليغلي على نار قوية لمدة 5 دقاءق تقريباً, لا تدعيه ينضج تماماً لأنه سوف يكمل النضج في مرحله أخرى , يصفى من الماء و يترك جانباً .

·          في طنجره متوسط الحجم يسخن السمن على نار قوية ، يضاف البصل و يقلب على النار حتى يصبح ذهبي اللون.

·          يضاف الثوم و الزنجبيل و يقلب الى ان يذبل و تظهر رائحة الزنجبيل اللذيذة .

·          تضاف قطع الدجاج و تقلب على نار قوية لمدة أربع أو خمس دقائق حتى تكتسب لوناً ذهبياً .

·          تضاف البندورة المفرومه و كوب و نصف من الماء , و تضاف كل البهارات الصحيحة مع الملح و تترك على نار هادئة حوالي 40 دقيقة الى ان ينضج الدجاج , يجب ان يبقى بعض المرق في قاع الطنجره لان اكمال الطهي سيكون بهذه الصلصة .

·          في طنجره آخرى تقلب مكعبات البطاطا والجزر بـ 3 ملعقة كبيرة زيت حتى تصبح ذهبية .

·          تقطع الفليفلة بشكل طولي ثم تنزع بذورها و تضاف للبطاطا و الجزر و تقلب لمدة دقيقة الى ان تكتسب لون بني فاتح.

·          تضاف البطاطا و الجزر و الفلفل و البازلاء للدجاج المطبوخ و يقلب الكل الى ان تتوزع الخضار جيداً.

·          في طنجرة واسعة يوضع نصف مقدار الأرز و يوضع فوقه خليط الدجاج و يقلب بهدوء حتى يتوزع مع الأرز جيداً ثم يضاف بقية الأرز على السطح و يوزع فوقه خليط الزعفران بشكل عشوائي حتى يصبح الارز بلونيين أبيض و أصفر .

·          تغطى الطنجره و تترك على نار هادئة جداً الى أن ينضج.الارز و لا يحرك البرياني كي يبقى على شكل طبقات .

·          عند سكب البرياني يوضع صحن التقديم , و يفضل أن يكون مسطح و كبير , على الطنجره و تقلب الطنجره عليه ليسكب البرياني بشكل الطبقات التي تم طبخها.

·          يزين الطبق بالبيض المسلوق و المقطع مع البقدونس المفروم و المكسرات و ألف صحه و هنا .

 




2 كوب أرز بسمتي
2 ملعقة كبيرة ملح
2 ملعقة كبيرة زيت
1 ملعقة صغيرة زعفران
4 ملعقة كبيرة ماء ساخن
2 – 3 ملعقة كبيرة سمنة أو زيت
3 حبة كبيرة بصل مفروم
4 فصوص كبيرة ثوم مهروس
2 ملعقة صغيرة زنجبيل طازج مفروم
1 كيلو دجاج ، مقطع لثمانية قطع
3 حبة بندوره كبيرة الحجم و مقشرة و منزوعة البذور و مفرومة
6 حبات هيل صحيح 2 عود قرفة
6 – 8 حبة قرنفل
بضع ورقات غار
بضع حبات فلفل الاسود صحيح
1 ملعقة كبيرة ملح
2 حبة بطاطا مقطعة مكعبات
2 حبة متوسطة جزر مقطع مكعبات
كوب بازيلاء مجمدة
2 – 3 قرون فلفل أحمر أو اخضر

للتزيين :

بيض مسلوق
بقدونس مفروم (اختياري)
مكسرات محمصه (اختياري )





• يغسل الأرز و ينقع بالماء الدافئ لمدة ساعة تقريباً .

• يوضع الزعفران في كوب صغير مع الماء الساخن و يترك جانباً.

• يوضع البيض بعد سلقه جيداً و تقشيره في الزعفران لكي يأخد اللون الاصفر و النكهه ثم يرفع جانباً .

• يوضع في طنجره كبيرة 7 – 8 كوب ماء مع الملح و الزيت ويترك الماء يغلي على نار قوية ثم يضاف الأرز و يترك ليغلي على نار قوية لمدة 5 دقاءق تقريباً, لا تدعيه ينضج تماماً لأنه سوف يكمل النضج في مرحله أخرى , يصفى من الماء و يترك جانباً .

• في طنجره متوسط الحجم يسخن السمن على نار قوية ، يضاف البصل و يقلب على النار حتى يصبح ذهبي اللون.

• يضاف الثوم و الزنجبيل و يقلب الى ان يذبل و تظهر رائحة الزنجبيل اللذيذة .

• تضاف قطع الدجاج و تقلب على نار قوية لمدة أربع أو خمس دقائق حتى تكتسب لوناً ذهبياً .

• تضاف البندورة المفرومه و كوب و نصف من الماء , و تضاف كل البهارات الصحيحة مع الملح و تترك على نار هادئة حوالي 40 دقيقة الى ان ينضج الدجاج , يجب ان يبقى بعض المرق في قاع الطنجره لان اكمال الطهي سيكون بهذه الصلصة .

• في طنجره آخرى تقلب مكعبات البطاطا والجزر بـ 3 ملعقة كبيرة زيت حتى تصبح ذهبية .

• تقطع الفليفلة بشكل طولي ثم تنزع بذورها و تضاف للبطاطا و الجزر و تقلب لمدة دقيقة الى ان تكتسب لون بني فاتح.

• تضاف البطاطا و الجزر و الفلفل و البازلاء للدجاج المطبوخ و يقلب الكل الى ان تتوزع الخضار جيداً.

• في طنجرة واسعة يوضع نصف مقدار الأرز و يوضع فوقه خليط الدجاج و يقلب بهدوء حتى يتوزع مع الأرز جيداً ثم يضاف بقية الأرز على السطح و يوزع فوقه خليط الزعفران بشكل عشوائي حتى يصبح الارز بلونيين أبيض و أصفر .

• تغطى الطنجره و تترك على نار هادئة جداً الى أن ينضج.الارز و لا يحرك البرياني كي يبقى على شكل طبقات .

• عند سكب البرياني يوضع صحن التقديم , و يفضل أن يكون مسطح و كبير , على الطنجره و تقلب الطنجره عليه ليسكب البرياني بشكل الطبقات التي تم طبخها.

• يزين الطبق بالبيض المسلوق و المقطع مع البقدونس المفروم و المكسرات و ألف صحه و هنا .
  • وصفات تانية ممكن تعجبك


التعليقات

  1. منى 19 March 2008

    تسلم دياتك يا ام عبادة , شي بيشهي و بيغرف القلب ;)

    الله يعطيكي ألف عافية يا عسل

  2. ام نور 19 March 2008

    سلم هالديات بالفعل طبق بيشهي :p ومكوناتو سهلة الحصول عليا :) الله يبارك فيكي

  3. أم مــــالــــك 20 March 2008

    تسلم ايدك اختي :eek شكله رائع ويفتح النفس

  4. أم عباده 21 March 2008

    عن جد مابعرف كيف بدي اشكرك على لطفك وذوقك يامنى الله يخلينا الاخت الحلوه اللي بتشجع الكل ويجزيك كل خير

  5. أم عباده 21 March 2008

    وتسلم دياتك ياأم نور جربي هالاكله ورح تلاقيها كتير مميزه ولذيذه وخصوصا وجودالزعفران اللي بيعطي سر النكهه المميزه :grin

  6. أم عباده 21 March 2008

    تسلملي عينك أختي أم مالك وكتير أسعدتيني بمشاركتك وإن شاء الله بتجربي الطبق ويطلع تمام والف صحه وهنا للكل :grin

  7. منى 22 March 2008

    الشكر ليك على هل الوصفات الطيبة الي عم تغني الموقع ;) , تسلم دياتك مرة تانية

  8. omtasneem 23 March 2008

    السلام عليكم ورحمة الله وبركاته. عزيزتي ام عبادة اذاانا شيف انت بتكوني استاذتي تسلم دياتك الحلوين شكلو وطعمتو بيفتحو النفس

  9. أم عباده 26 March 2008

    أهلين أم تسنيم الله يعطيك ألف عافيةوالله يخليك يارب حبيبتي طعمو كتير لذيذ وتغيير شكل عن الكبسه بس بدو شوي شغل يالله جربيها وخبريني شو بيصير معك ;)

  10. تورتاية بالكريز 2 April 2008

    ماشاء الله ولاحول ولاقوة الا بالله روعة الوصفة ياام عبادة ووصفات البرياني كتيييييير بس طريقتك غير شكل فعلا ومرتبة وواضحة ومشهية الله يعطك العافية يارب الف شكر لك

  11. أم عباده 4 April 2008

    اهلا يا تورتايه :grin الله يعافيك حبيبتي وتسلمي يارب هي الطريقه كتبتا بنفس الخطوات اللي بحضر فيها الطبق مشان هيك كتبتها بالتفصيل وبتمني تعجب الكل ويلاقوها سهله وشهية وواضحه ;)

  12. nsreen 27 April 2008

    السلام عليكم ورحمة الله وبركاته
    انا حابة اتشكر السيدة أم عبادة عالوصفة لأني جربتها وكتير كانت طيبة وبتشكر المدام منى كمان ..

  13. منى 27 April 2008

    هلا نسرين :) نورتي اختي بالموقع و انبسطت ان جربتي وصفة ام عبادة و عجبتك , هنا يا رب ;)

  14. سارونات 12 October 2008

    السلام عليكم و رحمة الله و بركاته
    اختي ام عبادة صورة الطبق بتجنن و انا من زمان بدي شي وصفة سهلة و مكوناتها متوفرة للبرياني و ليكني لقيتها
    عندي شوية اسئلة ازا سمحتي و ازا اختي ام عبادة مو موجودة اللي جرب الطبق او بيعرف يا ريت يجاوبني و بكون ممنونة
    هل فينا نستغني عن الزعفران او لا و انا عندي زعفران بودرة فهل ينفع او لازم زعفران شعرة و ازا استعملت البودة بستغني عن المي مو هيك و كام الزنجبيل بينفع حط زنجبيل بودرة و كم حط و الدجاج انتي مغا زكرتي شي عن تقطيعه و انا شايفتو بالصورة مقطع مكعبات فيا ترى قطعتيه قبل ما تطبخيه او بعد ما نضج و اخر شي قديش لازم يكون حجم مكعبات اليطاطا و الجزر يعني متوسط او كبير او صغير
    بالتوفيق
    سلام

  15. منى 12 October 2008

    هلا اختي :) انا مو مجربة الطبق بس فيني فيدك , الاشياء الي رح تغيريها رح تغير الوصفة اكيد , بس ليش لا أكيد بيصير و بيطلع طيب بس بتبقى المقادير الاصلية غير , الزعفران نصف ملعقة و بتدوبيها و الزنجبيل نصف ملعقة صغيرة أو ملعقة صغيرة اذا بتحبي نكهته ;)
    الدجاج بتقطعيه متل ما بتحبي , بس لو كان صدر فيه عظم أو فخد كامل بيطلع اطيب للوصفة و اذا حابة تقطعيه ممكن يتقطع قبل الطبخ , الخضار بتقطعيه لقطع وسط ..

    الله يرجعلنا ام عبادة بخير و تجاوب على اسئلتك لان هي الاصل , و لهلأ ان شاء الله كون فدتك

  16. سارونات 14 October 2008

    السلام عليكم و رحمة الله و بركاته
    جازاك الله خيرا اختي منى ما قصرتي بالاجابة عن الاسئلة و كل يوم عم اتعلم منك شي جديد
    و الله يرجع ام عبادة بخير
    ان شاء الله راح جرب الوصفة و بخبركم بالنتيجة
    بالتوفيق
    سلام

  17. منى 14 October 2008

    و لا يهمك , بانتظار النتيجة ;)

  18. سارونات 22 October 2008

    السلام عليكم و رحمة الله و بركاته
    و انا عم اكتب الوصفة انتبهت على شي ما بعرف كيف ما انتبهت من قبل و هو ان اختي ام عبادة قالت رز بسمتي يعني ما بينفع بالرز العادي او بينفع لان انا ما عندي رز بسمتي :cry
    بالتوفيق
    سلام

  19. منى 22 October 2008

    اختي ممكن ينفع بس ما رح يبصير مفلفل و مميز متل البسمتي :roll

  20. سارونات 5 December 2008

    السلام عليكم و رحمة الله و بركاته
    اختي منى محتاجة مساعدتك اذا ممكن انا من قبل ما استعملت ابدا الزعفران انا بعفر ان الزعفران الشعرة بيكون احمر لهيك الزعفران البودرة اللي اشتريناه مؤخرا كان لونه برتقالي فتقبلت اللون مع اني ما ارتحتلو)) قصدي اللون :grin )) و ما شميت ريحة الزعفران في الزعفران بس قلت ما عليه و اليوم كنت عم جرب وصفة الارز المبهر مع شرائح الدجاج بالخلطة و اللي ما ضبطت معي للاسف و طلع اسوأ رز ساويته المهم استعملت فيه زعفران و ما صار الرز اصفر و انما صار برتقالي يا ستي قلت ما عليه بس حتى ريحة الزعفران ما طلعت لهيك عن جد شكيت في هالبهار اذا كان عن جد زعفران مع اني مشتريته من مصدر موثوق ما بعرف شو قول بدي اعرف الزعفران المطحون بيكون لونه اصفر داكن او برتقالي و هل فيه ريحة الزعفران او لا
    و اللي جربت الوصفة اللي قلت عنها لمنال العالم و ضبطت معاها يا ريت تقولي مشان اعرف وين الغلط
    بالتوفيق
    سلام

  21. منى 6 December 2008

    سارونات و الله اني صرت هيك لما قرأت ردك :x و الله العظيم شكيت في نفسي ..

    يا ستي انا جربت نفس الوصفة و فشلت فشل ذريع لهيك لما قرأت اسم الوصفة قلت معقولة كون نزلتها عندي في الموقع :upset

    بعدها لحتى فهمت انك مو مجربتيها من الموقع , طيب نرجع للوصفة .
    الوصفة هي مو ناجحة و ما الها علاقة بالزعفران هادا أولاً .
    تانياً الزعفران بس ما اشتريتيه مطحون معناها انت عم تطلبي من البائع ان يغشك :roll عفواً للكلمة سارونات
    الزعفران لازم تشنريه على شكل شعرات صغيرة لحتى تعرفي انك مشتريه زعفران حقيقي مو أي شي مطحون و عاطي لون , و مع ذلك في أنواع من الزعفران من الدرجة التانية أو التالتة و ما رح تعطي لون أو طعم متل الزعفران الإيراني أو ممكن تعطي لون غامق شوي و يصير يبين على برتقالي في الوصفة الي مستعملتيها و أخر احتمال انك كترتي كتير من الزعفران لحتى عطى لون غامق ;)

    الوصفة عملت عليها كم تعديل و جربتها كمان مرة و طلعت طيبة , ان شاء الله نزلها قريب :zzz

  22. سارونات 9 December 2008

    السلام عليكم و رحمة الله و بركاته
    يخليلي ياكي اختي منى و سلامتك من الدوخة :upset فرحت كتير لما عرفت انك جربتي الوصفة و لما قلتي انها مو ناجحة ارتحت شوي لان صورتها و فكرتها عجبتني كتير و صرت لوم حالي لانها فشلت و فكر بشو غلطت مع اني بعرف اني ساويت كل شي متل مانو مكتوب و فرحتي الكبرى كانت لمنا قلتيلي انك عدلتي الوصفة و صارت طيبة و ناطرتها في المستقبل ان شاء الله مو قريبا لان ما راح ساويها قريبابس اكيد ان شاء الله راح ساويها لانيب متمسكة فيها
    بالنسبة للزعفران معك حق بس انا قلت بدبر حالي بالمتوفر و بعدين ببقى دور على الزعفران الشعرة اما بالنسبة للاحتمالات فما بعتقد كترت انا بس ساويت متل ما انذكر بالوصفة و حتى قللت شويييييييي منه
    بعتقد اكتر احتمال وارد هو انه مغشوش لان لا لون و لا طعم و لا حتى ريحة الزعفران طلعت بالوصفة
    بدي اسالك اخت يمنى الزعفران البودرة بينحط عطول متل باقي البهارات و ما بيتدوب بالمي قبل ما ينحط ما هيك لان انا حطيتو متل باقي البهارات
    بالتوفيق
    سلام

  23. منى 10 December 2008

    هلا سارونات :)
    بالفعل صورة الوصفة تخلي الواحد يشتهي يقرط الصحن
    الزعفرانالبودرة تضيفيه عادي متل بقيةالبهارات من دون تدويب ;)
    اي سؤال تاني انا بالخدمة

  24. سارونات 16 September 2009

    السلام عليكم و رحمة الله و بركاته

    بدي اسأل ليش كمية الماء للرز كتير كبيرة هل فينا نستعمل كمية ماء اقل لان سبعة اكواب كتير و بعدين بدنا نرميه

    بالتوفيق
    سلام

  25. منى 16 September 2009

    ما هو رح ينسلق سارونات , فاكيد رح نرمي المي :roll

  26. سارونات 16 September 2009

    السلام عليكم و رحمة الله و بركاته

    اي اكيد منوووش بس انا قصدي ما الداعي لكل هالكمية من الماء يعني ليش ما نحط مثلا ثلاثة او اربع اكواب بتكفي فهمتي عليي يعني بدي افهم اذا في غاية محددة من وضع الكثير من الماء دون ثم رميه :?

    بالتوفيق
    سلام

  27. منى 16 September 2009

    سارونات لما بتسلقي معكرونة مو بتحطي مي كتير و بعدها بترميها ؟ نفس الشي تمام ;)

  28. سارونات 16 September 2009

    السلام عليكم و رحمة الله و بركاته

    خلاص منووش وصلت الفكرة . بتعرفي شو نحنا كنا هيك نسلق الرز يعني نحط ماء اكثر و بعدين نصفيه بس لان صرت ساوي وصفات للرز مع عيار الماء او المرق بالضبط لهيك استغربت شوي

    منوووش غدا الحدث الكبير لتحضير اول دجاجة كاملة محمرة الله يستر لا تنسي تدعيلي

    بالتوفيق
    سلام

  29. منى 17 September 2009

    ان شاء الله خير , انتي امشي بالخطوات و ياا رب تظبط معك و لما بيتوفر عندك دبس الفليلفة و السماق جربي الخلطة لان هي خلطة غرااام ;)

  30. سارونات 17 September 2009

    السلام عليكم و رحمة الله و بركاته

    منووش برنامج اليوم تغير و ما عاد فيني ساوي الوصفة ان شاء الله راح ساويها بعد رمضان

    يخليلي ياكي على الدعم

    بالتوفيق

    سلام :zzz

  31. منى 17 September 2009

    ان شاء الله و بكل الاحوال انا ما انصحك و لا انصح ايا اخت تجرب وصفة رئيسية جديدة لعياتها برمضان , يا اختي اذا ما عجبتهم رح تنزعيلهم الفطور و هنن صايمين :roll

  32. سارونات 29 September 2009

    السلام عليكم و رحمة الله وبركاته

    معك حق منوووش هي راح تكون مخاطرة كبيرة انا السنة الماضية جربت كتير وصفات من الموقع برمضان مقبلات و وصفات اساسية و الحمد لله اغلبهم ضبطو بس انا كنت عاملة حسابي و محضرة شي تاني :zzz

    — امبارحة و انا عم اقرأ الوصفة بتمعن من الدفتر اللي كاتبتها فيه استوعبت ليش بنحط ماء كتير )) شفتي التمعن شو بيساوي :grin )) الحل في كلمة نار قوية )) الكلمة السحرية 8)) و كمان ما من غطي الطنجرة و نحن عم نسلق الرز لهيك الماء راح يتبخر :zzz )) ما بعرف كيف ما انتبهت من قبل )) ما في ايقونة shy و الا كنت حطيتها هون ))

    —- ساويت الوصفة اليوم مع بعض الخدع المطبخية اولا ما استعملت دجاج لانها اول مرة فقلت خليني جربها من غيره و استعضت عنه بمكعب مرق دجاج دوبته في الماء اللي ضفته مع الطماطم
    / كمان الخضر حسيت ما راح تستوي اذا ضفتها متل ما بالوصفة لهيك ضفتها بعد ما ضفت الطماطم و بالفعل نضجت

    الحمد لله الوصفة طلعت طيبة و سيتم اعدادها مرات اخرى بدجاج و من دونه
    جازاك الله اختي ام عبادة على الوصفة و جازى الله اختي منى على استضافة وصفاتنا في الموقع

    بالتوفيق
    سلام

  33. منى 30 September 2009

    هنا و الف عافية سارونات , و منيح انك غيرتي شوي بالوصفة لحتى تطلع متل ما بتحبي .

    هياتك من محبي الرز و وصفاته , متلي :zzz

تقييم الوصفة
عاديةقد أحضرهاجيدةممتازةأكثر من رائعة (1 votes, average: 3.00 out of 5)