براونيز بكريما الخمس دقايق السريةالبريوش خبز فرنسي غني بالزبدة و البيض لذا اعتبره وجبة فاخرة لا مجرد خبز , أحضره لعائلتي بشكل يومي في رمضان لنتاوله على وجبة السحور و لا حدود للابتكارات التي يمكنك ابداعها مع هذه الوصفة , بعد أن يجهز البريوش و يختمر للمرة الأولى , يمكن أن يشكل بالعديد من الأشكال كما يمكن الاستمتاع بها كما هي أو أن تحشى بالشوكولا أو جبنة الكريم أو الجبنة البيضاء أو عجينة اللوز أما إذا رغبت بتحضير صنف مالح منها فما عليك إلا تقليل السكر و استخدام حشوتك المفضلة من الدجاج أو اللحم أو الخضار .
حسب الرغبة أو تدهن قوالب الكب الكيك الصغيرة و توضع فيها كرات البريوش المحشية .
و معرب باضافة البهارات التي نحبها في المعجنات : المحلب و المستكة و اليانسون و البيض و يمكن أن يقدم مع الجبنة و المربى و البيض … أنت و أفكارك .
تقسم العجينة لمرحلتين , التخميرة الأولية و العجنة الرئيسية و في وصفتي لا توجد كمية كبيرة من الخميرة , أضع كمية قليلة نوعاً ما و أترك العجينة لتختمر لمزيد من الوقت ..و إذا كنت ترغبين بتقديم البريوش على الافطار يمكن تحضيره في الليلة السابقة .
كمية السكر في العجينة تتفاوت حسب رغبتك بتقديم البريوش , للوصفات المالحة تضاف ثلاث ملاعق كبيرة و للوصفات الحلوة تضاف خمس ملاعق و ككل العجائن التي تحتوي الزبدة في مقاديرها , يجب أن تبرد العجينة قبل البدء باستخدامها و تشكيلها , يجب استخدام نوعية ممتازة من الزبدة للحصول على أفضل نكهة ..
بعد أن يجهز البريوش و يختمر للمرة الأولى , يمكن أن يشكل بالكثير من الأشكال , تقطع العجينة لكرات كبيرة أو تقطع لثلاث أقسام ثم يشكل منها ضفيرة أو تقطع لكرات صغيرة و تحشى بالشوكولا أو الكيري أو الجبنة أو عجينة اللوز مع الزبدة أو حشوة الدجاج أو اللحمة حسب الرغبة أو تدهن قوالب الكب الكيك الصغيرة و توضع فيها كرات البريوش المحشية .
بعد خبز البريوش أغطيه بقطر محضر من السكر و الحليب و يمكن دهن وجهه البريوش بالزبدة ثم يرش السكر البودرة عوضاً عن هذا القطر .
التخميرة الأولية :
نصف كوب طحين
ربع كوب حليب سائل
ملعقة صغيرة سكر
ملعقة صغيرة و نصف خمبرة فورية
العجينة :
3 بيض من الحجم الكبير بدرجة حرارة الغرفة
كوب و نصف طحين
3 – 5 ملعقة كبيرة سكر
ربع ملعقة صغيرة ملح
2 ملعقة كبيرة حليب بودرة
نصف ملعقة صغيرة بيكنغ بودر
نصف ملعقة صغيرة محلب حب
ثلث ملعقة صغيرة يانسون كامل
بضع حبات مستكة
اصبع و نصف زبدة ( ثلاث أرباع كوب )
لدهن الوجه :
صفار بيضة أو حليب سائل
القطر :
ثلث كوب سكر
نصف كوب حليب
• ينخل الطحين , يغلى الحليب ثم يترك حتى يصبح فاتراً , تضاف الخميرة و السكر و تحرك مع الحليب حتى تذوب .
• يضاف نصف كوب من الطحين و يعجن الكل لتشكيل ما يسمى بالتخميرة الأولية , تغطى التخميرة بباقي الطحين ثم يغطى الوعاء بشكل محكم بورق بلاستيك لاصق و تترك حتى يتخمر و تنتفخ لمدة ساعة أو ساعتين تقريباً .
• يوضع المحلب و اليانسون و المستكة مع ملعقة صغيرة من السكر في هاون و يدق حتى يطحن من دون أن ينعم تماماً .
• يخفق البيض حتى ينتفخ و يبهت لونه ثم يضاف مع باقي السكر و الملح و البيكنغ بودر و الحليب البودرة مع المحلب و اليانسون و المستكة للطحين و يعجن الكل لمدة خمس دقائق أو حتى تتجانس المقادير .
• تضاف الزبدة بالتدريج بمعدل قطعة صغيرة كل مرة مع العجن حتى تمتزج الزبدة بالعجينة , تكرر العملية حتى الانتهاء من كل الزبدة , ستكون العجينة طرية جداً و تلتصق باليد .
• توضع العجينة في وعاء كبير و تغطى بورق النايلون و تترك لتتخمر لمدة خمس أو ست ساعات أو حتى يتضاعف حجمها .
• تعجن العجينة مرة أخرى ثم توضع في البراد لمدة ساعة أو حتى تبرد .
• تمرغ اليدان بالطحين كي لا تلتصق العجينة فيهما أثناء تقطيعها ثم تقطع العجينة لسبع أو ثمان كرات كبيرة و توضع في القالب المغلف بورق الزبدة ثم يغطى القالب بالنايلون بشكل محكم و يترك حتى يختمر العجين و يتضاعف من جديد و يملئ كل الفراغات بين الكرات .
• يحمى الفرن على درجة حرارة 180 درجة مئوية , يدهن وجه البريوش بصفار البيض أو الحليب ثم يخبز على الرف المتوسط لمدة 50 دقيقة تقريباً أو حتى ينضج و يصبح ذو لون ذهبي جميل ثم يترك ليبرد قليلاً و يقلب على مشبك سلك و ينزع ورق النايلون .
• أثناء خبز البريوش يحضر القطر , يغلى السكر و الحليب لبضع دقائق فقط حتى يذوب السكر ثم يترك حتى يفتر .
• يوزع القطر فوق البريوش الساخن ثم يقدم ساخناً أو بارداً حسب الرغبة .
يسلم هالديات شو هالبريوش هيدا :p كأنو جاهز ماشالله عنك.عفكرة متل ما قلت كتير فيا الوحدة تتفنن بهل بريوش وبيطلع طيب
هلا ام نور
الله يسلمك و لا يحرمني هل الززوء ..
أنا رح حط أفكار كتيرة لهل البريوش إن شاء الله بموضوع لحاله و إذا عندك أفكار يا ريت تشاركينا فيها
أكبر غلط عملتوا أني دخلت على الموقع وانا جوعانه وياسلام الاكلات الجديده بدا صبر ومقاومه بس هالصفحه خلتني اقرر انو اول شي رح اعملوا بكره اعجن عجينه البريوش ان شاء الله لانو المعروك عنا خاطرو غالي واكيد رح اقلك عالنتائج والله يعطيك الف عافيه :grin
أختي منى الغالية كيف حالك اختي ان شاء الله تكوني بخير
الوصفة رائعة جدا قرات كثير من الوصفات للبريوش لكن هذه الوصفة مااشءالله تبارك الله غير فعلا لنها مهتمة بكل النواحي الشكل والمذاق واللمعة الخارجية والتفاصيل الصغيرة التي لاتظهر الا بالتجربة
انا ايضا استخدم كميات طحين كبيرة لاني اجرب كتيير ولانو لايرضينا النتايج الوسط مهما مدحها الاخرون فالاتقان اروع شيء ومايعجبني وصفاتك التفاصيل الصغيرة بجدتسلم ايدكي يااحلى منى الله يعطكي العافية ويجزاك كل الخير يارب اكيد الوصفة باذن الله تعالى اجربها يوم اجازتي من العمل اتركك برعاية الله ياغالية وموفقة دوما ان شاء الله
ياريت اخت منى الغالية تحطي كمية الطحين بالعجينة عشان تكون معيار لي ولاهي بالنظر حسب الاحتياج والف شكر ياقمر
هلا ام ياسمين الغالية
و الله أختي ردودك بقرها أكتر من مرة من كتر مو حلوة , الله يوفقك و يجازيك كل الخير
نبهتيني اني نسياانة أذكر مقدار الطحين upset , بارك الله فيك و هلا تم التعديل
هلا ام ياسمين الغالية
و الله أختي ردودك بقرها أكتر من مرة من كتر مو حلوة , الله يوفقك و يجازيك كل الخير
نبهتيني اني نسياانة أذكر مقدار الطحين upset , بارك الله فيك و هلا تم التعديل
هلا ام ياسمين الغالية
و الله أختي ردودك بقرها أكتر من مرة من كتر مو حلوة , الله يوفقك و يجازيك كل الخير
نبهتيني اني نسياانة أذكر مقدار الطحين upset , بارك الله فيك و هلا تم التعديل
السلام عليكم .. كيف حالك أخت منى ؟ تسلم ايدك .. أنا نقطة ضعفي هي كل أنواع الخبز لأن في القاهرة اللي بتخبز بيتقال عليها شاطرة أوي و ست بيت ناجحة
..
ناوية أجربه ان شاء الله بس قوليلي ما هو المحلب ؟ و هل يمكن الاستغناء عنه ؟
هلا نهولة
أسفة للتاخر بالرد بس حبيت أكتب لك موضوع كامل عن المحلب فيك تشوفيه على [URL=http://www.l2ma.com/content/view/231/25/]على الرابط التالي[/URL]
إن شاء الله تكوني عرفتيه, أما اذا كان مو متوفر ففيك ما تستعمليه مع ان رح يعطي طعمر كتير مميزة للبريوش , فيك تحطي شوية فانيليا لتنكيه العجينة
تسلم ايدك ، و جزاك الله خيراً على تعبك .. هو فعلا ما بنعرفوش في مصر ، لكن ما يمنعش أجرب البريوش من غيره
و الله افتكرت انه معروف عندكم :roll , بس البريوش رح يبقى طيب من غيره ..
إن شاء الله تجربيها و تعجبك
والله شكله صعب :upset
بس لذيذ كملن وبماأنه انا كتير بحب المعروك وهون تقريبا المعرول اللي بيعملوه متل الصمون بس على شكل قرص لذلك حابة جربه
بس عندي كم سؤال
هلأ انا ماعندي من هالقالب يلي بالصورة بينفع اخبزه بصينية عادية حوافها مرتفعة شوي ؟؟
تاني شي …بعد مأحضر التخميرة الاولية بحط الطحين يلي رح استعمله بالبريوش ؟؟يعني مااترك التخميرة اول بعدين احط الطحين ؟؟
انشالله رح جربه باقرب وقت وشكرا كتير على هالمجهود الرائع :p
هلا رنونة
أسغة للتاخير بالرد , ابدا مو صعب , هي اسهل من الكروسان بمية مرة , تقريبا عجينة عادية
بينفع تخبزيه بأي قالب من\توفر عندك و فيك تتحكمي بالشكل متل ما بتحبي , السؤال التاني ما كتير فهمته , بس الفكرة انك تحضري التخميرة الاولية و تغطيها بباقي الطحين الموجود في وصفة البريوش و الي هو كوب و نصف ..
كلك زووء حبيبتي , نورتي و ان شاء الله تجربيه و يكون على زوووءك حبيبتي
هلا رنونة
اسفة للتاخير بالرد , ممكن تخبزي المعروك بأي قالب متوفر و تعطيه الشكل الي بيعجبك , اما السؤال التاني ما كتير فهمته , بس الفكرة انك بعد ما تحضري التخمبرة الاولية بتغطيها بالطحين اللازم لوصفة البريوش و بتخليهم يتخمروا مع بعض..
ان شاء الله تجربيه و يعجبك و رح نزل وصفة للمعروك المظبوط هل الاسبوع إذا الله عطانا عمر
الشكر ليك على ثقتك فيني و تجربتك لوصفاتي , مية هلا
الله يسلم ايديكي على هالوصفة اللذيذة جدا بس شو قصدك بالمعروك الاصلي :upset لكان شو هاد اللي اكلته :grin حسيت طعمته بتختلف عن طعمة اللي كنت اكله بحلب بس نجح وطلع طيب شكرا كتير كتير
وهون في صورة لتطبيقي قديش بتعطيني يامعلمتي؟؟؟هو يمكن تشوفي انه شوي من تحت غامق مع انه على درجة 180 وخبزته عشرين دقيقة بس
[img]http://up5.m5zn.com/photos/00227/v5rw6iwcsbxj.jpg[/img]
:grin المهم طلع طيب وخلص
بالاول صحتين و عوافي و هناا ياحق رنونة , صورة البريوش يممي , لو سمحتيلي انا صغرت الصورة لحتى تصير مناسبة للصفحة
, بعطيكي علامة تامة يا قمر ما دامها من اول مرة طلعت معك بتشهي هيك , سلم دياتك و ان شاء الله ما تكوني نسيتي تاكلي عني كم لقمة :grin
يا ترى صينتك تيفال ؟ لان التيفال بيلدع عقب المخبوزات
هلا عندي كم وصفة عأساس للمعروك الاصلي الوصفة اخت البريوش بس من دون بيض , جربت اول واحدة و طلعت :cry هلا لنشوف البقية
مزبوط كلامك الصينية تيفال خلص تاني مرة بجربه بوحدة غيرها
شكرا كتير عالرد وبالنسبة للصورة مو مشكلة …
وانشالله يزبطوا معك وصفات المعروك وماشالله على بالك شو طويل
ان شاء الله , الوصفة الماضية حرقتلي دمي و راحت الزبدة المعتبرة كلها على الفاضي :roll
مية هلا رنونة
السلام عليكم تسلم إيدكي يا منى الله يعطيكي العافية الصورة شكلها جنان و برمضان اتشجعت كتير و ساويت المعروكة بس لأحكيلك شو صار معي إنو طلعت العجينة مريقة شوي يعني إذا قطعتيها كرات و حطيتيها بالصينية تسيح و ما تاخد شكل كرة مع إنو الصورة إلي حاطتيها باينها مضفورة و أنا بحب هالشكل يا ترى قولك ليش صار معي هيك خايفة إرجع جربها و أفشل مرة ثانية :cry
معناها عجينتك كانت مو باردة , أو ممكن يكون البيض كتير , جربي رجعيها على البراد لحتى تبرد كتير منيح و بعدها رح تصير سهلة بالتشكيل و بتاخد اي شكل انت حاببتيه
تسلم اديكي عالبريوش الرائع
لهلئ ما جربتو خايفة منو لأنو مراحله كتير
من عجن وتخمير وتبريد ههههه
إن شاء الله أتشجع وأجربه لأن طريقتك ماشاء الله بتاخد العقل
ان شاء الله تجربيه و يعجبك و الله بده وقت بس يمممي :zzz
هلا فيك بسومة نورتي يا عسل
تسلم ايدك ياست منى بس حابة أسألك هل الخميرة الفورية هي نفسها الخميرة الحبيبات
هلا أختي
هي نفسها أختي و منسميها هيك لنميزها عن الخميرة الي ممكن نشتريها من الفرن تازة
شكلو حلو بس بدو طولة بال ، بتذكر اني اكلت خبز فرنسي بيشبه هاد ، طعمه حلو بس معمول على شكل كرات منفصله وبالنص رشة سكر ناعم ما بعرف اذا هاد نفسه ولا لاء
نفسه تمام بس الاختلاف بالتشكيل , اتمنى تجربيه و يكون طيب و على زوووءك اختي و اي سؤال انا تحت امرك :zzz
السلام عليكم….تسلم إيدك منمونه..أنا بدي إعمله بالجبنه المالحه ف شو بتنصحيني أعمل خلطة الجبنه .وشو حط على الوش…غلبتك معي ..الله يعينك علينا..بشكرك شكر جزيل.والله يجمعني فيكي وبالأخوات على خير
هلا و مية هلا
رمضان كريم عليك و على كل حبايبك اختي .
الجبنة ممكن تستعملي الجبنة البيضاء الملح خفيف و الوج ممكن تدهنيه بالبيض و رشة نسكافيه قبل الخبز و بس ما طالعتيه من الفرن تمرري عليه قطعة زبدة باردة لحتى يعطيه لمعة حلوة
رجعه أريبه…عملت التخميره الأولى بس مانفشت مع إني تركتها تتخمر حوالي 4ساعات…وكابرت وكملتها وعملت بائي المقادير وتركتها تقريبا10 ساعات وبرضو مانفشت العجينه..شو السبب
على فكره ..كمية العجينه بالمره أليله ..هيي هيك بتكون ولا أنا لأنها ماظبطت معي هيك حسيت…مشكوره عزيزتي
يا ريتك ما كابرتي و لا كملتي :roll
ما دامها ما نفشت معك معناها الخميرة مو مزبوطة او انك ضفتي الحليب و درجة حرارته عالية لهيك قتلت الخميرة , و الي صار بعدها طبيعي ان ما تنفش العجينة :roll
العجينة كمبتها مو كتيرة , ي بس لحتى يطلع معك متل الظاهر بالصورة , ان شاء الله ما تيأسي و ترجعي تجربي الوصفة و تعجبك
كان لى سؤال هل يمكن الاستغناء عن المحلب والمستكة ولا دول اساسى فى العجينة لاننا فى مصر معندناش فى مقادير البريوش النوعين دول وشكرا لكى :zzz
هاي عزيزتي منى
بحب اقلك اني من النوع اللي بيحب يجرب وصفات كتير وخصوصاً الحلويات والمعجنات . وبالفعل عملت عدة وصفات حلو أغلبها كيك وكانت كتير ناجحة وأخذت منها لصحباتي بالشغل وكتير كتير مدحوها وعطيتهم السايت وقلتلهم انو كتير مفيد وفي وصفات كتيلا حلوة.
أسفة طولت عليكي بس أنا جربت البريوش وللأسف ما ظبط معي العجينة ما نفشت كتير وكمان حسيت كمية الطحين قليلة . أنا جربت نصف الكمية لشوف النتيجة بس للأسف …وكانت العجينة كتير لزقة وما قدرت شكلها مظبوط أنا اتبعت كمية الطحين بس الظاهر كان بدها أكتر ما بعرف .وهاي تاني وصفة ما بتظبط معي قبل العوامات وهلق البريوش . بتمنى تردي عليّ لأن حابي أرجع اعملها بكرا . شرا كتير وأسفة طولت عليكي . :cry
هلا نور
المحلب و المستكة رح يعطوا طعم طيب كتير للعيجينة , بس مش اساسيين لنجاحها , و اكيد هنن متوفريين بمصر بس يمكن بغير اسم :roll
هلا رلا
كتير زعلت لان ما زبطت معك الوصفة , اختي المفروض بهل العجينة انها تكون باردة لحتى ما تلزق معاك و كمية الطحين مزبوطة مع المي و الزبدة , اتوقع هادا هو الغلط :roll
يلا ازرعيها بدقني و خيرها بغيرها ان شاء الله
تسلم الايادي ست منى.. بس الله يخليك يا ريت تجاوبيني اذا ممكن.. ليش التيفال ما بينفع للمخبوزات؟ وهل قصدك الكاتو وكل المعجنات التانية سواء حلوة او مالحة؟ وشو لازم تكون نوعية الصينية؟؟
مشكورةجدا جدا ..الله يجزيك الخير
هلا للكاتو ما بستعمل الا الالمنيوم لان بالتيفال بيصيروا الاطراف قاسية كتير , بس مو حيا الله صينية , في انواع صواني المنيوم بتكون مخصصة للاستعمال الغذائي , لحتى يكون الاستعمال اامن.
للمخبوزات متل البيتزا و الفطاير و غيره استعمل التيفال
الله يجزيك الخير يا رب..وتسلم ايديك اللي عمتطبخي فيهن وتكتبيلنا فيهن
خليلي عيونك ريما على هل الدعوة , ان شاء الله انت كمان
تسلم اديكي حبيبتي منى والله كل وصفاتك رووووووعه الله يحميكي انا عندي عزومة عشابعد كم يوم وعجبتني العجينة وحابة اعمل منها خلية النحل بس بدي اسالك بصير اعمل مراحل العجن تبعتها قبل بيوم ويوم العزومة اعجنها العجنه الاخيرة واحشيها واتركها تتخمر على راحتها واخبزها عشان مايصير عندي ضيق بالوقت ؟؟؟؟؟
وتسلميلي ياااااااقمر طولت عليكي :zzz :zzz
ايه اكيد فيك
و هي خطوة دايما اعملها 
ان شاء الله تنول الرضا , رح استنى رايك