2ونصف كوب حليب بودرة
3 بيضات
1ملعقة صغيرة فانبلا
2ونصف ملعقة صغيرة بيكنغ باودر
3/4 كوب ماء
1/2 كوب زيت
3/4 كوب سكر بودرة
صلصة التوفي كريم
• نحمص الحليب في قدر على نار وسط ثم على نار هادئة ليصبح لونه أشقر فاتح بملعقة خشب ويجب الانتباه من أن لا يلتصق الحليب بقاع القدر لأنه سيحترق بسرعة ويجب عدم تركه بدون تحريك ولو لثانية واحدة ونتوقف عن التحميص بمجرد ما يصبح لونه مثل الصورة لأن الحليب سيغمق لونه مرة أخرى وهو داخل الفرن .
• ننخل الحليب بمصفاة ناعمة لنبعد القطع المحترقة وننشره بسرعة على صحن معدني مسطح لنوقف عملية التحميص ونتركه حتى يبرد تماما ويمكن عمل هذه الخطوة قبل بيوم .
• نخلط الحليب مع الخميرة جيدا ونضعه جانبا .
• نمزج في خلاط الكوكتيل البيض ثم الفانيلا ثم السكر ثم الزيت ثم الماء تباعا والجهاز في وضع التشغيل بحيث يمزج بعد كل إضافة .
• نصب المزيج على الحليب ونحرك بلطف بملعقة خشب في اتجاه واحد جيدا ونتوقف عن التحريك بمجرد أن تمتزج المكونات مع بعضها البعض.
• نصب المزيج في صينية مدهونة ومرشوشة بالقليل من الطحين و نخبزه في فرن درجة حرارته أقل من المتوسط بقليل على الرف الوسط.
• بالنسبة لي لأن فرني حامي جدا أضع الصينية في الرف العلوي وأشعل الفرن من أسفل فقط حتى تستوي ويغمق لونها قليلا ومن ثم أنزلها للرف السفلي وأشعل الفرن من أعلى فقط حتى تتحمر تحمير خفيف ( أو حسب فرنك وطريقة خبزك ) والهدف من هذه الخطوة أن ينضج الخليط لأنه لايحتوي على الدقيق والحليب خفيف بطبعه ويمكن مايجمد بالطريقة المطلوبةوأيضا التوفيه مابتستحمل النار الحامية لأن أغلبهم كانت عندهم مشكلتين يا أما إن المزيج يهبط أو إن المزيج معجن من الداخل وأيضا من الأمور المهمة جدا إنها ما تتحمر زيادة وإلا رح يكون فيها طعم حريق وبعد خروجها من الفرن نصب عليها التوفي ونتركها حتى تبرد و تقطع وتقدم.
إضافات
• الأفضل إنها تنعمل قبل بيوم لأن طعمها يكون أطيب مع مراعاة تغطيتها جيدا بالنايلون.
• طريقة التوفي تقريبا مثل الأخت منى وهو كوب سكر وعلبة قشطة وملعقة زبدة مع ملاحظة إن الكراميل ما يطول على النار زيادة علشان ما يصير مطاطي ويكون مريق شوي مثل الصورة .
مممم لاروش , الوصفة شكلها بياخد العقل و التوفي عاطي اغراء على الصورة , يعني و الله مو عرفانة هل الصحن لو كان ادامي شو ساويت فيه :grin
عندس سؤال عن الحليب المحمص , من فترة ساويت كيك فيه حليب محمص و صار يتحمص من تحت قبل من فوق , يعني القسم الملاصق للقدر اتغير لونه قبل فوق مع اني ما كنت عم وقف تحريك و النار كتير واطية, هيك تمام و الا في شي
لارا تسلم هل الديات الي بتنلف بحرير و الف الف شكر الك للوصفات
شي بيغرف القلب
شو هالمنظر الطيب أنا مرة دقتها عند صاحبتي كانت طيبة بس كانت مكترة التوفي والشكل أبدا مو هيك :p
الله يسلم هالايدين مقاديرها متوفرة وسهلة عالتجربة إن شاء الله
دبت انا :zzz
اليوم أختي قالتلي بطلي تفوتي على موقع للأكل ما دام عم تعملي ريجيم صار لي شي شهر وكل كم يوم بتنزلولي وصفة أروع من التانية ممممممم منظر الصورة لحالها بيخلي الواحد يكره الريجيم واللي اخترعه :sigh
يا ستي سلم ايديكي يعني بدي جربها ولو بدي صوم كل النهار كرمالها :zzz ولو اني خايفة من فرني لأن حلوياتي فيه نصفها بيفشل
بتعرفي عم فكر جربها بالمكروويف شو قولك بتزبط؟؟
ياهلا فيك منوش مزبوط كلامك دايما التوفيه بعد مانعملها لازم تصير في البيت مشاجرة كبيرة ,, على أساس أختي الأولى أكلت قطعتين بس وأختي الثانية أكلت 3 قطع والثالثة طلع نصيبها قطعة بس يعني مافيه عدل والرابعة خبت قطعة في مكان مجهول بالمطبخ ويمكن في دولاب ملابسها كمان وماكانت عارفة إن فيه عيون حد عم تراقبها ولما جاء وقت أكلها انفجعت إن القطعة صارت في عداد المفقودين إلي مايرتجى عودتهم أبدا ,, وهات يا أسئلة ويا تحقيق وما منه أي فايدة آخر شيء تنتهي المشكلة إن يلي أخذت القطعة ماعندها احترام لحقوق الأشخاص الآخرين وخصوصياتهم ولازم تراجع ضميرها وما تعيدها مرة ثانية. :grin
أما بالنسبة لطريقة تحميصك مزبوطة ميه بالميه لأن يلي بتحمر بس هو الملاصق للقاع ومع الخلط بتنخلط الألوان المحمص مع الأبيض ومع ذلك ومهما كان حرصك لازم ننخله إلا مايكون فيه كم قطعة محروقة
أهلين سيمو , صحة وهنا ولاتنسي تخبريني بالنتيجة وأنا بانتظارك أكيد
أهلين ضحى .. تسلمي لمرورك ويارب تعجبك :zzz :zzz
أهلا وسهلا بفرح .. حلوة فكرتك ممكن الواحد يصوم ويضحي علشان شغلة حلوة ومابيكون فيه خساير كبيرة .. وإن شاء الله يكون فرنك ابن حلال وما يغلط على التوفيه ويحطها من النصف إلي بينجح مش إلي بيفشل , أما المايكروويف مش مجربة من قبل لأن ماعندي ياه بالأساس بس ناويه هاليومين إشتري واحد بس مازلت أدور على ماركة تكون محترمةوصحتين وألف عافية على قلبك :zzz
شكل الحليب المحمص متل الكمون :grin
خلص صار لازم شارك بنتي بحليباتها شوي
بس ان شاء الله تزبط لأنو لازم يطلعلي شي شغلة
بأشياء التحميص :upset
يسلمو ايديكي لارا
حياكي الله لا را .. جدا التحميص سهل ومستحيل أي حد يخربط فيه بس قوي العزيمة واعمليها .. وألف صحة سلف . :zzz
و هالتوفية يا لارا بتجنن ماشاء الله اليوم جربتها وجربت كيك أمي بصراحة بيضو وجهي اليوم بالضيافة
الله يبيض وجهك ويوفقك وينجحك بامتحاناتك يارب
مرحبا صبايا
شو هالتوفي الطيب
انا هي اول مشارة الي وانشالله
انا حلبية ساكنة بالامارات
ودائما كنت ادخل عالموقع
وكتير انبسط لما اشوف اكلات حلبية
حتى لما بكون جوعانة بفتح الموقع
اذا حدا بدو يراسلني هاد ايميلي
:zzz
هلا فيك اختي
نورتي الموقع و شرفتيه
ان شاء الله تجربي كمان بس تشوفي :grin
هلا فيك
صحة وهنا على قلبك ياسيمو وقلب ضيوفك وفعلا هالتوفية شو طيبة ومافيه شيء يشبهها.. وكيك أمي كمان طيب وببيض الوجه .. انبسطت كثير بتجربتك :zzz
أهلين بالأخت أمورة التوفي طيب ولما تعمليه وتذوقيه رح يكون أطيب نورتي الوصفة بمرورك
سلمت يمناك
ويمينك أختي الكريمة .. ألف شكر لتعليقك
ممممم بجد شكلهامغري كتير هل التوفية يسلمو ايديكي يارا هودائما الحلو مابعمل الا كل شي حلو رح جربها اكيد بهل اليومين وقلك على النتائج بس انشالله ينجح تمام
:zzz
أهلين بأماني أخت عزيزة وكريمة , جربيها ورح تحبينها كثير كثير , ويارب تزبط معك
تحياتي :zzz
مرحبا أخت لارا
الشكل كتييييييييييييييييير حلو ماشاءالله بس عندي سؤال ممكن اعمل هالكيكة واستخدمها لتورته ؟؟ يعني قصدي قطعها لطبقتين واحشيها كريمة وزينها؟؟ تقطيعها سهل والا ممكن تفرط؟؟ لاني هالكيكة مافيها دقيق وانا محتاجة اعمل تورته مافيها طحين بانتظار ردك علي وشكرا الك
أهلين ام إسلام … الصراحة جلست أفكر في سؤالك شوية ..
أتوقع مارح تزبط لأن الطبقة السفلية طعمها مختلف كليا عن الكيك بالطحين العادي , وكمان السمك فيه اختلاف
بس أنا دايما مع التجريب , خصوصاإذا كان صاحب التجربة مقتنع بفكرته وحتى لو كان ردي غير توقعاتك , صحيح ممكن يكون فيه خساير مادية في حال الفشل :grin :grin
وممكن يكون العكس توصلي لشيء غايب عنا, ويطلع كويس . جربي وخبرينا . تحياتي
اخت لارا شكرا على ردك بصراحة انا مضطرة للتجريب مشان شخص ممنوع عن الطحين بسبب التحسس لكن بخاف من التجارب الخاسرة يعني قصدي بس يزبط تزينها وطعمها يكون مقبول؟؟ اكيد مارح يكون متل الكيك العادي لكن اللي مخليني اتردد انها ماتتحمل تقطيع وتزيين على كلا رح شوف شو بيصير معي وخبرك بإذن الله
و انا كمان رح استنى رايك
اختي ما خافي ابدا من التجارب , دوما من ابشع تجربة انت بتزادي خبرة و معرفة و بتصيري أحسن بالمطبخ
شكرا الك اخت لارا
حبيت خبركم على نتيجة التجربة فعلا عملت قالب تورتة صغير من وصفة التوفيه وطلع كتير طيب صح طبقات التوفيه مختلفة عن الكيك العادي بس كانت طيبة كتير واهم شي انو مافيها طحين ورح حاول اني ابعتلكم صورة القالب ان شاء الله شكررررررررررررررررررررررررررررا كتير الكم
صحة و الف الف عافية
الحمد لله انهال كانت متل مو حابة ,
يسلمن لاروش على الوصفة المرتبة
http://up.hawaaworld.com/up/sites/up.hawaaworld.com/files/links/8b942c2885e2396ac1b0a4d657ac0422.jpeg
هي صورة القالب اللي جربته بس مابعرف اذا رح تظهر اولا
سلام حبيت اتشكرك كتير عالوصفة طلعت كتير زابطة وبيضت وجهي ادام بيت حماي عنجد هاي اول مرة اطبق شي من الانترنت ويطلع شي مرتب
الف الف صحة و هنا و عافية على البك
الصورة رابطها مزبوط , يا ريت تتاكدي منه
حابة كتير شوفها
يسعد أوقاتكن..
هللئ كذا سؤال..إنو كاستين ونص حليب بودرة..يعني كتير..بيخلص نص الكيس هيك..إنو مافينا نبدلو بالحليب العادي؟؟؟
تاني شي..الزيت نباتي صح؟؟
تالت شي..لما منكون عمنحمص الحليب بالبداية..هيك؟؟ ولا شي معو؟؟ بيعتمد على حرارة الطنجرة بس؟؟
وشكرا جزيلا..
ايه رغودة , هل الوصفة فيها الحليب عواض الطحين , و اذا بتحبي ممكن تشتري اكياس كبيرة اوفرلك
الزيت اكي نباتي و التحميص لوحده
يلا خبريني رايك
تسلمييييييييين مره مشهيه ان شاء الله اجربها وتزبط معايه يارب :sigh
مساء الخير أم إسلام :zzz
الحمد لله إلي زبطت معك وصحة وعوافي على قلب إلي أكل ,
وأنا شفت الصورة حلوة كثير وكانه قالب جاتوه , ومنكم نستفيد , وعقبال باقي الوصفات
تحياتي :zzz
أهلين أخت مريم
أنا مبسوطة مش بس لأن جربتي الوصفة وكمان لأنها أول وصفة من النت وطلعت على كيفك
تحياتي :zzz و ألف صحة وعافية.
أهلين رغد :zzz
ولو إن الإجابة على السؤال متأخرة , بس يله ممكن تستفيد منه أخت ثانية
مع الشكر الجزيل لمنى لأن جاوبت على الأسئلة مسبقا , الحليب الباودر أساسي وماينفع أي بديل,
الزيت نباتي أكيد ذرة أو دوار الشمس , والحليب يعتمد على حرارة الطنجرة فقط بدون أيا إضافة.
وعقبال مانشوف صورتها جنب أختها على الفايس بوك
تحياتي
ألف مرحبا بالأخت تولين
إن شاء الله تكوني جربتيها وطلعت يييييمي
ألف تحية :zzz
كان عندي سؤالين الأول انو شو هو نوع الزيت والتاني أديش الفترة اللي لازم يتم فيها بالفرن لذلك أول مرة احترق
جربته مرتين مدري 3 بس ماصار معي كتير زعلت بس مابعرف ليش ماصار :sigh :cry
كتير اشتهيت دوقو على قد مامدحتو منو
أهلين أخت فيوليت
التوفية سهل ممتنع الوصفة بسيطة بس أي خطأ بسيط بينزع الوصفة
ومع إني مجربتها بعدد شعر راسي ومع ذلك مرات قليلة مابتطلع مثل مابدي
المهم الزيت هو أكيد نباتي زيت ذرة
أنا طريقتي بخبز التوفية مثل ماذكرتها فوق ونفس الشيء بالنسبة للكيك لأن فرني كهربائي مش غاز وبتاخذ معي 20 دقيقة من أسفل وبعدين بشغل 5 دقائق بس من أعلى فقط وتطلع تمام .
إن شاء الله تزبط معك مرة ثانية :zzz