براونيز بكريما الخمس دقايق السرية
كوب حمص جاف
نصف ملعقة صغيرة بيكربونات الصودا
5 – 6 ملعقة كبيرة طحينة
عصير ليمونة أو أكثر
فص ثوم صغير
ملح
القليل من الكمون
القليل من الفليفلة الحمراء الناعمة
• يغسل الحمص جيداً ثم ينقع بالماء البارد و الملح و البيكربونات طول الليل .
• في اليوم الثاني ييسلق الحمص من الماء بنفس ماء السلق في طنجرة ضغط مع الملح و يسلق لمدة ساعة أو أكثر حتى ينضج جيداً و تظهر قشوره على سطح الماء .
• يصفى الحمص من ماء السلق و يفرك باليدلتخلص من القشور و يحتفظ بالقليل من ماء السلق و بضع حبات حمص جانباً .
• يهرس الحمص مع القليل من ماء السلق في مطحنة الخضار حتى يصبح مثل المرهم ثم تضاف الطحينة و الثوم المهروس و عصير الليمون و القليل من الملح و يحرك المزيج .
• يمد الحمص في طبق التقديم و تصف فوقه حبات الحمص المسلوقة ثم يزين بزيت الزيتون و الكمون و الفليلفة الحمراء .
• يقدم الحمص مع كل أنواع اللحوم المشوية و الشيش طاووق .
السلام عليكم و رحمة الله و بركاته
بدي جربو بكرا ان شاء الله يضبط معي بس اليلي هلأ ازا نقصت مقدار الطحينة شو راح يصير لان متل ما قلتلك بموضوع الطحينة اللي فيها كتير زيت
بكرا راح اعمله و ان شاء الله خيرو الله يجازيك كل خير على مساعدتك و نصايحك لالنا
سلام
عملتو و ضبط معي الحمد لله يسلم دياتك و رغم الطحينة اللي ما كتير ضبطت و ما انطحنت منيح معي رغم اني طولت و انا عم اطحنا
بدي اسال هل بتنفع بحمص منقوع و مجمد لان بدو وقت بالنقع
بدي اسال شو هو دور الطحينة بالضبط و هل يمكن الاستغناء عنهاو بشو فيني بدلهاو كمان شفتن بيحطو زبادي للحمص شو رايك و هل فينا نحفظ الحمص بالفريزر — مع اني ما بظن بينفع :upset — و ازا فينا فكيف
كمان شو بتفرق ازا ضفنا الثوم و الليمون و الطحينة اثناء هرس الحمص
ربنا يوفقك و يسهل دربك
سلام
و عليكم أفضل السلام و أتم التسليم أختي
ممكن يتحضر بحمص منقوع و مسلوق ,و أهم الشي بكل تحضير الحمص هو السلق المنيح هو أساس الوصفة , الطحينة اساسية و ما فيك تستغني عنها و لا بتتبدل باي شي تاني
في كتير ناس بتضيف للحمص و المتبل زبادي , تغيير عن الوصفة الاصلية و بيعطيها لون حلو , بس انا بحب حضرها على اصولها
إذا قصدك الحمص الحب فممكن ينسلق و يوضع باكياس صغيرة و بعدها يحفظ أما اذا قصدك الحمص المطحون فمابينفع نحفظه
ما بتفرق فيك تظيفي التوم و اللحمض و الطحينة ايمتى ما بتحبي
مية هلا اختي و هنا و عوافي على الحمص وكل شي جربتيه لحد هلا من الموقع
السلام عليكم أختي منى ..
الحمص المعلب ممكن نستخدمو ؟ لانو هون مافي غيرو أو أنا ما بعرف .. بس هاد المتوفر عندي ..
وإذا معلش كم المقدار ولا كاسة كمان ؟
يسلمو إيديكي ياعسل .. لانو الله وكيلك اكتئبت من الحمص الموجود هون .. يسلمو مرة تانية :zzz
هلا بشرى
اكيد بيصير , بس الكمية مو متاكدة منها , يمكن حوالي كوبين الى 3 كوب :roll
على كل الاحوال بعد ما تطحني الحمص بتضيفي بقية المقادير و على الدوااق لحتى تركزي الحمض و الطحينة
ممكن تقولي أديش بطول على النار من غير طنجرة الضغط
منون الله يعطيك العافية
طلع غير شكل وعجب زوجي كتير وخصوصا انو هز من عشاق الحمص ومابيعجبو شو ماكان
على فكرة سلقته لمدة ساعتين حتى استوى وداب
هنا و الف الف عافية على قلبك و قلب الباشا , كتير انبسطت انك جربتيه و زبط معك و نال اعجاب الراي العام العالمي :zzz
نورتي اختي
مشكورة جزيلا اختي على هالوصفة الرائعة ورح اجربها بكرة بس ممكن توضيحلي نقطة صغيرة….
لما اسلق الحمص اسلقه بمية النقع ولا ارجع اغسله واسلقه بماء نظيفة اخرى غير ماء النقع انشالله تكوني فهمت علي
شكرا
هلا اختي
انا بسلقه بنفس المي لان فيها الكربونات و هي رح تسهل عمليةالسلق و تخلي الحمص طري متل ما بدي
ايا سؤال تاني من عيوني
يا هلا والله فيك
انا مبسوطة كتير انك رديتي علي بس انا جربته حتى قبل ما تردي علي بس سلقته بمي تانية غير مية السلق وطلع تحفة عنجد دعيتلك من كل قلبي لانو انا اصلا من الاردن و عايشة هلأ في مصر ومتل ما بتعرفي احنا في الاردن الحمص من الاشياء الاساسية بس يا خسارة مو موجود في مصر :cry غير العلب واحنا ما بنحبو كتير بس لما جربت هاي الوصفة حسيت حالي في الاردن و حتر زوجي انبسط عليه كتير بس ال :cry مرة ال :cry جاي رح اجربو متل ما حكيتيلي وفعلا شكرا من كل قلبي على هدا الموقع اللي اكتر من روعة