براونيز بكريما الخمس دقايق السرية4كوب طحين
ملعقة كبيرة خميرة فورية
ثلاث أرباع كأس زبدة
ربع ملعقة صغيرة ملح
نصف كوب سكر بودرة
كوب ونصف حليب فاتر
بيضة واحدة
• يخلط الطحين بالملح ويخلط بالزبدة -نعمل حفرة في وسط الطحين ثم نضيف السكر والخميرة ونصف الحليب.
• تخفق البيضة مع باقي الحليب ثم تضاف إلى الطحين .
• نعجن المواد جيدا حتى نحصل على عجينة متماسكة وتترك تختمر لمدة ساعتين .
• بعدها تقطع إلى 15قطعة ونضعها على صينية مدهونة .
• يفرغ وسطها ثم تقلى بزيت حار .
• تزين بكريمة الشوكولا أو بالسكر المطحون وتقدم بالهناء والعافية.
سلم دياتك نجمة , بالفعل من المقادير و الطريقة اتوقع انهم رح يطلعوا شي طيب كتير
شكرا للوصفة الطيبة و بانتظار بقية وصفاتك :zzz
يم يم ما شاء الله و الله يسلم هالايدين
:zzz
بس ليش هيك كل الاكلات الطيبة بتكون دسمه كتير :cry
و يا ترى هالكمية بتعمل كم قطعة؟
ياترى ممكن نضيف الفانيلا عالعجين لانو لما باكلها بشم فيها ريحة الفانيلا
ماأظن فيه أحد مايحب الدونات , وخصوصا الأطفال ..
أغلب الأوقات نشتريها جاهزة من محلات متخصصة بس بالدونات ومحترفة, ويمكن عملتها 3 مرات, تقريا تشبه مقاديرك والفرق إني بفردها بالنشابة , وقطعها بقطاعة خصوصي للدونات ,
وكمان بتركها تخمر مرة ثانية بعد الفرد
:zzz تسلم يديك على الوصفة .
انا اقطعها بكاسة عادية و بعدها بغطاء صغير مشان الفتحة الصغيرة التانية , و كمان برجع بخمرها مرة تانية بعد الفرد
طيبة
لولي جربي حطيها بالفرن ورشي عليها زيت بتصير أخف
بس أنا مو جربتها شفتها مرة على TV
السلام عليكم ورحمة الله وبركاته كيفك أختي منى ما بتصدقي شئد فرحت لما شفت الوصفة على الموقع شكرا كتير كتير :zzz بس شئد ما عملنا ما منجي شي جنبك انت الأصل ونحن الفرع ما شاء الله تبارك الله عليك
صرلي زمان ما دخلت على الموقع إلا مرور سريع يعني لازم أطمن عليه سبحان الله بيت وولاد الله يحميهن وشغل بيت ما بيخلص ومدارس الله يعينا :upset شكرا مرة تانية والله يخليك لزوجك وولادك ويطعمكن عمرة عن قريب :grin
السلام عليكم لولي بالفعل كل الأكلات الطيبة لازم تكون دسمة حتى دائما نتعذب بالريجيم :grin شوفي فيكي تقللي كمية الزبدة ما بتأثر كتير على الطعمة وبالنسبة للكمية بيعملو 15 قطعة كبار إذا بدك يكونو صغار فيكي تقطعين عدد أكبروممكن تضيفي فانيلا ما في مشكلة إن شاالله تجربين ويكونوا على زوئك
شكرا لارامينا والله صح متل ما قلتي الأطفال كتير بحبوهم انا من كتر ما اشتريتن لولادي شتهيت اجربن وبعد تجارب عديدة شي ما ينجحو وشي يعجنو وشي طعمتن متل العجين المقلي لحتى توصلت لهالوصفة ونجحت تمام والحمد لله لانو ما في وصفة بتنجح من اول مرة غير انو تكون من موقع لقمة طيبة : :zzz :zzz
شكرا كتير لهالموقع ولاصحابو
والله يا منى انا كنت اقطعن بكاسة وغطاء متل ما قلتي بس حتى ما يفضل معي عجين وتاني شي لقيت هيك اسرع انو اقطعهن كلن قطع متساوية واشكل منهم كرات ثم أضغط عليهم قليلا حتى ينرقو بمقدار 2 سم تقريبا وأثقبهم بأصبعي بعد وضع طحين أو زيت وبتركن يختمروا شوي وبقليهم وهيك ما بيفضل ولا قطعة عجينة والله رفيقتي أكلتن عندي وفكرتن جاهزات لو ما قلتلا انهم شغلي لانو كلن متساويات وبنفس المقاس وما بيفرقو عن الجاهز لا بالشكل ولا بالطعم
السلام عليكم أخت عليا وانا ما جربتا بالفرن بس بتوقع تطلع بنت عمها للمقلية ما أختها :grin لأنو أصلها تكون مقلية وبمحلات الدونات ما في أبدا بالفرن :upset
شكرا يا نجمة على الوصفة كنت ناطرتها من زمان انا مجربة احدى الوصفات وما كتير طلعت بتشبه الدونات اكيد رح جربها لأن اولادي كتير بيعزو الدونات يعطيكي الف عافية
أهلين أخت فرح ان شاء الله بتجربيها وبتطلع على زوئك
يسلمو على الدونات نجمة..بس لو كان في صورة :p
بتعرفي منى أنا ما حصلي الشرف و دقت الدونات لاني بتردد كتير قبل ما آكل شي جديد..كل ما أخوي يشتري دونات بيضيفني و انا بقوله صحة على قلبك بس هلأ شهيتوني أعملهم بالبيت و أدوقهم لأول مرة :zzz
بس شو طريقتك منى ؟
السلام عليكم ورحمة الله وبركاته
ماشاء الله، الله أكبر جميلة جميلة فعلا…
تسلم ايديكى. أنا كمان جربت طرق كتير للدونات وماكانت بترضيني أبدا لدرجة انى يئست منها وحتى لما كنت باشتريها كنت أحس انها لولا الشوكولا او السكر اللى عليها ماكنت ابدا أطيق طعمها.. طعم العجينة كان كتير سئ بالنسبة لى على الاقل بس الولاد بيجننوا عليها.
جربت طريقتك امبارح كتير سهلة بنتيجة فعلا رائعة..
صحيح انا خمرت الخميرة فى الحليب الدافي الاول قبل ما اضيفها لباقى المكونات وبالتالى بعد ساعة واحدة كان حجمها الضعف او اكتر.
وكمان حليتي لى مشكلة التقطيع لان عندى قطاعة للدونات وكانت دايما الم القطع الصغيرة واعمل تانى لما كنت بازهق وكانت غالبا بتلزق فى القطاعة وبتطلع فى الاخر مش دائرية. لكن عملتها بطريقتك وطلعت متساوية وفعلا زى الجاهزة حتى لو مش متساوية بالقلية بتدور وتبقي مظبوطة.
كمان العجينة طرية وطعمها كتير طيب
جزاكى الله خيرا وتسلم ايديكى.
نفس مقاديري بتطلع كتير طيبه
وبيحبها الكل .. زوجي وأولادي بيقولولي أطيب من السوق
شكرا نجمة عالوصفة بدي جربها لانو ابني بحبها كتير