براونيز بكريما الخمس دقايق السرية
· يغسل الرز و ينقع بالماء البارد لمدة نصف ساعة .
· يقلب السكر على نار هادئة حتى يتحول لونه للكراميل ثم يترك جانباً حتى يبرد . يضاف المرق على السكر و يترك حتى ينقع الرز .
· في طنجرة اخرى تقلب البهارات الكاملة بالسمنة حتى تظهر رائحتها اللذيذة .
· يصفى الرز جيداً ثم يضاف للبهارات و يقلب لبضعة دقائق .
· يضاف ماء الكراميل و بعد ان يغلي مجدداً تهدى النار و يغطى القدر و يترك حتى يمتص الرز كل الماء .
كوب رز بسمتي
بضعة حبوب كاملة من حب هال و القرنفل و القرفة و ورق الغار
ملعقة سكر
كوب و نصف مرق
ملعقة سمنة بلدي
• يغسل الرز و ينقع بالماء البارد لمدة نصف ساعة .
• يقلب السكر على نار هادئة حتى يتحول لونه للكراميل ثم يترك جانباً حتى يبرد . يضاف المرق على السكر و يترك حتى ينقع الرز .
• في طنجرة اخرى تقلب البهارات الكاملة بالسمنة حتى تظهر رائحتها اللذيذة .
• يصفى الرز جيداً ثم يضاف للبهارات و يقلب لبضعة دقائق .
• يضاف ماء الكراميل و بعد ان يغلي مجدداً تهدى النار و يغطى القدر و يترك حتى يمتص الرز كل الماء .
السلام عليكم كيفك منى
اي وين هالغيبه الطويله والله اني اشتقتلك كتير الله يجعل ايامك كلها خير وسعاده 
شو هالمقدمه الحلوة الله يجزيك الخير ويعطيك الف عافيه يارب :zzz
خليلي عينك نور , سالت عليك العافية دايما يا قمر , انا منيحة بس مشغووولة .. بالخير ان شاء الله
ان شاء الله تجربي الوصفة و تكون على زووءك
أهلا وسهلا برجعتك أخت منى زي ماقالت نور اشتقنالك .. والكلام إلي قلتيه مزبوط وفي نفس الوقت خطير لأن ممكن وحدة تخسر دنياها وآخرتها علشان شيء مايسوى لأن فيه مثل دايما بنقوله عندنا ( من إلي بلغك ؟ عدوك ) ومعناه إلي وصلك الكلام هو عدوك لأن نيته إنه يغيضك ويخرب علاقتك بالناس ولو كان خايف عليك ويحبك ماكان وصلك الكلام المزعج يلي بيضرك , وفيه مقوله أظنها للرسول الحبيب يقول ( من حسن إسلام المرء تركه مالا يعنيه ).
وبالنسبة للوصفة منظرها بيشهي بس عندي دايما تحفظ على الوصفات إلي فيها سكر بس رح أجربها اليوم إن شاء الله بنصف كوب رز وأكيد رح أخبرك . تحياتي .
السلام عليكم شو هل الكلام الحلو اخت منى والله عم تضربي على الوجع وكلامك كله مزبوط والمشكلة انو هل الغيبة والنميمة منتشرة كتيير بين النسوان وخصوصي بالاستقبالات والجمعات والصبحيات الا من رحم ربي
بالنسبة للوصفة هي غريبة شوي بس يا ترى رح يعطي طعم حلو للرز لأنو انا مو من مشجعين الاكل الحلو بالطبخ ما كتيير تزبط بعي ولا يا ترى بس عم يعطي لون حلو وجذاب لأنو حابة اجربه بس خايفة يطلع الرز حلو :roll
يعطيكي العافية اختي هده الوصفة معروفة عندنا بالخليج وتؤكل مع السمك وهي اصلها تنعمل مع دبس التمر بدل السكر اما الان قليل من يستعمل الدبس ويستعمل الماء بدل التمر اسمها “المحمر”
ماشاء الله اختي منى مقدمه رائعه وكتير كلام حلو وبمحلو
الله يجزيكي الخير ويجعلو بميزان اعمالك الحسنه والله اشتقنالك لا تتاخري علينا :roll
السلام عليكم و رحمة الله و بركاته
لون الوصفة و شكلها حلو بس استعمال السكر :roll ما بعتقد راح يتقبلوه بس يمكن جربها قوليلي اختي منى راح تطلع طعمة حلوة بالوصفة او لا ان ادا راج يطلع حلو ما قي داعي جربو لان ما راح ياكلوه
بالتوفيق
سلام
هلا لارا
تشتاق الك العافية و تكوني دوما بخير و صحة و هنا .
بالفعل القصة خطيرة كتير و لازم الكل ينتبه منها , ممكن كتير الواحد فينا توقع فيها من دون تشعر حتى , يا رب علمنا و فهمنا و تقبلنا عندك يا رب
لارا لا تاكلي هم السكر لان ما رح يعطي طعمة ابدا , و من جهة تحفظك فانا معك لان نفس الشي خطر ببالي اول ما سمعت عن السكر , بس لما ستي جربته و عجبها كتير و عجب الراي العام العالمي عندها قمت اتشجعت و حضرته و طلع بيجنن
هلا gsm:)
و عليكم السلام و رحمة الله و بركاته , اختي جربيه و رح يعجبك كتير لان ما رح يعطي طعمة حلوة ابدا , بس لون مميز و طعم مميز , بس مو طعمة حلوة .. رح يعجبك ان شاء الله كتير , لا تنسي تخبريني :zzz
يعطيك العافية منى على كل شي بتقدميه دائما مبدعة وآكلاتك لايعلى عليها
اليوم خطر ببالي شغلة وهي عمل جدول بآكلات رمضان وبيكون مرجع سهل وكلنا بنتساعد فيه شو رأيك ياست الستات بهالفكرة
السلام عليكم ورحمة الله وبركاته
وانا بضم صوتي لا الاخت سمسمة يا ريت فينا نحضر شي لا شهر رمضان الكريم
كيفك منى سلم دياتك على هالوصفة لون الرز كتير حلو وبيشهي وفكرة حلوة
هلا ام ناصر
ممم , بتعملوها بالدبس , و الله فكرة بتجنن . بس خسارة دبس التمر مو متوفر عنا بسوريا .. على كل الاحوال الف شكر الك للمعلومات الي بتضيفيها دوما للوصفة و بتكشفيلنا اصلها و فصلها
هلا حبيبتي ام أحمد
هادا بس من زووك يا قمر , ان شاء الله يتقبل منك هل الدعوة الحلوة و يا رب نستفاد كلنا
و اخر الشي ان شاء الله تجربي الوصفة و تكون يممي :zzz
هلا سارونات
لا تخافي , السكر ابدا ما رح يعطي طعمة او يغير نكهة الرز , اللون رح يكون الغالب و الطعمة رح تكون طيبة كتير بس مو حلوة , على ضمانتي ان شاء الله
هلا سمسومة
يا رب تجربيها و تكون طيبة و متل ما بتحبي
و الله فكرة ممتازة جدا , ان شاء الله رح حط الها موضوع مستقل على الصفحة الرئيسية
هلا ام نور حبيبتي
و كمان طعمته طيبة كتير ,ان شاء الله تجربيه و يكون متل ما بتحبي
ان شاء الله في المسابقات قبل رمضان , لحتى الكل يشارك و يكون عندنا اطباق جديدة لرمضان
هلا ام نور حبيبتي
و كمان طعمته طيبة كتير ,ان شاء الله تجربيه و يكون متل ما بتحبي
ان شاء الله في المسابقات قبل رمضان , لحتى الكل يشارك و يكون عندنا اطباق جديدة لرمضان :zzz
مرحبا منى الله يسلم دياتك يارب عندي سؤال لو سمحت ليش نقع الرز بالماء البارد
بقصد بالمي الباردة مو مية البراد , لا مي الحنفية بس من القسم البارد
السلام عليكم اختي منى وعاشت يديك على الاكل الطيب.. هذه الوصفه فيها ملح او لا ؟؟؟
والله افكارك و خواطرك كتير حلوة الله يجزيكي الخير يارب..
حكيك مظبوط وللأسف كتير كتير منتشر!
الله يبعدنا عن هالأجواء يارب و يقدرنا على رضاه ويسرلنا علم ننتفع به وننفع الناس يعني متل ما عمتعملي انت :zzz
بالنسبة للوصفة يعني هاللون الأصفر الحلو السر كلو من السكر :eek
وصفة غريبة كتير بس بتستاهل التجريب بصراحة صار عندي فضول اكتشف الطعم :p
يسلمو كتير ميمو الحلوة على هالوصفات المميزة كتير كتير كتير 8)
هلا منى
هلا المرق فيه ملح لهيك ما بضيف ملح زيادة , الخلاصة ان فيها ملح بس من المرق
صباح الخير منون
حبيبتي بقدر استخدم السكر البني ؟
وهل بينفع قدم هالطبق مع السمك ؟
يسعد أوقاتك يارب
منون حبابة جاوبيني على سؤالي :sigh
رجعت قريت المقدمة مرة ومرتين وتلاتة
فعلاً يا منون كلامك جواهر ودهب
اللوص أبشع شغلة ببني آدم وبتخلي كل الناس تكرهو يا لطيف الله يجيرنا من هيك بشر
في إلي قريبة لواصة “العفو منك ” الكل بيتجنب انو تعرف شي لحتى ما تنشرو والله شي بيزعل هيك الواحد يكون الله يهديناويصلحنا أجمعين
الله يعينك بشورة على هيك قربة , اذا كانت رفيقة الواحد بيحاول يبعد عنها , بس القربة أصعب :roll
بشورة لو فيكي تطبقي الوصفة احسن لان انا مو مجربتها بالبني , بس نظريا بينفع , و هل الوصفة كتيررر بتلبق للتقديم جنب السمك و الدجاج كمان , رح تعجبك كتير ان شاء الله
هلا حبيبتي منى اكلاتك اكتير طيبه انا سجلت اجديد ومني عارفه كيف بدي شارك في وصفه :grin
هلا فيك اختي
شرفتي الموقع و نورتيه و ممكن تبعتي ايا وصفة متل رد عادي و انا اذا ربنا راد رح انشرها باسمك
Salam 3aleikom
ana hal wasfe 3endi 3al nar halla2.. very beautiful smell w el hay2a tal3a taybe kteer..i added some vegetables bas… w hay mish awal akle bjareba min houn, thank you Mona 3anjad this website is more than great! yeslamo hal edein ya rab
و عليكم السلام ديالا
الف الف صحة و هنا على البك , الحمد لله انها كانت على زووءك , ان شاء الله عوافي
نورتينا و ان شاء الله تبقي معنا على طول :zzz
هالوصفة جربتها وفعلا كتييييير مميزة وكتييير طيبة وريحتها بتشههههههي والله وعملتها مع دجاج مشوي …يسلم ايديكي منى على هالوصفات الطيبة والمميزة جدا
ممكن رز قصير الحبة بدل البسمتي
بيصير بس بالبسمتي غير شكل