براونيز بكريما الخمس دقايق السرية
· تدعك اللحمة المفرومة مع الملح و البهار ثم تبلل اليدان بالماء البارد و تشكل اللحمة بهيئة أسياخ بطول الاصبع تقريباً .
· يوضع الماء و معجون البندورة على النار و تترك حتى تغلي .
· تذوب نصف ملعقة من السمنة في وعاء غير لاصق على نار متوسطة ثم تضاف أصابع اللحمة و تقلب حتى تنضج و يجف مرقها تماماً ثم ترفع من السمنة و توضع فوق الصلصة مع رشة ملح و بهار و تترك لتغلي لمدة عشر أو ربع ساعة حتى تسمك الصلصة قليلاً .
· يغسل السفرجل بشكل جيد ثم يقطع إلى نصفين ثم يقطع كل نصف إلى نصفين و يتم التخلص من البذور ثم يقطع كل ربع إلى قسمين بشكل طولي , أصبح لدينا 8 قطع من كل حبة سفرجل .
· تذوب باقي السمنة في قدر نظيف ثم تضاف حبات السفرجل المقطعة و تقلى مع التقليب بين الحين و الأخر بلطف حتى تشقر الحبات من الطرفين , يجب قلي حبات السفرجل فور تقطيعها حتى لا يتغير لونها .
· بعدأن تسمك الصلصة قليلاً تضاف حبات السفرجل المقلية مع عصير الرمان و تترك السفرجلية على النار لمدة عشر أو ربع ساعة أو حتى تطرى حبات السفرجل من دون أن تنهمس .
· تذاق المرقة و يعدل الحمض و يضاف القليل من السكر حسب الذوق ثم تسكب السفرجلية في طبق التقديم و تقدم ساخنة مع الأرز المفلفل .
كيلو سفرجل
كيلو لحمة غنم مفرومة ناعم
ملح
نصف ملعقة صغيرة بهار مشكل
2 ملعقة كبيرة سمنة
4 – 6 كوب ماء
3 – 4 ملعقة كبيرة رب البندورة
فنجان صغير عصير رمان ( أكثر أو أقل حسب الرغبة )
ملعقة كبيرة سكر ( و قد يضاف المزيد بعد التذوق حسب الرغبة )
• تدعك اللحمة المفرومة مع الملح و البهار ثم تبلل اليدان بالماء البارد و تشكل اللحمة بهيئة أسياخ بطول الاصبع تقريباً .
• يوضع الماء و معجون البندورة على النار و تترك حتى تغلي .
• تذوب نصف ملعقة من السمنة في وعاء غير لاصق على نار متوسطة ثم تضاف أصابع اللحمة و تقلب حتى تنضج و يجف مرقها تماماً ثم ترفع من السمنة و توضع فوق الصلصة مع رشة ملح و بهار و تترك لتغلي لمدة عشر أو ربع ساعة حتى تسمك الصلصة قليلاً .
• يغسل السفرجل بشكل جيد ثم يقطع إلى نصفين ثم يقطع كل نصف إلى نصفين و يتم التخلص من البذور ثم يقطع كل ربع إلى قسمين بشكل طولي , أصبح لدينا 8 قطع من كل حبة سفرجل .
• تذوب باقي السمنة في قدر نظيف ثم تضاف حبات السفرجل المقطعة و تقلى مع التقليب بين الحين و الأخر بلطف حتى تشقر الحبات من الطرفين , يجب قلي حبات السفرجل فور تقطيعها حتى لا يتغير لونها .
• بعدأن تسمك الصلصة قليلاً تضاف حبات السفرجل المقلية مع عصير الرمان و تترك السفرجلية على النار لمدة عشر أو ربع ساعة أو حتى تطرى حبات السفرجل من دون أن تنهمس .
• تذاق المرقة و يعدل الحمض و يضاف القليل من السكر حسب الذوق ثم تسكب السفرجلية في طبق التقديم و تقدم ساخنة مع الأرز المفلفل .
انا اكلتا هالاكلة عند ناس حلبية من شي سنتان وكتير عجبتني بس ولا مرة فكرت اعملا والان ذكرتيني فيا خصوصي انو السفرجل عم شوفو متلا السوء بهل ايام بس السفرجل بيكون قاسي لازم مش مستوي مهاك
شهيتيني اخت منى على مربى السفرجل بس ولا مرة جربت اعمل مربى ما عندي المقادير ويمكن لبكتو لبكة :upset
هلا ام نور
لا السفرجل هو قاسي حتى لما بيكون مستوي
بس ما أظن ان هي نفس الوصفة الي دقتيها , أظن الي دقتيها هي الكبة السفرجلية و الوصفة قريبة من هي الفرق ان منستخدم لحمة شقف و منحط معاها توم و نعناع و السفرجل منحطه من دون تقلاية بالسمنة..
هل الوصفة من وصفات حماتي الخاصة و بالفعل كتير طيبة و هي خصوصاً إذا الست حابة تعملها مع الرز
إذا بتحبي وصفات السويت أند ساور رح تعجبك هل الوصفة
مربى السفرجل اتعلمته من ستي و شغلته سهلة , أنا بعمله بطنجرة الضغط ..
رح حط لك الوصفة إذا الله راد من عيوني
تسلم إيديكي منى عالسفرجلية أنا ماكنت بحبا بس مرة دقتاعند مرة خالي الله يرحمها يوم صبحية أبنها و هيه نفسها كتير طيب و على فكرة هية مصرية و تعلمت أكلنا عا أصولو
و من يومها و صرت حب السفرجلية كتير
عا فكرة أنا بنتظار وصفة مربى السفرجل بس ما تتأخري بليييز أسمو السفرجل بموسمو كانت نانتي تعملو يطلع لونو متل المرجان بياخد العقل
حكيت كتير مو باي
هلا رينو
هي حلاوة الاكل السوري ..
سهل و بيحبوه كل الناس
تكرم عيونك , اذا الله راد بكرة او بعده بالكتير بحط الوصفة
والله ما بىء اتذكر شو بالظبط اكلت اذا سفرجلية ولا كبة سفرجلية لان اول مرة كنت بعرفها وباكلهاالمهم اكلة فيا سفرجل ,بانتظار مربى السفرجل الف شكر :grin
لك الهييييييييي الله يسلمن يارب
بس تقبريني ماعندي عصير رمان بمشي حال الدبس اذا دوبته بفنجان مي ولا لا؟
هلا ام نور
ان شاء الله تكوني حبيتيها ..
ووصفة المربى هل اليومين إذا الله راد ..
و الف شكر ليك على الوصفة شكلها بيجنن
هلا arwen:)
بيمشي الحال , بس اصولا و طيبتها بعصير الرمان :roll
حاولي تأمنيه و خصوصاً ان عندك عزيمة و لازم يبيض وشك
السلام عليكم اخت منى
اذا اردت استطيع ان اضيفها على موقعك الكريم.
اشكرك على كل الوصفات و الى الامام .يوجد اكلة حلبية مشهورة في حلب و لذيذة ايضا هي السماقية .اكيد بتعرفيها
من عيوني
رح ضيفها اسمها هلا وقتها 
نورتي رغودة
يعني بعد ما شفت هالصورة ما عاد فيني قاوم انشالله بهل يومين بدي جرب هالوصفة كتير شكلا بيفتح النفس :p :p
السلام عليكم و رحمة الله و بركاته
بسمع فيها للسفرجلية و كنت متشوقة اعرف كيف بتتساوى بس ماعرفت اذا بتطلع حلوة او كيف طعمتها لان مو جربة من قبل الطعمة الحلوة مع المالحةو هل فينا نستغني عن السكر
و اهعم شي بدي اعرف كيف بتنعمل باللحمة شقف و خصوصا بلحم العجل شقف
بالتوفيق
سلام
هلا ام نور
ان شاء الله تجربيها و تكون على زووءك , عن جد هل الوصفة بتستاهل تكون عالمية :zzz
هلا سارونات
اختي اللذة و المتعة في الطبخ انه بيفتحلك اشياء و نكهات ما كنت متخيلتيها ..
هلا بتحبي الكتشاب مع البطاطا ؟ معناها بتحبي السكر في الاكل
ما اتوقع انها بتصير من دون سكر و فيك تستعملي لحم الغنم أو البقر على كيفك
مراحب حبيبتي منى. أنا اليوم عملتها السفرجلية بلحمة الكباب، بس بدون سكر. طلع فيها هيك حموضة حلوة. عن جد طلعت روعة وطبق راقي جدا. تسلميلي على هالوصفات الحلوة اللي عمتتحفينا فيها. أنا أصلا ما كنت بعرف إنه السفرجل بينطبخ. يعني بالعادة منعمله مربى أو حلويات مثل الكمبوت وعلى وجهه قشطة. أما طبيخ :eek !! هاي أول مرة، والحمد لله عجبت الكل واعتمدتها. تسلم هالأنامل المبدعة يا رب.
بس على فكرة منى، أنا اللي شجعني أعملها للسفرجلية بالكباب هي الصورة القديمة. كانت حلوة كتير وخطر لي إني أقدمها بنفس الطريقة اللي بالصورة :roll . خليكي عالقديمة أحلى :roll :roll
الف هنا و عافية منامينو
هي السفرجل يمكن بس الحلبية و المغاربة بيستعملوه بالطبخ , كتير انبسطت ان عجبك لان انا بمووت عليه
القديمة خلص انحزفت , ان شاء الله بس ما اعملها مرة تانية ببقى بصورها بنفس الطريقة القديمة للتقديم , ألف شكرليك على المتابعة و الملاحظاات المهمة كتيرر
نورتي يا قمر
يممممممممممممممم
منمن شايفة انا ا جيت
مفاجاة ما هيك هههههههههه
منمن احتمال كبير جدا ادا الله راد
اطبقها اليوم
و اكيد ان طبقتها راح اعطيك رأيي اللي اكيد راح يكون ايجابي ان شاء الله
و راح اصورها و انزلها بلكي في لك شو رأيك
سلامي و حبي لك يا قمر
ممممم احلى مفاجاة انجي اليوم هي طلتك الحلوة
القمر تقيل و شايف حاله و بيزورني كل سنة مرة :zzz
ان شاء الله تجربيها و تعجبك , و ين مو حابة نزلي التطبيق المهم انها تعجبك و تعجب عيلتك , يلا بانتظار اخباررر منك
جربتها في نفس اليوم منمن زي ما قلتلك
و طلعت يميم
لزيزة و مرقتها بتشهييي
جامعة نكهات عديدة
تسلمي يا قمر و ربنا ما يحرمنا منك
حبيت اوريكم صورة التطبيق
و ان شاء الله تعجبكم
مع انها اكيد مش هالقد
معلش لآن التصوير جوال كمان
[IMG]http://www.lakii.com/img/all/Nov08/eUqIST11300709.jpg[/IMG]
[IMG]http://www.lakii.com/img/all/Nov08/gSoGuM11300710.jpg[/IMG]
هنااا و مية الف عافية حبيبتي انجي
كتير انبسطت انها عجبتك و كانت على زووءك ريتو عوافي حبيتي :zzz
الصور بتشهي و طالعة معك تمام التمام انجي ,ممم هيأتي رح اتغدى منها بكرة
يسلمو ايديكي عالاكلة الطيبة والله لايضيعلك تعب ويجعله في ميزان حسناتك
حبيت اعرف اخت منى كيف بيتفرز السفرجل اذا عندك الطريقة ياريت تحطيها باسرع وقت لاني بحاجتا اناجربت افرزه سلقته نصف سلقة بعدين تركته ليبرد وحطيته بالفريزة صار لونه غامق مابعرف ليش عندك فكرة
ولك جزيل الشكر
هلا ام عبدو
طريقتك صحيحة بس ناقصها ملح ليمون أو ليمون بالسلق و لمن تجي تطبخيه بياخد وقت ااقل بالطبخ
ان شاء الله تجربيه و يظبط معك و الف شكر الك على الدعوات اختي
مرحبا أخت منى
السفرجلية من الأكلات المفضلة عندي بس عمري ما طبختها لأني ما كنت أتخيلها بدون كبة .. ولذلك ما كنت آكلها هي وغيرها من طبخات الكبب إلا لما أنعزم عليها هون وهون
المهم أن هالوصفة رائعة لأنها سهلة وما بدها كبة .. وكمان بالكباب بدل اللحمة الشقف لأني دائماً بفضل الكباب على الشقف .. جربتها البارحة وطلعت روعة .. بس الكباب عملته كرات بدل الأسياخ على أساس أنها أسهل في التشكيل .. ومع ذلك طلعت الكرات مفشكلة وأقرب إلى المكعبات بعد القلي
الملاحظة الوحيدة أن المرقة كانت قليلة كتير مع أني تقيدت بالمقادير تماماً .. يعني طلعت متل الصورة فوق .. أنا بحب المرقة تكون مبحبحة شوي :roll
منوشة انا بدي اعمل سفرجليه اول يوم العيد بس كانو الطريقه غير نحن بكون في مرق اكتر متل السماقيه .؟؟؟