براونيز بكريما الخمس دقايق السرية
· تذوب السمنة على نار متوسطة ثم تضاف اللحمة و تقلب حتى يختفي اللون الأحمر و يجف مرقها تماماً .
· يضاف البصل المفروم ناعماً جداً و يقلب لبضع دقائق من دون أن يتغير لونه ثم يضاف الماء المغلي و يترك حتى يغلي مرة ثانية .
· توضع كل مقادير الباقة العطرية في كيس صغير خاص ثم تضاف للحمة و تخفف النار و يغطى الوعاء و يترك لمدة ساعة تقريباً أو حتى تنضج اللحمة تماماً .
· يخفق اللبن مع النشاء و الملح و البهار جيداً حتى يصبح اللبن مثل الكريما .
· يوضع مزيج اللبن على نار متوسطة و يحرك بشكل دائري باتجاه واحد كي لا يفرط اللبن , و يحرك حتى الغليان .
· ترفع الباقة العطرية من مرق سلق اللحمة ثم يضاف المرق بالتدريج لمزيج اللبن حتى الحصول على قوام متوسط السماكة ثم تضاف قطع اللحم و تترك الشاكرية على نار هادئة لمدة عشر دقائق كي تأخذ اللحمة من نكهة اللبن .
· تسكب الشاكرية في طبق التقديم و تقدم فوراً مع الأرز بالشعيرية أو البرغل المفلفل أو الفريكة .
تنويعات و إضافات :
· بعض ستات البيوت في الشام تزين الشاكرية بقلية ثوم , تسكب الشاكرية بطبق التقديم ثم يقلى ثوم مهروس و نعناع مجفف بالسمنة لمدة دقيقة أو دقيقتان ثم يسكب على وجه الشاكرية و يقدم فوراً و إن كانت الطريقة الأولى معروفة أكثر .
· لتحضير ارمان بلبن : تطبق الوصفة كالسابق من دون اضافة البصل المفروم ناعماً أو قلية الثوم و النعناع .
· لتحضير لبن أمه : يستبدل البصل المفروم ناعماً بـ 10 حبات من البصل الصغير جدا يقلى قليلاً مع اللحمة من دون أن يتغير لونه ثم يتابع اعداد الوصفة كالسابق و لا تزين بالثوم و النعناع .
نصف كيلو لحمة من فخذة الغنم مقطعة شقف كبيرة نوعا ما
1 – 2 ملعقة كبيرة سمنة
1 - 2 حبة بصل مفروم ناعم
4 كوب ماء
ملح
نصف أو ملعقة صغيرة بهار مشكل
كيلو من لبن الغنم الزبادي
2 ملعقة كبيرة نشاء أو نشاء الذرة ( كورن فلاور )
الباقة العطرية :
عود قرفة كبير
5 حبات هال كاملة
2 ورق غار
بضع حبات فلفل أسود و فلفل حلو
4 حبة قرنفل
• تذوب السمنة على نار متوسطة ثم تضاف اللحمة و تقلب حتى يختفي اللون الأحمر و يجف مرقها تماماً .
• يضاف البصل المفروم ناعماً جداً و يقلب لبضع دقائق من دون أن يتغير لونه ثم يضاف الماء المغلي و يترك حتى يغلي مرة ثانية .
• توضع كل مقادير الباقة العطرية في كيس صغير خاص ثم تضاف للحمة و تخفف النار و يغطى الوعاء و يترك لمدة ساعة تقريباً أو حتى تنضج اللحمة تماماً .
• يخفق اللبن مع النشاء و الملح و البهار جيداً حتى يصبح اللبن مثل الكريما .
• يوضع مزيج اللبن على نار متوسطة و يحرك بشكل دائري باتجاه واحد كي لا يفرط اللبن , و يحرك حتى الغليان .
• ترفع الباقة العطرية من مرق سلق اللحمة ثم يضاف المرق بالتدريج لمزيج اللبن حتى الحصول على قوام متوسط السماكة ثم تضاف قطع اللحم و تترك الشاكرية على نار هادئة لمدة عشر دقائق كي تأخذ اللحمة من نكهة اللبن .
• تسكب الشاكرية في طبق التقديم و تقدم فوراً مع الأرز بالشعيرية أو البرغل المفلفل أو الفريكة .
تنويعات و إضافات :
• بعض ستات البيوت في الشام تزين الشاكرية بقلية ثوم , تسكب الشاكرية بطبق التقديم ثم يقلى ثوم مهروس و نعناع مجفف بالسمنة لمدة دقيقة أو دقيقتان ثم يسكب على وجه الشاكرية و يقدم فوراً و إن كانت الطريقة الأولى معروفة أكثر .
• لتحضير ارمان بلبن : تطبق الوصفة كالسابق من دون اضافة البصل المفروم ناعماً أو قلية الثوم و النعناع .
• لتحضير لبن أمه : يستبدل البصل المفروم ناعماً بـ 10 حبات من البصل الصغير جدا يقلى قليلاً مع اللحمة من دون أن يتغير لونه ثم يتابع اعداد الوصفة كالسابق و لا تزين بالثوم و النعناع .
يا ستي فعلا الشكرية أم القرمان من أفخر الأطباق السورية و هي من الأصناف اللي بتكون براس القائمة لما بنفكر شو نعمل لما يكون عنا عزيمة بس بدك الصراحة القرمان الحلبي ألذ و أدسم لأنو لازال عنا لبن الغنم متوفر و بجودة أفضل من غير مدن و خصوصا بفصل الربيع
بالمناسبة أنا نص شامية و نص حلبية و لهيك بعرف أنو أهل الشام بيعانو كتير ليحصلو على لبن جيد للطبخ
الله يعطيكي ألف عافية وتعيشي و تزيدينا بكنوز الطبخ السوري
مممم , هي أول مرة بعرف أن اللبن الغنم مو متوفر كتير بالشام :roll
هلا منسمع من أخواتنا المغتربات أن أكلات اللبن ما بقى الها طعم لما بيستعملوا اللبن المعلب الي بحس ما فيه جنس البركة
مية اهلا و سهلا رينو
و هلأ انت بالشام و الا بحلب ؟
عزيزتي بالشام ما بيحصلوا الا لبن البقر و بيقى سايط و مالو طعمة
أنا هلق بحلب بس قضيت أول 8 سنين من عمري بالشام
زوجي حلبي و طبعا ولادي حلبية بس ابني البكر مصمم أنو هو شامي
حلوة الشام بتجنن و مننبسط فيها كتير لما منسافرلها ,, بس بتبقى حلب عندي غير .
الله يخليكم لبعض يا رب و ان شاء الله تشوفي منهم الخير الكتير
اههههههه يا منى هل الاكلة والله صرلي عمر ما اكلتها
كتير بحبا
بتعرفي كنت نسيانتها
يسلمو هل الادين يا رب
لك سلامتك من الاه ليندا :sigh
و الله حاسة فيك و بغربتك , ان شاء الله بكرة القطط بتكبر و بتعبي عليك البيت
الله يسلمك ليندا
انو قطط يا منى
قولي طرزان وحش نمر ههههههههه كل شي الا القطط
حاكم ابني يا ستي الله يجرينا منو على أد ما بيتشطين من صباحية الله لاخر الليل و الحمدلله ما ضل حدا ما لاحظ الامر
و هديك شام صاحبة عص يا ساتر عليها كل صوت بتبخشلي ادني
واعععععععععععععع :cry
فتحيلنا قسم لنشكي همنا فيه :grin
سمعانة في حدا عم يحكي عن الولاد و شيطنت الولاديا جماعة شو قطط و شوطرزان هادول حبابين تاعو شوفو اللي عندي مافيا يا جماعة الله يجيرنا و الله بيحطمولي أعصابي 3 صبيان ما شاء الله لاقوة الا بالله بس مطالعين الشيب على رموش عيوني
و القرايبين بيقولولي جربي جيبي كمان بلكي الله بيبعتلك بنت لا يا عمي ما بدي العوض على الله والله بخاف عليها منون يمكن بيفكوها شقفة شقفة الله يخليهون بس :cry
:grin :grin
..
ما شاء الله تبارك الله , و الله انا كنت مفكرة ابني عفريت و كل يوم على الافطار ماسكة دعوة ان الله يهدي سره ..
طلعوا كل الصبيان ورشيين
بس أحلى جملةهي قصة ان بيفكوها شقفة شقفة :grin :grin
فرط قلبي من الضحك
ههههههههههه
كلنا بالهوا سوا
انا ابني فككها لبنتي و نتفلها شعراتها من زمان
و ماضل عندي شي سليم بالبيت
مو باقي الا الكنابيات سالمين لحد الان
الله يبعت الخير :cry
الله يحفظلي و يحفظلكون ياهون و الله هنن زينة الحياة بس التمن غالي كتير كتير كتير
و الله يا جماعة الي بيشوف مصيبة غيره بتهون عليه مصيبته :grin
بعد ما قرأت ردودكم صرت شوف ابني ملاك و انا الي كنت مفكرته أكتر ولد شرير بالعالم :roll
و لا يهمك رينو
ان شاء الله الاجر و الثواب عند الله , و الله بيباركلك فيهم و بينسوك كل هل التعب
:grin :grin :grin
خليلي قلبهم الاولاد بلا شيطنة ما بتسوى حكايتهم
كلهم هيك و بتقولوا بكرة بيعقلوا بس بيجي بكرة و بيرووح و هما على اشيطن الله يحميهم
ههههههه سوالفكم جدا حلوة
الله يخلي لكم عيالكم ان شاء الله وتفرحون فيهم بالتقى والعلم
أمين كوكو حبيبتي
أحلى دعوة و الله 
مساء الوردأختي منى ألف شكر على الوصفة سويتها وزبطت معي من أول مرة ولله الحمد مع إني كنت متخوفة من اللبن وتسلم يديكي.
هلا لارا
هنا و عوافي يا رب , كتير انبسطت انك جربتيها و عجبتك , مطرح ما يسري يمري :zzz
مشكوووورة عالوصفة
اذكر مرت عمي سوتها لنا من زمان
لما كانت بزيارة عندنا .. وكانت وايد لذيذة .. تقريبا من خمس سنوات .. وكان ودي أذوقها مرة ثانيه ولقينا الطريقة 8) :cry
ان شاء الله انا اسويها وتطلع ألذ بعد لان اتوقع في شوية اختلاف خفيف من ناحية البهارات او الباقة العطرية لان كان بس نعناع
هلا امل
هي ممكن تنعمل بكتير اختلافات , بس الطريقة المذكورة فوق هي اكتر طريقة معروفة 
و كل الطرق كتير طيبة مع اختلافات بسيطة , فيك تجربي و تشوفي شو بيعجبك , أهم الشي أن يكون اللبن مطبوخ بطريقة منيحة لحتى ما يفرط و بعدها انت و زووءك ..
اختي الرد وصل بس هو بحاجة لموافقة المشرفة , و نور الموقع بأخت عزيزة و كريمة و ان شاء الله تجربيها و تعجبك , و لااا تنسي تخبريني
ولو اكيد رح جربها على أخر الإسبوع وان شاء الله اقولج النتيجه
ومشكوورة حبيبتي ..
:grin ما انتبهت على خاصية الموافقة عالتعليق
:grin بتحصل كتيررر عادي , المهم هلبا انك تجربيها و ياا رب تعجبك
أخت منى البصل مو مذكور ضمن المقادير
كمان احم , الف شكر الك اخي للتنبيه :roll
وانا دايما باسمع بالمسلسلات السورية شاكرية شاكرية واقول شوو هاد الشاكرية
واخيرا عرفتها
بارك الله فيكي منى ويسلموو الايادي يارب :zzz
الله يسلمك جوجو و لو تجربيها لحتى تعرفيها شخصيا ما رح تندمي ان شاء الله :grin
انا دائما ما بيظبط معي اللبن مع أني بساوي بنفس الطريقة بس ما بخفق اللبن مع النشاء
ايه هادا الي رح يصير معك , لان النشا هو الي رح يمسك كل المقادير ببعضها البعض , جربي و بيزبط معك تمام ان شاء الله
انا كتير بحب هالاكلة,يسلمو ايديكي .. بس انا تعلمتا من رفيقتي اللي بضيف عليها شوية زعفران هادا اللي متل الشعر
وبيطلع لونها شوي مايل على صفار و طعمتها طيييييييييييييبة…
بس على كل حال يسلمو ايدكي يا منى و الل عطيكي الف عافية و يخليلك ولادك بالاخير كل ولد لازم يجرب الشيطنة و لا ما بمشي الحال
صح سمعت ان في ناس بيضيفوا هل الاضافة , سبحان الله نحنا مرغوب عنا يكون لونها ابيض , بس كله بالاخير طيب
الله يخليك يا رب و يحفظلك كل غالي على البك من كل شر
الله يعطيكِ ألف عافية ست منى على هل الطبخات الرائعة … من زمان بتابع وبطبق وبدعيلك ( جندية مجهولة )
بس اليوم اضطريت سجل بعد ماقررت اطبخ شاكرية لأنو اتفاجأت انو مافي بيض مع اللبن ؟؟؟ هاد اولا وتانيا في حلقة مفقودة عندي انو لما بعمل هل طريئة اللبن مابيطلع جامد ممكن اعرف شو الئصة ؟؟ مشكورة سلفا وماقصرتي
مرحبا أنا متابعة حديدة نسبيا للموقع و اكتشفتوا بالوقت المناسب أول ما تجوزت من 6 شهور
و ادمنت عليه بصراحة كل يوم عما اتغزل فيكي يا ست منى
عملت شاكرية يوم الجمعة و طبقت وصفتك و حمد الله بيضتي وشي قدام بيت حمايي
الله يقويك و يسعدك و يحمي بلدنا
اختي منى انا كتير مشتهية على الشاكرية بس هون عنا بالخليج مافي لبن طيب ابداً
, وكله محلون اكتر من لبن البقر اللي بسوريا فقلت بسألك عندك شي فكرة عن حدا مجرب يعمل الشاكرية فيو ؟حدا من المغتربات عطاكي فكرة , يعني اللبن اللي هون بدو كمان اضافة مي ولا متل ما هوه نحطو ونكترلو نشاء ؟